#祝我生日快樂 #522 呢首歌好似慘咗少少😅 但我唔想唱恭祝你福壽與天齊🤣 Piano : @yin_music_hk Guitar : @brainlun Video : @leung_chai

【賀年廣東歌】🧨🧧🌺 同聖誕歌一樣，其實賀年歌好似黎黎去去都係果幾首，年年都係聽果d，其實d歌嘅背景係咩？ 今日就同大家簡略講下香港之前嘅賀年歌歷史。之前嘅新年氣氛比依家濃厚，好多人過年嘅時候都會聽賀年歌，而早期好多聽嘅歌都係中國嘅民間歌曲，例如張露嘅《迎春花》同姚莉同姚敏嘅《恭喜恭喜》。 70年代尾嘅時候廣東歌開始流行，所以改編自中國民間歌曲嘅賀年廣東歌開始出現，而唱片公司開始發現廣東歌有市場。當時汪明荃同鄭少秋可以話係因為電視劇紅透半邊天，名乎其實「金童玉女」，於是乎唱片公司就邀請佢哋創作一隻賀年歌唱片《歡樂年年》，風行唱片公司出品，而風行老闆亦有參與作詞。裡面收錄左好多首賀年歌，一出即刻爆紅，個個都好鍾意，同年就攞埋第一屆金唱片嘅金唱片榮譽，從此廣東話嘅賀年曲就開始流行。 順便講埋大家成日唱嘅中文版生日快樂「恭祝你福壽與天齊，慶賀你生辰快樂」果首都係收錄喺呢隻碟裡面，叫做《祝壽曲》。 之後一年1978年，連當時紅到癲嘅許冠傑都出埋賀年歌，就係呢首唱左幾十年嘅《財神到》。基本上個個過年行商場開始時候都會聽到「財神到、財神到」。呢首歌除左似阿sam嘅歌一如既往押韻之餘，特別之處係佢無任何中樂嘅味道，歌路完全係一首西方嘅流行曲，但竟然配上賀年曲歌詞。而且歌詞亦係阿sam嘅風格，帶上警世嘅意味。「搵錢依正路」等歌詞有可能係反映當時貪污嚴重嘅問題，賀年歌唔再黎黎去去都係「恭喜你、恭喜你」，竟然仲可以悟出人生道理。咁新穎同有意思嘅嘢一出當然非常受歡迎，同年就即刻攞埋第二屆金唱片嘅白金唱片榮譽。呢首歌竟然出左兩個MV（試問有幾多首歌會出兩個MV），一個就係1979年出嘅，十幾年之後又再出，兩個MV阿sam都有出演。到依家呢首歌依然係比好多人翻唱再翻唱，連林子祥都翻唱過（仲拍埋MV）。我估許冠傑自己都無估到原來一首賀年歌都可以唱幾十年。 好多唱片公司見原來賀年歌都可以咁有市場，之後每年嘅新年就即刻有好多賀年廣東歌出現，帶起左賀年廣東歌嘅文化。呢個文化到千禧年開始就開始慢慢唔流行，最流行嘅其中兩首係Twins唱嘅《孖寶668》同《你最紅》，但《孖寶668》裡面嘅歌其實都係當年嘅賀年歌翻唱，例如頭先講嘅《歡樂年年》同《財神到》。 《你最紅》就係一首新嘅賀年歌，由黃偉文填詞，伍樂城作曲。最難得嘅就係MV竟然可以搵到哥哥張國榮客串做Twins嘅三叔公，亦遺憾成為左哥哥最後一個出演嘅MV。傳聞當時嘅哥哥身體已經唔係咁好，但係亦樂意客串後輩嘅MV，可見哥哥係幾咁重視後輩。 話說其實當年嘅賀年歌好多都會有個「春」字，例如羅文同汪明荃嘅《春花萬里香》、張露嘅《迎春花》等，寓意新一年嘅開始，亦有「新春」嘅意思，所以基本上以前嘅歌有個「春」字有好大機會都係賀年歌～ 就黎過年，祝大家身體健康，可以聽多d舊歌！今日同大家推介幾首之前嘅賀年廣東歌，之後會繼續介紹一d之前嘅賀年節目同歌，大家多多期待！#廣東歌 ——— 版權問題無辦法放許冠傑財神到嘅MV，大家可以去Youtube欣賞🙏🏻

🎂🎂🎂 親愛的細佬，生日快樂！身體健康！ Happy birthday to my love, my brother @nickma107 . 話說老豆好緊張錄呢條片俾你，最後NG咗2次，笑死我。😂😂大家都要係呢個世代珍惜身邊所有愛著嘅人啊！💕💕 . #生日快樂 #happybirthday #生日歌黎講我本人最鍾意呢首 #恭祝你福壽與天齊 #慶賀你生辰快樂 #年年都有今日 #歲歲都有今朝 #恭喜你恭喜你