懷念我們一起住的日子 #當年每日都聽到美妙琴聲 #返加拿大結婚生仔的幸福婦人 #見到你真係好開心

浪漫月巴睇90s（29） 為何沒意思我偏偏說起？ 某年初秋晚上，我擘大喉嚨在新亞書院圓形廣場向住梁詠琪大嗌—— 1.「Gigi我好鍾意你吖！！！！！」（真係好大聲，所以激情地動用五個感歎號） 2.這應該是我自從小三嗰年參加校際朗誦比賽後嗌得最Q大聲的一次。分別是，參加朗誦，是搣時order，冇得say no；大嗌「Gigi我好鍾意你吖！！！！！」，則100%基於我的自由意志（我相信有，你也最好相信）。 3.Why Gigi會在那個初秋晚上現身新亞勝地圓形廣場？是這樣的：啱啱加入樂壇連碟都未出的她，獲邀到新亞千人宴擔任表演嘉賓。對於一班長困深山的中大仔（如我），嘩簡直是——我都唔知點形容好了。 4.嗰個某年，是1996年。我已經是一個每天為畢業論文煩惱的知性Year 3學生。知性的我，唔記得聽邊個師兄講過：任何男仔總會在生命中唔知點解地迷上一個短髮女生——結果我咪唔知點解而又毫不理性地，迷戀起在當年來說相對短髮的Gigi囉。 5.迷戀的途徑，經由她在1995年拍的三齣戲。《流氓醫生》——Gigi演的富家女阿May，戲份唔多，但好搶眼，使你不會覺得她只是那種行行企企的閒角；《百變星君》——如果你今時今日問我，我肯定會答你孫佳君其實更加誘惑，但我當年仲青春嘛，而Gigi在戲裡前半段和後半段個樣的反差又實在太大嘛，這強烈反差，實在顯得佢更加靚啦。 6.第三齣，《烈火戰車》——這才是真正攞我命的。爾冬陞安排給Gigi的角色，不是《流氓醫生》那種工能性的特定類型角色，也不是《百變星君》那種工具性的靚女角色，而是一個——普通女仔，普通到可能你同我屋企隔離單位就住咗個的普通女仔；肯定唔係超靚，但望落又OK；無疑有點煩，但好多男仔其實又幾（犯賤地）鍾意呢一種煩……Yes，就是一個普通鄰家女孩，但對塵世間好多追求簡單純愛的天真男仔來說，就是這麼一種普通鄰家女孩才最攞命！問你死未？ 7.而我已經死了。死到開始密切留意這女仔的動向，死到竟然在艱險我奮進困乏我多情的新亞書院，眾目睽睽下向住呢個女仔大嗌「Gigi我好鍾意你吖！！！！！」——實在是義無反顧（得相信連錢穆唐君毅都為之動容）。無奈，現場所見，只得爆笑；但可以在千人目睹情況下向自己真心所愛傾吐心聲，俾（千）人笑吓，值得。 8.然後真正高潮是Gigi推出首張大碟《愛自己》。我已記不起當時一到手後連續聽了幾多次，聽的時候又把那本booklet揭來揭去睇咗幾多次……真心，連不懂音樂的我都聽得出，當年Gigi唱功其實OK勉強，每逢唱到高音就變咗假音（估不到在日後竟成為她的風格），但我依然鍾意聽——除了因為被愛意蒙蔽，也多謝幕後班底為她揀選的音樂風格，清新、又有點少女獨有的甜和快樂與哀愁，一切都是輕輕的，輕得猶如一場青．春．的．陣．痛。林志美作曲的《愛自己》自然是首選，強伯填詞的《某年仲夏》嗒落有餘韻，翻唱自蔡立兒（改編自中島美雪原曲）的《絕戀》更加好聽到不得了。《愛自己》唯一叫我不滿的，是封套——乜影到Gigi咁blur？好彩，到翌年的《新居》，攬住缸金魚的Gigi好明亮通透！對我來說，這絕對是90年代其中一個經典唱片封套。我好想化身嗰條金魚。 9.突然的來突然的去。我對Gigi的嚴重迷戀，直到世紀末專輯《I’ll Be Loving You》終結。唔好問點解，因為連我都唔知點解。 10.好多年之後，我同Gigi的唯一連繫是：我工作的部門每年聖誕前都會收到由她送贈的西班牙美食，當中那樽凍湯，上年我在某個開夜晚上一飲而盡。而當年那個（令卜卜脆月巴迷戀的）卜卜脆Gigi，現在已是幸福婦女，還會賣奶粉廣告呼籲愛自己的婦女預防骨質疏鬆。時間總愛同人開玩笑，但只會令人苦笑。 （原文刊於am730） #浪漫月巴睇90s #我都要飲安怡 #人不好勝枉少年 http://www.am730.com.hk/column-319028

#チョイノリ #NIKE #MAX95 #NIKE_MAX95 #NIKEMAX95 #AIRMAX95 #NIKE_AIRMAX95 #幸福婦產科真的好幸福 #幸福婦產科 #choinoriSS #台中 #逢甲 #choinori_SS #choi_noriSS #choinori #offroad_Choinori #suzuki_choinori #choinori_taiwan #蛋蛋車 #雞蛋車 #SUZUKI_taiwan #鈴木台灣 #choinoriSS_BAJA #bws_Choinori #BWS #baja_Choinori #BAJA #zuma_Choinori #ZUMA