. 溫暖的小故事 送給各位貓奴 不知道在尋貓之路上大家有沒有一樣的感觸 一開始像是男女朋友條件般一開始設想了很多 期望自己的貓是什麼樣子的貓 高富帥 白富美 黑白貓橘貓三花貓 男生女生 年紀多大 眼珠要是黃綠色 肉球要是粉紅色 最後突然降臨在人生中的那隻貓 大不相同、不是理想型 卻是命中註定的緣份 造就了那隻心裡最完美的貓寶貝 還沒遇見命中註定的貓的人類別擔心 他們只是還在來到你身邊的路上 （就先繼續當個渴貓症患者吧） #桂菲回眸百媚生 𓃠* ꙳✧˖ Yy’s cat —————————————————— Shopee蝦皮 ：Yycatcatcat ➿ 或點選主頁網址連結 —————————————————— #meow #catperson #catlove #drawing #painting #procreate #procreateart #catlove #猫 #ねこ #可愛い#猫好き #neko #cat #illustration #插畫 #yycat #洋于的貓 #イラスト#Yycatillustration

#gfmurmur9103 我25歲岩岩出嚟做一年幾，男朋友大我十幾年同男朋友雙方都係專業人士。 佢屋企好有錢，住獨立屋，屋企人都係做生意 而我屋企就中規中舉，阿爸阿媽以前做過下生意仔，好少係香港，係香港我地都係租屋住，所以我冇乜家庭溫暖。 同男朋友拍左三年拖，見過家長 未見之前都估到佢屋企人唔好相處，聽過佢講阿媽個個女朋友都唔中意，樣樣都彈 佢之前D女朋友條件都好過我，樣我就唔知，但起碼個個屋企都有錢，都係專業人士。 但係佢阿媽都唔鍾意 所以我都唔大期望，一開始每次上去佢屋企我都買嘢俾佢阿媽，大時大節一定送名牌禮物。 禮節都做足，客客氣氣。 喺佢阿媽面前，我男朋友都唔敢同我做啲親密行為，連拖手都冇。 但後尾佢阿媽話我地成日去旅行嘥錢，加上發生咗一啲事就好憎我。 我哋未一齊前，佢阿媽已經要求佢每個星期六日都要陪屋企人食晚飯。 係每個星期六日！ 平安夜中秋跨年，總之大時大節一定要陪佢。 依家佢阿媽憎左我，我哋連去旅行都要講大話話去工幹，男友更加唔敢係佢阿媽面前提起我。 不過男朋友都好錫我，偷偷租左間屋俾我住。 等大家可以喺平日見多啲，過住半同居生活，佢每晚都係依舊返屋企瞓。 但係問題嚟啦，咁樣嘅生活我睇唔到將來。雖然平日，日日都見到男朋友。 但係每逢節日倍思春，大時大節，男朋友都係陪屋企人，我要自己過，佢屋企人都冇諗過叫埋我。好似佢今年噤星期六日已經同屋企親戚提早食團年飯，年三十晚又同屋企阿爸阿媽食，年初一，二，四都要同屋企親戚食飯，佢只有年初三可以陪我。 食來食去都係得佢阿媽嗰邊六七個親戚，新年夠膽死，食足三日。佢阿媽就日日都要霸住佢，又唔係得佢一粒仔。 我阿爸阿媽成日問我佢屋企人係點？有冇去人屋企拜年？ 我唔好意思要自己阿爸阿媽擔心，自己又冇乜朋友，冇乜同人講過呢個問題。 最基本星期六日想同佢出去玩，都要擔心佢夜晚要趕返屋企食晚飯，因為唔食嘅話佢阿媽會發癲。 我當然知道我哋一日未結婚，我憑乜嘢搶人個仔，但係我而家只係想要返女朋友最基本嘅權利，起碼有時公眾假期陪下我呀。 我想三十歲前結婚。 但我男朋友都三十幾歲，佢話睇唔到同居同結婚有咩分別？佢高學歷遲出身，冇儲落幾多錢。佢嘅目標要有層樓，身家一二千萬先會考慮結婚，年收入一千萬，到時佢先唔使睇屋企面色做人。 我真係估唔到我哋兩個都係專業人士，我啱啱出嚟做嘢，一個月揾三萬幾，佢更加搵得多我好多，真心想結婚有幾難？ 言談之間佢有時都睇唔起我份工，成日叫我諗下生意做。講真我覺得對於女仔來講，我比上不足，比下都有餘。 就算唔靠佢屋企，我哋搬出黎住都會過得唔錯，佢定到標準咁高，講好聽啲係上進，冇比假希望我，難聽啲係逃避。 想男朋友屋企人接受返我係冇可能㗎啦，之前佢個ex 一齊咗五年，女方30歲，都係因為搞唔掂佢阿媽，同咗佢分手。佢阿媽話如果娶個EX,就同佢脫離母子關係。 本身男朋友同屋企人關係都唔好，佢係屋企都冇乜地位，佢更加唔會再喺佢阿媽面前提起我。 唔駛諗咩奉子成婚，佢阿媽一啲都唔恨抱孫，仲話如果自己係男人一定唔會結婚咁傻！ 男朋友而家又講埋啲咁嘅標準，真係心都淡埋，睇唔到將來。 冇錯而家男朋友對我係好好，平日陪我好多，供我食，供我住，好似我再生父母咁。 但我唔想浪費多幾年青春，先發現呢個人係唔會同我結婚，係冇將來。 愛情係會消耗嫁，到時我人老珠黃，先同我講冇結果？ 我係咪應該長痛不如短痛 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig