只要有大陸電話號碼，有華為Watch GT, 就有由301醫院提供的免費心臟疾病測量功能

#中意嘅請分享請點讚🍻 想去深圳又想打卡，可以考慮去12月新開嘅深圳灣萬象城。宜家有大型藝術展「BAY ART 2018」，所有展覽都係免費入場。 BAY ART 2018係以「ART X FASHION」為主題，好適合文青/想影相嘅你。 ---- 展覽分4大展區 1. 時尚藝術跨界區A 展品名為Sundew及Esper。 📸Sundew：Artist將20,000,000粒Swarovski水晶加入作品，以唔同形態嘅物料，製成藝術作品，好似燈籠咁慢慢移動。 📸Esper：透過聽覺同視覺嘅交換，以藍色紅色嘅激光，參觀者可以自由穿過激光。 2. 沉浸式藝術區 展品名為Arc Zero及Unity of Motion。 📸Arc Zero：Artist以迷霧環形裝置，配合地面嘅水， 形成一個倒影， 參觀者就會見到日食嘅效果。 📸Unity of Motion：透過屏幕可以睇到星空/光影。 3. 時尚藝術跨界區B 📸展品名為Windform。 呢個係小編最中意嘅一個展品！ 隨住音樂同光影嘅變化，布紡隨風飄蕩，真係幾靚。 4.啊金吧。 ---- 😎😎😎😎😎小編入場攻略 1. 要先預約 方法一： 係微信關注「深圳灣萬象城」，禁「點擊立即預約BAY ART 2018藝術展」，選擇要睇嘅展覽日期時間，到場需出示QR Code，即可入場。 (**預約時需要大陸電話號碼收到驗證碼，先可以確定預約) 方法二： 如果你冇大陸電話號碼就可以參考方法二。係微信關注「深圳灣萬象城」，早一日係對話頁面留低個人資料(姓名+電話號碼+觀展區+參觀時間)，入場前展示比工作人員睇，即可入場。 2. 每個展覽嘅觀賞時間只有5分鐘，每次15人進場，所以要打卡呃like就要快手。 3. 除左嘅上面4個展覽，其他展品都會放係商場內2邊，共有23件作品參展。 4. 展覽2月20號就完，要去就快手!!! - 5. 深圳灣萬象城同萬像天地係2個唔同嘅地方，唔好搞錯呀。 6. 深圳灣萬象城仲有好多打卡位，請留下下個post😋 - - 🚩深圳南山區科苑南路2888號萬象城地面及L2層 (到落馬洲站👉🏻過關👉🏻4號線福田口岸站（清湖方向）搭2個站到會展中心站👉🏻轉1號線（機場東方向）搭3個站到車公廟站👉🏻轉11號線（碧頭方向）搭3個站到后海站👉🏻G出口行5分鐘👉🏻到萬象城B1。） ⌚展覽日期：2018/12/18 - 2019/2/20 🕦營業時間：10:00 - 21:55（最後進場時間）