［美麗新世界］TL:DR—新世界系必有後著。另外，今次係賣巴士，係咪最後都係賣畀中資？

經濟原文：新巴城巴0.77倍市帳率　轉售予Templewater Bravo國際財團（https://bit.ly/32bX35v）

1. 通告原文唔長，亦都不太難睇，有興趣可以睇下（https://bit.ly/2FLWbNz）。再強調返，其實我一向睇英文版，但將就讀者先貼中文。

2. 實情冇乜特別，主要因為我都唔係好明唔係好識。咁最好呢，唔明唔識就收口。但唔少讀者PM問，咁就講下。

3. 唔想太過陰謀論，但好難唔去陰謀論咁諗。「必有後著」。好戲在後頭，唏唏我陣容強大。新巴滿街街已經不稀罕要特價平賣（換著「九巴」就小心啲唱了）

4. Quite simply，就係新巴城巴賣走。而家係新創建（659）渣住。而新創建就係新世界（17）鄭家渣住大約六成。

5. 作價，32億港紙。貴定唔貴？咁正路睇咩市盈率咯。舊年（2018年6月至2019车6月，最憎唔係12月結嘅公司）純利？900萬港紙。嘩！400倍PE。咁但，唔好咁膚淺，睇多年。再上一年，1.6億純利。還好，20倍市盈率。買巴士業務，似乎，有啲貴？

6. 睇埋咩price to book，巴士檔嘢，42億book value．32億買。0.75倍book 左右，還好，點都唔係特別平。其實新創建仲要因為巴士減值7億添，不過在中期業績（未公佈，但6月埋咗數啦）打咗入去。今次交易就唔會再有大影響。

7. 最重要係，買嚟把托？貪巴士過癮？32億可以做好多嘢喎。你估加價好易？點計都唔係好賺。

8. 但當然，例如新地（16）旗下有載通（62），又面有九巴，就另一回事。就真係有仙甩治。好簡單，地鐵沿線都貴啲啦。有巴士站亦都幫到唔少嘢。情況同甚麼大欖隧道一樣：我打通咗元朗同市區，啲樓可以賣貴好多。

9. 咁以我理解，新世界就唔多玩呢套。況且，如果新世界玩，就更加唔會賣畀人啦。而新買家都唔係咩發展商。

10. 係喎，都未講買家。買家就夠奇怪。Templewater Bravo，加Ascendal Group，仲有漢思能源，完全風馬牛不相及咁，點搞上架呢？Templewater Bravo就另類投資，背後係南非跨國嘢Investec，呢檔Templewater Bravo佔咗九成。仲有，除咗Investec，Templewater Bravo另一創辦人，張堃。前周大福企業員工。咦？

11. Ascendal Group英國嘢，但只佔0.6%，玩乜？窮到一個點？漢思能源，554，中資咯，自己研究，佔8.6%。

12. 呢場咁嘅大龍鳳，就係買間巴士公司？搞乜？
13. 比較正路嘅估法，就係有啲嘢，大家睇唔到。「一定冇咁簡單」，咁可以估下係乜。以下係幾個猜想，全無證據，純係豬up。但估中嘅記住，you heard it first from Ivan

14. 可能性一：隱藏資產。呢個最合理嘅估計。呢，你見中巴早排有件姓顏嘅去咗見馬克思，但之前N咁多年中巴都畀人狙擊。有乜值錢？梗係唔係巴士（其實一早已冇巴士），係啲地！巴士廠呀總站呀早年拎埋唔少地，九巴／載通荔枝角個廠，咪變咗曼克頓山。

15. 咁新巴城巴有冇呢啲嘢？斷估都有，懶搵，留畀啲勤力記者去研究。我估有。但，做乜新創建仲要平賣？好等錢使？亦唔會係。有其他地方枱底益返佢？好多時啲嘢解釋唔到，我都傾向咁諗—但亦會阻止自己濫用呢樣嘢。講過了，乜都咁諗，就變陰謀論，即係乜都係「大戶」「印尼大莊」「聰明錢」。所有解釋唔到就外星人現象，超自然力量。可能真係有，但你慣咗咁諗，個人就會好懶，一事無成。點解升？因為大戶托市個市引你咯。點解跌？大戶派貨咯。點解先跌後升？因為殺完好友再殺淡友。

16. 可能性二：轉畀大陸佬。呢個真係比較陰謀論，但不能不咁諗。我當你Templewater Bravo真係玩另類投資。但整檔漢思能源係咩玩法？定過得幾年，根本全部會賣畀中資？過一過冷河冇咁礙眼嘛，況且，到時唔係上市公司入面，好多嘢都唔使點披露，易搞好多。

17. 但幾肯定嘅係。新創建呢邊，一路都係想甩走啲非核心業務。母公司新世界亦都係。拿，幾個月之前，新創建咪賣走新渡輪咯（https://bit.ly/2YlHNlF）。賣畀誰？又係中資喎。實情新世界近年同政府關係好似不錯，中國香港都係。

18. 咁，國資委講到明，要國企加大在香港投資嘛（https://fbook.cc/3ENx）。拿，當其時已經有寫新世界想賣新巴九巴（所以睇文幾咁重要），但當時傳係招商局接。而家可能過多重冷河咁咯。咁，未必係巴士車你返大陸咁直接嘅，但買咗公司，可以返去同國資委論功行賞啦。

19. 好啦，海陸空，賣咗船，賣咗巴士，有冇飛機賣？答案係有的！不過唔會賣啦。其實新創建，係有做飛機租賃的。

20. 正如長和系必有大動作，相信新世界都係有不少大動作嘅。詳情就，我都真係唔知，點會係我地啲凡人可以理解？但，除咗睇新創建（659），幾時都睇埋隻新世界百貨中國（825）。

———————————————————
Ivan Patreon 狼耳街華人，一個星期至少三篇，一個月一舊水唔使，兩星期已超過400人訂，仲有兩篇免費試睇：https://bit.ly/31QmYj7

————————————————————————————————
最新收費影片：點解買金？點樣買金？點解港紙好快會下試7.85？咩公司20年冇減過派息？仲有咩疫情受惠公司少人講？

簡介及以前嘅片（未睇可訂）：https://bit.ly/3iYMD0F
報名嘅，課程編號CC007：https://bit.ly/3ahugA3
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
內容:
*美元弱勢，港紙將更弱勢
*紙將將由7.75趺落7.85
*買黃金:美元受壓銀紙亂印
*買黃金的四個實戰方法
*另類疫情受惠股
本星期內特惠售價: $80
課程編號：CC007
觀看期限：首次播放後一星期及限每影片４次
客服whatsapp: 63832145

【夢想之路】

喺中環嘅街頭，放工時間周圍都係人，揸的士嘅受歡迎程度仲高過揸法拉利，渴望由心底自瞳孔穿出，心急上車迫使雙手猛力搖動，落客地點完全係乘客隨機地指定，下一個乘客就因緣際會咁上咗我車。

泛中環工作區嘅人都係差唔多樣，傾計好多時都係一句起兩句止，大家講下做嘢好辛苦，乘客呻兩句之後就繼續埋首工作。高級打工仔通常不停打俾秘書、客戶約唔同嘅嘢，初級打工仔嘅電話就響過不停。

呢個乘客上車後都覆咗幾個MSG，又約唔同嘅人面試，夜覆萬機，我都唔敢打擾佢。直到去到大欖隧道，俾完錢之後佢先話：「個收費員幾靚女喎，估唔到收費員都有咁靚女。」

收費員靚唔靚就見仁見智，只不過大部分收費員嘅年紀都唔輕，有個後生女就好自然得到靚女嘅評價，正如唔少乘客話我好靚仔，我都有自知之明知道唔係。「靚女都無話唔做得嘅，可能佢細細個住附近，睇住隧道起，大個女喺到做嘢，就係佢夢想呢？」無聊嘅對答，打開咗新嘅話題。

「夢想做收費員？咁個Career Path會好窄喎，唔會有人有咁嘅夢想掛。」乘客笑道。我其實都覺得機會不大，但係乘客講到無可能，正正係我堅決唔同意嘅，揸得的士見得人多，先真正咁體會到「乜人都有」嘅真諦。「唔一定㗎，夢想SET到天咁高，到最後根本無一條路係去到嘅又有咩用。夢想嘅工作唔一定要高檔富貴丫，平平淡淡準時返工放工嘅JOB，都係好多人嘅夢想。」

傾談間，乘客大抵上都同意我嘅講法，仲補充：「即係人各有志啦，有志都好，最緊要自己做得舒服開心。而家好多細路仔，連自己想做咩都唔知。」從我同佢嘅年齡判斷，佢口中嘅細路仔應該係指大學生：「係呀，好多啲大學生都唔鍾意自己讀緊嗰科，畢咗業都做其他行業，有啲連自己想做咩都唔知，知道想做咩又唔去做，去做又搵唔啱方法。」

我同乘客講到好興奮，完全忘記咗幾年前上一輩都係咁睇低我地，自己又用咗幾多年先搵到方法去做自己想做嘅嘢。「我載過好多返中環嘅，有啲都適應唔到，想像同現實相差太大喇。係呢，你做盛行？」傾得熟絡，就大膽問得深入啲。乘客話佢做獵頭公司，仲問我知唔知係咩黎，好在我經常流連網路，否則都未必答得出。「點會唔知呀，之前你有個行家講個請古天樂司機嘅事，我都有睇過呀。」乘客聽完會心一笑，但硬係有啲詭異而熟悉嘅感覺：「哈哈，好唔好睇先？篇文我寫㗎。」我終於明白，啲乘客講話佢睇過《我的你的紅的》而又唔認得我嘅感覺，當時我嘅笑容相信都係咁詭異。「你就係 全職獵人FullTime Headhunter？咁啱呀，我都係寫嘢㗎⋯⋯」

於是，一段獵頭族人同物流大叔嘅夢想交流，就開始咗。