【韻味貝殻蛋糕 Ab’inDreams 開箱】 Follow @thebigeatsister, 帶你四周圍食好西😋😋 記得以前stay係歐洲嘅時候最鍾意買馬德蓮貝殼蛋糕做早餐🐒返左香港咁耐都無食過, 突然有少少掛住呢🤤大食妹係Instagram搵到好有設計感嘅Ab’inDreams🧑‍🎨 Ab’inDreams嘅bakery有個好可愛嘅名叫”月半工坊”🤫大食妹諗住試試佢嘅貝殼蛋糕🍰點知又俾佢嘅馬芬吸引, 一於兩樣都要曬啦😌 🌟大食妹點評🌟 ✼••┈┈┈┈┈┈••✼••┈┈┈┈┈┈┈••✼ 【味道】 #馬德蓮貝殼蛋糕 Ab’inDreams嘅貝殼蛋糕口感濕潤, 雖然用左減油減糖配方, 但依然散發出淡淡香甜🥰俾你食得開心之餘, 又可以健健康康😘 ❤︎ #伯爵奶茶瑪德蓮貝殼蛋糕 伯爵奶茶口味貝殼蛋糕採用左英國著名茶葉品牌Ahmad嘅伯爵茶葉預先煮成奶茶, 再係蛋糕麵糊裏面加入研磨的原片茶葉🧐入口茶香湧現, 韻味十足🍃 ❤︎ #麥蘆卡蜂蜜檸檬瑪德蓮貝殼蛋糕 麥蘆卡蜂蜜檸檬貝殼蛋糕採用風味較強烈的紐西蘭麥蘆卡蜂蜜🍯配以新鮮美國檸檬🍋食落分外清甜, 味道經典😘 ❤︎ #瑪芬 而Ab’inDreams嘅瑪芬就採用零牛油低糖配方😗一般情況下店家會以英國低脂牛奶為材料🍼但亦可因客人需要改用日本無基因改造豆奶🌺適合有乳糖不耐症人士食用噢🧸 ❤︎ #肉桂焦糖慢煮蘋果沖縄黑糖瑪芬 大食妹超鍾意呢個肉桂焦糖慢煮蘋果沖縄黑糖瑪芬🎀 瑪芬香甜可口, 口感比一般瑪芬更為濕潤, 裏面仲有甜脆嘅蘋果粒🍎尾調有小許嘅冧酒味🥂 ❤︎ #魔鬼辣椒特濃巧克力瑪芬 魔鬼辣椒特濃巧克力瑪芬係Ab’inDreams為左切合”五感市集”嘅主題而創作出嘅”辣味”朱古力瑪芬🌶前段會食到濃郁嘅朱古力味🍫中段會感受到咸咸嘅海鹽味🌊尾段就會俾辣椒嘅辛辣味嚇一嚇🤣味道層次極為豐富🙆‍♀️ ❤︎ 另外, Ab’inDreams明白每個人嘅耐辣程度都唔同, 仲推出左少辣版 #小妖特濃巧克力 同走辣版 #天使特濃三重巧克力 😆大家不妨試一試🐒 ✼••┈┈┈┈┈┈••✼••┈┈┈┈┈┈┈••✼ 【包裝】 ☞ Ab’inDreams嘅包裝簡潔, 紙袋好文青呢😺另外, 店家亦提供客制化禮品包裝🎁 可以代為手寫西洋書法便條、小卡同散水餅名牌, 仲可以以充滿古典氣息嘅火漆蠟章代為包裝客人的心意禮物🧸 ✼••┈┈┈┈┈┈••✼••┈┈┈┈┈┈┈••✼ 【性價比】 ☞ Ab’inDreams嘅蛋糕無論係包裝、用料定味道都好講究, 絕對物超所值🙆‍♀️ ✼••┈┈┈┈┈┈••✼••┈┈┈┈┈┈┈••✼ 【大食妹評分時間】 ⚀味道: 🌕🌕🌕🌕🌗 ⚁包裝: 🌕🌕🌕🌕🌗 ⚂ 性價比: 🌕🌕🌕🌕🌗 ⚃ 推薦指數: 🌕🌕🌕🌕🌗 ⚄回頭率: 🌕🌕🌕🌕🌑 ⚅ 大食妹推薦: 伯爵奶茶瑪德蓮貝殼蛋糕 、麥蘆卡蜂蜜檸檬瑪德蓮貝殼蛋糕、肉桂焦糖慢煮蘋果沖縄黑糖瑪芬 ✼••┈┈┈┈┈┈••✼••┈┈┈┈┈┈┈••✼ 🌟資訊欄🌟 🤩網店名稱: @abnormality_in_dreams 🤔落單方式: 請留意 @abnormality_in_dreams 嘅開團notice 🎁 交收: 疫情關係暫時只提供港島區交收及有限度油尖旺 / 天水圍交收, 速遞服務請直接DM @abnormality_in_dreams 查詢 💰 貝殼蛋糕 ($17/件 ; $160/10件 [自選兩個口味] ; 備有典雅日本和紙禮盒裝以供中秋賀禮或散水餅用途) 💰 肉桂焦糖慢煮蘋果黑糖瑪芬 ($30/件) 💰 特濃巧克力瑪芬系列 ($27/件) ✼••┈┈┈┈┈┈••✼••┈┈┈┈┈┈┈••✼ 想了解更多 🔍 #大食妹日常 #大食妹網店系列 ✼••┈┈┈┈┈┈••✼••┈┈┈┈┈┈┈••✼ #abnormality_in_dreams #Ab’inDreams #Madeleine #Muffin #igshop #禮盒 #中秋送禮 #散水餅 #新晉網店 #網店推介 #香港美食 #必食美食 #thebigeatsister #hkfoodie #foodlover #foodexplorer #hkfoodblogger #foodporn #hkfoodblog

佐敦平歎誠意創作鐵板燒 鐵板燒在香港向來都不算是主流的日本菜式，但疚其原因並不是因其味道有所遜色，而是高檔的收費令一般大眾有所卻步，但其實食好西又有誰會抗拒呢？！ 所以亦有部份小店微調後以較親民的價錢將鐵板燒文化普及起來。 早前筆者就造訪了一間位於佐敦的人氣小店，以鐵板燒為主打，但價錢只是4百多元已有一人前的套餐，而且菜式亦頗豐富，十分吸引；加上店主樂師傅滿有創意，單是一道18層海膽杯已叫人要來打卡朝聖一番，所以雖位處不是傳統旺區，仍是客似雲來，座無虛席。 店內面積不算大，約有6-7張枱左右，距隔雖不算寬闊但還算可以，中央位置設有開放式鐵板燒吧枱，讓客人能坐近爐邊欣賞師傅大顯身手，同時亦可以選擇坐卡座一邊暢聚一邊等店員將美食奉上。 甫入座店員即奉上一盅「茶」，裡邊浸住一粒青橄欖，入口清香味道微甘，開胃減膩。 餐牌內除了載有不同的店家名物之外，還有提供多款優惠鐵板燒套餐選擇，當中包有多款美食，價錢由$480 - $780不等，豐儉由人，筆者當晚就點了澳洲薄燒牛肉北海道二本蟹爪和日本十勝黑豚肉北海道松葉蟹一人前套餐，當然亦亦不會錯過師傅精選的幾款創作美食。 先登場的是樂師傅的首本名菜十八層海膽杯，每層都是鮮美海產，燒白飯魚脆片、海葡萄、帆立貝、牡丹蝦、吞拿魚腩蓉、海膽、磯煮鮑魚、花膠、粒貝、三文魚籽、松葉蟹肉、櫻花魷魚和明太子一層曡一層，層次分明豐富，就像是海鮮芭菲杯一般，賣相精緻重量級之餘亦啖啖矜貴鮮味，屬心思之作。 接著是櫻花蝦海膽焗花膠扒，又是樂師傅最近推出的另一道創意料理，花膠在日本菜中並不常見，樂師傅以之入饌，口感滑溜偏爽口，加上海膽甘香和櫻花蝦香，三重滋味盡集於此，可以盡情的大大啖享用花膠扒，濃郁中感受到淡淡的海洋氣息，骨膠原滿滿，品嚐美味之餘還可滋補養顏，一舉兩得。 兩款套餐都包有相同的沙律、刺身，主菜才是主要的分別。 煙燻鴨胸胡麻沙律，爽脆中帶點煙燻和胡麻香，清新開胃。 北海道3點刺身盛盒，三文魚刺身肉質偏瘦但魚味香濃、北寄貝爽脆甜美；牡丹蝦多膏肉彈，滑嫩鮮甜，全都鮮味到位。 ------------------------------------------------ 澳洲薄燒牛肉北海道二本蟹爪套餐的主菜： 西京醬煎煮銀鱈魚，銀鱈魚本身魚油豐盛，師傅將魚皮煎得焦香脆口，肉質甘香嫩滑，配上甜香的西京麵豉醬汁，鮮香濃厚，完全提升了銀鱈魚的滋味，十分出色。 北海道二本蟹爪，蟹鉗巳預先去殼，肉質飽滿結實，一梳梳的鮮味甜美。 芝士流心和牛漢堡扒，煎得面層焦香的漢堡扒，內裏肉汁豐富，牛味香濃，還帶有半溶拉絲的芝士，驚喜地細細件卻層次異常豐富。 澳州薄燒牛肉，薄薄的半熟牛肉包著香葱和炸蒜片，豐富了味道變化，一啖一件食得痛快，肉香滿瀉，幼嫩惹味，齒頰留香。 ---------------------------------------------------- 日本十勝黑豚肉北海道松葉蟹一人前套餐的主菜： 北海道松葉蟹腳，肉質依舊鮮甜，唯蟹肉偏少略嫌不夠盡興。 日本櫻花煎廣島蠔，廣島蠔脹卜卜肉厚多汁，裹上樂師傅特調的醬汁煎香，配上煙肉和櫻花蝦的鹹香，入口軟滑多汁帶微脆，鮮甜中充滿蠔香。 日本十勝黑豚肉厚切配意大利黑醋，以醬汁煎香了黑豚肉，上碟時已切粒並伴上黑醋，最特別師傅大膽的配上茶香珠珠，起初覺得有點奇怪，但跟黑豚肉一同入口卻原來也很搭配，先甜後鹹，茶香肉香混和在一起，很有特色，像是茶香豬肉的分子料理版本。 --------------------------------------------------- 以下是兩款套餐都同樣包有的食事、吸物和甜品菜式 S2特色蟹膏黃金炒飯，黃金炒飯可從8款配料中任擇其一，筆者選擇配上蟹膏，飯粒炒得乾爽，粒粒分明富蛋香，細細碗份量剛好，吃完也不會過飽。 燒野菜，菜蔬爽脆鮮甜，味道偏清淡，食完那麽多濃膩食物，正好來一碟炒什菜清清味蕾減減油膩。 S2特色紙包花膠蜆湯，以透明膠包起盛著湯品並放在鐵板上烹煮，概念十分創新。店員呈上來後即席在客人面前剪開，蜆湯的香氣即徐徐飄來。湯汁偏深褐色，用料頗足，除了大蜆之外還有香菇、豆腐和秋葵，味道清甜滋潤，有點在家靚湯的感覺。 最後的甜品是迷你忌廉泡芙，酥皮偏軟入口滿有奶香，不會過甜，不是很有特色但亦為整餐的鐵板燒畫上了完美句號。 整晚的出品質素不俗，創意更是十足，尤其是那18層的海膽杯，令人留下深刻的印象，深深感受到師傅對菜式創作的追求；部份菜式的味道雖不算十分突出，但從鐵板燒的角度來說，以價比貨性價比實算頗高，難怪造訪當晚全場滿座，可見人氣高企，以懂吃出名的香港人也這樣支持小店，相信食味水準一定不會太差了！大家有興趣的話不妨也來探究一下。 #佐敦 #鐵板燒 #18層海膽杯 #櫻花蝦海膽焗花膠扒 #西京醬煎煮銀鱈魚 #S2鐵板燒 #古家私房菜 #instagood #like4like #followme #follow #instalike #food #likeforlike #tagsforlikes #igers #follow4follow #foodporn #yummy #lifestyle #instafood #followback #foodie