志氣Bite
"it was go big or go home"

25歲嘅Charlotte Worthington攞到女子BMX花式賽金牌，因為佢响比賽中做咗一個响國際賽場事中從來無女選手做過嘅360度後空翻。就係呢個動作，令佢一日之間成為全國焦點，Charlotte Worthington得獎後接受訪問嗰種志氣，更加令BMX呢個本來响英國唔係主流嘅運動，提升到另一個層次。

"I think it's been gold medal or nothing this whole journey. I think as soon as we set the goal of gold medal, it was go big or go home."
（今次奧運對我黎講係只有金牌或者輸晒嘅旅程，從一開始，我個目標就係金牌，贏就贏晒，輸就返屋企。）

"I've learned that if you gamble and you give yourself that chance, it's going to pay off better and going to feel better than if you hold off and think what could have been."
（經驗話比我知，只要肯賭，至少可以比自己一個機會，得到嘅回報總好過有所保留，然後回頭幻想自己條路點行。）

咁講其實唔係串，背後係有好多辛酸，為嘅係一世人可能得一次機會， 就要博到盡嘅志氣。

BMX本來完全無政府資助，Charlotte Worthington中學畢業開始就要做餐廳維持生計同練習，到咗三年前先得到政府資助，但仍然要返工...

事實上，如果唔係今日突發嘅「360度後空翻」呢個動作，連佢媽媽都知Charlotte Worthington可能連攞獎牌嘅機會都無。

Patreon原文：
贏就贏晒，輸就返屋企嘅志氣
https://bit.ly/3zWbhqz

#賭上一切嘅志氣

***************************************
📢乞食廣告：文字、時間與心血有價
🥣每日更新乞兒兜：
https://www.patreon.com/goodbyehkhellouk
***************************************

做《文學放得開》，是張婉雯這幾年生活中最開心的事，即使現實再糟，也可脫離一會，跟文友談談自己喜歡的文學作品，拍最後一集的時候，也早有了「這可能是最後一集」的覺悟。沒有喪氣話，也沒有志氣bite，只想在此記下幾個開心的回憶。

全文：https://bit.ly/2TkUkX0

#文學放得開 #五夜講場 #張婉雯

◤
想閱讀更新更多「虛詞」內容，歡迎先讚好專頁，再將專頁揀選為「搶先看」！
◤ ◤
《無形》於各獨立書店有售，包括（港島）艺鵠ACO、見山書店、銅鑼灣樂文書店、銅鑼灣Desk-one溫室、glue咕嚕館、PMQ Humming Books；（九龍）序言書室、油麻地Kubrick、旺角樂文書店、合舍、貳叄書房、旺角Desk-one溫室、榆林書店、博勢力書店（尖沙咀）、夕拾x閒社（觀塘）；（新界）神話書店、荃灣Desk-one溫室；（澳門）邊度有書，售價港幣20元正。
◤ ◤ ◤
「一句到尾」專題徵稿，7月31日截稿。《無形》及「虛詞」歡迎自由題投稿，稿例：http://www.p-articles.com/contribution

612，兩週年。回憶，好多人寫咗。志氣bite，好多人講咗。

反思，對前路展望，同樣需要。我有三點想講。

1. 首先，想講無知同謙卑。
1.1 嚟到呢個階段，打壓越嚟越嚴重，所以好多人同事會必然變得地下化。
1.2 地下化的後果，就係好多事情變得不能明言。可能坐響你對面嗰個人，坐過監，又或者隨時會俾人拉去坐監。你唔會知，因為佢唔會無端端同你講。
1.3 如是者，第一個需要嘅改變，係唔好對任何人同事輕易作出任何判斷。
1.4 無大台，人人都是參與者，大家慣咗有嗰句講嗰句。但時勢改變，唔收口，會傷害人。特別係人人都受過傷，你又唔知人哋受過幾大傷，唔覺意可能插咗人一刀。講好齊上齊落，就要收口，認清自己可能的無知，然後謙卑。
1.5 呢樣嘢我知道好違反網上特別係KOL邏輯。有啲人去到呢個時勢都仲吓吓聲大大同你講佢幾勁的話，唯有避開佢，唔好跟紅頂白一齊唱，已經功德無量。
1.6 一個好實際嘅應用：今時今日，唔好問人諗唔諗住走。可能人哋搞緊，但唔知搞唔搞得成，又或者未公開得，又或者想走走唔到⋯⋯你隨口問一句，同迫人講大話冇乜分別。
1.7 同樣道理，家家有本難諗的經，唔好隨意判斷人哋走同留嘅決定，以及相關的掙扎，呢點應該係2021年香港人嘅基本禮儀。可能人哋都掙扎得好辛苦，但係佢冇可能亦冇責任解俾你聽。
1.8 你可以做嘅，係睇吓有咩實際嘅嘢幫手（咦呢張表我填過我教你填啦），而唔係對人本身作出判斷（嘩你咁都驚話要走乜你咁無骨氣）。

2. 第二點，係思考要拉闊，特別係國際想像。
2.1 去到今日，我諗冇人會再覺得香港嘅問題只源於香港境內，亦唔可能以為搵個安全套笠住香港就可以一勞永逸偏安一角。香港嘅苦難，係人類文明去到呢個位，好多好多個力量交集而成，香港咁橋成為咗一個觸發點。你可以話係香港嘅不幸，但反過嚟睇亦可以話香港好彩。
2.2 因為香港嘅問題唔係純粹香港嘅事，所以單純地諗「贏返香港」而唔去諗各種超越香港嘅力量，有少少不切實際。
2.3 呢個覺悟會引伸出兩點。首先，我哋愛香港，但我哋唔可能純粹香港本位咁樣去睇呢個世界：直接幫到香港嘅就恩人，唔直接幫嘅就仇人，總之香港最慘，要成個世界圍住香港轉⋯⋯不，咁樣諗唔單止冇幫助，亦都對應唔到香港所處的現實。
2.4 反過嚟，如果我哋肯反轉嚟睇，呢個世界上面任何對專制嘅反抗，其實都係某程度上為未來香港的重生提供土壤。至於咩為之專制，咩為之反抗，要以當時當地的脈絡去理解，我哋唔可以假設自己一眼就見到，唔會有人咁叻。過咗呢個心理關口，香港人，無論響香港定響其他地方，都大把嘢值得做。
2.5 同一道理，響香港都一樣。香港本身都有好多其他問題，有壓迫，有反抗。串連呢啲反抗，就算佢哋表面上好似同場運動冇直接關係，亦都重要。重複多一次：我哋面對嘅係一張棉棉密密嘅網，冇話打贏一個終極大佬就會爆機，我哋要先離開呢種想法。

3. 第三點，係綜合上面兩點，去講一講付出。
3.1 因為大家都唔知大家背負住幾多，所以大家都唔應該批判對方付出咗幾多。換言之：唔好鬥黃。
3.2 你覺得有人更值得大家嘅支持，你咪講出嚟囉；但咁唔等同批評另一個人唔值得大家嘅支持。一個正、一個反，我估大家識得分。
3.3 亦因為大家都唔知大家背負幾多，所以其實真係要主動啲關心鎂光燈以外嘅人：無論響香港定外地。坐緊嘅、坐完嘅、流亡嘅、走唔到嘅⋯⋯一諗到呢啲位，就知道仲有大把嘢要做。世界大局一時三刻未必改變到，但讓已經付出的人感到受尊重，呢點好實在可以做得出影響。
3.4 人有情緒，好正常。不過情緒亦有後面的邏輯，好多人會想辦法挑動，左右我哋嘅思考。要諗得闊一啲，有時就要拋開即時嘅情緒，退後一步睇。
3.5 例如當你見到一個受害者，你當然可以選擇翻箱倒籠睇吓佢以前有冇幫過你，先決定你要幫佢定恥笑佢。但係如果你係純粹目標為本，你就唔會諗咁多。你只會諗，好簡單，多一個盟友，好過多一個敵人。盡可能爭取所有可以爭取的對像，團結大多數，分化孤立打擊一小撮，毛澤東這個思考高度到今日仍然適用。
3.6 呢種包容嘅能力，都係一種付出。鬥黃的問題，是把付出的思考限制，然後以量比併，鬥慘。但是這個世界明明無限複雜；付出，應該有好多種，而且越多越好。

兩年了，大家都付出咗好多，唔易。為咗令呢啲付出唔好白費，互相創造一個良好嘅環境大家一齊捱落去，至關重要。以上少少諗法，我都唔肯定自己無時無刻都做得到，不過起碼可以當個目標。