中環任我行》跟一位刁王飲嘢（渾水）

上星期「刁王」朋友約我在中環某酒店飲野吹水，因為這陣子大家都係食風無乜野做的關係，所以大家時間也易就，很快就見面了。

我在讀書時期已經聽過這位「刁王」大名，是偶像級層次。他出道早我約三十年，跟不少上了神台的大孖沙都合作過。就算現在活躍市場的莊家，聽過他大名的也想跟他見一面。他鑽文件空子的能力無出其右，其中一隻賭股成名作，也跟他有關係。他曾經在事途上幫過一位酷愛行山的金融界過街老鼠，如果可以承蒙佢提拔2、3下，我就真係飛上枝頭了。能夠識到偶像級刁王，以致近期混熟一點，到可以同台飲2杯，既係緣份，也是神推鬼撞。

甫坐下，第一件佢叫我做的是一件無聊事。

「阿水，可唔可以幫幫手？幫手like下這幾個post。」舉手之勞當然樂意至極，我看看那個post，心頭微微一笑。

「阿水，我尋日比左張相你睇，23歲，斯斯文文，你毒男單身咁耐睇下岩唔岩？」我繼續笑笑口，你又點能夠相信一個在市場上乘風破浪的deal maker，竟然坐在我對面，同我講呢D！

說到公事部分，我們都係簡單交代了2分鐘就完了。然後繼續閒話家常，我開始跟他埋怨，呢期在個市場冇乜大發展，食風食到成肚都係。他向我打眼色，原來坐他身後的是一個同佢同等級的deal maker，讀音讀個「尋」字，真名就不說了。原來這位尋君也在中環某酒店逗留了幾個鐘，一同食風。最後，刁王同我散水時，順勢幫尋君埋了單。

我說這個小事，有幾個目的。第一，市場比我強的人都食緊風，所以我不應妄自菲薄。第二，市場上比我強的人都係一樣，有平易近人的一面。第三，原來這間酒店是英雄地，咁多猛人，我得閒要多去留腳毛。第四，永遠要搶埋單。

http://hk.apple.nextmedia.com/…/%E4%B8%AD%E7%92%B0%E4%BB%BB…