又到一月一度的學校生日會，為兼顧兩姐妹的日常飲食+無止境的家頭細務，柯豬媽推出兩款(懶) 隆重而簡單的 party food俾兩個女帶番學校同朋友仔分享~~~~

『蘋果啫喱配雜果』
柯豬個個月都叫我整 jelly 俾佢帶番學校，但我係極不喜歡用盒裝的啫喱粉，嗰啲只是糖份和色素嘅混合物 😓 所以柯豬媽用了<青森蘋果汁>+魚膠粉做了無添加糖和顏色的蘋果啫喱，再喺上面鋪上橙和奇異果，食 jelly 同時(迫佢) 食下生果，哈哈！

『火雞 ham & cheese 三文治卷』
比起一般火腿，火雞肉做的 ham無咁鹹，同埋感覺上唔會咁多不明來歷嘅肉類摻咗入去 (包裝上注明咗無加防腐劑，good! ) 。另外將三文治卷成一條比起一份普通嘅三明治無咁易食到散收收，好啱俾幼稚園的小朋友揸住食！

兩款食物都可以早一晚做定preparation，媽媽第二日無咁「拿手唔成世」！蘋果啫喱雪定先，生果可以第二朝先切；三文治卷定用保鮮紙包好，第二朝用平底鑊/焗爐烘到芝士融化，再用刀切一開二。

#柯豬姐與些莉妹
#partyfood #開party #生日會 #小食

又到每月一次嘅party time, 柯豬媽應該以後每個月都會同大家分享啱小朋友食嘅派對小食！

今次柯豬落order話想食肉，所以阿媽準備咗『冬菇豬肉丸，蕃薯粒粒，大青提』，咁就有肉之餘仲有蔬果，好味又均衡，開生日會都可以食得健康啲！同上次一樣，食物分好喺cupcake紙杯入面，想食嘅同學仔一人拎一杯，唔會messy。

#柯豬媽媽 #派對食物 #幼稚園 #幼童食譜 #party小食

今日Neil ,Nikki 學校開生日會，有主題真開心！

現今的小朋友真是幸福，想當年，

我的幼稚園開生日會，知道有蛋糕

，前一晚已興奮得睡不著，但現在，

一個生日會有多個蛋糕、零食、小食、

水果，應有盡有，還有禮物呢！

幸福非常，要記住知足常樂呀！