《作文準備》 . 經過調整後的Paper2 變成36%，實際上考試完後hkeaa會再次調整，一定超過40%，應該如何準備作文？不妨分成三個概念講述：舊夢莫提、認清事實、立意準備。 . →概念一：舊夢莫提 素來考生都會注重閱讀高分範文，從而祈求得到莫大得益，事實上的past paper題目未必翻炒，即使翻炒都係改頭換面，難以套用。因此，要睇高分真跡，都係分析三大問題：用左咩技巧？立意特別係邊到？可唔可以套用係其他題目到？呢三個問題明白既，自然一篇文可以用係不同文到，而事實上，我好多學生都係將我準備好既範文，咀嚼後套用，或者直接背誦去考試，當然直接背誦好危險，除非自己調整小小，好似我今年有個學生背誦篇文去考試，直接有76/78。我唔建議呢個方法，但係兵行險著，記住20篇文章框架，都應該要有。 . →概念二：認清事實 相信補習佬貼題，不如相信題海戰術，考評局多數參考高考題目，2012年參考大陸高考「距離」而出左刺猬，2013年直接參考《擦亮你的窗子》，2014年參考高考《走在最前和最後的人》，2014年《陽光與陰影》都係。2019、2020年直接抄寫中考題目，如下 . 來到2019年直接抄江蘇南京卷 巴勒斯坦詩人達維什說：「當你做早餐時想想別人，別忘了餵鴿子……」因為這個世界有你，有我，也有他（它）。 請以「想想別人」為題，寫一篇作文。文體自選，不少於600字。不得出現真實的校名、人名。 . 2020年直接抄考天津卷印度詩人泰戈爾說：「花兒是泥土的微笑。」在大千世界中，每一個生命，每一種體悟，每一段時光，甚或每一次破繭而出、痛並快樂的經歷，都值得我們以微笑迎接，以微笑傾聽，以微笑包容，以微笑紀念和珍藏…… 題目：以微笑_______ . 無可奈何，呢個係事實，大陸即將與香港考試統合化，我估計五年後就會完全統合，到時無卷三、只有卷一卷二。係個日之前，唯有推多d有理念學生上去大學，二十年後可重奪話語權，始終世界「即將」屬於我地，但呢一刻唔係… . →概念三：立意準備 無論補咩習都好，只係輔助，記得自己額外要準備，睇文，尤其係d心靈雞湯，準備好立意，大致有五大向度：個人反思、親情人倫、道德實踐、夢想追求、人生意義。準備後立意，到時寫完故事就寫立意回扣題目重點，咁就唔會出事，可以睇既書係： 1、 龍應台散文集 2、 劉心武散文集 3、 張曉風散文集 4、 周國平散文集 . 自己準備好作家對於生活既體會，熔煉佢地文字去你骨血之中，好難感動唔到marker，不過我都會準備下《散文精要》用來幫學生精煉文辭，類似係一本名家立意集合，都係自己讀書筆記來，呢d先係真正雞湯。2020年學生都係靠呢d，從七月初寫開53分，一下躍升到76分dse成為5**真跡。不過，呢d後話就唔再提及啦。 . 加油，認清概念後最重要實踐，知行合一，可期也可必。