[gfmurmur9871]  我Ex大我三年，我同佢係大學ocamp識。當時我仲同緊初戀一齊，但係因為我好鍾意佢，所以我同初戀分手，同佢一齊。(所以可能而家就有報應)   一齊頭兩年好開心，但因為一件小事佢突然同我講分手，我死纏爛打一直追返佢，主動話做佢SP，以為可以用身體留住佢。過左四個月，我地正式復合，對我來講係好難得，我好珍惜同佢相處既時間。   最近佢轉左公司，識左新同事新朋友，開始多左夜晚出去玩，我開始無安全感。我話想同居，佢話我人工高過佢，屋租應該我比晒，但其實我都要交家用，有個細佬仲讀緊中學。我話不如七三，佢都唔制。但我真係好想可以日日見到佢所以妥協左，但後來我地搵左兩個月都搵唔到岩心水既屋就不了了之。果陣其實佢已經開始成日幾個鐘先應機，又間唔中玩失蹤，隔幾日就嘈交。   而我最怕發生既事都係出現左，有一晚我fd突然打比我問我係唔係尖沙咀某商場，佢同我講見到我Ex攬住個女仔，但個女仔唔係我。我不停問我朋友係咪認錯人，但佢講得出個男人手臂有咩紋身，我就知要面對現實。當我同佢攤牌，佢話個女仔係ig識，大條道理咁話佢身邊個個fd都偷食，仲叫我放心，唔會放真感情落個女仔到。我唔識反駁，傷心到啞左，第二日佢又打來同我再一次分手。   我仲不停咁搵番佢，想挽回返呢一段關係，仲相信佢會改。佢一直講對唔住，話自己未定性。但我好似盲左咁好怕失去佢。我好想問佢一句：到底我做錯d乜你要咁對我？我不停搵佢，打比佢，佢block晒我所有野，我日日去佢公司樓下等佢… 諗番起都好癲，但最終又比我挽回到，但其實之後大家都有條刺，不過我都盡量努力維繫…主動諗拍拖去邊到玩，食咩好西。   令我忍唔住分手既爆發點係上個月我聽到佢朋友講，話我同佢一齊咁多年，年年佢都有出去玩女，甚至將我地既床事share比人聽，我聽到覺得好心寒，下定決心要走。佢真係好嘔心好無人性。年年佢生日我都洗幾千蚊，間中又幫佢執屋清潔….我為佢做咁多，犧牲咁多都係當我狗咁。我已經唔再係十八廿二，我真係受夠啦！係時候要醒！我send左句「分手啦仆街」就block晒佢所有野。佢d朋友搵我，我都無理，我估到而家佢都應該唔知自己衰乜…. 望住我地既合照，見住依個我曾經最愛既男人，我淨係覺得好嘔心，我諗我今次真係唔會再番轉頭。希望各位唔好好似我咁傻，共勉之。   為左佢，依幾年我已經無晒朋友咁濟，個個都鬧我話我抵死，都無咩人肯再聽我訴苦。我好想係到同我所剩無幾既朋友宣布：我今次真係飛左個仆街啦！！！ • Song of the night : @jacechw -《沒有無緣無故的恨》 • ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #Jace陳凱詠 #沒有無緣無故的恨 #hongkong #couple #lovestory #hkig #香港 #情侶 #香港情侶 #偶爾為故事配上配曲好似幾有feel

[gfmurmur9863] 長文慎入 佢係做IT， 一開始識佢果時佢真係IT狗嘅形象 唔覺得佢會同圍識女仔，但佢把口係叻 佢唔係甜言蜜語，係轉數快牙尖嘴利果隻 我地兩年半果日都係我地分手果日。 一開始我因為比上一個傷過，所以唔敢擺太多感情，但一齊左兩年半我越黎越愛佢，但真係估唔到佢可以咁仆街，一開始我同佢講，我好憎無縫接軌嘅人，佢同我講佢同上一個冇聯繫成年，同分手冇分別。當時我信左佢，同左佢一齊 ，但中間我不斷發現其實佢同ex 唔係冇聯繫成年，因為係咁見到佢fd啲相tag佢同ex ，我同佢講要佢講清楚係點 ，佢就一個大過冚一個大過 扮冇野發生，到我地一齊左成年幾，果次嘈到分手，先同我講佢真係無縫接軌，同我一齊左先同ex講分手，但當時我唔想冇左佢，所以我原諒左佢。 我同佢講唔想有婚前性行為，我話想比結婚果個，佢一開始都尊重我，但一齊左三個月，佢就夾硬要左我， 果時我好傷心，想分手，但果時佢氹返我，話對我負責，會係我最後果個我果時信左佢，諗返起果次都係少數肯做d野氹我嘅一次。 由我地開始到結束，我同佢嘈左好多次 ，每次佢都唔覺自己有問題，自己有錯，佢講野講幾難聽都好，佢都話係因為我搞到佢咁，佢每次都唔會講對唔住，每次都咁自我中心，要我比佢搞，要我滿足佢，為左留佢，我做曬，永遠都只有我講對唔住，我求佢返黎 。 我本身冇check 人手機或其他野嘅習慣，對佢都好信任，好自由，唔會唔比佢做啲咩，但近排我直覺有d野 ，佢對我冷淡左，佢手機震果時，我掂佢部電話，佢會即刻拎返，有時佢wts/signal 緊，見到我望，會即刻閂左，到7月尾有日我趁佢起身返工，拎佢iPad 睇左佢ig，我發現左佢出軌，佢係大ac到係咁同個女仔表白 而佢有另一個細ig，又係咁叫人做佢女朋友 當時佢同我講兩個帳係同一個人，佢同我講係交友app識，只係5月開始 ，出過一次街，咩都冇做，會同佢斷，唔會再聯絡。我要佢係我面前同個女仔講清所有野，本身我要佢同個女仔講佢由頭到尾點呃個女仔。但佢話唔想害左人 同我講個女仔有抑鬱食藥，已經因為佢加重左次藥量。 所以佢最後只係細ig同個女仔講左斷 唔會再搵， 個女仔都同佢講左ok bye，我果次第一次見佢咁內疚，咁知錯，減到咁，會係咁同我講對唔住，我唔想冇左佢，我又衰心軟，所以我又原諒佢。但佢求完我之後果日，佢話見到我好傷，唔想hurt左我，所以分手最好，但我唔想，所以我用死黎求左佢返黎。 但過左一星期多d，有朝佢手機係咁震 ，我睇左佢手機，原來佢重有第二個，佢同我講係公司嘅同事，日日見日久生情，今次我自己搵佢之前大ac果個女仔講，，原來震佢果個唔係佢公司同事，係大ac果個女仔，佢地冇斷到，佢同個女仔已經由上年6月一齊 ，一齊左成年幾，佢呃左我，都呃左個女仔， 到果日個女仔先知我存在。佢重同個女仔講SP果d, SP又比佢話有抑鬱。而細ig 果個女仔並唔係佢一齊成年果個 ，細ig當時應佢ok bye果個可能係佢第三個，我到宜家都唔知佢細ig果個女仔係邊個 ，唔知係SP定點。我真係唔知佢重有冇第三第四個。 我宜家真係好難受 好傷心 我真係唔知可以點，所以我做左傻事，我真係覺得呢個人好恐怖，我地差唔多見曬雙方家長朋友，佢好多時間都比左我，我地成日見，但估唔到都可以出軌出咁耐。我知我好蠢，但我真係好傷 。 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶

- 0994 〔兩性關係〕巴 28 - 佢話想改過，應唔應該接受 - 今年28，同女朋友A 小姐拍拖大概有6-7 年 雖然我地平時都成日見，但係由上年開始 我已經懷疑佢出面有第二個 點知原來咁多年黎佢一直都有好多個男伴，多到數唔哂 - 兩年前佢有左，我好開心，以為可以同佢結婚生小朋友 點知不幸宮外孕冇左，我同屋企人都好唔開心 所以會想對佢更加好，屋企人都會拎湯水俾佢飲補身 - 上年佢又有左，個次我都懷疑 但佢乜都冇講，仲好快決定落左佢 送佢入院果日佢又話自己搞掂，我只有接佢出院 但係，原來兩次個肚嘅經手人都唔係我 原來送佢入院嘅係另有其人 原來佢身邊一直都有好多男伴 好的，我唔介意，只要佢肯改過，我可以接受 但呢幾年發現佢係出面仲有幾個成日見嘅SP…… - 兩年前嘅平安夜，我bk 左酒店同佢過夜 果日我要返工，點知佢日頭果陣帶左個男伴去酒店搞野 唔怪得佢果晚特別好訓 上年12 月佢連聖誕節同除夕都唔同我過 1 月果陣，我忍唔住踢爆佢話知道佢出面有第二個 有條仔搵佢，我搶左佢電話唔俾佢聽 我先係佢男朋友，我叫條仔以後唔好搵佢 我以為我趕走左佢出面嘅男伴，點知原來佢地冇停過 仲一路有msg 同見面，次次見親都開房搞野 佢有食藥唔怕被人中出埋 - 由3-4 月開始，佢經常同我講分手 佢仲sd 埋我地嘅對話俾出面果個男仔睇 果陣我忙住考海關，冇同佢正式傾 5 月果陣我考海關失敗左，佢就要同我分手 我唔想，就算分左手，我都仲係想見佢 - 月尾果陣，佢返工last day 果晚我接佢放工，食完飯去左佢屋企訓 到第二日，佢出面嘅男伴黎左搵佢 我諗住佢地傾一陣，點知佢叫我走，話決定選擇佢 我搵極佢都唔覆仲block 埋我電話，果幾晚佢都冇返過屋企 - 佢5 月尾生日，我知佢唔會同我過 所以我係佢生日前送禮物俾佢，而我地好似變左偷情咁 我好似做左第三者，明知佢見親條仔都過夜搞野 我好難受，接受唔到佢變到咁 6 月果陣我唔想再咁樣，而佢出面果條仔又知道左 果晚我叫佢做選擇，對大家都公平D，而我好有信心佢會選擇返我 但佢話兩個都唔要，話要冷靜下 佢之後幾個星期都冇返屋企，我地都好耐冇見，只有WhatsApp - 不過佢最近搵返我，話佢想改過，我應該接受嗎？ 我怕佢未定性，仲會繼續識其他男仔 但如果佢肯改過，我諗可以接受？ 圖：孤單又燦爛的神－鬼怪 #濕9感情台 #綠帽奇緣 #求意見 #真人真事 #長文注意