我的2020回顧，寫咗7000字，分上下集。問我就上集嘅topic吸引啲，但2020大教訓在下集。所以睇晒佢吧。下面我會貼下集全文（上隻FB Post就呢度（https://fbook.cc/3K43）），但我建議你去Patreon睇，有圖有link 易睇啲，反正呢兩篇免費 open to all

上集 Patreon Link 呢度（https://bityl.co/52OJ）
下集 Patreon Link呢度（https://bityl.co/52OI）

另外，2020年雖則在我身上發生好多事，但整體都係不錯。想2021知得更多，同埋助養本人（畀人炒咗啦！），請訂Patreon，一星期至少六篇，一個月一舊水有找，已經近1000人 join（https://bityl.co/4Y0h）
＝＝＝＝＝＝＝=＝=＝＝=＝＝=＝=＝＝=＝＝＝＝＝

上集
引言—我的2020，一個字，NBA。真係打籃球嘅NBA
被炒記2.0—生涯第二次
Patreon讀者救我全家，好人一生平安
台證消—本人已拎台灣居留證，一切都係為了這一天
投資 —股票總值升咗100%

下集
冇得一年去幾次日本，但我仲可以外遊兩次
好似同我老母炒咗大鑊
其他—睇書睇戲睇波，冇人想知。
2020教訓：唔好杞人憂天。但機會留畀有準備嘅人。contrarian，不朋不黨，unherd．

1. 2020回顧，寫寫下變咗7000字。分上下集出。另外呢篇文係免費的。表面好似上集好睇啲，但大教訓在下集。所以睇晒佢吧。你仲未訂Patreon嘅，即刻去吧，月頭訂抵呀。（https://bityl.co/4Y0h）

上集在此，可以先睇。（https://bityl.co/52OL）

冇得一年去幾次日本，但我仲可以外遊兩次

2. 今年都有得外遊？係喎，真係有。不過回返帶，我係好大個先第一次坐飛機的。又唔係咩家貧，但細我老母去咩星馬泰叫我去，我都唔去，寧願留在定，睇老豆嘅鹹書同鹹帶，以及由朝打機（同埋打飛機）打到晚，好過去睇人妖花街roller餐廳

3. 我第一次坐飛機，2000年，22歲。去英國讀Master，之後當年都因為廉航去咗唔少地方。然後返嚟香港做嘢，咁新鮮人嘛，假期又唔多，係去少咗的。直到2007年，去咗耆英證券，人工高左，假期又多咗，然後嗰時開始每年歐遊，亦都多咗出trip．到2015年，第一次去日本同韓國，自此變懶，冇再去長途（去過一次杜拜算唔算？）。

4. 但有朋友講，話十幾年每年坐飛機（其實很基本吧？）嘅紀錄，2020年斷纜。我就冇事。2020年我依然有外遊。自2007冇斷纜。


5. 除咗上集有講，年尾去咗台北，在嗰邊過埋聖誕外。仲有2月中我去咗次越南。先去河內，再飛胡志明市，再返嚟。今次去越南半工作半做嘢，十分開心。嘢食好食，洗費平，女仔靚。

6. 不過嗰次去越南都幾乎去唔成，因為越南都算幾快手「封關」。甚至有架機半空都畀佢打回頭。後來先有搞清楚只係封大陸唔封香港。但，佢亦都停晒啲特區護照嘅簽證。不過本人用BNO係出到簽證嘅。

7. 然後2月尾我原本去靜岡（算係做嘢），對家就取消（當時要飛仲有得飛），打後嘅事大家都知了。

8. 2020應該好多人都有呢個想法：以前以為必然嘅嘢，並唔係必然。以前真係幾十蚊機票去快閃廣島長崎，有排都冇呢支歌仔。就算有得再去，都會貴好多（而，你準備好年假未？準備好銀兩未？）。

9. 但我自問，已經盡晒力，I already gave my best, and I have no regrets at all。2020年我都仲去到兩次外遊，已經能人所不能。仲有，2019年我去咗4次日本（嚴格嚟講係5次），兩次韓國，一次台灣，一次泰國柬埔寨，一次越南。已無憾。唔好以為係必然，我舊公司真係有啲職場柯華田 workaholic，會放唔晒啲假益公司的。本人打死都唔會，寧願射落海。冇得外遊我都照請，甚至要返公司做嘢我都照請（我都試過）—至少我唔使8點返公司，至少有人催交嘢我可以同佢講「拿我放緊假架下」

好似同我老母炒咗大鑊

10. 其他方面，好似都不太特別。In case 有人想知。年尾我sort of 同我老母炒咗鑊勁嘅，就在我去台灣之前。詳情亦冇乜好講，反正我數落佢你都覺得只係我片面之詞，咁清官難審家庭事，幾廿年恩怨，點係幾篇文講到？但的確，我去台灣之前同佢食咗餐飯，不歡而散。食完飯回程我都已經完全冇理過佢，而到呢刻我都冇同佢講過任何嘢 send過message，包括我畀人炒咗嘅事。

11. 會點？唔知喎。好似史上都冇試過真係鬧反到咁耐冇出聲。正路地團年總會食飯。咁我當然唔會走去問佢。佢可能都會當我透明，但我估可能會叫我阿妹叫我，以表明「唔係我叫你嚟」

12. （你老味丫，但真係咁的。嗰次炒大鑊食飯都係咁，我話「喂你唔使句句窒住晒下話，唔係我話要食飯架喎」，佢一樣不甘示弱，表示唔係佢要食，好丫，而現實好似真係我同我妹講我去台灣，佢話臨去前食餐飯）

13. 但又如何？我見好多人講「情緒勒索」，完全就係濫用。我覺得我係可以之後都唔理佢的。講真，我又唔係謀住佢副身家

14. 而佢經常以為係咁，甚至用呢樣嚟兇我。雖然佢應該唔會睇到，但我再講一次：我就根本由頭到尾都冇預期佢會留錢或乜畀我。公平啲講句就好仔不謀爺田地。串啲講句：錢我冇咩？我買樓一個仙都冇問佢拎。現實啲講句：我老母好後生生我，生活又健康，我早死過佢嘅機會都唔細。務實啲講，就算佢早死過我，到佢死時，我應該訓緊老人院，或者已經不良於行腦退化。把撚咩。

15. 上網講家事好似都唔係咁好。但的確，12月我發咗三次惡夢，都同我老母有關。似乎唔應該刻意唔寫。

其他—睇書睇戲睇波，冇人想知。

16. 其他東西，輕輕帶過，但亦in case 有人想知，我啲興趣嘢（其實我最大興趣都係寫文，搵錢，一年去幾次日本，食幾餐米芝蓮）

17. 書方面，丫，托賴喎，好似睇多咗啲。吳克儉添呀，我在台北隔離期間，睇咗四本書。好似已經過過2019。真係羞愧，但寧可羞愧都不能造假。近年睇少咗好多書。搵食嘛，有時間都寫文經營下Facebook Page同 Patreon啦

18. 電影呢？丫，當然成日都冇得去戲院。而雖然我12月，因為在台灣隔離14天，居然死死地氣join咗Netflix，但居然完全冇用過！

19. 倒係我返到嚟香港，破戒，登登登登—睇劇！仲係睇韓劇！請屌。但，當然唔係啲狗血或情情塔塔嘢，呢套《沉默警報》都幾好睇。問題係睇咗6集，用咗我7個鐘，好唔化算。照計我都係唔會再睇劇。

20. 仲有，今年《講 鏟 片》嘅十大港產爛片，我居然睇咗5套，都真係能人所不能。咁照舊，我當然係講入戲院睇啦！套《熟女愛漫遊》我同埃汾太一齊入場添呀！爛撚到丫！近十年都少見，真係直迫《笑詠春》。

21. 最後，波。原本嘅歐洲國家盃2020取消，不過亦冇眼睇，反正德國（好多人知埃汾捧德國架可？）都係變炮灰。2021亦冇厚望。叫做有啲安慰係，拜仁慕尼黑拎咗歐聯冠車。淘汰賽我場場睇晒。但，始終我都係捧國家隊多過球會。

2020教訓：唔好杞人憂天。但機會留畀有準備嘅人。contrarian，不朋不黨，unherd．

22. 我諗，2020嘅最大教訓，應該以下幾樣：

23. 首先，都係好老土，但人生無常。但反而唔使杞人憂天，你去估都冇用，好多嘢唔係你估到。而家你睇返2020年頭估嘅嘢，全部變垃圾

24. 更重要係，就算你估到啲事情，唔代表你會做到好嘅決策，亦唔代表你會因為咁而得益。顯淺嘅係投資上，但其他事件都係。除非你講嘅係知道年尾股價年頭買，或者知道六合彩開乜嗰種。否則，就當你3月時知道好大鑊，疫情會重創全球經濟，又知道之後有疫苗，經濟會反彈。但又如何？知咗又點？所以真係唔使去擔心乜

25. 但又，機會都係留畀有準備嘅人。本人被炒固然有啲意外，但個意外係「時機」，唔係件事「本身」。都係另文講，但冇乜「點解」，宏觀嘅你由疫情講都仲得，微觀啲公司本身生意，再微啲你話本人得罪人多（應唔算吧）嚴重overpaid（可能）都得。想講係，呢啲唔會全無先兆。當然我唔會因為咁而一早拎晒啲嘢返屋企，但，我8月搞得Patreon，都某程度上係舖定後路。然後估唔到咁成功—但亦估唔到咁快就失業。

26. 另外，contrarian，不朋不黨，unherd．當然可能只係在我身上適用。我知做港式smart ass都係有啲乞人憎，亦都知個謬誤係好多人（你同我都係）成功咗就當自己實力唔係運氣。但，睇返呢十年八年，啲大事情上，我都算掌握得好。更加爽當然係走在其他人前面。

27. 2012/3 年左右我開始諗移民台灣，當然得個諗字唔代表乜，但牫2014年已落手搞。當時仲係畀人恥笑，台灣呢啲地方真係狗也不屌。「其實我都同意」「但我更討厭香港」。呢，嗰時話走人，仲要畀人狂鬧狂屌狂笑的，我當時寫呢篇文《唔開心、討厭香港、有錢，點解唔走？》都畀人狂鬧。「愛香港應該低留改變佢」喎。

28. 講「愛香港應該低留改變佢」嗰班而家一樣搞移民，仲問返我轉頭。所謂先知，就係知早你少少。知冇？往後甚麼送中呀國安法呀當然唔係我估到，但，個大方向係冇錯的。都話2014年我已經入紙搞，有晒紀錄為證。

29. 同樣地，投資上，你可以諗返2020年3月係咩情況。當然係哀鴻遍野。我當然係stay invested，甚至有加碼，但講真手頭現金都唔多，而我亦冇走去加按層樓（事後諗返其實都應該，唔係因為見升先係，而係息太低）。咁要大家去嗰啲位加注，係難的，一來未必有錢，二來未必敢。但，撈唔到底（談何容易？）都好，但至少唔好低位打靶！但好多人都做唔到。小則停咗啲月供股票（何其不智，你唔諗下最初你月供嘅初心係乜？），大則低位沽貨。

30. 但講到尾，明嘅，事後指指點點易，但身處其中嘅心理又唔同。我本身做股票，呢個係我工作一部份，就不能避免日日睇。但唔係做金融嘅讀者，根本可以唔使成日睇呢啲新聞。更差嘅係網上同人討論。

31. 你睇，嗰時我叫人買股票，畀人狂鬧呀。話大鑊過金融海嘯呀（某程度係，所以機會更大），日日有人死緊呀（而家都係，咁所以我應該3月開始一路沽空？），印銀紙解決唔到問題呀（但解決到我嘅問題），聯儲局發明唔到疫苗呀（咁我要等有疫苗先買股票？）。

32. 教訓好簡單，信嗰啲友，就仆得街了。但我有冇理嗰啲友？世界都係樂觀者長勝的。人類嘅基因亦都係咁，悲觀嘅人最後都被淘汰。好多時我自我介紹，都講自己係 外向嘅introvert，悲觀嘅樂觀啫，可以細味下。

33. 唔計咩中學寫週記寫校刊，我真係公開寫文，都超過廿年（真老）。台上一分鐘台下十年功，我自己都懷疑咗自己好多年，面皮太薄，總覺得自己未夠好。Patreon嘅讀者除咗令我溫飽，仲肯定咗我嘅能力—肯畀錢仲唔係認同你能力？

34. 有人認同我能力，亦反而令我做決定時更加可以相信自己，唔理啲廢柴嘅雜音。

35. 所以，總結：

36. Contrarian/unherd/不朋不黨/ignore the boos（因為買平飛嘅人先噓得最大聲）。但呢部份唔係人人啱，而我呢啲性格，亦令我少咗好多樂趣，我並唔係有好多朋友，或者社交上好有嗰種charisma嘅人。有得有失

37. 世事無常，唔好再花咁多時間估呢樣估嗰樣。我冇宗教信仰，但好多時謙卑啲，睇下自己往績，就知根本事情唔係你想像中咁發展。既然估唔到，做乜分咁多心神，日日睇幾個鐘估習近平係咪失勢 中南海係咪政變 大陸係咪打台灣？首先你估唔到，二來，估到又點？

38. 但同時，又要做好準備。聽落同頭先一段矛盾。其實不然。我唔使去估到底開A定B，但準備下，開A嗰時點，開B嗰時又點。嘩，估唔到政府咁仆街。嘩，估唔到公司咁仆街。嘩，估唔到會跌幾千點。嘩，估唔到聯儲局咁仆街印銀紙。當然有啲情況下，真係發生，你咩都做唔到—但有呢個心理準備都係一種準備。唔好啲事情發生時你大亂陣腳 — 因為你在呢啲情況下，就會連做其他決定都做錯。

39. 一般Patreon唔係寫呢類嘢，放心。呢啲算係 Extra的。

40. 你仲未訂Patreon嘅，即刻去吧，月頭訂抵呀。（https://bityl.co/4Y0h）

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已900人訂！（https://bityl.co/4Y0h）

#食況轉播 #小樂沐真正的好食材

「這道菜的重點，當然不是黑松露。」

非常陳嵐舒的一句話。

我推倒二片堆高成塔的黑松露，用力一切，穿過層層疊疊的蕪菁與茭白筍薄片，以及油封北海道干貝與奶油杏仁塔，持叉子全部送入口中，秋冬根莖蔬菜特有的甜脆，與干貝之嫩滑、塔皮的奶油香與鬆脆，交織出豐富的質感，義大利托馬起司（Toma cheese）的軟質鮮鹹夾藏其中，黑松露氣息微微，已過巔峰，輔以些許泥土的風味，「當作蘑菇吃吃就好，」陳嵐舒主廚說。

她真正的重點，是另外淋上的綠橄欖醬汁，特別選用今年十月運來的西班牙早摘橄欖油，和西班牙醃漬綠橄欖、蛤蜊汁做成醬汁，甘中帶苦、鹹中有鮮，青草香與杏仁味齊放，整道菜就脫俗了起來。

「還有這貢布胡椒醬，我們用這黑麻油做的。」

小龍蝦與鱈魚白子先被她略過了，這也很陳嵐舒。她畫重點的黑麻油，是「本草堂」特別為小樂沐以低溫（攝氏120度）初榨的客製品，經過催芽提升營養，倒出來直接品嚐，竟一點也不像原本熟悉的黑麻油，爆炸的香氣收斂了，堅果的風味轉變了，反而更接近苦茶油，陳嵐舒用來油封菱角，菱角竟有些似水煮花生；拿來做胡椒醬，柬埔寨貢布的粉紅胡椒與大量檸檬汁結合，釋放出濃烈而溫暖的辛香，蘸上小龍蝦或炸白子都極好，白子輕透的麵衣與適中的鹽味和貢布胡椒尤其搭。也的確，貢布胡椒醬才是主角，然而，不論是散發堅果氣息的油封菱角，或者花果香四溢的炭烤紅心芭樂、綿軟甜厚的炭烤南瓜，每一個配角都撐起了場面，風味足實。

淋上桂花油醋的新鮮羊奶起司，奶滑飄酸，和西施柚、炸米花一起吃，優雅宜人。問她羊奶起司來自哪裡？「是台灣的」，陳嵐舒細聲說明，「就是我們附近的『Dida Cheese』，我讓它放一個禮拜，羊味淡一些，再調入牛奶，做成我們想要的味道。」至於泡沫綿密的卡布奇諾紫玉米湯，橫亙在湯杯上方的無花果酸種麵包條，塗了椰子油烤脆後，底部一層法式酸奶（creme fraiche），也來自Dida。「我們試過法國進口的creme fraiche，可是味道還是不比本地新鮮做的濃郁。」

#食材站得更前面

很多人大概好奇，「小樂沐 Le Côté LM」與原本的「樂沐」，究竟有何不同？

除了我先前寫過的，更輕鬆自在、更融入鄰里的改版（這樣的社區餐廳你看看！），小樂沐不同於以往的一大主張是，食材站得更前面了。當然不是說過去的樂沐不注重食材，「以前我們的奶油、橄欖油都用得非常好」，但是，在樂沐時代妳不會看見陳嵐舒特地出來解說她用的是什麼油、什麼來歷；這一次，她則從廚房裡拿出來西班牙早摘橄欖油、催芽初榨黑麻油，放在我們面前，其身影與充滿熱情的解說，我第一次見到。也不只是油，好比前面提到的羊奶起司與法式酸奶，以及西施柚，「是我們特地和一個農友收購的，買了一百多顆，我們就到處放，讓它辭水，用完再換別的當季水果。」

「樂沐以前很刁鑽，呈現的細節很多，客人沒有空間理解單獨的食材；現在小樂沐就有空間給客人一個一個看，加強印象。」

這樣的空間得以出現，則是因為變輕鬆的小樂沐，料理製程不能太複雜，不必像以前一樣層層堆疊百轉千迴，「每一種元素是用更快速與直接的方式點題，很快讓客人感受到味道。」她舉例，以前會用高湯為底，各種不同材料堆砌味道；現在會用一種主食材切入主題，用比較簡單的醬汁（如橄欖油）來烘托。

「小樂沐要把思考方式模組化，以前樂沐有很多看不見的成本，現在有比較多簡單的方式。客人不用花太多心思了解，只要覺得很棒就好了。」

#真正理解台灣食材的好

不過，還有一個更深層的理由。

「大家都在講台灣的食材很棒，但很多時候，大家沒有找到最好的東西。」

她認為，台灣有些食材、調味料真的是世界級，她舉「土生土長」的花生油為例，「真的就像一大把剛烘好的花生在你面前」；但她認為，很多人沒有真的理解，什麼食材怎樣的質感最好。她自己也經過一段學習的過程，「幾年前我也不知道香油和黑麻油的差別，原來台灣沒有白芝麻、只有黑芝麻，但壓榨溫度太高，只取香氣但破壞營養成分。」後來經由顧瑋介紹認識「本草堂」，她才請對方用經過催芽、營養成分較高的黑芝麻，用較低溫的方式榨油，成果也的確和市面上的黑麻油截然不同，雖然香氣較溫和，味道卻更豐富。

「不是很概括地說台灣的雞很好、台灣的豬很好。台灣的食材，到最好的時候可以跳脫想像，現在的餐廳給我很大的任務與空間來探索這件事，也才有資格講台灣的食材好。」

#可以自己活下來的餐廳

與我上次品嚐的午餐單點不同，這一份菜單，是晚間的套餐，內容與形式比較接近過去的樂沐，只是更簡潔。

午餐與晚餐準備完全不同的菜色，這樣的重責大任，陳嵐舒交給主廚方柏儼（Raymond Fang）來執行。方柏儼是有經驗的好手，曾經歷亞都麗緻巴黎廳、台北L'ATELIER de Joël Robuchon與倫敦 L'ATELIER de Joël Robuchon，在加入小樂沐之前，是台中紅點文旅前「L'ARÔME法式餐廳」的行政主廚。方柏儼說，他很高興在生涯這個階段，還能跟隨一位主廚再次學習。

對於陳嵐舒而言，催生小樂沐的過程中，她反覆思考的問題是，該怎麼讓這間餐廳可以self-sustain（自給自足）。

「我希望小樂沐可以在台中好好活下來，不太需要celebrity chef（名廚）的加持。」

人生重心更往家庭移動的此際，陳嵐舒非常清楚自己想要的是什麼。

📖 延伸閱讀：
Liz 專欄 / 陳嵐舒主廚回來了！小樂沐 Le Côte LM 正式開幕
https://taster.life/liz-lecotelm-2020fall/

［假裝在日本］如果只推薦一間台灣小籠包，我推呢間。京鼎樓。

鼎泰豐都好食，但反正香港都有，甚至杜拜都有（雞肉小籠包！），亦太多人講，「唔型」。加上的確唔平，好多人認為係遊客先食，「咁你同我咪係遊客咯」。不過台灣人就真係未必會食，同客食或遊客食（即係你）例外，況且，貴嘛。

京鼎樓呢，相對好似平啲。雖然都係遊客店，「但係日本遊客」。上次去都見到一大堆日本仔等位，而阿姐識講日文（香港就玩戀英，台灣就戀日，唔少餐廳都有人講日文，日本仔最鍾意）（＊）。

歷史我唔知，但呢間京鼎樓，日本分店仲多過台灣。台灣都係得兩三間，日本有十幾間，開到去福岡神戶都有。上次我去川崎都有食，不過就麻麻地，在間AEON Food Court入面。

（＊）又我唔係專家，但日本人真係十分有呢個集體意識，亦都好信同鄉推介。換言之你搞得掂一班，好大機會有一大班嚟幫襯。但當然佢地怕講英文（好多亦真係唔識）係一重點，最好你有人識講日文。呢，之前有單，在咩耶加達亞運，班日本仔出去叫雞都一齊，仲要著埋隊衫。仲有，大家都知香港啲鳳樓，富士香檳之類，都好多日本仔去獵奇，聽聞好似睇九龍城寨咁（＊＊）。正如當年呀邱永漢一吹雞，成班日本仔就掃咗650個太古城單位。（而日本人鍾意住太古城，又係集體意識）

（＊＊）而日本人亦出名迷戀九龍城寨（＊＊＊），Game都有出「九龍風水傳」。川崎就真係有個主題機舖Warehouse！我舊年就係最後一晚去睇執笠，順手食咗京鼎樓

（＊＊＊）不過最記得都係李小龍在「猛龍過江」，去鬥獸場參觀，話「扯，啲爛屋有乜好睇，九龍城寨都有」。鬼佬就嚟香港睇城寨，我地就去外國睇鬥獸場。不過我好近期先知，原來「猛龍過江」最後鬥獸場段戲，係廠景嚟的。幾廿年已經P得咁好。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
月頭訂最抵，Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）

#ivanliresearch #台北隔離十四天