20200225 黃偉民易經講堂

同樣是人，大家都有。

這是《周易》同人卦和大有卦，兩卦的精神。

也是中華文化政治理想的總目標。

孔子將這套理念寫成《禮運大同篇》，孫中山先生抄寫了，現今仍掛在台北「國父紀念館」的大牆上。

只要是人，大家都平等，機會均等。不管膚色、種族、血統、貧富、階層、權勢，人人平等，大家都有。

武漢肺炎新冠病毒，做到了。

同樣是人，大家都有機會染到！

由北角佛堂的九十六歲老婆婆，到權傾北京習近平親信，北京市委書記蔡奇，傳言都確診了。

病毒是不看權勢的。

全球生產鏈停頓，香港百業蕭條，不同階層都受到影響，收入都亮起紅燈。

這個時候，特首辦交給中央，給習近平看的抗疫報告，未到北京，先在《蘋果》刊出。令人震驚的，不只這樣的機密竟然外洩———是它的內容，林鄭的所思所想。

林鄭報告只有三大重點：

一，她不會放過曾參與罷工的醫生護士。她形容他們是反送中運動的激進份子，趁疫情鬧事，她不會容許「害群之馬」，留在醫院工作。

二，這是九月建制派立法會選舉翻盤好時機。特區政府藉有效處理疫情，贏取市民的認同和支持，為建制派創造有利的氛圍。

三，建制派沒有和特區政府站在同一陣線，以選舉理由加入批評政府行列。而個別建制派人士更對行政長官，作人身攻擊，行政會議成員的表現亦強差人意。

這就是特首領導香港抗疫的精神！

瘟疫可怕，全港停擺，大部份人半失業，收入減半，但歷史上沒有永遠的瘟疫，苦日子，總有過去的一天。

但人心一壞，社會是非混淆，黑白不分，價值淪喪，是影響一代風氣的。

領導人有影響社會風氣的責任。

《論語》衛靈公篇第三十一章：
子曰：
君子謀道不謀食。
耕也，餒在其中矣。
學也，祿在其中矣。
君子憂道不憂貧。

孔子說，作為一個君子，一生的追求，應是黑白是非，社會價值，人間公義；不應只花時間在搵食上，賺錢上。

因為，耕，只要肯做，總解決到饑餓溫飽的問題。學，只要肯學，讀書、手藝、工商百業，一定找到謀生的方法。

所以，一個君子，他只是憂心，社會腐敗了，價值淪喪了，黑白顛倒了。他並不會憂心貧窮生活等層次的問題。

林鄭眾叛親離，給中央的機密報告才會外洩。香港市民看後，都應該憂心，這個心術不正的行政長官，如何在瘟疫中，帶領七百萬人，走出血泊？

孔子從「同人大有」這組卦中，找到了終極的政治理想，在紐約聯合國大廳前的碑文中，也翻譯了《禮運大同篇》，「大同」，被譯成「最大的和諧」。

天火同人卦，上卦乾為天，代表了天道；下卦離為火，代表了人類創造的文明。

卦象上，乾天向上，離火也是向上走，所謂天火同人，方向總目標，都是一致的，這就是我們說的天人合一了。

人所創造的文明，完全吻合天道自然，人的所作所為，沒有偏離乾卦的天理。

天火同人，這個文明在下卦，只在民間基層發光，進入火天大有卦，文明已經在上卦，完全彰顯，成為主導社會發展的準則。

同樣是人，理應大家都有。但人人的背境不同，成長各異，價值追求可以有雲泥之別，如何能和洽相處，共同享受文明成果呢？

《彖傳》說：
唯君子為能通天下之志。

人各有志，人人不同，追求不同，但只要是人，總有共通點的。

今日，人人都不想染上武漢肺炎，人人都希望身邊的人，家人健康。不理貧富，住半山還是住公屋，不理藍黃政見，生活習慣，社會階層，總有「人同此心，心同此理」的人性基本面。

人性，不理地域、膚色、宗教、生活習慣，只要是人，就一定有某些共同點。如：惻隱之心，羞惡之心，辭讓之心。

唯君子為能通天下之志，找到這個「天下之志」，建立共識，就可以超越表面的不同。沒有人喜歡戰爭瘟疫，那麼和平健康就是人類的核心共同點。

通了天下之志，便有群眾基礎，有了群眾，個人理想才能夠實行。不論從商從政，打工創業，不能只用計謀討好「搞掂」你的老闆，便以為成功。

一個成功商人，一個成功政客，一個成功打工仔，關鍵是在自己的領域上，如何超越外表的不同，找出天下之志。

導演、明星、歌星、設計師、商人、政客，找出不同階層，不同背境，不同年齡的人的共同理想，便走紅了，便當選了！

像iPhone，找出了天下之志，中三學生拿它不覺奢華，李澤楷用它又不會寒傖，這個生活用品，超越了年齡和社會階層。

《同人卦．大象傳》：
天與火，同人。
君子以類族辨物。

孔子不說天在火上，也不說火在天下，而水乳交融，打成一片的「天與火」。因為兩者根本不能分開。

乾卦象徵的天理，和離卦象徵的人類文明價值，是完全合一的。

人行天道，人人都可以參與，不分上下。

這便是同人卦的象。

從這個象，君子學懂了類族，辨物。

《孟子．梁惠王章句上》第六章：
孟子見梁襄王，出，語人曰：
望之不似人君，就之而不見所畏焉。卒然問曰：天下惡乎定？
吾對曰：定於一。
孰能一之？
對曰：不嗜殺人者能一之。
孰能與之？
對曰：天下莫不與也。
王知夫苗乎？
七八月之間旱，則苗槁矣。
天油然作雲，沛然下雨，則苗浡然興之矣。
其如是，孰能禦之？
今夫天下之人牧，未有不嗜殺人者也。
如有不嗜殺人者，則天下之民，皆引領而望之矣。
誠如是也，民歸之，由水之就下，沛然誰能禦之？

戰國時代，群雄都想掃盡各路諸侯，統一天下。

梁襄王在梁惠王死後登位，見了孟子劈頭就問孟子：
天下惡乎定？
吾對曰：定於一。

他問：天下要怎樣才得安定呢？
孟子答他：定於一。

這位望之不似人君的廢柴，以為孟子說的一，是統一的一。

所以，又再問：誰能統一天下呢？

他想問孟子，有乜好計統一呢？

孟子說的一，是王道政治的「人同此心，心同此理」的一。

梁襄王誤會的，以為是軍事力量，霸道的統一。所以問：誰能一之？

孟子答他：
不好殺人的國君，就能一之。

爭霸的人都好殺，不用戰爭手段的人才能一之。不靠武力，而是用人同此心的「同人」方法。

但梁襄王不明白，再問：
孰能與之？

與，即參與。那有誰來跟隨他呢？

孟子答他：
若行王道政治，天下人都願意參與的。

這就是《大象傳》天與火的「與」字的微言大義。

這就是「同人」的精神，也即是孟子所說的，「定於一」的一。天下莫不與也。

你懂得禾苗的情況嗎？

當七八月間，長期不下雨，禾苗就自然的枯槁了。

假若一陣烏雲出現，落起大雨來，禾苗便生猛咁生長起來。像這樣，那有誰能阻擋得住？

如今的國君，沒有一個不好殺的國君，天下老百姓都伸長條頸等他解救了。好似水向下奔流一樣，誰又擋得住呢？

天下莫之不與也。

這是《大象傳》說的，天與火，這個同人卦象，君子由這個卦象明白到：笸子以類族辨物。

類和辨，都是動詞。

族，是族群；物，是物種。

世上眾多族群的種，都是歷史和自然環境發展而成。在大同世界，我們必須和不同的族群接觸交流，和諧相處。不能因非我族類而產生衝突。

每個族類都有自己的生活習慣和文化特色，但即便這樣，但卻一定有某些「人同此心，心同此理」的共通點。

我們要仔細辨析，透徹鑽研，才能夠跨越不同文化，建立溝通合作的基礎。

所以，文化進程上，必須要經歷同人，才會進入大有這個境界。

在今日世界的紛爭，皆基於人心，覺得「非我族類，其心必異」的心魔，便停留在互相懷疑的階段。

我們要走向「同人大有」的大同世界目標，關鍵的辨物，是心。用《周易》同人卦的「同理心」用來辨物，標準是眾生平等的胸襟。

《序卦傳》說：
與人同者，物必歸焉，故受之以大有。

大有，有均富之義，不但富，而且均，大家都有，社會就不會爭執了。當一個社會貧富懸殊，這個社會就無法穩定了。

均且富，才能消弭爭端，代替師卦比卦，用武力強權，解決人際紛爭的今日困局。

https://youtu.be/g13Fmq2TG_U

黃偉民易經講堂
2020年2月25日 星期二下午5：00pm
現場直播：

#病毒之前人人平等

同樣是人，大家都有。

這是《周易》同人卦和大有卦，兩卦的精神。

也是中華文化政治理想的總目標。

孔子將這套理念寫成《禮運大同篇》，孫中山先生抄寫了，現今仍掛在台北「國父紀念館」的大牆上。

只要是人，大家都平等，機會均等。不管膚色、種族、血統、貧富、階層、權勢，人人平等，大家都有。

武漢肺炎新冠病毒，做到了。

同樣是人，大家都有機會染到！

#林鄭所思所想

這個時候，特首辦交給中央，給習近平看的抗疫報告，未到北京，先在《蘋果》刊出。令人震驚的，不只這樣的機密竟然外洩———是它的內容，林鄭的所思所想。

林鄭報告只有三大重點：

一，她不會放過曾參與罷工的醫生護士。她形容他們是反送中運動的激進份子，趁疫情鬧事，她不會容許「害群之馬」，留在醫院工作。

二，這是九月建制派立法會選舉翻盤好時機。特區政府藉有效處理疫情，贏取市民的認同和支持，為建制派創造有利的氛圍。

三，建制派沒有和特區政府站在同一陣線，以選舉理由加入批評政府行列。而個別建制派人士更對行政長官，作人身攻擊，行政會議成員的表現亦強差人意。

這就是特首領導香港抗疫的精神！

林鄭眾叛親離，給中央的機密報告才會外洩。香港市民看後，都應該憂心，這個心術不正的行政長官，如何在瘟疫中，帶領七百萬人，走出血泊？

#同人大有是終極政治理想

孔子從「同人大有」這組卦中，找到了終極的政治理想，在紐約聯合國大廳前的碑文中，也翻譯了《禮運大同篇》，「大同」，被譯成「最大的和諧」。

天火同人卦，上卦乾為天，代表了天道；下卦離為火，代表了人類創造的文明。

卦象上，乾天向上，離火也是向上走，所謂天火同人，方向總目標，都是一致的，這就是我們說的天人合一了。

人所創造的文明，完全吻合天道自然，人的所作所為，沒有偏離乾卦的天理。

天火同人，這個文明在下卦，只在民間基層發光，進入火天大有卦，文明已經在上卦，完全彰顯，成為主導社會發展的準則。

#人同此心心同此理

同樣是人，理應大家都有。但人人的背境不同，成長各異，價值追求可以有雲泥之別，如何能和洽相處，共同享受文明成果呢？

《彖傳》說：
唯君子為能通天下之志。

人各有志，人人不同，追求不同，但只要是人，總有共通點的。

今日，人人都不想染上武漢肺炎，人人都希望身邊的人，家人健康。不理貧富，住半山還是住公屋，不理藍黃政見，生活習慣，社會階層，總有「人同此心，心同此理」的人性基本面。

人性，不理地域、膚色、宗教、生活習慣，只要是人，就一定有某些共同點。如：惻隱之心，羞惡之心，辭讓之心。

唯君子為能通天下之志，找到這個「天下之志」，建立共識，就可以超越表面的不同。沒有人喜歡戰爭瘟疫，那麼和平健康就是人類的核心共同點。

#經歷同人才會進入大有

每個族類都有自己的生活習慣和文化特色，但即便這樣，但卻一定有某些「人同此心，心同此理」的共通點。

我們要仔細辨析，透徹鑽研，才能夠跨越不同文化，建立溝通合作的基礎。

所以，文化進程上，必須要經歷同人，才會進入大有這個境界。

在今日世界的紛爭，皆基於人心，覺得「非我族類，其心必異」的心魔，便停留在互相懷疑的階段。

我們要走向「同人大有」的大同世界目標，關鍵的辨物，是心。用《周易》同人卦的「同理心」用來辨物，標準是眾生平等的胸襟。

《序卦傳》說：
與人同者，物必歸焉，故受之以大有。

大有，有均富之義，不但富，而且均，大家都有，社會就不會爭執了。當一個社會貧富懸殊，這個社會就無法穩定了。

均且富，才能消弭爭端，代替師卦比卦，用武力強權，解決人際紛爭的今日困局。

今日下午5：00pm, 在這裡和大家見面。

一，醫管局職工經過大比數決議，宣佈罷工。發言人台上灑淚；睇得出都係一個困難嘅決定。其實經過沙士一役，我相信好多香港人都企響醫護嘅一邊。

二，當然，亦唔排除會有藍朋友會話：「做得呢份工，就預咗㗎喇。」我唔知佢哋係咪做醫護；係嘅，我都會尊重佢哋堅守前線嘅勇毅忠誠。不過，假如係唔關係嘅人，我只會講：「你都幾無良，迫人攞條命搏。」

三，道德，早幾日講過呢個題目；其實有一個好基本嘅原則：「己所不欲，勿施於人」呢句說話，出自《論語》。洋人語境，耶穌都講句一模一樣嘅：Do unto others as you would have them do unto you。當耶穌同孔子都不約而同，夠份量啦。

四，耶穌同孔子，唔係叫你做聖人偉人，亦唔係叫你大愛，而係叫你做返個人。好基本嘅要求就係，你當自己係人，就接受其他人都只不過係人。你會真係搵條命去搏咩？遠嘅唔講，暉明、麗晶、美孚嘅街坊點解咁燥？佢哋心裡面嘅問題係：Why me？

五，政府有冇人出來同佢哋傾？冇。好忙？真係咁忙？一個話得事嘅都唔得閒？唔好玩啦。驚就認咗佢啦。我嘗試代入政府官僚嘅角度去諗，負責搵地方嘅，又唔駛負責同社區溝通；要面對群眾嘅，又唔係搵地方個部門。結果，咪有部門話搵到地方，有部門話好吖，幾時搬；就係冇人會問：「咁有冇同地區人士傾過？」然後兩個部門就你眼望我眼：「傾，咁就 close 唔到 file。」如是者，大家當睇唔到，出事先算。

六，「你又知政府咁多嘢？」同我熟嘅朋友都知，我都算做過下大機構嘅十九管理層；其實大機構同政府，差唔多，分分鐘衰過。剛才講嘅現象，以前打工個陣，日日都見，個經歷都令到我唔想再做大公司。

七，講返正題。千錯萬錯，林鄭就係衰一樣嘢：「點解唔封關呀？不該！」

八，其實，我都係估，林鄭非不為也，實不能也。我唔係為佢開脫。佢要搵十九個理由去支持「死不封關」呢個決定，係因為呢個係佢唯一可以做嘅事。咁點解唔可以呢？最大可能性就係北京唔畀。

九，點解北京可以封武漢、封湖北，就係唔畀香港自封？其實你都可以想像個畫面：香港宣佈封關，大家額手稱慶；即係，行動上確認咗中港區格得人心。嘩，咁仲得了嘅，咪畀班反中亂港有位入囉。所以，澳門就可以，香港就唔得。（後補：讀者指正，澳門都冇全封，只係對曾經去過湖北嘅入境人士作出限制。）

十，封關，本來係特區政府彰顯「香港可以說不」嘅絕佳時機。依家先封，我睇香港人都唔會原諒佢；當然加埋之前幾個月嘅恩恩怨怨，呢個政府醫返都嘥藥費。

十一，不如，我又估下北京同香港政府，會點樣應對吖。大家可以 Save 低呢篇，過半年大家對一對。

十二，先講北京。很肯定，中央會不計後果咁，超級放水。又話說，近年大陸有個講法，叫「定向寬鬆」，意思係不但放水，而且可以對到準一準咁放。呢次嘅規模，點都會大過2008年嘅四萬億。即係話，衰足十年嘅 A 股，都有可能水浸。

十三，當然，北京放水，一定會同時吹水，講到係要發展乜乜物物。今年要公布「十四．五」規劃；其實上年底，發改委已經開工起草。 我睇過下啲文件，話「十四．五」呢，會將市場行為劃做「第二准則」，我嘅理解係會講到明有乜係市場唔可以做，剩底嘅，先至由得你去玩。

十四，我又見文件講咩「工業化後期」、「人工智能」、「城鄉人口雙向流動」、「高齡化」、「生態建設」同埋「社會治理」。究竟有邊啲股份受惠，大家仲有幾個月去慢慢研究。

十五，「區域協同」都似乎會係重點。咁，大灣區就一定會講，深圳就一定係主力，香港就金融中心乜乜物物，珠澳橫琴咩休閒旅遊，廣佛係行政文化⋯⋯非常之咁 predictable 。

十六，香港呢？香港一樣會係咁派錢。不過，香港真係距離結構性赤字冇幾遠喇，所以特區政府會派，但大多數嘢都唔會恆常化。

十七，不過，政府體制同負擔，已經超出呢個人口逐漸高齡化嘅社會可以承擔嘅程度。過去，我講緊十幾年前，香港特區政府會講咩吸引人才之類嘅，今日仲講呢套，真係難聽過粗口。至於叫退休人士返大陸養老，我諗講出口都一樣畀人吊起來啦，係咪？

十八，所以，可能呢個政府，乜春都唔講。但，唔代表唔做嘢。

十九，從香港公共財政嘅結構去分析，利得稅你唔郁得，一郁就真係拆去新加坡；再講，其實好多企業，根本就係要來 hold asset 之嘛，邊有稅交？來來去去，咪又係個一百幾十間大企業。

二十，今時今日嘅社會，尤其係服務業，你加我 1% 稅率，我肯定有人將基地外遷（我都講咗幾年）。政府稅收增加嘅比率，亦唔會等於稅率增加嘅比率；分分鐘收少咗都唔定。一刀切加利得稅，未必有著數。

廿一，不如加啲走唔甩嘅大財團啦！我都幾肯定，政府係咁諗。大財團亦都一定詐型。世界同北京大旋律之下，咩企業社會責任吖嘛，我估政府會有啲 plan 畀大財團：你一係交稅，一係就自己攞去做公益嘢。機會來喇飛雲！啲咩 NGO 社企之類，一定好好生意。

廿二，以上，都係解決唔到香港公共財政最根本嘅問題，就係越來越多人，甚至企業，佢哋最重要嘅財富來自資產價格上升。理論上，香港冇資產增值稅，但好似話為賺取收入而買賣資產，又可以收你稅喎。但係，呢啲技術問題，一定可以技術解決。我唔買賣資產，但搵方法變現金流得唔得呀？一定得。現金流收入，畀少好多稅。不過，呢啲玩法只限一百幾十億身家以上嘅人，我估呢度冇幾多個（有嘅，inbox 小弟，等我開心下，原來都有咁 high net worth 嘅讀者）。

廿三，最後，呢個政府除非放棄聯匯，否則唔可以賺好多，印以亦唔可以自己印錢買自己嘅債，所以唯一可以量化寬鬆嘅資產，就係⋯⋯登登登等⋯⋯土地！

廿四，明日大嶼，就係土地量寬。

廿五，唔熟地政嘅朋友，可能會以為，政府鬥地主要收農地，其實就係要迫發展商明日要用真金白銀支持明日大嶼嘅地。我反而更相信，政府要發出一個訊號，迫發展商盡快用更高嘅溢價提出轉換土地使用，如果唔係就搞你。某程度上，都係一種鬥地主。

廿六，發展商，其實都係睇住麵包幾錢就用幾多錢去買麵粉。政府當然唔理得咁多；喂阿哥，大家都等錢駛，唔係你窮就係我窮，咁梗係你窮好過我窮啦。

廿七，發展商同政府，我覺得，最終係沒有贏家。土地嘅量寬，唔係冇代價。我見到未來嘅香港，窮人一世住公共房屋，係一世。以前仲有流動性，至少跨代有流動性。未來，階級會世襲，流動性大減。

廿八，土地經濟鏈崩解，可能有社會棟樑拍晒手。但係我想提醒一下大家，發展商嘅資本係流動嘅，唔響香港賺錢，佢哋都會將重中轉移。事實上，過去十幾年，好多都已經到處投資；甚至乎佢哋嘅私人投資，早就散佈世界各地。佢哋可以十幾代人都唔做嘢，都過得比我地富庶。但從前香港，由基層晉身中產，得兩條路：入大學神科同置業。

廿九，我曾經聽過一個故仔。有位仁兄，佢中環有一幢大廈咁多。有次佢話，每個月收租嘅錢，夠買一架法拉里；買得多，都厭啦。最終，都要搵地方投資，結果買埋買埋的大藍籌科技股，又倍倍聲咁賺。重點係，呢位仁兄響個有錢人圈子入面，根，本，唔，入，流。

三十，就係咁，香港真係一個好顛倒嘅地方。富不與官爭咩？咪唔好爭囉。冬天去下滑雪，夏天就巡下酒庄，咁又一年。官，日日畀人吊到開花，但真係好慘咩？佢哋閒閒地有幾千萬，仔仔囡囡又可以結交下啲新貴，咁又一世。

三十一，無權無勢嘅，我知佢哋嘅積怨。早幾年，大家都發下夢，以為可以做隻咩 App 畀騰訊阿里收購，就有十億八億。發夢就冇咁早。事實係，搵兩餐晏仔，唔難；發達，就可以慳返。

三十二，講真，今時今日搵十萬八萬一個月，都真係算窮。你無聽錯。係窮。搵幾百個一年，有資格做中產。有幾千萬身家，大把人。過億，都先至剛剛叫做有個錢。我有時覺得，只係可以出得起兩、三萬請個同事幫下手，真係唔好意思開口叫佢哋做咁多嘢。

三十三，香港咁嘅狀態，好大程度係因為量化寬鬆。其實量化寬鬆，唔單止令香港扭曲晒，甚至乎世界各地發達國家，多少都係咁。不過，你去美國，大不了搵個鄉下地方，過田園生活，一定餓你唔死，等閒打下機，上 Facebook ，上 Amazon 訂下嘢，咁又一日。

三十四，但又話說回頭，搵幾世都用唔晒嘅錢，又點？咪用唔晒囉。我知我咁講好似有少少阿Q，但實情係，歷史上有錢人不嬲都係極少數，科學家都係，運動員都係。不過，偏偏香港有一段日子，演變出一種以身家論身份嘅文化；咁當其時又真係做大學教授嘅十個八個，非常咁見駛。做大企業管理層，十個廿個，已經住紅山半島陽明山莊。呢個係上世紀八、九十年代，我哋稱為香港黃金時代最好嘅日子。

三十五，其實自從亞洲金融風暴到沙士，香港已經內傷；我越睇就越覺得，近年香港係故事嘅尾聲。對社會，我係悲觀嘅；甚至對人類文明，我都好灰。我唔擔心自己，我擔心嘅，係下一代人面對嘅世界。

三十六，唯一希望係，我哋嘅下一代，可以平安咁過自己嘅人生。正如一開始所講，道德其實好簡單，做人，就係對身邊嘅每個人嘅要求，就好似對自己嘅要求一樣；唔好睇唔起自己，亦唔好睇唔起其他人。好人一生平安，亦應作如是觀。