雖然這篇岩柱悲鳴嶼行冥招式鄉民發文沒有被收入到精華區：在岩柱悲鳴嶼行冥招式這個話題中，我們另外找到其它相關的精選爆讚文章
在 岩柱悲鳴嶼行冥招式產品中有1篇Facebook貼文，粉絲數超過8萬的網紅張晨("鳥"不起)，也在其Facebook貼文中提到， 《鬼滅之刃 不是神作，但值得爆紅》 對於《鬼滅之刃》係咪神作呢？我簡單講下自己感受。 唔算。(嗱，咪鬧我住) 因為最近《鬼滅》屢破紀錄， 部份朋友覺得佢唔係神作，唔值得咁紅。 而我就有另一睇法，就係… 佢唔係神作，但值得紅。 點解呢？ 大家都知，動畫制作組嘅用心，令鬼滅知名度瞬間提升。...
岩柱悲鳴嶼行冥招式 在 懂聽TS251?? Instagram 的精選貼文
2021-09-16 06:13:18
🔥如果樂團們 變成熱血漫畫🔥 ⚠️警告！閃靈來襲⚡️ @chthonictw 善意閉上雙眼、嘆出鼻息，布下「烏牛欄大護法」🐮 索隆以三刀流「破夜斬」劃破天際🗡 雙手合十，岩柱為蒼生使出「恨弑三界」 尼特羅會長以多年修煉頓出觀音「合掌」🙏 劍心沉著心境、劃出一道「天誅」💫 通靈王下凡，阿葉最後使出...
岩柱悲鳴嶼行冥招式 在 ???Miliyah蜜莉亞?? Instagram 的最佳貼文
2020-12-04 13:37:52
終於把動畫這26集追完，接著馬上來看劇場版-鬼滅之刃無限列車篇，電影版的規格跟動畫特效都非常華麗，前面緊接著26集最後，我想有些人沒有看過動畫版，幫大家簡單介紹前面在演什麼，這樣對鬼滅之刃有更深的了解，電影無雷，請安心服用～😃 鬼滅之刃動畫前情提要：男主角炭治郎工作回家後，看見母親與弟妹們都遇害被...
岩柱悲鳴嶼行冥招式 在 蔡忠穎 歌手主持樂團 サイゾンイン? Instagram 的最佳貼文
2020-12-04 13:15:54
@fattsai 鬼滅の刃無限列車觀後心得 這部神作從連載 JUMP之後 就一路火紅到現在非常誇張 NETFLIX的第一季1到26集 也是NETFLIX上面的第一名 鬼滅の刃台灣漫畫才剛出完 無限列車劇情漫畫都畫完了 我去看之前都已經知道劇透 然後主要是去看UFOTABLE 怎樣呈現劇場版的細節...
岩柱悲鳴嶼行冥招式 在 張晨("鳥"不起) Facebook 的最讚貼文
《鬼滅之刃 不是神作，但值得爆紅》
對於《鬼滅之刃》係咪神作呢？我簡單講下自己感受。
唔算。(嗱，咪鬧我住)
因為最近《鬼滅》屢破紀錄，
部份朋友覺得佢唔係神作，唔值得咁紅。
而我就有另一睇法，就係…
佢唔係神作，但值得紅。
點解呢？
大家都知，動畫制作組嘅用心，令鬼滅知名度瞬間提升。
無錯，動畫幫好多，
但鬼滅嘅故事，本身係有佢嘅賣點。
就喺動畫未上嘅時候，有日我無拿拿見到呢本嘢，睇咗陣，已經喺Whatsapp Group度推介畀班朋友！
好啦，而我係點推介呢部作品呢？
就係「呢套嘢可以睇下，當爽漫睇，非常不錯。」
無錯，定位就係「爽漫」。
即係我唔要求佢好有內涵，唔需要《新世紀福音戰士》前衛嘅世界觀、唔需要《晚安布布》咁探討人性黑暗、唔需要《致不滅的你》 同 《鋼之練金術師》 咁 啟發你對生命嘅哲理。
你只需要「爽」就得喇，亦即係一般嘅「王道漫」。
而《鬼滅》恰如其份，直情係將「王道」發揮得好好。
我用《死神》做一個簡單類比就明。
首先，敵人清晰。
死神有十刃；鬼滅有十二鬼月；
自己友亦 段位清晰，死神有護延十三隊，鬼滅有九柱。
你有「卍解」？佢都有「呼吸法」！
係㗎，話明王道熱血，設定就係咁，無話邊個抄邊個。
本本都一樣。
但咁類比下，鬼滅有兩個位置，係做得更好。
第一，化繁為簡，唔拖。
王道漫其中一個中段崩壞嘅主因，
就係因為愈畫愈長，設定愈來愈複雜，敵人目的愈來愈牽強。
《鬼滅》明顯無太多呢個問題，一開始打無慘，去到最後都係打無慘。（尾段係有崩壞，陣間講）。
呼吸法亦從一而終，最多都係爆多個「日之呼吸」同「月之呼吸」。如果以《死神》去比喻，死神會去到「日月融合呼吸．鬼化・200％！」
同埋，真係唔算拖。
頭中段劇情快，打一隻鬼唔會用一百幾十話，往往有推進，
以佢咁受歡迎而言，漫畫205話完唔算多。（最終戰當然有拖，但我覺得唔算嚴重了）。
唔拖，尤其係前段。
你就好易投入佢個世界。
第二，感覺舒服，觀眾層面極廣。
簡單而言，就係好Mass。
6歲嘅睇得開心；30歲睇得輕鬆；
男人睇彌豆子；女仔睇我妻善逸。
佢成個故事同角色設定，都極易入口。
令到佢稍為知名時，唔同層面嘅觀眾好易滲入呢個潮流。
之前有段新聞話，姑娘打針，都叫啲小朋友用「全集中呼吸法」。有人話係做PR，但我覺得係真都唔奇。因為「雷之呼吸 一之形 八連！」第一次出，我都覺得型啦。
咁其實個故事喺 人物塑造 同 招式設定上，已經好成功。
另外，就係「舒服」。
呢度要講一套港產電影《淪落人》。
當時睇完呢套電影，我同朋友講…睇完之後…好舒服。
點解？因為喺《淪落人》嘅世界入面…係無壞人嘅。
個個都心哋好！你睇到好有盼望！
《鬼滅》都係。
即使係鬼，都有苦衷、有個故事，雖然老土，但精簡，一兩話講完。
當然，隻隻鬼都有，後段會悶。
但嗰時佢都引你睇咗大半啦。
喺咁「童話」嘅世界入面，想推進劇情，就需要轟烈地死一個好人。
而呢個就係「炎柱」杏壽郎。
而佢連死…都死得樂觀過人。
所以觀眾會將對杏壽郎嘅情感，自然投放落炭治郎身上。
＝＝＝＝＝＝＝＝＝＝＝＝＝
OK。
之後你會為一啲有深度嘅「神作」唔抵。
「神作」咁有內涵，
點解要輸畀呢啲稍為好少少嘅「王道漫」？
但無辦法…因為呢個係「現實」。
呢個係稱為「娛樂」嘅現實。
你睇動漫，想要咩？有人想「娛樂+拎到Insight」，
但更多人…只係想「娛樂一下」，relax就得。
所以點解…
你有時返到屋企開Netflix，明明有套《The Green Mile》，
但你會搵套「巨石強森」嚟睇？
因為…你想Relax囉。
放工個人攰呀嘛，唔想諗太多，仲The Green Mile？
緊係睇下巨石強森系列娛樂下啦。
電影有商業片；文字有流行文學；歌有k歌。
咁漫畫…自然都有類…係易紅啲，就係王道漫。
《鬼滅》紅到咁，當然有一定運氣。
但本身故事OK，加埋佢個觀眾群可以去到好闊，紅，並非無原因。
作為觀眾，奉佢為神作？未算。
但佢唔值咩？都唔算嘅～
每段成功必有因。
你可以睇佢唔順眼，但必需要找到原由，即使你不同意這個世界。
＝＝＝＝＝＝＝＝＝＝＝＝＝＝
不過最後，
講下自己覺得佢嘅不足。（睇動畫嘅朋友，下面會雷晒成個ending）
首先，係彌豆子呢個角色，一直大家都覺得佢會喺終戰，發揮決定性嘅作用…
點知…真係路人到完場…不過，賣figure應該賣得很好就是了。
再者，最終戰…反而褪色不少。
大部份時間，得個亂字，朱世Carry到完場…
而佢唔拖劇情，亦造成一個問題。
就係主要角色成長極快……炭仔練一陣，已經同柱差唔多…
加上後期 「長期鎖血」，劈極都無事，稍為令人「出戲」。
同埋 岩柱 悲鳴嶼行冥，出場時明明有個「本體不明」嘅伏線…最後好似無咗。
但挑剔很易，我諗每個作者去到後期，都會遇到不為人知嘅困難。
令觀眾有種「條友邊畫邊諗，收唔到科」嘅感覺。
而近年，真正有兩套長期連載作品（實有遺漏），你會感受到…
「佢係度晒成個故事先畫。」
一套係《噬謊者》；另一套係《進擊的巨人》。
但呢啲，就下次有機會再講了。
IG: cheungson88
https://www.instagram.com/cheungson88/
你的一下Follow，我的無上成就