【大欖隧道本月18日起加價　私家車收費52元】

大欖隧道7月18日起加價，私家車及的士將由48元加至52元。

營運商三號幹線有限公司表示，因疫情及屯赤隧道通車的雙重打擊，大欖隧道6月客量較疫情前跌兩成，營運成本更有增無減，故本月18日起調整收費，視乎車種將加價2元至15元不等。

全文︰http://www.passiontimes.hk/article/07-09-2021/74354

#大欖隧道

請支持PassionPrime：
http://passiontimes.hk/prime/

請支持熱血時報印刷版︰
http://passiontimes.hk/4.0/regform.php

請支持熱血文青課金計劃：
http://www.passiontimes.hk/?view=raise2

請支持熱血主持育成計劃：
http://www.passiontimes.hk/?view=raise

《熱血時報》 iOS，Android App 歡迎下載：

iPhone
https://apple.co/2IfgPoP

Android
https://bit.ly/2HqB4Q4
--------------------
成功之前，我們絕對不要放棄夢想！
Till our dreams come true, we'll fight on.

【十一號幹線︰東大嶼都會基建，抑或新西交通「民生」方案？】

(1) 問︰十一號幹線即係乜？

答︰起點係洪水橋新發展區，表面上終點係……無厘頭的大嶼山東北角（近馬灣）。政府宣稱係應對新界西北大量新人口的交通方案。

(2) 問︰點解今時今日要關注？

答︰因為財委會（4月13號）今日下晝岩岩審議並且通過左十一號幹線的研究撥款。研究撥款逾八千萬，最終工程很可能數百億乃至逾千億。

(3) 問︰去到大嶼山，咁即係去邊？

答︰事實上，十一號幹線去到大嶼山，明眼人一睇，就知係一個斬件後的規劃。即係佢只係一個整全的「新西 --> 巿區」交通規劃的北半段，而南半段係咩？洗濕左個頭之後，咪話你知囉。

目前其實有幾個可能，第一個係通向交椅洲（東大嶼），再接駁跨海大橋去港島；第二個可能係通向青衣西南，接駁昂船洲大橋；第三個可能，就自然係而家最流行的……why not both。

(4) 問︰政府出左咩蠱惑？

答︰第一就係文件出口術，轉移視線。2016年的大嶼山「全民新空間」諮詢，十一號幹線係駁去交椅洲，2017年的「2030+」諮詢，十一號幹線亦係駁去交椅洲。但今次的研究撥款的補充文件，運房局卻強調係有可能駁去青衣，特登唔畫交椅洲的計劃出來。

唔通之前用大量公帑去做出來的諮詢文件，竟然係講大話？唔通政府已經從善如流，放棄左東大嶼？當然係冇可能啦。

所以其實講到尾，十一號幹線的南半段，都係99.9%可能通向交椅洲的（或同時通向交椅洲與青衣）。

即係，政府最蠱惑的地方，就係借屯門元朗二百萬巿民的民生交通困境黎過橋，用來推進東大嶼都會的基建政治。

(5) 問︰話時話，香港咁少地，東大嶼真係咁唔好咩？

答︰地緣政治而言，東大嶼其實係一個港珠澳大橋的配套，以房屋問題作為糖衣包裝，戲肉其實係港珠澳直駁港島心臟。即，東大嶼人工島對政府最大政治功能的地方，其實係佢係一個橋墩，有了這座橋墩，珠海去中環就只需要40分鐘，大灣區N城融合的「一小時生活圈」，就正式完成了。

至於海中心是否需要建造一座70萬人的死水城，幾千億人工島是否又係用來興建海景私樓，永續地產，氣候變化或海平面上升等又是否要應對，政府只需要虛應故事就了事了，反正地產商必然歡迎。

(6) 問︰十一號幹線真係解決到新西交通問題？

答︰目前只有北半段的十一號幹線，充其量只係疏導到大欖隧道的車流。屯門的車流完全疏導不到。若車流在大嶼山東北角導入青嶼幹線，亦同樣係走向青衣西北角的交通熱點／熱區。

最重要係，新西目前的交通情況已好嚴峻了，我們真的要倚賴一個2035年才落成一半的新幹線，去解決今日的問題嗎？

(7) 問︰點先解決到新西的交通問題？

答︰有超多野係可以即刻做，而且需要即刻做的——
例如真係切實推行彈性上班時間，例如真係積極推動減少私家車的政策（張炳良在離任前吹過水，但一份具體文件都冇），例如所有新發展區的「原區就業」理念要認真推行（要有產業向度而不是單靠賣地），例如政府近年多項港島區政府部門建築會拆卸，係可以搬去新西，例如減少新界西北的發展幅度（可以少啲私樓）。

交通規劃上，屯門至赤鱲角連接路快將落成（大約2020），即屯門車流至少可經屯赤路入青嶼幹線，作為屯門公路以外的選擇。一旦港珠澳大橋帶動的車流未如人意，政府應該確保屯赤路的收費制度，能令公眾善用屯赤路。

(8) 問︰政府堂而皇之用「新西交通」綑綁東大嶼項目，民主派應該點算？

答︰政府用八千幾萬搞一個唔清唔楚的東東，呢個東東又隨時變身成數千億東大嶼基建的頭炮，咁民主派可當然應該反對或棄權啦；但關鍵不是今天這份八千幾萬的研究錢，而係研究錢拎到之後，政府便會失蹤兩年，公眾會毫無資訊，亦冇參與空間。過兩年後，又係米已成炊，大家硬食。

沒有民主，便不能解決問題——這才是所有城巿規劃的關鍵。

民主派的任務好簡單，就係要在今日的撥款通過後，盡力令最多資訊盡早提交議會及公眾，及盡力逼令政府為公眾提供參與空間。十一號幹線起唔起，去交椅洲抑或青衣，你有唔同意見唔緊要，但就必須有 say。

譚凱邦議員公開聲明 (21/8/2017 下午1時發放)
【有關今早青馬收費區大混亂 馬灣斷絕陸路交通】
//運輸署於放工時間應立即增加收費亭
若未預備好 請改回單向收費//

荃灣區議員 (馬灣區) 譚凱邦指出，今早青馬收費廣場出現混亂，以致青馬橋入大嶼山方向大擠塞，車龍延至汀九橋及大欖隧道，是運輸署錯誤估計青馬橋實施雙向收費的影響，收費亭數量不足所致。
受重置收費亭工程影響，入大嶼山方向多條線閉封，只有6個收費亭，2條自動繳費及4條現金收費 (見圖)。 (註：出市區方向共有8個收費亭)
譚凱邦議員已向運輸署表達馬灣陸路交通今早斷絕的情況，不容許放工時間再次發生。而運輸署回覆表示，入大嶼山方向放工時間可加一個收費亭，但再加多一個技術上困難，並研究當中。
譚凱邦議員表示，只加一個收費亭並不足夠，放工時間可能再次出現大混亂，「若雙向收費在硬件未預備好，那就暫時擱置，回復單向收費吧。」
另外，為免馬灣居民在放工時間難以回家，珀麗灣客運宣佈，放工時間將加開一班由荃灣碼頭開出的船前往馬灣。