【龔成問答信箱】（Q18201-Q18220）

Q18201：

阿sir，我係你學生，我記得之前讀者問答，有人問過股票係咪零和遊戲，我上星期温書有一刻都以為係，但而家又諗通左唔係，想睇下我理解有無錯。

如果係優質股，公司會保持有錢賺，價值就上升，投資者贏係贏在股價既增長同股息，正因為係優質股，股價隨著價值會越升越有，就算A較高位賣出，仍然會有人願意接貨，股票就算轉左好多手，假設當中全部人都賺錢，到最後嗰個亦都無輸，因為佢手持資產 (會繼續升值或者派息既優質股)，情況就好似買樓咁。

而買優質股會輸錢既人可以係輸在錯既買賣時機。所以股票中賺錢既人，啲錢唔係來自輸錢既人，而係來自股票既升值同股息。對嗎？

另外，知道概念係「股價長遠趨向價值」，但唔明白實際操作係點。

股價係市場報價，市場認為間公司值幾多錢，股價短期可以好容易受市場氣氛/消息等影響，就代表好多投資者都唔識估值，無價值概念，又唔會睇年報，咁長遠「係咩令股價識得趨向價值」？

公司又唔會直接影響到股價，就算價值投資者都係被動，只可以耐心等待入市時機。

我係唔太明白，股價係股資者買賣做出黎既成交價，但無價值概念既投資者點樣令股價最終走向返價值既合理範圍。

謝謝~

龔成老師：

對，你理財正確，優質股並不是一價零和遊戲，因為股價由$10升上$200，再跌去$100時，只是這股的實質價值，由$10上到$100，這就不是零和，而是得益的多過虧損的。

但如果佢價值無向上，一直都只是$10，那麼，這就只是一價零和。

至於「股價長遠趨向價值」。首先，在市場上有投資者懂得估值，有投資者不懂得估值只懂亂炒，而股價在中短期，往往只受市場情緒及資金流向等因素影響，因為人往往會將當刻的情況放大，所以短期股價往往會偏離左個價值。

所謂的股價，就是投資者買賣的成交結果，當他們買入、賣出時，部分投資者會睇企業的經營情況，價值，例如當企業盈利不斷增長，投資者就願意用更高的價去買，股價就自然向上。

在根據好多研究，都發展事長遠，股價，會同企業價值（例如當中的盈利、生意、現金流、資產等），出現一定的相關系數，時間愈長，相關度愈高。

------------------------------------------------

Q18202：

龔成老師，你好！我最近打算買樓，預算大約買一千萬以下的兩房單位（可做八成按揭），這幾個月睇咗多區屋苑，最後揀咗以下四個屋苑。

以下是本人的分析，想請老師指點一下：

鴨脷洲深灣軒
- 雖然有會所，但附近沒有配套，買日用品需前往鴨脷洲大街或利東
- 對面有巴士站，但行去港鐵利東站需時約八至十分鐘，沿途露天沒有遮擋
- 位置避風塘旁邊，有海景，而且對面南區左岸已入伙、旁邊空地為政府機構用地（最高只可以四層樓高），相信對景觀影響不大
- 有機會受惠於將來黃竹坑發展的大型商住項目

紅磡海逸豪園：
- 位處黃埔花園附近，可使用黃埔的配套
- 校網好
- 旺中帶靜
- 位處海邊、和黃公園及黃埔花園旁，除了海逸坊有機會重建翻新，附近無大發展，景觀改變機會不大
- 一千萬以下選擇不多，未必能夠買到最優質的單位

調景嶺維景灣畔
- 藍田將軍澳隧道及跨灣大橋即將落成，交通配套有所改善
- 環境清幽，自成一角，有海景
- 區內類似屋苑供應多
- 遠離商業中心區（CBD）
- 對面是港鐵站及都會駅商場

鰂魚涌康怡花園
- 樓齡舊，超過30年樓齡
- 附近有康怡商場及太古城中心，購物方便
- 位於港島綫沿綫，到銅鑼灣、中環CBD方便

問題：
1. 我想買來自住，數年後升值再換樓。請問以上哪個屋苑會較有優勢或升值潛力？

2. 以上屋苑兩房樓價大約八百幾至九百幾萬，分別在於座向、樓層、景觀。在投資角度上，請問在選擇單位時，應該用貴些的價錢購買景觀較好的單位，還是用較便宜的價錢購買一般的單位？

龔成老師：

1）鴨脷洲深灣軒，配套只是一般，雖然鴨脷洲已有地鐵，方便程度提高左，但深灣軒的位置較一般，要去地鐵站及商場都較遠。至於調景嶺維景灣畔，區份人口多，與市區樓的質素始終差少少。

所以，鰂魚涌康怡花園、紅磡海逸豪園，會較好。

之後就要睇你自己的自住角度，睇下邊個方便自己，自己感到較為舒服。

2）在投資的角度，會以質素行先，寧願比貴少少，買比較優質的單位。

當然，你都要考慮翻自己的負擔能力等。

------------------------------------------------

Q18203：

阿Sir！我今年24歲月入大概$55,000，手頭上現金大約$400,000，但係下年會結婚所以所剩現金不多。大概幾個月前嘗試過投資股票但係都係以失敗離場！

依家想長線投資月供股票，每月大概有$6000現金，希望可以喺30歲之前儲到200萬首期！因為係股票新手，希望阿sir可以指點一下！

龔成老師：

第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。最初輸錢好正常，但要學習正確的投資方法，之後就可以賺到錢。

第二，由於你準備結婚，因此一定要預留足夠的現金。餘下的才可以投資。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。做月供股票，每月$5000。

你可以考慮盈富（2800）$2000。

另外再加1、2隻（每隻$1500）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：南方恒生科技ETF（3033）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

如果你不懂股，就集中供盈富$5000。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18204：

老師，我現月供2800@2500,
0003@1500,
0405@1000

我想加入3147@1000,這股是否適合月股呢，質素如何呢？
謝謝

龔成老師：

現時月供的，都是有質素的股票，可長期月供，不過，增長力就不算強，但如果你本身唔太進取，無問題的。

南方中創業板（3147），都可月供，佢目標為追蹤深圳證券交易所創業板指數之表現，長遠都有發展的，不過，波動性會較高，你要明白風險高左。因此唔建議太大注去月供。

------------------------------------------------

Q18205：

龔成老師，想尋求一下你的意見
我以8.09購入3662奧園健康
因為我覺得物管板塊是一個有穩定增長的板塊

他母公司中國奧園銷售也符合預期
而今年奧園健康也將併購樂生活

奧園健康醫美的投資雖是不確定因素
但PE在物管板塊也相對合理

但今天收市價跌至7.31卻令我懷疑自己的分析錯誤
希望老師給予一些意見

PS. 投資組合中3662佔倉一共20%

龔成老師：

唔好因素中短期股價而影響你的投資，無論你是否選股正確，都同中短期股價無關。

奧園健康（3662）由中國奧園（3883）分拆上市，主要在中國從事物業管理服務及商業運營服務。

例如提供住宅及非住宅物業管理服務（安保、清潔、園藝、維修與維護服務）等，業務穩定，現金流不差。

中國的物管市場仍增長中，基本上是正票的，有長線投資價值。

不過之前就有少少貴，現價算是較合理。

另外，個股佔股票組合，去翻15%較好。

------------------------------------------------

Q18206：

龔sir , 你好! 想請教下：我今年33歲， 家人早前賣了殘舊的自住物業，現持600萬現金，正在租樓，希望待樓市回落一些或兩三年後再次入市。

在看了你的《五年買樓四部曲》和 《五十隻優質潛力股》後獲益良多，希望兩至三年內投資股票先增值資產， 沒有太多投資經驗， 不知應投放100萬或更多會否過份進取？

組合如下, 請問可令資產增值多一百萬或更多嗎？會否過份分散？萬分感激!

0003 @5手
2638 @15手
0270 @3手
1972 @20手
0012 @3手
0011 @10手
2388 @5手
0435 @10手
0066 @4手
0027 @2手
1686 @10手

龔成老師：

由於你打算3年內動用，所以唔建議你太進取，加上你經驗少，你應該集中投資平穩增長股，除非見到潛力股大跌好平，否則唔會考慮。

你上述所投資的都是這些類別，或收息股，方向正確，新意網集團（1686）是潛力股，唔好太多。不過要留意唔好太散，反而你可以投資一些指數基金，盈富（2800），南方恒生科技（3033）都可以留意。

另外，唔好用盡你的資金，要慢慢入貨，同時留現金，等大市下跌時先買入。

------------------------------------------------

Q18207：

龔sir 見到你個post 話有位年輕人用一年時間就可以創造到自既生意 收入仲唔錯tim 同埋見到你comment話好多生意都好賺錢 不過行內人唔想比人知

雖然我自己份工收入好好 不過我自己都一直想有自己既生意 擺脫朝9晚5既返工生活

我知道成功創業而且要賺到錢並唔容易 都要花好多時間同心機先可以做好呢件事 唔係想八卦佢既生意 不過龔sir 可唔可以講一d 行業同生意既例子 係可以一路返工一路創業 我都好希望可以嘗試下

自己眼光不夠闊 身邊又唔識人做緊生意 所以冇咩idea向咩方向發展 希望龔sir可以比d意見 thanks

講返自己background先
今年28歲 專業人士 月入10萬

希望可以打工既同時有自己賺錢既生意模式 之後就可以擺脫打工生活。感激

龔成老師：

其實你尋找你自己有興趣、強行、專業知識，比別人更了解的類別就得。

之前睇新聞，見到D街市檔話疫情影響左生意，其中一個菜檔的老版話，佢生意好的時期，一個月營業額有$40萬。

所以你會見到，香港各行各業，都有唔少好好賺的生意，好多時都時唔起眼，但好好賺。反而一些大路的，如開食店、賣衫，競爭已好大。

如果你要一邊翻工，一邊創業，可以利用自忌的專業知識，以及網上，去做相關的生意，無論是行業的產品，或你自己先知而外行人唔知的野，都是你的方向。

------------------------------------------------

Q18208：

龔成老師，我之前39蚊入左一手853和45.9入左四手1772，單純係看好行業發展，但入左一個月不到，2只股都跌

之後我放左一半1772，你有冇咩建議？求指導

龔成老師：

第一，你要以買企業的角度分析，第二，你要進行估值，了解平貴，第三，買入前要想清楚，要長線，第四，唔好比中短期股價影響。

贛鋒鋰業（1772）是潛力股，但之前較貴，只要持貨不過量，可長線。

微創醫療（0853）業務有增長力，但估值難，現價貴。

佢業務主要專注於治療血管疾病及病變的微創介入產品。亦銷售極其細小的顱內支架、用於促進腦血管血液流量的靈活支架以及外科手術中使用的覆膜支架。

前景是有的，本身業務都增長快速，相信長遠不差。問題主要是估值，市盈率高，但增長快，如果更準確的估值，應該用較多「預測」去進行。但這企業要預測發展並不容易。

佢之後的生意增加，慢慢成本減，當然會令佢盈利有理想增長，市場就是預期這情況，所以比佢一個好高的市盈率。

初步分析，現價並不便宜，但有潛力。真的有危有機，如投資，小注好了。

以現時的疫情，相信今年都未必過到澳門。

------------------------------------------------

Q18209：

你好龔成老師，我現時30歲，想請你睇睇我手持既2隻股票是否適合繼續長期持有及股票未來前境是否有發展性。

#240，4000股，平均價$1.05
#281，140000股，平均價$0.495

另外，我每月可儲$12-13k, 如果中長線及長線投資，可以推介幾隻股票嗎？ 謝謝

龔成老師：

利基控股（0240），本質中等，但近年的盈利有下跌情況，如果以長期估值計，現價算是合理不過發展力唔算強。

這類股唔會投資太多。

川河集團（0281），不過不失，但規模與市值都好細，市值只有十幾億，這類股股價可以好波動，投資收息可以，但不要大注。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。做月供股票，每月$7000。

你可以考慮盈富（2800）$3000。

另外再加2隻（每隻$2000）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：南方恒生科技ETF（3033）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

如果你不懂股，就集中供盈富$7000。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18210：

老師你好，我是近幾日在fb認識到你的專頁，我對股票0知識，而且沒有起動資金，但我想學和去認識，沒資金可以去儲，但我應該是看那本書去開始學好?

我看到你提的月供股很有興趣，請問詳情應該在那吸收多些認識?謝謝

ps.我也會網上找找答案，但網上很多是不實，但起碼我會有個概念

還有請問為什麼你經常提議別人買2800盈富基金月供股呢？基金隱嗎？

因為我是對股票0知識，所以之前我只是儲保險那儲蓄，沒有這方面的想法，但看到你專頁後，我覺得我有希望可以脫離接近月光族的邊緣。
謝謝你看我的問題時間

龔成老師：

你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。你可以睇《股票勝經》。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平。你可以先了解下不同的收費。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供盈富，當你過半年，有知識及少少經驗後，就可以利用你手上的資金，其中一部分，去投資股票。

至於月供股票，簡單來說，就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。

形式就是每月投入相同的金額，買入同一隻或多隻股票，並持續進行。

例如，每月以相同金額$10,000 買入盈富基金（2800），假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。

總結這三個月，投入了的資金為$30,000，累積股票為1019股，平均買入價為$29.4。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3 年以上，之後持有5年以上。

------------------------------------------------

Q18211：

Hello sir, 想睇下你對9990 祖龍有咩睇法， 佢岩岩出左財報， 值得投資嗎？

龔成老師：

祖龍娛樂（9990）業務不差，但貴。

係中國移動遊戲開發商，睇翻佢d資料，佢比較專注於開發ＭＭＯＲＰＧ（即係大型多人在線角色扮演遊戲），同埋係170個國家及地區的市場，包括香港、澳門、台灣、東南亞、韓國、日本、歐洲及美洲。

佢主要業務包括開發與授權業務及綜合遊戲發行及運營業務。

例如係開發與授權業務方面，佢將遊戲授權予第三方發行商，並提供遊戲管理、玩家服務及技術支援等服務。

而係綜合遊戲發行及運營業務方面，佢主要通過第三方分銷渠道商（例如包括有ｉＯＳ　Ａｐｐ　Ｓｔｏｒｅ、
　　　　Ｇｏｏｇｌｅ　Ｐｌａｙ、騰訊應用寶、華為應用市場、Ｏｐｐｏ應用市場、ＶＩＶＯ應用商店等）
。

見佢的生意同盈利都增長得唔錯，同時已建立左一套完整的生意模式與銷售方法，發展正面。

不過，佢有兩大風險，第一，行業變化大，唔會肯定地講佢一直有生意，始終行業與佢業務不確定性大。第二，現時估值貴，市場已假設佢有高增長，如果之後只是一般增長，股價都會受壓。這類股要明白風險，

------------------------------------------------

Q18212：

阿Sir,我已經70多歲, 求阿sir指點迷津教教老人家, 股海多年也是蝕錢多 , 現在求收息幫補生活費用, 明白錢不多,但應該如何部處? 有些股票要否換馬?

#3 $12買入 3股 , 收息中但很少
#66 $38 買入 2股 , 收息中
#939 $8 買入 2股 , 雖然蝕很多但收息多年已打和
#2628 $40 買入 2股 , 欲哭無淚,
#3988 $4買入 2股 , 收息中
#6030 $30買入 1股 , 雖然小錢但諗起都心痛

這些股票對換現金大約$50萬
多謝阿sir !

龔成老師：

我相信你上述所講是「一手」不是「一股」。

你這年齡應該建立一個收息股組合，有些股票適合你，但不適合你的就要賣出。

中人壽（2628）、中信証券（6030）並不是適合你的股票類別，你可以等佢股價上翻後D後，賣出。轉其他收息股更好。至於其餘的，可以守。

煤氣（0003）有得守的，但佢現金股息較少，你可以等佢股價上翻後，考慮轉其他。因為你這刻應建立一個現金流更強的組合。

你可以建立一個收息股的組合，目標是5%、6%的股息率的收息股，例如港燈（2638）、香港電訊（6823）、置富（0778）、陽光（0435）都可以。

但要留意，現時股價只是合理，未到平宜，因此買入時宜分注，同時不能用盡現金。

------------------------------------------------

Q18213：

致龔成老師:龔成老師你好，以下有幾條問題想請教你，希望老師可以抽空回答，謝謝！

1. 我今年28歲，月入一萬二千，希望50歲滾存到五百萬退休

2. 每月扣除基本支出及洗費，有六至七千淨，可儲五千

3. 想以月供股票形式利用五千元進行投資

4. 我有睇過老師你的影片”黃金10年”，如果月供股票五千元，我應該月供股票10年之後滾存，還是應該月供20年到退休？

多謝老師於百忙之中抽空閱讀這封電郵，謝謝。

龔成老師：

1）當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

如果你每月能投資$5000，持續22年，目標是得到每年10%的複息回報，你到50歲就預期有$550萬-$600萬，相信能完成你的目標。

2）只要你保持每月$5000，同時投資，你可以做到。

3）你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。做月供股票，每月$5000。

你可以考慮盈富（2800）$2000。

另外再加1、2隻（每隻$1500）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：南方恒生科技ETF（3033）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

4）可以長期月供15年以上，之後先睇下點樣調整。

------------------------------------------------

Q18214：

Sir, 我係基礎班舊生, 嘗試以半導體企業, 尋找潛力/優質股。如下詳細分析, （Sir, 慢慢睇不急, 知你忙) ， 睇完煩請幫忙給我建議, 有什麼地方要改善， 謝謝🙏

半導體～ 在中國半導體企業, 只有中芯及華虹可以競爭（已跟同行業1010 0595 0724 01912 02166 85 01385 2203 2336 2878 08231 08257 08490比較及篩選）除了0522～ 因為發展已成熟, 潛力不大。

中芯主要從事電腦輔助設計, 製造、測試、封裝 以及買賣集成電腦 及其他半導體服務, 同時設計及製造半導體掩膜（一條龍服務）

主要產品 ：集成電腦晶圓代工的龍頭企業, 提供0.350米到14納米/24納米/28納米/40納米不同技術節點凡晶圓代工與技術服務。 計算機/消費品/通訊產品/汽車/工業/其他。技術目標為應對移動、無線、計算、人工智能、物聯網及汽車應用。

覺得中芯國際發展潛力比華虹大, 當然中芯有一定風險存在。見如下分析

1）比較中芯及華虹, 2者5年財務報告（2015～ 2019）,華虹賺錢能力(毛利及純利）卻比中芯高。

2）但發現中芯在2017 2018年, 因如下原因令營利減少

I) 2017年～由於智慧手機市場疲弱和新產能擴充, 所帶來的折舊費用的增加以及研發投入加大也給盈利增加帶來壓力

II) 2018年～ 集成電路產業就各方面因素影響, 增速有所放緩,價格競爭壓力增大, 此之產品平均售價下跌引致。 經濟利潤減少,以及由於研發開支及行政開支增加。

III) 反之2019年～因為損益表內的［其他經營收入淨額］增加, 令到年內利潤增加（而不是因收入或毛利增加）發現經營收入淨額$376,656, 其中

i） 出售附屬公司錄得收$81,377

ii）確認政府資金$293,305（這2個數目共$374,682,令2019年的經營利潤及年內利潤, 比2018年大增）。 此之, 2019年內利潤去到1.59億美元（華虹2019年溢利1.55億美元）

3)ROE（2015～2019）～ 華虹保持7％～9％（平均8.46％）, 而中芯為2～10％（平均5.50％）。反映2者賺錢能力暫時有限, 相信要3～5年後外圍經濟好轉及研發技術提高,從而令到ROE有所提升。對？

4）5年（2015～ 2019）平均EPS$0.42(預中芯2020年有10％增長, 約$0.46

5）市盈率～ 取其2 者中間數19～33

6）預估中芯市盈率～ 25～38

7） 預估股價約$10.40～ 19.23（股票去到$20～23）可以分注入， ok?)

如上4～7點， 覺得有無計算錯誤？如有， 請賜教， 謝謝。

8）市賬率～ 現時3.08～ 但沒能反映此時股票是否平或貴（但覺得每股賬面值過高）， 對嗎？我覺得中芯不屬於資產型對？

9）現金流（2015～2019）～ 每年有平均增長（過去3年, 營業額有31億, 而現金流約18～22億）算強勁。

10）隨著美國政府想抑制中國半導體進步的速度, 會有一些制裁及強制性措施, 中國政府不想太過依賴外國（其實中國政府, 每年向中芯注入資金研發項目）。

覺得中國政府（選中）中芯, 目的為了追趕台積電及SAMSUNG技術, 成為全球晶圓廠， 減少對美國依賴。 還有中芯2020年會提高研發資金, 籍著中國5G 技術, 未來在人工智慧,無人駕駛,機器人等新興領域, 只要提升晶片技術, 就可以跟先進國家 並駕齊驅的可能性大愊度提升。

SIR, 非常感謝🙏你抽保貴時間睇如上分析
祝你身體健康, DREAM COME TRUE

龔成老師：

1）可以咁講，但我地會睇一些長遠的發展，因為這些公司值錢的原因，是之後會有國策等因素支持，而這會帶動之後的情況。

2）其實你都掌握到分析技巧，不過你要配合大環境分析，同時了解之後的大環境變動情況。

3）坦白講，佢地過往的賺錢能力未算好強，而擁有的技術也不是好高，在全球的水平，也不是去到頂級，只是在產業鏈中其中一些部分有優勢。

4）要考慮更多預測因素。不過，都要平衡風險。

5）大致都可以。

6）大致都可以。

7）大致都可以。但要留意，總投資金額唔好大注，始終行業的變化都大。

8）市賬率分析作用唔算大。

9）正面的。

10）長遠的確有發展的，但中短期會較波動，所以這類股在投資策略要小心。

------------------------------------------------

Q18215：

龔成老師,最近透過fb 才認識你, 睇左你3本書, 50優質潛力股,80後百萬富翁, 5年買樓4部曲,得著係不要急於入市,捉到大跌市先買入, 可以係等一年先岩時機,反而賺得多過月供, 雖然好難捉, 近兩年 ,只有2018 尾同2020/3月

現股票組合

005 1200@44
12 2000@29
823 400@62
788 10000@ 1.6
6088 7000@ 4.0

還有10萬現金, 跌市時還可加甚麼高增長股?
可以比D意見嗎?要減或加一些股?

龔成老師：

其實你的方向正確，但在選股時，可以考慮較高質素的股票，而不是單單「見股價跌得多而貪平」。

匯豐（0005）的賺錢能力，已經比過往年代減，這股只是收息，增長力不強，投資不是不可，但不會多，同埋要好平先會考慮。

FIT HON TENG（6088）賺錢能力一般，長遠增長能力唔算強，這類股同樣不會持有太多。

餘下的$10萬，你可以耐心少少等跌市，由於你組合的增長力不強，之後可考慮高增長股（當然，你都要建立平衡的組合）。可考慮：南方恒生科技ETF（3033）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

------------------------------------------------

Q18216：

龔sir
我覺得自己已經有長進
不斷睇你寫同推介嘅書
亦不斷去改進投資組合

近幾個月仲掂埋美股
運用年報勝經再自己磨練

而家揀股叫ok準確，我希望自己學多d估值方法，再努力
而家人工大概有32000扣左mpf/有7000月供16，27同2800/之後有5000定月定期買美股

新科技股同優質股好似係3m/Disney/台積電/Pepsi co/等，8000cash per month 等入平嘢/
但係最近有啲灰心

其實份工穩定跳point但冇得升，眼見同年同事個個等升人工以倍計...自己又唔想兼職冇時間，想用時間創立channel又覺得好似冇乜selling point...

而家準備去報另一個為期二年嘅master course搏升，但一啲把握都冇，成16萬hkd...雖然我睇咗秘密呢本書，亦成日輔導自己人工唔等於有錢

但因為所有野都係starting point令我有啲心急，我比啲同事多嘅嘢就係時間...但係已經好努力,但真係好似跑輸人好多咁，點平衡呢

阿sir 我知你以前人工都唔多但靠怒力去到呢個位置，我好想跑快啲啊，我預自己40姐係9年後就賺夠850萬quit job 去做travel journalist ，但我而家滿腔眼淚丫...
點先可以唔同人比較丫

龔成老師：

你要加油呀！

其實你已經行在正確的方向，你已經行得比同前更前，比身邊人行得更快，只要你不斷進步就得。

你要保持在職場上的進步，以及投資實力的提升，價值投資法比你認識的更廣，單是選股就已經有很多方法，所以我在課堂會教5種選股方法，就是令到同學到早市場一步找到潛力股。

當你有知識後，財富的增長就會比其他人快，你跟本唔需要用人比較，因為無意義，同時如果你在投資知識上已超前，這刻不會明顯，但過一段時間後，就會好勁。我以前都有同學是我收入的幾倍，但現時，只要我投資一隻倍升股，我可以在一個月內，財富的增長是佢年薪的10倍。

所以你要盡力增加你的投資知識。

同時，你跟本唔需要同人比，我地做好自己就得。如果事事都同人比，只會失去方向。

------------------------------------------------

Q18217：

我是否應該進行資產重組？

0298 40,000 (0.66)
0127 2,000 (3.34)
1382 34,000 (7.90)
0280 296,000 (0.44)
0258 118,262 (2.87)
0405 4000 (4.95)

總投資額　 791,480
現餘下　　452.604
脹面少左 338.875

感覺上再持有以上股票，
3-5年內都唔會升得番，
又擔心股市會崩潰，
唔知應該點做好

我有諗過放晒佢買金。。。

請指教應該點做？

吹緊下會美國有重大事會宣布，會嚴重影響成個市場運作

龔成老師：

莊士中國（0298）、華人置業（0127）、景福集團（0280）、湯臣集團（0258）質素都只是一般，增長力不強，長線投資的價值不算高。

互太紡織（1382）是收息股，但增長力不強。如果

越秀房產信託基金（0405）有質素，可持有，只是中短期問題。

你要改善你的選股，投資更優質的股票。

另外，你要從「企業」角度分析，唔需要理會「股市會崩潰」

我地理財，是「配置」，不是炒賣，不是集中某一類資產。建議你睇《股票勝經》這書，然後重組組合。

另外，你唔需要擔心所謂中短期大事件影響股市，你用「買入一間公司」的角度分析就得。

------------------------------------------------

Q18218：

你好呀
我手持左 19號太古A 20 手
均價 44.05
仲有無持有價值？

同埋 手持左 6889 60手
平均價 7.36
能否升反上平均價 ？

龔成老師：

太古A（0019）質素中等，我較睇好太古地產（1972），至於太古A，你暫時持有先，不過中短期都會較弱，當佢上翻較多時，你可以賣出部分。

DYNAM JAPAN（6889）本身業務不差，但增長力不強，業務穩定卻無增長，收息可以，但股價要上翻去，相信仍要少少時間。

------------------------------------------------

Q18219：

你好，老師，睇咗你啲年報勝經，選股勝經，50 優質潛力股，獲益良多，謝謝你！

上年年底開始，我已經重建自己的股票組合，之前因買樓所以一次過用晒全部資金。宜家手上有領展（50%），盈富（10%），眾安（40%）

想問下，眾安是否轉去小米，阿里較好。有一路觀察眾安業績和前景。

發現雖然有前景，但企業謢城河比較弱，而且好多競爭對手。相反阿里，小米無論前景，業績都唔錯。多謝老師指教

龔成老師：

首先，你應該建立一個更平衡的組合，單一股佔比例超過15%，其實已會出現集中風險，你最好調整翻。另外，你可以增加翻盈富（2800）的比例。

眾安（6060），業務不是無潛力，但並不易分析的，到目前為止，佢的實質盈利都不足，這刻的實質業務價值不大。但佢做這類互聯網保險公司，的確有潛力，同時背後有支持，所以有發展，這部分產生了「概念價值」。

留意，我不是話這企業無價值，只是難分析，因此，我地在策略上，就唔應該投資太多。你可以將部分轉到阿里（9988）、小米（1810），因為佢地的業務較確定。但你留翻少少眾安是可以的。

------------------------------------------------

Q18220：

老師，我宜家組合同買入價位係咪都算合理部或以下？有意見要比我嗎？唔該呀sir

12 29@1000股
590 16.7@1000股
788 1.5@20000股
823 63.1@100股

1038 39.7@500股
1810 14.6@600股
1928 30.5@800股
2800 24.5@500股

另有10萬現金流

龔成老師：

上述持有的都是有質素的股票，而買入價都是合理區，或合理區中下部，是一個有質素、可長線投資的組合。

你之後可以加多少少潛力股，不過就要耐心少少等，因為這類股現價都唔算平。你持有的$10萬，可以等機會先用，唔好太心急。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【術後調理】還是以平性食療為佳

#先養好脾胃不要急著大補
#平日易氣喘人士都適合飲用
#星期五湯水

微創術後調理
隨著醫學進步，微創手術成為外科手術發展的新主流，身體上只有幾個細小的切口，相比傳統開刀手術，微創對身體的創傷性大大減低，出血量也減少，那麼進行微創手術後還需要調養身體嗎？從中醫角度來看，雖然出血量減少，但只要是動過刀，多少都會耗氣傷身，體質已經失衡，術後容易出現頭暈、疲倦、面色蒼白、出汗、排便不暢順等氣虛體質症狀，所以飲食調理上首重健脾益氣，多用補氣、開胃健脾食材煲湯，脾胃運作良好，身體才能吸收營養，加速傷口癒合，讓身體恢復平和狀態，重建身體抵抗力。

健脾養胃湯水小貼士：
適當地添加健脾養陰食材如紅蘿蔔、蓮子、淮山、乾瑤柱、薯仔、海底椰、紅蘿蔔等。

淮山蓮子百合石崇魚湯
功效：健脾養胃，適合手術後飲用，紓緩時有頭暈、氣短、自汗等症狀。
材料：新鮮百合2個、新鮮淮山1根、蓮子40克、石崇魚約4條、薑片適量
做法：
1. 所有材料洗淨，新鮮百合剝開，新鮮淮山去皮切件備用。石崇魚劏洗淨後以熱油加薑蔥煎至兩面微黃，放入魚湯袋備用。
2. 鍋內直接加入約2500毫升水，除了新鮮百合放入全部材料，以武火煮至水滾，調文火煮約1個半小時，加入鮮百合，再煮15分鐘，最後下鹽調味即可。
注意：感冒未清者不宜服用。

Post minimally invasive surgery management
With the advancement of medicine, minimally invasive surgery has become an important part of surgical developments. There are only a few small incisions on the body. Compared with traditional surgery, the trauma to the body and amount of bleeding are greatly reduced. Do you need to condition your body after minimally invasive surgery? From Chinese medicine perspective, although the amount of bleeding is reduced, surgery still consumes qi from the body, and the body becomes unbalanced. People post surgery are prone to dizziness, fatigue, pale complexion, sweating, poor bowel movement and other qi deficiency symptoms. Therefore, first focus on a diet that can strengthen spleen and nourish qi by making soup with ingredients that can nourish qi and stimulate appetite. When the spleen and stomach are working well, the body can absorb nutrients, and speed up wound healing. Let the body return to mild condition and rebuild the body's immunity. 

Tips for boiling soup to strengthen spleen and stomach
Appropriately add in ingredients that can strengthen spleen and nourish yin such as carrot, lotus seed, Chinese yam, dried scallops, potato, sea coconut, carrot and so on.

Scorpionfish soup with Chinese yam lotus seed and lily bulb
Effects: strengthens spleen and stomach, suitable to have after surgery, relieves symptoms such as dizziness, shortness of breath and sweating.
Ingredients: 2 fresh lily bulbs, 1 fresh Chinese yam, 40g lotus seeds, 4 scorpionfishes, appropriate amounts of ginger slices 
Preparation:
1. Rinse all ingredients thoroughly. Cut open lily bulb. Peel Chinese yam and cut into pieces. Cut open and clean scorpionfishes. Pan-fry scorpionfishes with hot oil and ginger until both sides of the fish are slightly browned. Place fish into soup bag.
2. Aside from fresh lily bulbs, combine the rest of ingredients with 2500ml of water and cook on high heat until boiling. Then turn to low heat and simmer for 1.5 hours. Add in fresh lily bulbs and cook for 15 minutes. Add salt to taste.
Note it is not suitable for those recovering from a cold/flu.

#男 #女 #我疲憊 #氣虛 #頭暈

🔆老菸槍滿口爛牙 水波雷射拯救牙周病🔆

「癮君子」易有牙垢、菸垢、牙結石，除了影響美觀之外，由於吸菸者的牙周破壞程度是未吸菸者的2至8倍，罹患牙周病的機率更高。

⏩吸菸易得牙周病

　　周先生是菸齡高達20年以上的老菸槍，多年來菸不離手，戒不了的菸癮無形中也讓他顏面盡失，張開嘴巴不只滿滿的牙垢，喝熱湯、吃冰時牙齦痠痛，甚至牙齒開始搖晃，鬆動情況簡直口腔大地震。

　　根據衛福部國民健康署統計，台灣18歲以上的成人，約9成有程度輕重不同的牙周病症狀，比率高居亞洲第一。牙醫師呂睿庭表示，牙周病的主要成因多數仍是潔牙不夠確實、三餐飯後未刷牙、食物殘渣停留口腔內的時間過長，導致牙菌斑、牙結石生成，久而久之形成口臭、牙齦發炎，甚至牙周病。

⏩水波雷射減輕治療痛苦

　　此外，臨床上收治不少吸菸族的案例，這些「癮君子」的牙齒上不僅有牙垢，還有菸垢、牙結石，影響美觀之外，由於吸菸者的牙周破壞程度是未吸菸者的2至8倍，罹患牙周病的機率更高。呂睿庭進一步說明， 以周先生為例的癮君子不在少數，刷牙時牙齦紅腫流血，就診查看口腔發現已有膿包，只要一到傳統牙科洗牙就敏感、疼痛、出血，越來越害怕看牙導致惡性循環，牙周情況越來越嚴重。

　　為了幫助牙周病患者減輕療程中的痛苦，目前透過水波雷射來取代傳統手術刀治療牙骨及牙齦組織，再利用超音波骨刀清除頑固的深層牙結石，結合傳統牙周治療，搭配使用牙周病專用抗菌藥劑，此類微創牙周病療法相較過去，療法時間更短、減低牙齦組織傷害，讓疼痛感降低。

　　水波雷射技術在1998年已通過美國FDA核准用於口腔治療，以水光子原理（Hydro Photonics）讓雷射能量與水氣結合，患者少了麻醉針注射的痛苦，也不會聽到鑽牙機剌耳尖銳的噪音，不只成人，孕婦、兒童都能接受，不用心生恐懼而不敢向牙醫師回診報到。

⏩評估後植牙才安全

　　牙周病治療療程以及後續植牙過程，相較其他牙齒疾病更需要耐心，不少患者聽聞漫長的療期，難免心生放棄。呂睿庭提醒，民眾若發現牙齒搖晃，恐怕已是嚴重牙周病症狀，正確順序應該先治療牙周病，再進行植牙，並觀察患者個人牙骨條件評估是否補骨粉打基地進行植牙，倘若未治療卻直接拔牙、植牙，不僅容易引發植體牙周炎，植體也保不住，可說是雙重傷害，賠了夫人又折兵。

　　呂睿庭呼籲，民眾牙齦發炎應盡快就醫檢查，並養成三餐飯後、睡前潔牙習慣，適時搭配牙線、漱口水，確保口腔良好衛生，即可遠離讓人害怕難纏的牙周病，不讓口腔大地震來報到。

以上來源由禾睿牙醫美齒再造醫學提供
資料出處:http://www.models-smile.com/main.php

#禾睿牙醫 #呂睿庭醫師 #北投牙醫 #無痛牙周病治療
#牙周病 #雷射牙周治療 #水波雷射 #無痛牙科 #無痛看牙

脊骨持續痛楚，痛到連床都落唔到？小心是患有難搞痛症！「現時麻醉科屬下有痛症專科，痛症專科醫生接受過麻醉和痛症訓練，要是病人有難搞痛症，須要調校複雜藥物，或進行微創手術，就須找痛症科醫生。」港大麻醉學系張志偉教授說。

近年香港有創新的神經調控方法，即「脊髓刺激療法」，可為病人減低或阻止痛感傳導。

果籽 ： https://hk.appledaily.com/realtime/li...

相關影片:
【暫別熟食中心】周潤發發哥每周必吃半世紀老店即炸巨型豬扒 兄弟檔同場破解不和傳聞 (果籽) ( https://youtu.be/nmUTwMG7818 )
【窮茫青年2/4】五人迫爆300呎公屋 低薪青年嘆香港閹割夢想：「搬去劏房為有喊的角落」（果籽）( https://youtu.be/WOQdpMG11Z8 )
【肥瘦戀人】戀上肥妹不被看好 愛情魔力令蒲友變乖仔「我喜歡她已足夠」（果籽）( https://youtu.be/-tjOom7O7iM )
【告別街舖】有人鬧＄100紅豆沙搵笨 有人排足個半鐘 車仔麵店老闆娘：「終於輪到我揀客！」（果籽）( https://youtu.be/ZRxuvymM7j4 )
【臭豆腐烈女】喪母後拜師成全港唯一女師傅 獨門醃法不授徒：如果佢反骨我點交代 ( https://youtu.be/nOnn7uQCxIw )
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女) ( https://youtu.be/svAF8pKszw0 )
【筲箕灣東大街】魚蛋河名店對決！名廚食評人實試 王林記魚蛋有水準 安利切腩似湯渣(飲食男女) ( https://youtu.be/vYjGxQtbgxU )
【大廚出軌實錄】居酒屋大廚挑機做小炒 堅持飲住酒開工 蟶子炒到又燶又韌 自家製辣霸鮑魚好惹味 (飲食男女) ( https://youtu.be/hdKT95_zh3E )
【借貸逾10億】葉玉卿以愛共闖「面子關」承認老公申請破產 (蘋果日報 ) ( https://youtu.be/3Gle3Uo0WzI )


#果籽 #脊髓刺激療法 #痛症 #微創手術 #腰痛 #StayHome #WithMe #跟我一樣 #宅在家