多謝你地inbox我關心Maison情況 佢今日已經好番好多☺️☺️ 有問我發生咩事嘅朋友 我響度統一詳細講下事情經過 ... 上星期四凌晨開始Maison就發燒 期間有停過燒所以冇比佢食退燒藥 但一停左藥冇耐又燒番 仲試過燒到102度，真係嚇死我地 所以星期日就帶佢去睇urgent care 但個當值醫生係唔識點睇小朋友 佢要我同我老公一個人㩒住Maison對手 另一個人㩒住Maison個頭 黎比佢放條雪條棍入去睇Maison喉嚨 之後Maison比我地咁㩒住響床 個醫生又整到佢唔舒服所以佢就喊 醫生就話唔係好睇得清楚 又話Maison喉嚨好似發炎 於是就求其開左antibiotics比Maison 食左三日antibiotics Maison仲有燒 牙肉仲腫埋攪到食野都冇心機 有時指住個口話痛痛，刷牙又流牙血 所以第日我同老公都請假帶佢睇醫生 兒科醫生知Maison驚就同佢玩左陣 之後完全唔洗我地㩒住Maison 淨係叫Maison打開口比佢照啲燈入去睇 兒科醫生一睇就知Maison口裡面有疱疹 仲話食antibiotics係冇幫助仲會令啲疱惡化 所以Maison食野會痛同冇心情食 醫生話呢段時間由得佢食流質同凍野 等啲疱疹慢慢自己好番唔洗食其他藥 仲話Maison生日會之前一定會好番曬 果然停左antibiotics一日Maison好番好多 今日仲食到蕃薯冇話痛痛✌🏻 ... 至於點解會有口唇疱疹? 五歲以下嘅小朋友都好易中招 有可能係同其他人share野飲比人傳染 亦有可能比大人傳染 大部分帶菌者都係大人 而好多帶菌嘅大人都唔知自己係帶菌者 因為口唇疱疹響大人身上未必會發出黎 唔知係Maison響學校感染番黎 定因爲我成日kiss佢咀仔而有 Maison算好好彩淨係響口裡面生 上網見有啲生響咀唇真係見到都痛 亦有新聞係父母錫自己BB而令BB死亡 所以提醒各位以後都係唔好錫小朋友咀