仙台尋找魯迅 （五千字長文，多圖，慎入）

多圖，睇medium 版啦

1. 篇文原本係想叫做「仙台尋找周樹人」，呼應返「緬甸尋找奧威爾」(http://bit.ly/35VPVue)（本書我就在緬甸買的，水已魚），而且七個字嘅題比較有音樂美。但，首先，我懷疑根本冇人知道「緬甸尋找奧威爾」呢本書（倒係我引過書中關於「惡龍」嘅傳說，好多人轉貼，沈大師都有轉上轉）(http://bit.ly/2LbLCTK) 。另外，我亦擔心，根本冇人知道周樹人就係魯迅。

2. 真人真事，我話去睇魯迅，有人以為係佬訊
(http://bit.ly/2P6IidD )。應該都係我啲廣東話太差。幸好我有急才，話佢知，係呀，咪佬訊張profile pic嗰條友

3. 本文就真係講在仙台尋找魯迅足迹。好似話唔少人，根本連魯迅在仙台留學都唔知，甚至佢在日本留學都有人唔知。又或者唔知，原來日本（人）仲保留咗咁多魯迅嘅東西。

4. 可能係我偏見。但我在網上搵關於在仙台尋找魯迅足迹，出嚟嘅，唔係台灣文，就係大陸文。包括項明生(http://bit.ly/2RcJW0f) 。你話，嘩，項明生都大陸仔？幾時開始玩血統純正論？差矣。你睇佢書就知，佢好多遊歷，都同佢在大陸讀書成長嘅經驗有關，包括佢寫魯迅。因為佢有提過，《藤野先生》一文（出自《朝花夕拾》，陣間再講呢篇文）(http://bit.ly/2RdBNbU) ，係大陸語文課本必讀。我年代香港中學都必讀魯迅，但冇呢篇文，收嘅幾篇文，都冇直接講魯迅去過日本。雖則講佢點解「棄醫從文」時其實個轉捩點就在日本

5. 而陪我在仙台上路嘅，正係香港人天書，閃閃書。嘻，唔係你以為係乜？我覺得呢本書好代表香港精神喎。定你覺得拎本正文社就文青啲？唔知。但肯定嘅係，我唔會拎本Lonely Planet去日本，實在太裝B 。雖則，我其實去緬甸去老撾都係拎本Lonely Planet。諗諗下應該去台灣韓國日本都拎，扮下ABC呃蝦條都好

6. 而當然 ，在仙台閃閃書入面，關於魯迅嘅東西，係零。一個字都冇提過。not a single fucking word．啱丫，你睇人封面寫乜先？食玩買終極天書嘛。魯迅食得的？你睇閃閃書想搵魯迅 ，不如買龍虎豹搵（而其實啲鹹故文學水平幾高，肯定高過閃閃書，實不相瞞都對我寫作有啲影響）。

7. Anyway，我去仙台，主要都係食同玩（朋友可證，我同囡囡，都係唔買嘢的）。食，咪食牛舌。咁玩，咪玩魯迅。本人住在仙台站附近，去片。

8. 香港一般人，對魯迅應該唔太陌生，特別係我年代嗰啲，會考仲有指定課文之類，中六七做讀書報告亦都必睇。許欽文本《吶喊分析》，等於米高佐敦嘅Bryon Russell ，或者柏金嘅達比薩斯。就係多得考試局要做《吶喊》先有人買佢本嘢。而本人當然不屑買呢啲書，我成份嘢都係自己寫，好似寫咗成萬字。你睇我其實自細已經係咁：離群，扮撚晒嘢，同埋口水多過茶。

9. 無論如何，《孔乙己》《狂人日記》《阿Q正傳》呢啲，稱得上深入民心。《一件小事》《風箏》我年代初中亦有讀。仲有呢十年人氣急升嘅「血鰻頭」，亦係出自魯迅（你以為係長毛發明的？）．而根本冇乜人留意，其實篇文（《藥》），係話「你班友戇撚鳩」，民智未開，革乜撚嘢命。

10. 仲有，「 你永遠無法叫醒裝睡的人」都可以半歸功於佢。而家但凡你講外國點點點，會有人話「臭蟲」，出處亦係魯迅。當然仲有吾友 利世民 (http://bit.ly/35Xtkxk) 最鍾意嘅一句：可憐之人必有可恨之處。同樣係多得魯迅發揚光大。

11. 張學友同林嘉欣（wow，初出道扮學生妹嘅林嘉欣）套《男人四十》(http://bit.ly/37SDbGN) ，我睇咗幾次。一開場就有張學友教中文，教完孟子，就預告下堂教魯迅。同學大呼out，張學友強調魯迅好in，「係第一代去東京留學兼掃貨嘅型仔」「佢住喺神田，坐山手線由Shibuya坐十個站就到啦」。我地Fact check一下，的確係十個站，岸西啲劇本係認真嘅。

12. 但魯迅在東京讀嘅，類似係foundation course 或者預備班。原本佢應該係去東京帝國大學讀採礦冶金，但佢選擇讀醫，去仙台。原因未有定論，有講話因為佢老豆被庸醫（中醫啦）所害，佢自己棚牙又一路都唔好，加上佢覺得西醫係日本維新好重要嘅部份。至於點解去仙台？佢自己有提過睇唔過眼東京啲留學生玩吃玩樂，正係在《藤野先生》入面講，所以佢選擇去冇中國留學生嘅地方（我懷疑亦因為東京大學讀醫好難入）

13. 魯迅當年讀嘅係仙台醫學專門學校，後來（都成百年前）併入東北大學。由仙台站行過去15分鐘左右，仙台雖然已經係東北最大城市，但只係100萬人，同香港冇得比，加上天氣好，行15分鐘極之舒服（其實我全日都冇坐過車，基本上半個鐘頭以內嘅我都會行）。

14. 11月尾嘅東北大學，係已經冇乜人嘅。放晒假？又好似唔係。要上堂？或者係。但我只係想講，你同香港嘅大學比下，香港嘅大學就算放假，都係嘈得多。

15. 好快，就搵到魯迅在東北大學嘅像，亦寫明係仙台醫學專門學校遺跡

16. 東北大學史料館，係有專門一個展示室畀魯迅

17. 但自己留意返開館時間 ，另外留意，其實史料館裝修到下年3月。我仲以為冇得睇，其實係臨時搬咗去第度。不難搵，反正個校園本部唔大。

18. 入面就由魯迅離開東京去仙台讀醫開始講 ，講佢因為想遠離留學生而去仙台，當然亦都係引返魯迅《藤野先生》一文。留意成本《朝花夕拾》都係回憶錄（睇書名就知），魯迅寫時已經近50歲，然後未到60就死咗。想講係，魯迅廿幾三十年後回憶前事，或者有選擇性遺忘，有文學加工，或者根本記錯，絶不出奇。畢竟嗰個年代佢未會打卡放上Facebook

19. 當年報紙都有報，魯迅唔只係仙台第一個中國留學生，甚至就係第一個留學生，相信亦因為咁，仙台醫專對佢非常好。報紙亦都有提佢識日文。當然近年唔少憤青考究返，魯迅譯文好似不少錯。亦可以話日本人只係厚道，或者官方話佢識日文佢地咪照講。但相當肯定嘅係，佢嘅日文點都有一定程度。

20. 其實諗下都知，佢冇人冇物，可以在仙台生存，上堂，讀醫，寫筆記，藤野先生會批改。佢有乜可能日文會差？咪撚玩。當然而家你拎出嚟驗屍咁驗挑錯誤就好易的。等於你睇慢鏡覺得「屌，畀著我就右腳控定扭過一個再左腳拉遠柱啦，咁射，仲話球王。」

21. 藤野先生，藤野嚴九郎嘅CV。十分守規矩，寫晒每份工幾錢人工。最後都係40 yen個月，有興趣可以對返當年物價。但魯迅月租都好似要8 yen，考慮到魯迅仲要只係一條友，亦唔會住得好，可見藤野先生唔算好高人工？

22. 《藤野先生》一文嘅初稿。當然只係複製品

23. 魯迅讀醫嘅時間表。有冇留意日日都上「獨逸語」？獨逸就係德意志。讀醫必修德文，因為啲字都係用德文。聞說去到而家都仲係好多醫學字用德文。所以魯迅當然都識啲德文，事實佢未去日本已經識啲。反而英文佢好坦白話自己係唔識的。

24. 成績表，特登放大畀你睇。因為有人以為魯迅成績太差，所以先作個故事出嚟話棄醫從文。後面會講，故事或者有啲創作，但魯迅成績，就肯定唔係好差。正如佢在《藤野先生》入面寫：「同學一百餘人之中，我在中間，不過是沒有落第」。睇返成績表，並無大話，幾十年後佢都冇呃自己。142人魯迅考68，正如佢講，唔係太雞又唔太好。考慮到佢係唯一一個留學生，又唔係細個學日文，又多課外活動，其實相當勁。不過正係佢最尊敬嘅藤野先生嗰科解剖學佢就肥咗。可能因為咁先幾廿年後慚愧寫返文講佢。

25. 不過亦留意，魯迅在畀友人書信中，亦提過在仙台讀醫，悶，死記，又多堂上，阻住佢啲「課外話動」（「校中功課，只求記憶，不須思索，修習未久，腦力頓錮。四年而後，恐如木偶人矣。」第二是課時太多，無暇搞譯述活動：「而今而後，只能修死學問，不能旁及矣，恨事！恨事！」）。可以見到佢並非讀得好開心，亦有點吃力。

26. 另外留意，全部成績示眾，邊有而家咁玻璃心。仲有，魯迅中游，已經係丙。唔係A* 人人first hon量化寬鬆

27. 走堂全部有紀錄。魯迅都有走過，唔知去咗邊。當時就冇人講「大學中學化」「學生唔上堂教嗰啲要檢討下」（不過我估而家醫學院都唔會有人走堂嘅可？）

28. 魯迅嘅transcript，仲有JUPAS personal statement，好求其架咋

29. 呢個就勁咯，唔止係麥高芬(http://bit.ly/33B8T7T) ，直頭係中國文學史嘅轉捩點。傳說中嘅，魯迅睇嘅仙台醫專幻燈片，亦即係村上春樹嘅明治神宮野球場養樂多燕子隊(http://bit.ly/34Jowvo) ，亦都係埃汾嘅......50萬琴行空姐（有機會再解呢個故事）

30. 但Fact check 一下，當年真係有放幻燈片，亦的確有講日俄戰爭，但冇魯迅講嘅行刑中國人。有可能係文學創作，或佢根本記錯咗。

31. 然後大家都知，根據魯迅所講，佢認為救人身體冇用，冇腦的話身體再強都係把托，佢認為成個民族頭腦都病咗，所以棄醫從文。讀咗一年半。臨走藤野先生仲畀咗張相佢，呢啲都在《藤野先生》有提。

32. 但恕我無禮，魯迅點解棄醫從文，仲係一個謎。佢成績唔係太差，但亦唔係好，拎獎學金基本上無望，呢個可能係原因。另外亦講過，佢讀醫讀得唔開心。仲有更奇怪嘅係，魯迅1906年3月退學，同年畀佢老母用「病危」做理由電報召返中國。同年7月佢就順老母意結埋婚。當中似乎係有啲嘢。更特別嘅係，佢結婚冇耐，又再去返日本，去到1909年先返中國教書。魯迅退學後當然冇返仙台，係在東京。到底做乜過乜？冇乜人知。只知章太炎流亡東京，魯迅有佢去屋企聽講。但冇可能係佢生活全部，況且章太炎都去到1908年先去日本，咁之前魯迅在東京做乜？冇人知。可能睇其他史料有，但我暫時唔見。聞說佢仲可以花天酒地，又有日本妹做女傭，仲資助埋細佬周作人在日本讀書。

33. Anyway，呢個「階段教室」（樓梯是也）係意外驚喜。係魯迅當年上課嘅地方。你網上睇嘅資料，包括睇項明生講，都話你知要預約，往往要成個星期甚至搞一個月。

34. 結果我嘅預約，就只係去嗰度寫個名。又，原本想寫University of Warwick，但唔識寫片假名，所以都係寫香港大學算。又，手眼協調差，啲字係咁上下。

35. 平時係鎖埋的，但我去嗰日根本冇人，任你點坐都得。

36. 魯迅和藤野先生。有人話似黃之鋒

37. 離開東北大學，仲有其他魯迅足跡。估下呢間係乜（雖然同魯迅無關）？

38. 其實就係學生嘅餐廳。十分抵食，不過我費事咁缺德去同人爭食，雖則人唔多，亦唔見話一定要學生先食得。

39. 又，當年在愛沙尼亞（仲要唔係Tallinn!) ，我都去學生飯堂食飯，罪過罪過。咩啫，咁完全唔見有其他地方有嘢食嘛，Tartu就係個大學城

40. 繼續，離開東北大學，景色依然靚。行多一陣（睇返我最上嘅地圖，中間冇注解嘅紅點），就會見到一個咁嘅東西

41. 就係魯迅在仙台讀書時，佢住嘅地方。不過而家乜都冇剩，得返呢碌柱。但有冇依稀記到左下角寫乜？係「郭沫若題」。其實之前呢度都只係得呢碌柱，後面有間屋，但係私人住宅，冇開放，而家間屋都冇埋

42. 不過，勁咯，原來起個魯迅紀念廣場。但2021年先完工，又有藉口再去仙台食牛舌。

43. 繼續行多半個鐘（！），就會去到仙台青葉山公園。呢個東西同魯迅無關，但順手講下，係五色沼。有乜特別？係日本花樣滑冰嘅發源地。最初就係德國人在呢度開始教日本人（冬天會結冰啦大佬），之後差不多所有日本嘅花樣滑冰選水，都係師承自仙台嘅呢班初代教練。

44. 而羽生結弦就正係仙台人。

45. 去到公園入面嘅仙台市博物館，一樣有魯迅像

46. 同埋魯迅碑

47. 留意上面寫嘅係日文。又係郭沫若
________________________________________
48. 講仙台遊歷講到呢度，之後係個人感想，唔鍾意可以跳走。

49. 最後講下（有冇人睇到呢度？），4年前，2015年 ，我先第一次去日本。2017年我去咗東京明治神宮野球場。上面講過了，明治神宮野球場係,村上春樹（至少佢係咁講）忽然決定要「寫啲嘢」嘅地方，資深村上春樹迷實知。我去嘅原因，十分明顯啦。然後去到2019年，我去埋仙台，在東北大學，去到魯迅（至少佢自己係咁講），決定棄醫從文嘅地方。兩大我心中嘅文學之神，影響我最大嘅作家，就係呢兩個。

50. 兩個都N咁多人寫過，但我都係要講，魯迅，係一個十分「型」嘅作家。就係村上春樹在《聽風的歌》(http://bit.ly/2DzFOPR) 虛構嘅 戴立克．哈德費爾（好多人以為真有此人，包括我）一樣，係以文章做為戰鬥武器的少數非凡作家之一。

51. 其他人可能都寫得好，但係唔型。錢鍾書都型，但其實老婆楊絳寫文比較「人性」。陶傑都型，但倪匡寫故事蔡瀾寫雜文更好。Oscar Wilde George Orwell都型。冰心就唔型，巴金亦都唔型。聞一多郁達夫型，徐志摩仲型，郭沫若如果死早啲就型，咁長命，搞到去中華人民共和國，就唔型。梁實秋胡適就唔型。白先勇都型，梁啟超唔型。太宰治同三島由紀夫就當然型過村上春樹，但講真村上春樹寫文最好。以上種種，自己慢慢細味下。

52. 簡單嚟講，短命咪型，死於非命就更好，live fast and die young。Heinrich Heine話頭，Sleep is good, death is better; but of course, the best thing would to have never been born at all．但佢除咗呢句嘢外就完全唔夠尼采或叔本華咁型。正如我無法想像「如果家駒未死」會點，請別誤會，我懷住最高嘅敬意講呢句嘢，真歌迷應該會明。

53. 當然總有例外，魯迅唔算太早死，村上春樹成日跑長跑有排都唔死，白先勇八十幾歲都未死，錢鍾書九十歲先死，楊絳百幾歲先死添。

54. 東京（神戶都有）尋找完村上春樹，仙台尋找完魯迅後，似乎下一個，就到白先勇。當然可能返Warwick尋找陶傑簡單啲 （但佢筆下近乎冇提過）。

#我不是個體貼的人
剛剛在網路上看到這篇文章，就很有感觸的想分享給大家。
這種勇氣我實在是無法。

來到英國以後，我也看了很多一家大小一起來這邊打拼的，我記得我的某個台灣人房東也是，當初來唸博士班，老婆就帶著兩個小孩跟著一起來。接著就在英國住了快40年。每次聽我阿嬤講說他以前多困苦養育三個兒子，然後做牛做馬，我聽了都汗顏。

或許我就是草莓族，無法理解那種困境。我覺得如果我是為了自己的夢想與目標，省吃儉用，過著貧困的日子，住在三坪大的小房間，每天苦讀，吃麵包度日那樣就算了，反正這條路也是自己選的，可是憑什麼我的另一半跟我說他要幹嘛，我要支持他。

我阿嬤也一直叫我要努力成為一個體貼的人，偶爾體諒一下另一半，可是我還是只想耍廢，只想叫胖子幫我做事情，假設他有一天因為不爽而離開我，我也認了。

我就是無法理解，為什麼可以為了另一半這樣，是不是因為有一個人有夢想，另一個人沒有，所以沒有夢想的人可以放棄自己的全部?可以做到如此的原因，是因為愛對方嗎? 那假設有一天對方不愛你了怎麼辦? 假設有一天對方外遇，或者對方突然決定自己一個人生活，那這種狀況下要回娘家嗎? 或許是最近電視劇看太多，或者是因為前幾天看了徐志摩大老婆張幼儀的故事，讓我覺得為了另一半而放棄自己原來的生活，相夫教子的人生實在太有風險了。

不過若以經濟狀況來分析的話，其實如果兩個人正常好好的，老婆出去工作的錢如果沒有幼稚園或者保母的錢還多，那這樣有兩個小孩的話，待在家裡顧小孩的確比較有效益。而且如果兩個人都出去工作很辛苦，沒有時間做家事，可能還要請人來家裡打掃，那這樣也是一筆開銷。

另外，如果兩個人都一直待在台灣的話，可能會遇到薪水天花板的問題，就是沒有大起也沒有大落，在台灣過上舒適的生活，但未來小孩如果要去美國念書也很貴，學英文很貴，還有未來小孩一個人在國外打拼，父母怎麼辦? 而且台灣現在又有各種政治與教育問題，小孩都要還沒出生就開始學英文，不然輸在起跑點，然後最好出生以後還要精通八國語言，還會寫程式、彈鋼琴、拉小提琴，這種造神童運動也很貴，況且還有兩個。如果在美國長大的話，英文就不是問題，也可能比較有國際觀，可以深刻體會種族歧視問題在各國家(包含台灣)都很嚴重。另外想學寫程式也比較便宜，要念大學也不用考什麼托福之類的，所以說，這也是相當划算的一筆投資。加上如果老公的事業風生水起，在美國的確是有比較好的發展性。

簡單來說，就是犧牲一個人的前途，造就其他三個人的前途。以古代家庭的組成來說，媽媽也總是是被犧牲的那個人，而且媽媽又只能有一個。最近我一直在思考關於，一夫多妻，一妻多夫的問題，為什麼人類家庭發展成一夫一妻制(之前看過一篇報導是因為，這樣男性可以比較容易保護自己的小孩)，畢竟以動物界來說，像是猩猩或者獅子家族都是一夫多妻制度，可是鳥類卻是一夫一妻制度。一直以來我都對人類學很有興趣，可惜我現在沒什麼機會去唸了。

總之，我也不是要發表什麼，哪種人生比較好的言論，畢竟那個是別人的人生，只是覺得文中的媽媽真的很強，為母則強之類的吧?最近我也一直在思考，假設有一天我當媽了，不知道會是怎麼樣的人生，也可能我就讓我的小孩自生自滅(誤)

不過我也覺得，如果身邊有一個願意一直支持自己的人，大概真的要心存感激吧！一直以來我交過的男友幾乎都很全心全意地支持我想做的事情，例如當初我要來英國的時候，我根本也沒有握著對方的手，好好地說，就只是說，「我決定了！我要去英國念研究所！」 因為我覺得我要幹嘛都是我的事情，或許這也是結婚跟沒結婚的差異吧！自己想做什麼都只是覺得不關對方的事情，即使是現在住在一起，要換工作，我也是都是以「自己」為優先考量，聽起來我真的是個可惡的人。不過做決定的一方本來就是這樣啊！你也不一定期盼對方會支持你，就想說先說說看，大概就像是，帶男朋友或女朋友回家，不期盼爸媽一定會說好，但先試試看，到時候再說的概念吧！

當然我也可以理解，很多人之所以不能做決定，都是因為另一半或者家人的反對，或者是考量到未來與這些人的關係，或者是不希望這些人辛苦，所以乾脆放棄自己的夢想，或者自己想做的事情。這個時候又會被人家說，啊！就是不想踏出舒適圈，或者會被人家說，家人情緒勒索，不管怎麼樣都很矛盾。

其實，我只是想說，文中這個媽媽真偉大，真心覺得為愛到國外生活，然後即使當家庭主婦也沒關係的人，真的很厲害。尤其是，為了別人，而不是為了自己的這種情感，犧牲自己成就別人，真的很了不起。
我大概一輩子都做不到吧！
結束。

#文不對題

《 薇納絲的愛情故事 》

今日係情人節，希望各位絲打收花收到手軟。

冇人送？
可以即刻走上天台，加速跨欄轉體三周半...保證以後每年2月14有人送花。

唔知邊個係薇納絲？

我係徐志摩嘅粉絲，徐志摩大約100年前筆下嘅薇納絲，即係我哋所講嘅愛神維納斯。

傳說中薇納絲係靚爆鏡同埋專管愛情嘅女神，木馬屠城記死咁多人都係因佢而起，由於佢喺海底出世，所以就有紅顏禍水呢個名稱。

薇納絲有個頑皮仔叫邱比特，相信大家應該都聽過，由朝到晚孭住啲箭飛嚟飛去，好似成龍大哥咁，周圍亂咁射，最近就射中咗Amazon 個大老闆 Jeff Bezos.

邱比特專門搞搞震(不過比特幣應該唔關佢事)，情侶唔好以為畀邱比特射中就有運行，如果係中金箭就當然洞房花燭，如果中鉛箭就只能揸住碌竹。

同阿Jeff老婆一樣，吳綺莉就係先中金箭再中鉛箭，不過人哋可以分幾百億身家，吳綺莉分條毛。

最後，想講下阿 Jeff 嗰封分手宣言 ：
"If we had known we would separate after 25 years, we would do it all again. "(意思係就算知道25年後會分手，我哋都一樣會結婚）

有人話好浪漫，亦都有人話扮曬嘢，我好想讀者走去大會堂婚姻註冊處做一個實驗，搵幾pair企喺樓梯級影相嘅新人訪問下(記得帶頭盔)：「 如果25年後你兩個一定離婚，今日仲結唔結？亅

李懂媽