(8婆篇👵🏻) . 實在有太多讀者dm我地關於出軌嘅問題 睇嚟大家都遇過唔少不愉快嘅經歷 呢篇就認真同大家講下「出軌」呢個愛情剋星 大家又點定義出軌？覺得點先至係出軌？ 搞咗嘢先叫出軌？👉🏻👌🏻 純好奇 突然覺得寂寞 所以玩交友app識異性先叫出軌？ 唔小心咁對另一條女/仔有咗feel叫出軌？ 個人同緊條女/仔一齊但又同第二條女/仔瞹眛緊叫出軌？ 不過有啲女仔可能覺得條仔睇住av打飛機已經出咗軌🤣 咁究竟肉體出軌先叫出軌？ 定係精神上出軌先至係出軌？ . 有啲人可能接受到精神出軌 但係就原諒唔到肉體出軌 有啲人可能覺得有性冇愛反而可以接受🙂 真心需要將出軌呢樣嘢分得咁仔細咩？ 分乜鬼精神同肉體 講到尾咪又係出軌 唔好懶清高講到自己精神出軌就好似冇出過軌咁😂 淨係flirt冇搞過嘢係咪就要讚你先？ . 大家係咪應該都要諗吓其實點解另一半會出軌？ 因為搞嘢搞到冇晒新鮮感？ 喺另一半身上得唔到自己想要嘅嘢？ 例如久違嘅甜言蜜語 陪伴 心靈上嘅安慰等等 另一半出軌當然係唔啱 亦係唔可以原諒嘅行為 但係自己都應該諗吓 係咪某方面做得唔夠好令到佢有想出軌嘅心？🧐 太忙搞到少左時間陪對方？ 一齊耐咗 所以個人懶咗hea多咗對方？ 唔想段關係出現感情危機 首先要做好自己💪🏻 等佢冇藉口話你任何嘢 出軌都冇得賴你邊到做唔夠好！ . 有讀者問過： 「對方出咗軌幾次 原諒佢係咪好蠢？」 「對方出軌 應唔應該原諒佢？」 之前都寫過篇文話： 「偷食好容易 原諒唔容易」 有啲人會選擇原諒 覺得應該俾機會對方 但當你選擇原諒 就要選擇重新信任對方 而唔好再繼續質疑對方 甚至攞返之前啲嘢出嚟講 如果個心都覺得佢有機會再出軌 咁原諒嚟做咩？索性散9咗佢算🤷🏻‍♀️ 一段關係冇咗信任 俾得你一齊返 都好難維持落去～ . 👵🏻自己係完全接受唔到出軌 覺得肉體精神出軌都冇得原諒 一個人選擇得出軌 正確啲嚟講 應該係如果佢已經有出軌嘅心 無論down交友app又好 無啦啦ig dm第二條女/仔又好 無啦啦同個新識同事/同學互flirt 由朝傾到晚又好 甚至搵sp 叫雞扑埋野都好 佢個心根本就已經唔係你到 所以其實佢做邊樣野都係冇分別 當佢喊晒口求你原諒 話唔會下次 你又係咪真係會信？ 格硬一齊嚟仲有咩意思？🙃 老套都要再講： 「一次不忠 百次不容」 出過軌就係出過軌 一次都嫌多😅 . 📷： @terrenceyeung #hk #hkig #hkiger #hkigers #hkgirl #hkboy #8laah #hklove #hkdaily #hklife #hkblogger #hkcouple #拍拖 #情侶 #愛情 #約會 #男朋友 #女朋友 #愛情語錄 #語錄 #文字 #偷食 #出軌

[gfmurmur9475] 相識超過14年，斷斷續續都有分開過、細個年少無知既時候 經常將分手掛嘴邊。但原來為男方受到嚴重創傷。分開左一段時間 再重遇 慢慢又再次一齊番，我知道佢好好 就算分開了 我都知道佢一直無拍拖 一直等待我。當重遇一段時間後 慢慢重回信心 開始一齊番。其實呢次復合 我考慮得好清楚 思考左好多方面 佢的確好專一 好好 同屋企人都好岩 我先會咁勇敢再次一齊番。因為我知道如果有咩事 我地一定唔會再有朋友做。當復合第二年左右、開始發覺性關係開始出現變化；一開始以為 可能夜晚驚嘈到屋企人 又可能佢做野好攰 所以成個床事都未完事 就停左 姐係 會無啦啦軟左 又可能好快就無左。 之後經常討論 可能令佢有壓力 再試多幾次之後 都仍然無改善 我都會反省下係咪自己問題 我都好想出去試下係咪我唔ok 久而久之 變左家人 同屋主咁 無發生關係大約超過年半以上 但我地係一齊同居。其實我都有懷疑過 究竟佢係咪有第二個 但我果陣的確有檢查佢電話 都頻密。 因為我想知究竟咩原因呢 其實好多人都會一齊超過好多年 我有提出不如出去酒店 又可能我可以著下cosplay 增添情趣 可惜 佢都仍然用攰咋 無野既 會改 會反省。 然後 過左年幾多啲 開始你無需要我都有需要 大家關係更陌生 電話都唔會再檢查。但一直大家都有好似平時情侶咁。然後 到左呢段時間好突然地話講分手 我都默默地接受 因為每次都我提出 而且今次直覺話比我知 肯定有問題 而且 分手都只係電話上講 唔敢面對面對話。點知比我發現原來佢有第二個 但佢解釋只係普通朋友 但我唔信 佢話係ig識 但唔好意思 大家無共同朋友 而且大家個ac都係不公開 我真心唔相信咁樣無啦啦會識到 。 但其實世界好細 果個女仔 我竟然有共同朋友 。佢講完分手第二日我就開始執左啲野走，開始大家溝通 佢話都無發生關係咁耐 改唔到 然後又話無將來 再為金錢上爭執 其實自疫情後 佢既工作慢慢停左 收入小左 開始一份糧兩個人用 個個月都透支 支出又多左 收入小左 無減少唔好揸咁多車 慳啲錢 我支出都大 但近來開始正視 搵好多方法睇下可唔可以有改變呢 但原來新鮮感最重要 之後發覺咁急講分手 為左同人慶祝生日。 之後分手幾日慢慢地發現更多 佢原來有搵關於sp既資料 會睇av 我以前問佢無需要架咩？永遠都話唔係 有 但攰 宜家find out返 可能原來打得飛機多？鐘意靠自己？快靚正？其實一開始都想算 唔想好似發癲咁 但我想講 當身邊好多人都覺得佢好 錯 世界上從來沒有從一而終的。佢無錢 但都可以洗700蚊整蛋糕 又開房同條女慶祝？但我地一份糧兩分洗 都慳住慳住。 識左十幾年都未試過整比我 算 因為你成日話我以前點對你 而家你甘對我就好似以前既我 我想講 宜家既你 想擺脫我 但唔好意思 你已經變左我 過去總有我。我唔係唔服 而係好嬲 做左唔認 話係普通朋友 點知你都幾好戲架喎 果日發哂癲掉哂野咁 仲掉落我女仔朋友到 人啲品都無 咬牙切齒咁樣話自己冇第二條女 而家同人慶祝生日好開心啦。 好想話比大家聽 感情沒有對錯 但有因果 。每個人都要為自己所做的事負責。不用推卸責任 亦不用假裝一切沒有發生 時間將會證明一切 上天亦會看着你 一直在做的事 *有這樣的因 就有這樣的果* ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig

[bfmurmur1578] 佢係雙子座，有男朋友，最近買左ps4玩無雙同係銀行工作既女仔（我知佢有follow呢度，等佢知道自己做左主角先。）。我同佢早於2013年係wechat識的，當時佢仲讀緊書，我大佢幾年當然就做緊野。不過當時傾過幾次同出過幾次街之外，都冇發生d咩。可能因為我當時散左冇耐心情都未ready。咁我地都冇乜聯絡，同各自都有另一半，直到2017年又我地開始係wechat傾返，之後就係line度傾就開始返密d。應該2018年開始見返，有晚我地出去過夜就開始左啦。我地唔知係叫sp定sl定咩關係啦（or係愛還是責任？），我地都有keep住見，見親都有搞野，我果年搬左出黎住，有機會就佢會黎過夜或黎一個下午，當然都係搞幾次佢先走得。 不過係2019年發生左幾次「意外」，第一就係我女朋友發現左，果陣都好大鑊，我有同佢講，不過我女朋友都原諒左咁我同佢就唔可以傾得咁密同見得密，仲要好神秘同開始msg時要講密碼。 第二件事就係被發現後冇耐佢有左，佢有左之前有同男朋友同屋企人旅行，我同佢有搞過冇中出，佢話個肚係我既。不過我知道時佢都有左一兩星期，因為果陣被監視少左機會同佢見，我知道左後同同佢有見面，不幸事件就係佢之後被發現係宮外孕，佢係E院去廁所時暈左撞頭，咁既情況個bb就一定冇，幸運係佢個人冇事。如是者我地都有keep住contact同見，但就冇之前咁密了。而家先講重點，死啦應該好悶。 話說上星期我懷疑佢呃我，因為話冇dayoff突然又有話去親戚葬禮，我信佢唔會搵親戚過橋講大話，但我話去完後見面佢話唔想怕冇心情，咁我果下覺得佢搵藉口話唔見，話佢咁樣係咪唔想再見，佢就發脾氣話以後都唔見同block哂我whstapp同電話，試過fb/ig msg佢都唔應，用轉數快過錢俾佢藉以留言佢又冇反應，我sms俾佢應該睇唔到因爲佢block左，留voice msg都唔知佢有冇聽。我想問佢係咪想放棄我？之前有問過佢，佢話唔太中意自己男朋友，可以同我一齊。不過，我諗而家既佢唔會再咁諗，佢未試過咁block我咁耐，我想佢知道，如果你已經搵到一個更好更錫你既人，我會替你高興。 如果唔係咁樣，冇第三個人出現既話，可以原諒我同覆我嗎？我話過任何時候都唔會放棄你，呢句係真心話。同你嘈左之後，我同女朋友都嘈左兩次大交，上星期佢話要搬走，岩岩今日佢又係咁講，我諗我同佢都唔會捱得好耐。別誤會，我唔係當你係水泡，就算我同佢散你都冇必要因為咁而應我或做我女朋友，我意思係我想同你獨立咁開始而唔係我單身就搵你zip住先咁。 仲有，失去過先知珍貴，好老土，但係事實。我冇同你講野段日子好掛住你，今次我可以講「係愛呀」啦。希望你睇到之後搵返我，我有好多野同你分享，我想同你計劃下去旅行，等covid19完左，我想同你去旅行，去日本台灣英國都可以的。我真係好掛住人，睇到好多ig post會想share俾你睇。我講過，我呢排心情都唔好，屋企出左d事令我好懷疑人心同人生，不過興幸自己上年叫買左樓都穩定。anyway我想同你重新開始，可以嗎？ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig