［韋拿踢法似我］睇咗，冇乜特別。咁我當然係買咗返屋企睇啦，唔會去打人書釘咁咩嘅。細個仲打唔夠咩（細個唔係打誠品啦），而家有能力就唔好咁度縮了。50蚊，食個大家樂早餐都冇咗。

TLDR：介紹返，上星期我在Patreon寫嗰篇日本股仲全面。況且仲會一路繼續寫。點都抵睇。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

1. 朋友話頭，你以為本人強項係金融，其實唔係。以為我強項係寫文，其實都唔係。本人係Information processor，又即係金融DJ，仲係市場降躁耳機。我可以幫你整合啲不同嘅東西，消化咗，屙返出嚟，等你易入口。同埋我會睇得到唔同事情嘅關係。仲有，我可以幫你過濾咗好多雜試 —在呢個時代呢樣先最重要。

2. 呢本東西，標題150台幣，香港誠品賣50港紙，算有良心（＊），雖然有冇良心我都係咁買架啦，星巴克幾蚊咖啡粉（有冇？）賣你幾十蚊添。表面望落算多嘢睇，但老老實實，同樣價錢，你買本「信報財經月刊」好過，下期有我。嘻。

3. 講返一樣嘢，我唔止一次提過，本人最憎台灣翻譯金融書嘅一樣嘢，並唔係啲用語（全世界就你一個咩，唔好咁中二病），而係啲推薦序。

4. 人地原本本書好地地，硬係要搵件乜柒投信或者乜柒外資嘅二打六，然後出嚟評點幾句。最Q好笑仲要係夾硬name dropping，個作者入面某一章提過嘅某條友，丫，佢嚟台灣時我同我上司同佢飲過茶呀。關我撚事？你唔見人地原本英文版有呢啲嘢？當然呢啲就係台式圍威喂啦，明嘅，但你見香港都冇呢啲咁嘅嘢。

5. 咁你話，你講嘅係翻譯書，呢本雜誌喎。但佢呢個封面故事，登登，就係譯日本雜誌嘅。雖然冇name dropping，嘩我去銀座Ginza Six食中村藤吉呀作者又去過呀（巧多日本大媽的）。但，我一見有個台灣人寫導讀，我即時已經諗，去到第幾段會出現「失落三十年」？果然第二段就有！

6. 個封面故事嘛，無甚特別。外資大買進？一早知啦，日日新聞紙都有報。至於1000億美金，聽落好多，但講緊由舊年開始喎。而日本股市，差不多一日300億美金成交（香港講緊大約200億美金）。

7. See？你唔量化，聽落1000億美金就好多，實情只係3日成交。當然，佢1000億美金呢個數肯定係低估嘅。

8. 仲有，最正嘅當然係，佢除咗譯日文雜誌外，當然要加埋自己嘅東西。之後仲整咗幾篇講基金，講日本樓。原因就你懂的。而佢譯日本雜誌嗰兩篇文，係冇叫你去買基金嘅，只係畀啲個股你。睇到分別冇？
9. 不過，就當然唔係一無是處嘅。首先佢講咗啲個股，雖然照計你睇我Patreon篇文好過。

10. 但佢提到一樣嘢，日本股市，大約有40%嘅股票係below book，即係 股價低過帳面值，Price to book 低過一倍。美股講緊只係7%，英國甚至唔夠1%。中國？原來都只係多過美國少少，但呢個數字係今年3月嘅。

11. 固然阿豬阿狗都識講價值陷阱，平嘅可以再平。But still．我Patreon嗰27隻日本股，都有唔少係相當殘的（但我亦唔只係揀殘嘅嘢），可以自己去睇下。

（＊）不吐不快，但照計你身邊梗有啲咁嘅人。例如你去旅行佢叫你幫佢買嘢，仲要拎個Google Finance 嘅價去同你計 啲 yen幾錢（佢真係當自己拎到Google Finance嘅價！）。甚至我見過有啲仲極品嘅，拎返個圖出嚟同你講，喂，唔係喎，你去嗰時一對六喎，做乜而家同我計一對七？唔係發生在身上，係我朋友嘅朋友怪罪佢。我話，佢心中肯定覺得仲係益咗你呀，你賺咗信用卡里數！

呢啲友，記住疏遠佢。幫人買過嘢就知，都係一件幾麻煩嘅事，但好多人真係當你「順路」，講到「你去開大阪會經過京都呀可？」咁滯。仲有唔好忘記，仲要時間幫你去搵，幫你排隊，仲要驚買錯畀你小。同埋仲有一個風險：件嘢有乜中途爛咗唔見咗，都係你自己負責的。真人真事，我嗰時去德國幫人買波衫，結果漏咗在火車。咁當然係我自己拎錢幫佢買過件啦，唔通同人講「你件波衫我買咗啦，不過漏低咗，盛惠八百蚊」？但其實我冇同我朋友講呢件事（唔知佢會唔會睇到呢個POST），我啲朋友都係比較好的，向來都係 我話幾錢就幾錢，唔會拎個匯率圖出嚟同我計。

記住，就算本雜誌原本200台幣誠品賣200港紙，我都覺得係冇問題的。因為你可以唔買的。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

🐓新開日式雞肉主打串燒店🔥
-
唔知大家有冇去過日本專門食串燒嘅餐廳呢？去過你哋應該都知選擇非常多之餘，仲有唔少奇特嘅款式同部位😎 而最近依間新開嘅串燒店除左雞肉係採用日本赤雞薩摩外，竟然比🍔見到係香港非常少地方見到嘅提燈，同日本人情有獨鍾嘅雞刺身！依啲比較特別口味嘅唔係每個人都接受到，但唔試過又點知唔啱自己呢😏
-
提燈 ($68) 即係輸卵管+未熟成嘅雞蛋黃。數量極少，所以食唔食到全靠運氣，建議平日食遇到嘅機會率會大啲~ 燒嘅時候都特別有技巧，要燒熟輸卵管嘅部分同時保持到蛋黃流心嘅質感✨ 入口蛋黃爆破流出蛋汁，連埋帶煙韌彈牙嘅輸卵管，口感係幾特別
*
雞肝 ($38) 醬汁味道較濃味同偏鹹，燒得比較乾身
*
雞腎 ($38) 食落爽脆，但裏內唔夠嫩口
*
煙燻雞肉丸 ($78) 擺盤夠晒睇頭，為木盒裏頭注入帶木香嘅濃煙進行煙燻🪵 沾上蛋汁食用~ 肉丸口感唔錯，有啲咬口，可惜調味重手左啲，鹹得濟
*
雞肉刺身 ($108) 係日本除左雞肉做刺身，連雞嘅其他部位例如內臟都可以生食🤭 但香港人都係食返最basic嘅雞肉sashimi先！依款刺身表面有輕輕煎熟，入面就基本上全生🤫 講真入口幾嫩滑而且帶輕微嘅甜味，點上醬油會更易入口，但建議試一兩次就好，由其係腸胃唔好嘅朋友仔慎食
*
雞肉味噌多士 ($58) 幾失望，雞肉味噌醬偏鹹味道上冇乜特別，多士烘過，食落似大家樂早餐多士🤣
-
整體串燒質素一般，都係鐘意炭燒串燒個種風味。調味較重手，勝在款式選擇比較特別，環境舒適，同朋友坐底飲返一兩杯係唔錯嘅🍶
-
兆鳥 (尖沙咀)
尖沙咀赫德道8號地下A號舖

一個good既morning緊係要由一個好早餐開始啦！其實平日我們在家中都可自己做一些早餐，如果食開m記，大快活或大家樂早餐的朋友仔，係時候要停下啦！試下轉食一些較為健康的東西，例如燕麥啦，其實燕麥除了多纖維亦都含豐富營養嫁，無論咩年紀大人小朋友或老人家都岩食！大家不妨都試下整啦，健康既野都可以好好味嫁。

（網上圖片）
==============================
Pls follow!! (不定時有獎遊戲!!)
【Instagram】 glowmakeupacademy
【website】 https://www.glowmakeupacademy.com/
【Blog】http://www.girlstalk.hk/blogs/
【YouTube】goo.gl/u9fxLn
【Facebook】https://www.facebook.com/glowmakeupacademy/

#學化妝 #化妝 #beauty #healthtips #tutorial #化妝護膚 #化妝學校 #化妝課程 #化妝師 #makeupcourse #personalclass #makeup #hkmua #like4like #instalike #ighk #hkig #skincare #facemakeup #eyesmakeup #mua #makeupartist #glowmakeup #muah

特別的印度菜 ANJAPPAR (尖沙咀)


每人平均價格: 150-200 HKD

優點:
舒適環境，服務好，清真菜較出色，地㸃方便，不吹還枱。

缺點：
味道調交了淡味一些，少了印度色彩，價格正常，沒有提供酒精飲品

總體：???（3.5/5)

Pros:
Comfortable environment, good service, excellent halal dishes, convenient location.

Cons:
The taste was transferred to a lighter taste, less Indian style, would be better for lower price, no alcohol available
Overall：???(3.5/5）