真係咁啱得咁橋，朋友們上來玩衛生麻雀嘅時候講到最貼近香港味道嘅茶餐廳——華記茶餐廳係早稻田開咗燒味分店😑

首先我見唔算好遠，一出東西線早稻田站就係，都可以一戰👍🏻丫仁之前都有食過佢哋嘅羊腩煲、鮮蝦腸粉、蘿蔔牛腩飯同經濟小菜等等，嘴刁嘅小弟嚴格評分只屬中上😂😂丫仁並唔係什麼專業權威人士，大膽講咁話一直都覺得係東京嘅港式食肆唔夠local🙈而今次都係膽粗粗一試，竟然出乎意料地攞到8.999998分，暫時排行仁榜「🥈」（惠比壽飲茶暫時仍然係第一）整體上有小小可惜嘅係價錢約香港嘅一倍，暫時亦都未有提供跟餐奶茶咖啡，但只要Like佢個page就奉送飲品一罐（有王老吉）👏🏼👏🏼

可能我哋去嘅時候都差唔多收工，食唔到重點紅燒叉燒有點遺憾（要預約）但朋友們都點頭讚好😃👍燒肉皮脆唔肥膩，但油雞肉質有少少似烤雞多啲...........而丫仁將重點放左係碟蔥油到，食燒味飯冇蔥油撈飯又點得呢！！放入口大叫：「呢個先係廣東燒味嘅重點！」再將雙拼飯嘅燒鴨沾一沾甜酸醬～天呀！無違和感👏🏼👏🏼👏🏼唔中伏，唔中伏～有home sick 嘅在日工作假期朋友都不妨一試🙈（無食免費餐，無收廣告費）

諗頭無限大，絕對係一件好事！！聽日開始仲有埋過橋米線食！究竟做唔做到「勿演爛肉山小肋」嘅味道呢？有機會再同大家報告下啦～

ps：暫時仲未去食添好運