提提大家，大麻在英國仍舊屬於違法藥物，敬請大家唔好周圍同人討論，又或者係開心share呃like...

題外話，英國大麻係普遍，警察對小市民捉得鬆手係真，也有cannabis warning，基本上俾警察發現你藏有少量大麻，初犯就會出呢種warning，阻嚇性為主。但隨著被抓次數上升，還是會有麻煩，而會唔會影響到5+1入籍，大家自己決定搏唔搏。如果係種植同買賣呢？那是重罪，被抓個正著還是可以坐牢的。

即係咁... 最近啲題目越黎越癡線，早排見到有人拍youtube，開心share自己工作work from home時間的片段。大家work from home係有一個基本原則，就係自律，工作期間發生嘅事，其實唔適宜拍片擺上網。你放工後對住鏡頭描述係另一回事，但影住自己同同事開會就真係好唔理想。呢啲唔只係保障公司，亦係保障自己，出得黎上網見人，絕對不能讓人知道自己做咩工係常識吧？你知唔知香港人最大嘅嗜好係咩？係一言不合就搞9你份工同埋屋企人啊... 到時候佢截你圖話你蛇王、破壞保密守則寄去HR投訴你，你真係欲哭無淚。

我明白大家黎到英國，發現好多野都好新奇，這是很正常，但好多野係要靜靜地做，高調拎出黎講，就會玩串個party，去到有朝一日，印度佬唔再賣香草、所有junior staff無得work from home，到時候唔好問點解。

#華人的腦
#保護自己免受傷害
#想食咪去荷蘭食囉
#人地合法化嘛
#我都會支持英國合法化
#但依家唔合法嘛