國際學校真的適合嗎？

嗨！我係里奧叔叔，歡迎大家一齊嚟留言 討論 分享

早幾日收到一位朋友PM里奧問有關國際學校既問題，相信好多家長為左避開填鴨式教育又或者想仔女有良好英語學習環境，都有考慮過報讀國際學校，里奧叔叔今日就同大家分享下當年我地搵學校既經驗。

台灣學制與香港相似

政府提供9年強迫教育和12年義務教育，與香港免費教育差唔多，按照學生既戶籍地址嚟分配學校，如果想報讀心儀學校就要搬去該學校既學區並遷戶籍，小學「小一至小六」，國中「中一至中三」都係以派位的形式，直到國中第三年會考，再以成績投考到不同的高中。里奧叔叔有位台南既朋友，前幾年因為阿仔考入台南一中，擺左幾圍請好朋友食飯威威🤣，上年高中畢業再考入台灣清華大學「台灣排行第二」，認真叻仔。

學習英語程度不能與香港英文中小學相比較

中華民國台灣官方語言是正體中文，與其他非英語國家一樣，英語從來唔係重點科目，曾被英治的香港實行英語教學咁多年，在課程教學上唔可以以英語作比較，但係中文教學程度絕不輸香港，有D學校既考試和功課量同樣非常驚人。

私立雙語學校&國際學校的分別

好多注重英語教學既家長會選擇送仔女去私立雙語學校，台灣有好多雙語學校選擇，雙語學校既學習制度與本地學制相同，唯一唔同就係學校會以中英文教學，主要加強英語部份，與香港既英文中小學差唔多。

國際學校有分兩種，一種只限外國人報讀，另一種沒有此限制

當然好多國際學校主要想收翻自己國家既學生，但當有多餘學位都會向外招生，但入讀第一條件就係要持有外國護照，有唔少國際學校同樣接受香港護照為外國護照，呢方面每間學校都唔一樣，而且國際學校多數以直升制，由幼稚園直升至高中畢業，所以如果該年級冇學生退學，插班生就唔會有位，排隊幾耐都冇咩關系。

國際學校畢業文憑不能報考本地大學

要注意國際學校多數以IB International Baccalaureate學制，而台灣大學目前唔認可IB文憑，所以國際學校高中畢業既學生只能出國升學，如果又想讀國際學校，到時就要轉讀返本地學制的雙語高中，否則就要出國讀大學了。

本地IB文憑國際學校

當然，如果仔女幼稚園時已經確定到大學會送到外國留學的話，咁讀咩學校都冇問題，里奧叔叔當年囡囡係香港讀完小一就決定移民台灣，係香港雖然只係讀過小一，但每日16:30校車返到屋企，休息一陣就要完成每日5-7樣功課，禮拜二默中文 禮拜四測英文既可憐日子，里奧至今仍然歷歷在目，因此里奧叔叔就想安排兩個女入讀IB直升學校，美制既國際學校當時絕對是選擇考慮之一。

不能留台升大學令里奧選擇本地國際學校

自私的里奧叔叔，真係唔捨得依家就要決定將囡囡送去外國讀大學，但又想佢地英語能力好，又唔想小學就報讀雙語學校咁大壓力，最後就了解到有本地國際學校，同樣是IB學制既雙語學校，不過最特別就係呢種本地國際學校升到高中時可以留校轉制，如果到時候真係決定外國留學就繼續讀IB , 如果想本地升學就安排原校轉讀雙語班就可以，不經不覺囡囡明年就中一，仲有兩年就要決定留學還是留台，但起碼唔洗讀幼稚園就決定。

如果大家有問題想問，歡迎係下面留言，因為PM里奧唔一定會睇到。

麻煩大家幫手分享文章🙏🏼🙏🏼🙏🏼

請分享 請分享 請分享

#里奧叔叔的台灣生活創業路
#移民
#台灣
#投資

#3

沒想到Abby反而阻止我，肉緊地在我耳邊說︰
「（阿Mi～你做咩？）」
「（嗰個係人渣嚟架，你唔使去識啦。）」
「（咁……但係……你都等我拎埋男神MSN先啦～）」
「咁我行先，車站等。」

我以為Abby會跟著來，但她沒有。
我獨自在車站等了十五分鐘，Abby才施施然來到。她笑得燦爛，明擺著已經拿到男神的聯絡方法。
雖說近朱者赤，但她的目標既然不是人渣本人，我也不想多說什麼。

Abby反而主動提起︰
「阿Mi～你講畀我知呀？嗰個阿翔小學嗰時係咪中意你？嘻～頭先佢眼都唔眨咁望實你喎。」
「唔好講，唔好提，諗起都想嘔。」
「唔係哩～小學啲男仔蝦女仔，係為咗引起女仔注意囉。佢一定係中意你啫～」

.

小學時的阿翔，的確很引人注意。
像是射橡筋啊，扯馬尾啊，弄壞我的文具啊那種事都算了，我最記得的是那次我站起來接老師的功課時，阿翔突然指著我的屁股︰
『五年級仲著公仔底褲，低能架！哈哈哈哈哈！』
然後全班男生一起哄笑，我大哭著跑出了補習社的玻璃門，淚流滿臉直奔回家。

那個羞恥的環境，那些男生的笑聲，我一直都忘不了，到現在還歷歷在目。
更可惡的是政府後來公佈取消升中學能測驗，我學的東西完全沒考過，已經升上了中學。
那麼我受的屈辱，究竟是為了什麼？

但我不打算跟Abby說這些往事，從幼稚園就在名牌女校長大的她根本不會明白，她對男生就只有少女漫畫那樣不切實際的幻想。

.

之後幾天，Abby一直沒提起過眼鏡男和人渣翔的事。
我還以為她已經失去興趣，沒想到兩天之後，Abby竟跟我說︰
「阿Mi～我呢，星期六會同阿堅佢哋一齊練Oral，你都一齊丫？」
「邊個阿堅？」
「咪補習社個眼鏡男神囉～你唔記得咗？」
「……好記得，所以不了。其實點解要同佢哋練？我哋班個個女仔英文都肯定好過嗰兩個Band 2仔呀？」

「咁點同呢～始終出去考試都要面對生保人架嘛，一定有男仔架喎。而家見多啲，咪有心理準備囉。」
「講到尾咪又係為咗溝仔。」
Abby紅著臉打了我一下。

.

跟Abby做了六年同學，我非常了解她的天真。
還記得中一那年她開始上網結識男生，沒幾個月就拿了十幾個電話，常常打去跟他們談天說地。
我跟她說，這樣不是很危險嗎？她卻笑嘻嘻地說，用了133沒問題啊。

傻瓜，但你發了照片，還把學校班級和地址都說給陌生人聽了啊。
後來還有幾次，她跟那些男生聊到興起，約出來見面。
如果不是我每次都跟著她，她早就被吃得連渣都不剩了。

.

這次她要跟渣男練Oral，我真擔心她到時會被剝皮拆骨。
但我勸了幾天她都不聽，我正無計可施，沒想到星期五早上她突然扁著嘴︰
「阿Mi，你要幫我～佢哋話想嚟我哋學校練Oral……」
「哦，學校好呀，起碼唔使擔心佢哋非禮你。」

Abby紅著臉︰
「你講咩喎～你都知我哋學校禁止外人入嚟架啦～」
「咁咪仲好，唔使練喇。」
「但我諗到個好辦法喎！你而家未交職畀中六，仲係Head Prefect嚟架嘛！用你嘅名義Book間房，再話佢哋係英知仔嚟開會咪得囉～」
「……我唔想臨畢業畀人踢出校喎。」
「唔會架唔會架，星期六冇人返嚟，一定好安全嘅啫～而且，你都識講學校安全過外邊啦～」

.

我禁不住Abby的要求，還真的去校服處用聯校水運會秩序會議的名義，幫他們預約了一個課室。
不過，在我心中盤算的卻是另一個計劃︰
星期六大部份老師都休假，但我正好得到情報，那天訓導組的Ms Tiger會回來當值。

Ms Tiger人如其名，絕技河東獅吼名揚方圓兩個地鐵站的學校。
星期六只要我分開阿翔和他們兩人，再通知老師有外人闖入，阿翔就死定了。
就算他一口咬定是藍卓凝帶他進來，只要我扮無辜，Ms Tiger肯定會相信我這個乖學生。
幻想著阿翔被折磨得不成人形的模樣，我伏在英文筆記上笑到收不了聲。

.

星期六很快來到，一切依計劃進行。
我以Head Prefect的身份，在校門口幫他們登記進校。
阿翔一進來就如鄉下人入城，好奇萬分地左右張望。
眼鏡男阿堅則披著羊皮，謙和地辯解︰
「Michelle，真係唔該晒你。唔好意思，阿翔份人係比較好奇……」
我皮笑肉不笑︰
「唔緊要，反正今日放假冇女生裙底畀佢裝。」

我安頓了他們去課室後，吩咐阿翔出去走廊幫忙找黑板抹布，然後再去二樓的唯一一個男廁把布弄濕。
眼看著他走遠後，我馬上跑去教員室，對正在吃早餐的Ms Tiger說︰
「Ms Tai，我、我本身返嚟四樓開會架，但係頭先喺二樓走廊……好似……好似見到……有個男仔係度裝下裝下……唔知係咪又係舊年嗰個變態佬……我好驚呀，點、點算好？」
「乜話！你即刻返四樓，唔好出嚟，等我處理！」
身型肥大的Ms Tiger用力拍檯，火腿通的湯汁紛紛彈出來，我甚至可以想像那個阿翔待會被怒拍的樣子。

我忍著笑連聲道謝，哼著歌跑回去四樓課室。
沒想到一打開門，卻只見到阿堅一個人在搬檯。
「咦……阿Bi呢？」
「Abby話驚阿翔盪失路，落咗去搵佢。」

「有冇搞錯！佢……點可以咁架？」
阿堅微笑︰
「放心，Abby話佢唔會入男廁。」
我二話不說跑到窗邊，打開窗台下的書簿櫃。幸好只是剛剛開學，裡面還空空如也。

我指著櫃裡的空位︰
「你即刻放低手上嘅嘢，靜靜地匿入去。直到我叫你為止，都唔好出聲。」
他的樣子如被打劫︰
「點、點解……」
「唔好問！快啲！我仲要去救阿Bi呀！」

阿堅很聽話，也不管自己的白校服會變成怎樣就躲了進去。
我閉上書簿櫃門再關好房門，確保沒有破綻之後匆匆跑下樓梯，但還沒跑到三樓，我已經看到Ms Tiger龐大的身影正向二樓推進。
「弊……」
再看看二樓走廊，Abby還不知危機逼近，邊笑邊親暱地拍打阿翔的肩。

我不覺頭痛起來。
不純異性交往，帶男生來學校，謊稱友校英知學生……光是這三條，已經夠Abby在A-level前被退學了。
更嚴重的是Abby一定禁不起拷問，會供我出來，兩人連坐！
不行……我可不能讓人渣翔繼續破壞我的人生啊！

----
✏陪朋友去補習社追男神，點知我中意咗男神
又曦

*從前有個返工返到好攰嘅作者，好需要讀者畀啲動力佢打救佢

#陪朋友去補習社追男神
上一集︰http://bit.ly/2x34FJc
下一集︰http://bit.ly/2fl5R1i

全集︰http://bit.ly/2wYPIZv

#自修室 #自修室系列
✏陪朋友去自修室追女神︰http://bit.ly/2kyjbRt

看到朋友分享這個覺得特別有意思，自己同大家都值得反思，我常將「莫忘初衷」放在嘴邊卻常忘初衷......

是的，得果歲幾人仔。下星期就要開始第一間pn班的面試了。我坦言在心底裡的確有心儀的學校，不多不少因為想入他們的k1。不管結果如何，我們都會準備好每次的面試，有人說男仔的確是三歲後入學比較好、跟女仔有別。假若有offer但你真的適應不了，我會毫不考慮退學，我明白沒有最好的學校、只有最合適的，一於去體驗下。

我會好好、好好記著那句說話：
窮養也好，富養也罷，但教養最不可缺。

共勉。

#我不要做怪獸家長

【拋窒】－ 徐緣

中學好友帶兒子參加小學面試，在 Facebook 留言：「痴線。個個拎住英文書等面試。」

我隔著電腦螢幕，都感受到那份無形的壓力，所以留言輕鬆回應一下，希望緩減朋友的不安：「定啲嚟。你下次帶本德文書去，其他家長驚番你轉頭。」

這個留言，讓我想起一件陳年往事。

話說當年會考 Mock Exam，作為乖乖學生的我，試前準備充足，所以考試局的標準答題簿有時不夠位寫，而要舉手拿取額外答題紙，交卷時再用索帶繫於簿內。有次完試後一位同學跟我說：「嘩，你頭先咁早舉手攞紙，好勁，點解你寫得咁快，嚇死我，你攞紙嗰刻我個心離一離，打亂咗我節奏。」

我當時心諗，儍的嗎？

到下一科考試，我刻意做個實驗，那次答題簿還有大把位未寫完，在考試中段已高調舉手氣運丹田：「唔該！攞紙！」之後，再連續追加拿紙兩次。事後群情洶湧，多個同學不約而同跟我講類似說話：「你每次攞紙我都好有壓力。」而他們不知道，那次完事後我靜靜雞把紙退還給老師。有同學騰雞地說：「痴線嫁咁勁，你唔好索性攞多本答題簿？」我微微一笑：「紙好啲。」心裡面補多一句：「因為可以分三次攞嚇到你呢個儍豬豬。」

我清楚明白，成績與拿紙多少無關，但偏偏卻能對他人構成壓力，我覺得奇怪可笑。當年會拿紙的不只我一人，另有一位沉默寡言的「加紙怪」也經常引起「恐慌」。我後來悄悄跟他交流加紙心得，還記得他吮著維他奶告訴我：「冇，我只係鍾意隔行寫字。」

自那時我便明白，知己知彼是好事，但不要輕易讓人打亂自己節奏，產生不必要的心理躁動。

幾年前，女兒還在讀幼稚園那時，老婆有晚跟我說，那些爸媽 Whatsapp Group 讓她感到憂心，因為看到家長們在群組中，提起自己子女報了什麼班、看了什麼書、參了什麼賽，覺得人家好厲害。

我又是微微一笑：「冇人會將自己子女差嘅一面寫出嚟嫁，咁妳都好驚？ 不如妳喺個 Group 度寫番一樣阿女識嘅嘢，平衡一下妳嘅壓力啦。」

「若果要寫，寫乜嘢好呢？」老婆問。

我剪住指甲答：「如來神掌。」

做營銷這一行，我深明「隱惡揚善」的操作。宣傳推廣上大概不能講大話，但只道 Half Truth 卻時而有之。我們要習慣對 Half Truth 有一份警覺性，不要輕易被事物的表象蒙蔽，習慣思考事物沒有被呈現的一面。

記得當年聽李天命演講，他說一大班人圍著談一個你不懂的話題，若勉強搭嘴，多言必失，言談間好易露底。反之堅持沉默，卻能給人深不可測的錯覺，以為你對那題材很熟悉。李天命這個說法半帶搞笑，但又有其道理。我們面對不認識而自己看不通的人，有時會不自覺地高估或神化了對方，這或許是一種人類自我保護的警惕機制，但若因錯估對方實力而心感怯懦，進而左右自己正常發揮，那就如同當年被我舉手拿紙影響的同學般，非常儍豬豬。

我們自少被教導在競爭時永遠不能低估對手，這危機意識需要重視，但凡事太驚青而錯誤高估對手，影響信心下自亂陣腳，也是競爭的大忌。夜郎自大不可取，妄自菲薄更戇居。像 Donald Trump 般病態自信固然神憎鬼厭，但也要避免自卑過度經常錯判比不上他人而如驚弓之鳥。

回說那位去面試的中學同學，現在幼稚園學子看英文書是常態，但又應該未誇張到人人皆讀。家長們在這些場合，或許都想將自己子女最佳一面示人，即使平時玩 iPad 睇漫畫，在面試場總要拿本英文書扮扮魚蝦蟹。若作為家長先緊張起來，子女也會感到壓力，反而影響他們的表現。

還記得當年也曾帶女兒去面試，周遭同樣一遍英文書海。我則取出女兒最愛的《老夫子》，一起笑閱那些「耐人尋味」的無厘頭故事，讓她在面試前保持輕鬆心情。

我相信在香港這個高度競爭的環境，孩子在成長的過程中，自卑的機會比自大高。

人比人，比死人。別隨波，別逐流，不要輕易被他人打亂自己的生活節奏。

我認為自少要教導兒女的，就是面對人比人時的一份從容。

文章來源：http://hk.apple.nextmedia.com/…/%E5%B…/art/20161016/19801907

相片來源：
http://bit.ly/2dSWO6O