【 港劇經典範例／23年前《刑偵》即將重播 】 《逆緣》、《棟仁》4月登陸翡翠台：http://bit.ly/2FqQZxz 萬子「So What」的經典港劇《流氓大亨》（1986）今晚重播至第18集，即尚有12日，亦即是3月22日便會播放大結局，緊接在3月23日於翡翠台同一時段的重播劇集，是23年前首播的港劇經典範例── 潘嘉德監製的《刑事偵緝檔案》，上次系列三部曲於2005年重播，至於今次會否一口氣重播四輯，則未有官方消息確認，而當年憑《刑偵》省靚招牌的潘嘉德，近年屢遭冷落，早前拍罷《好日子》後，據了解因不獲無綫續約，有可能提前離開大台。 為何說是港劇範例？有幾個因素，第一，是當年這套劇在首播之前，因為卡士「相對疲弱」，由憑《壹號皇庭》漸漸上位的陶大宇，配搭剛剛拍劇才一年的港姐「最佳演藝潛質獎」得主郭可盈，男二是梁榮忠，女二是1995年剛從舞台劇界「過檔」，加入《真情》劇組的蘇玉華。對觀眾而言，這個組合的號召力相當一般，這套劇放在翡翠台黃金時段播出，當時而言是頗大膽的決定，乍看有點似去年台慶劇《降魔的》。 結果，《刑偵》跟《降魔的》一樣，收視和口碑俱佳，而且愈戰愈勇，首播那星期收視28點，結局周33點，最高收視38點，成為1995年無綫全年劇集收視冠軍，無綫立即宣布開拍第二輯，成為史上首套一年內播出兩輯的無綫劇集，結果播出時同樣收視高企，更臨時臨急加開十集，邀請當年剛剛過檔華納唱片的鄭秀文飾演張大勇學生時代的暗戀對象葉子晴，亦因此直接影響第二輯故事的劇情走向 ── 郭可盈飾演的高婕在與張大勇結婚當天，遭人襲擊昏迷而失憶，因而忘記了張大勇是誰，第三輯的故事開首，就由她與張大勇到北京旅行說起（《刑偵》為了加長劇情而先後令高婕失憶、蘇玉華飾演的容金枝遭車撞死）。港劇史上，只有《刑偵》才會兩度臨時加開，亦捧紅了陶大宇，成為師奶殺手，當年他憑張大勇和《壹號皇庭》的江承宇兩個角色，雄霸大台黃金時段三年，亦令他在1996年和1997年蟬聯兩屆壹電視大獎十大電視藝人冠軍，他與郭可盈亦成為彼時炙手可熱的熒幕情侶。 猶記得，當年第一輯首播的時候，真的沒有追看，是後來第二輯播出之後，晚晚追看，最精彩的一個單元是曹眾和魏秋樺合演的「紅衣女郎」（第20集至22集），因為劇情完全沒有路捉，猜唔透，雖然，事後有很多人篤爆，直指《刑偵》抄襲西村京太郎、赤川次郎、連城三紀彥和夏樹靜子等日本推理小說家的作品。另一個要說的，是古巨基負責演唱第一輯主題曲《感情真相》（當年片頭：http://bit.ly/2tvdJHb），但由第二輯開始，至第四輯播出時，主題曲則改為梁漢文主唱，我最喜歡第二輯的《為明日爭氣》（http://bit.ly/2FHgmdW）和第四輯的《萬里陽光》（http://bit.ly/2FENm6C），而第四輯的片頭亦是製作上最精美的，可是，以劇論劇，這一輯不提也罷。 （10032018） ＃游大東 ＃刑事偵緝檔案 ＃港劇 Tvb粉絲團 TVb粉丝俱乐部 Tvb超级粉丝团 思想。隨筆 快樂的 我睇咗啲乜嘢 明周娛樂 MP Weekly ＃陶大宇 ＃師奶殺手 SO Yuk-wa, Louisa 蘇玉華 Kenix 郭可盈 在香港 ‧ 過首爾時間 01娛樂

【 港劇經典範例／23年前《刑偵》即將重播 】 萬子「So What」的經典港劇《流氓大亨》（1986）今晚重播至第18集，即尚有12日，亦即是3月22日便會播放大結局，緊接在3月23日於翡翠台同一時段的重播劇集，是23年前首播的港劇經典範例── 潘嘉德監製的《刑事偵緝檔案》，上次系列三部曲於2005年重播，至於今次會否一口氣重播四輯，則未有官方消息確認。而當年憑《刑偵》省靚招牌的潘嘉德，近年屢遭冷落，早前拍罷《好日子》後，據了解因不獲無綫續約，有可能提前離開大台。 為何說是港劇範例？有幾個因素，第一，是當年這套劇在首播之前，因為卡士「相對疲弱」，由憑《壹號皇庭》漸漸上位的陶大宇，配搭剛剛拍劇才一年的港姐「最佳演藝潛質獎」得主郭可盈，男二是梁榮忠，女二是1995年剛從舞台劇界「過檔」，加入《真情》劇組的蘇玉華。對觀眾而言，這個組合的號召力相當一般，這套劇放在翡翠台黃金時段播出，當時而言是頗大膽的決定，乍看有點似去年台慶劇《降魔的》。 結果，《刑偵》跟《降魔的》一樣，收視和口碑俱佳，而且愈戰愈勇，首播那星期收視28點，結局周33點，最高收視38點，成為1995年無綫全年劇集收視冠軍，無綫立即宣布開拍第二輯，成為史上首套一年內播出兩輯的無綫劇集，結果播出時同樣收視高企，更臨時臨急加開十集，邀請當年剛剛過檔華納唱片的鄭秀文飾演張大勇學生時代的暗戀對象葉子晴，亦因此直接影響第二輯故事的劇情走向 ── 郭可盈飾演的高婕在與張大勇結婚當天，遭人襲擊昏迷而失憶，因而忘記了張大勇是誰，第三輯的故事開首，就由她與張大勇到北京旅行說起（《刑偵》為了加長劇情而先後令高婕失憶、蘇玉華飾演的容金枝遭車撞死）。港劇史上，只有《刑偵》才會兩度臨時加開，亦捧紅了陶大宇，成為師奶殺手，當年他憑張大勇和《壹號皇庭》的江承宇兩個角色，雄霸大台黃金時段三年，亦令他在1996年和1997年蟬聯兩屆壹電視大獎十大電視藝人冠軍，他與郭可盈亦成為彼時炙手可熱的熒幕情侶。 猶記得，當年第一輯首播的時候，真的沒有追看，是後來第二輯播出之後，晚晚追看，最精彩的一個單元是曹眾和魏秋樺合演的「紅衣女郎」（第20集至22集），因為劇情完全沒有路捉，猜唔透，雖然，事後有很多人篤爆，直指《刑偵》抄襲西村京太郎、赤川次郎、連城三紀彥和夏樹靜子等日本推理小說家的作品。另一個要說的，是古巨基負責演唱第一輯主題曲《感情真相》，但由第二輯開始，至第四輯播出時，主題曲則改為梁漢文主唱，我最喜歡第二輯的《為明日爭氣》和第四輯的《萬里陽光》，而第四輯的片頭亦是製作上最精美的，可是，以劇論劇，這一輯不提也罷。 （10032018） #游大東 #游大東影視筆記 #港劇 #刑事偵緝檔案 #tvb #陶大宇 #師奶殺手 #郭可盈 #蘇玉華 #梁榮忠 #流氓大亨 #hktv #tvdrama #hkig #hongkong #yautaitung

【關於道德/唔識睇字嘅可以unfollow】#wyk9up 由細到大，華人教小朋友「尊重」嘅概念，大概都係圍繞尊敬長輩、師長，換言之，姐係服從權威，遵從已訂下嘅規則。我敢講，香港嗰套教育，係絕少會教人「尊重其他人的選擇」、「尊重其他人的權利」嘅。反而，華人好鍾意攞自己嘅仔女同人地比較，睇下邊個更符合社會嘅規範（例如做到醫生律師），而唔係邊個更有個性，活得更開心自在。 呢種充斥整個社會嘅無形壓逼，令我地不知不覺變到同倒模無異，即使想行一條唔同嘅路，都礙於要顧及社會規範，而被逼折翼，最後按社會嘅方式生存、工作、死去，麻木地做一個安份守己嘅奴隸，一個「正常」又平庸嘅人。無錯，有群體嘅地方，就會有規矩，明文法律好，文化潛規則也好。呢d規矩可以好有用，例如確保社會有一定嘅穩定性。 但依家嘅問題係，好多人只係internalize完呢d道德規範，但從來無思考過，究竟呢d規範係咪已經不合時宜，甚至會害到人。 以關愛座為例，本來係想令社會更有愛，更有互助精神。但當道德規範以紅底黃字嘅「關愛哈哈笑」浮上水面，反而令大家更容易喺未瞭解情況下，成為道德判官，名正言順批鬥唔讓座嘅年輕人。如果佢扭親腳呢？如果佢已經翻左12個鐘shift呢？如果佢M痛到就暈呢？唔重要的，總之佢唔讓座就係唔岩，放佢上網公審吧。 當有人仗住「道德」變得如此囂張跋扈，得到嘅效果正正係相反：由體諒他人嘅需要變成武斷，甚至失去本來應有嘅同理心。 又以女性身體自主為例。現代香港女性，已經唔再係男人嘅附屬品，我地受過教育，具備經濟能力，法律、政治上都（叫做）有平等嘅權利。以法律為例，強姦案例已將法律條文中，暗示女人為男人財物嘅字眼無效化，所以，依家男人唔可以以「佢係我老婆」為理由強姦女人（以前結左婚就乜都得），意味住，即使係已婚，女人都係一個掌握自己身體使用權嘅獨立個體，唔屬於任何人。 可惜，就算法律行到呢步，就算我地解放到女人嘅勞動力，利用到女人推高gdp，卻無解放到女人嘅思想同身體。每當一個女人越過道德規範，好多人就會大驚小怪，喺我個case，甚至係群起攻之，恨不得將我欺凌至死。遵守道德，並無令佢地更有同理心，或思考到更加多道理，反而，佢地變成一班充滿仇恨，酸臭怨毒嘅人。 佢地會認為，女人一定要以某種保守曖昧嘅方式表達自己，一旦越界，就係唔道德，就係做雞，就係搏上位，就抵俾人公審。其實，真係唔洗以己度人的，人地嘅選擇，你可以尊重嗎？女人以非傳統嘅方式表達自己，甚至真係去做雞，去吊狗公，去濫交，可以有好多原因，唔只一個分析面向的，表達自己好，討好他人好，只要無影響到你，出少句聲真係會啞咩？膚淺咁滿足完自己人身攻擊人嘅快感，最後得到左d咩呢？更何況，你好瞭解一個陌生人咩，你又係完美架咩？Who on earth are you to judge? 你咁樣對得人，係鞏固緊一個審判嘅風氣，他日你同樣有可能自己受翻。 各花入各眼，我唔係一個好靚嘅人，更加唔係咩女神，唔需捧高我然後引一班人黎踩。不過重要嘅係，如果唔靚唔完美就唔可以露肉，唔可以露樣，無衣著嘅自由，咁不如立法規定人人都要通過美麗測試，否則要用黑布由頭包到腳先出街？活在一個壓抑封閉嘅社會，人人都要一式一樣，只會越來越無inspiration，越來越唔開心，難道呢個就係我地嘅烏托邦？ 道德，可以係自己嘅引路明燈，一旦利用道德黎攻擊他人，規範他人，只會令自己嘅視野變得越來越狹隘。例如我，係一個認為家庭好重要，同埋身體只可以交託比愛人嘅人。所以，有d道德底線我會要求自己守，例如我會努力抽時間陪家人，亦無興趣一夜情、搵SP。不過，我絕對唔會要求其他人同我嘅價值觀一樣。有人唔孝順，可能係因為父母傷害過佢，無比愛佢。有人隨便同人發生關係，可能因為寂寞，可能貪玩，可能唔相信愛情，可能純粹性格唔同，或者成長背景導致價值觀唔同。無問題的，呢個係佢地嘅人生，我唔會因為自己有一套道德價值觀，就要求其他人跟隨，或者走去批鬥人，who am I to judge？待人以寬，律己以嚴。可惜，現實中好多人往往係本末倒置，自己唔完美，但對他人卻異常嚴苛怨毒，真係好可悲。 所以，次次有人大規模批鬥我，都係我繼續堅持講呢d野、post埋d踩界野嘅動力，根本唔可以退。我知我改變唔到呢個世界，大部分人都係睇完圖鬧我豬西，欺凌我，人身攻擊我就算，但總有一兩個人會搵到共鳴同安慰，總有一兩個人會比我影響到，開始放低自己把尺，學識尊重人。異想天開咁諗，或者可以將我呢套想法人傳人傳開去，慢慢帶黎一d改變呢。其實咁樣就足夠了。 最後，雖然網絡上d陌生人對我莫名其妙地差，不過我無乜野的，離開左網絡，我有好多值得我自豪嘅野，例如對我好好嘅家人同摯友，我知道自己有咩才能同長處，亦樂於發掘自己嘅缺點並且不斷嘗試改善，我有我嘅目標，有我想宣揚嘅理念，雖然有時好辛苦或者有d迷失，但總括而言我活得好滿足好開心，亦知道自己做緊乜的。 更多「長文」/我認為有少少意義嘅野喺呢個tag #wyk9up #召喚道德塔利班 #關愛座獵人