【#護手霜推薦】天氣又開始乾燥，又係時候要擺定枝護手霜落手袋！即刻參考消委會測試護手霜報告，睇下邊款最高分！

👉👉詳情：https://bit.ly/3sUbqIh
-------------------------------------------------
▶▶立即下載Yahoo App，無間斷睇盡生活娛樂、飲食、打卡、著數資訊：http://bit.ly/3q0XOc1

梅根今次出席活動時都幾乎皆身穿著冬裝外套。
梅根紐約之行點解包到實？ 疑與哈里拍Netflix紀錄片
https://inews.hket.com/article/3067918?r=mcsdfb2

追蹤國際熱話，立即免費下載《香港經濟日報》App
http://onelink.to/q8nm4y

現時仍屬天然氣需求淡季，但期貨價格卻創新高。
美國冬季面臨氣荒 天然氣期貨半年飆升一倍
https://inews.hket.com/article/3063791?r=mcsdfb2

追蹤國際熱話，立即免費下載《香港經濟日報》App
http://onelink.to/q8nm4y

【立即觀看hket TV 足本影片】https://bit.ly/30TtRQx

今期《理財Star Talk》請來前天氣女郎黃婉曼（Icy），大談創業、置業及理財心得，今晚8點半見！

【立即下載《香港經濟日報》App】http://onelink.to/hketapp2021
---------------------------------------------------

我哋先前已經介紹過全新推出嘅Amazfit T-Rex Pro智能手錶，今日我哋就有一隻喺手，馬上就同大家做個開箱！



全新嘅Amazfit T-Rex Pro 延續咗呢個系列硬朗嘅風格，拎上手雖然同一般智能手錶一樣輕身，但係感覺上明顯較為紮實，戴上手嘅觀感亦相當唔錯，好似我咁鍾意運動款同埋大錶面嘅朋友嚟講就更加唔可以錯過喇！開箱之後，由於隻錶本身無晒電，等我即刻幫佢叉一叉先！由完全無電叉到30%電力，都只係用咗15分鐘左右，咁就算瞓覺都戴住隻錶，只要平時去沖涼或者做緊野嘅時候放低叉一陣，就唔怕會唔夠電啦！


今日我就首先試試將佢接駁到我用緊嘅 iPhone先！由於呢隻錶係行自家嘅操作系統，所以接駁之前，要先下載呢個叫Zepp嘅手機應用程式。接駁嘅方式好簡單，只要用程式掃一掃錶面嘅QR Code，跟住手機嘅指示，就順利連接好，連接完仲自動下載埋最新嘅系統更新，跟住入埋自己少少個人身體資料之後，就可以開始用喇！


只要喺手錶嘅表面下方向上掃一掃，就可以見到預設嘅資訊，包括天氣、心率、步數等等，有關顯示嘅項目同埋次序，亦可以自行設定。當然，錶面亦會簡單顯示相關嘅資料。講到錶面，亦可以喺Zepp應用程式入面嘅錶盤商店，揀唔同款嘅錶面設計，亦可以喺App Store或者Google Play 入面搵到第三方應用程式，管理呢款手錶嘅錶面設計！


由於使用自家操作平台嘅關係，Amazfit T-Rex Pro 只可以將手機嘅訊息推送到手錶，暫時未可以回覆短訊，對於習慣咗用穿戴裝置簡單回覆嘅朋友嚟講，絕對有啲唔方便。至於推送嘅內容，就可以透過Zepp程式入面嘅「App通知提醒」揀番，不過要留意，就算揀咗最下面嘅「其他」，上面有顯示嘅程式都要一個一個開番，如果唔係，就一樣睇唔晒所有嘅推送。而無出現喺清單上面嘅程式，就只可以透過下面嘅「其他」去開啟，唔可以獨立操作，呢方面亦為用家帶來少少唔方便。


呢隻手錶支援10ATM、大約100米嘅防水功能，無論日常洗手、甚至浸落水中都唔成問題。正如官方網頁所講，佢通過咗多項軍事級認證，做運動或者日常工作唔小心撞到，以至跌落地，都一樣唔成問題！


呢款智能手錶主打運動功能，入面內置咗過百款嘅運動模式！對於我嚟講，健步應該係用得最多嘅選擇。呢隻手錶可以連接4個唔同嘅GPS衛星定位系統，單靠隻錶本身亦可以快速同埋準確取得定位，戴住做運動嘅路線就一目了然！


提提大家，我手上嘅係國內版本，錶面只會顯示簡體中文字，但訊息推送中嘅繁體、英文以致其他語言顯示就完全無問題，香港行貨就可以選擇以繁體中文、簡體中文以及英文顯示，不過顏色選擇就會較少。另外，呢款手錶係唔支援流動通訊網絡同埋wifi連接，所以手錶一定要接駁電話，先可以有推送同埋同步功能。雖然國內版本係有NFC功能，但係喺香港亦都暫時唔可以使用。


不過以行貨HK$1298或者國內賣緊低於HK$1000嘅價錢，買到呢隻功能多、造功靚嘅智能手錶，其實已經算相當超值！

小米手錶，Mi Watch：小米早前就喺香港推出咗新款嘅「小米手錶運動版」，呢隻智能錶唔使1千蚊嘅價位的確好吸引，今日就同大家做個開箱睇下！

小米手錶運動版外形簡約，使用圓形錶面設計，錶框用上不銹鋼製造，都只係重32.5g，耐用之餘又輕巧，戴上手感覺舒適，啱晒日用同鍾意做運動嘅人。佢配備咗1.39吋AMOLED屏幕，喺日光嘅情況下，錶面都可以清晰顯示內容，配合埋佢嘅全天候顯示功能，用家唔洗抬高手就可以睇到錶面訊息，真係好方便。

呢隻錶主要透過輕觸式屏幕操作，向左右滑動嘅話，就可以顯示心率、血氧、天氣等等資訊，而向上或下滑動，就可以睇到通知，同埋去快速功能頁面完成調教鬧鐘、開啟勿擾模式等等操作。佢嘅機身右側有兩個制，㩒上面粒制就可以開啟應用程式列表或返回主頁面，而下面粒制就可以開啟運動追蹤模式。佢總共支援多達117種運動，由高強度運動到輕鬆健步模式都應有盡有，無論新手或運動專業人士都可以滿足。另外，呢隻錶支援5ATM嘅防水效果，即使落雨或進行游水等等活動都無問題。等我哋試下健步先，行咗10分鐘左右，佢都有詳細顯示到各款身體狀況。

提提你啦，小米手錶運動版嘅用家需要配合「XiaoMi Wear Lite」呢個App使用，只要配對完成之後，就可以更換超過100款嘅錶面顯示設計，同埋睇返詳細嘅健康記錄、運動數據等等。

電量方面，小米手錶運動版續航力強勁，正常待機嘅話，電量可以應付16日使用，喺長續航模式之下，可以去到22日。如果開啟咗運動模式，電量都可以應付連續監測50個鐘。正常使用之下，一星期差一次電都足夠應付日常生活。

呢隻錶香港已經有售，典雅黑、深空藍、象牙白三款色都喺賣緊 HKD$899，以呢個價格嚟講，有齊晒心率、血氧監測及多項運動模式功能，仲要有咁大嘅電量，絕對係超值性價比之選！