【#2017 徐仔小小回顧】 🐒 - 原來我已經二十六歲，但感覺後生左，同時成熟左，但仲係小朋友。😁 🐒 - 原來都去左好多地方，遠近都有，廣州、澳門、台灣、日本、荷蘭。黎緊未來都想繼續去多啲地方擴闊下眼界，係香港黎講都去多左露營，不過就小左行山，真心想做多啲運動。🤔 🐒 - 攝影方面，放左支陪過我去澳洲一年既35L，放左 8-15L，入左70200L 同 50L，同時覺得自己影相心態唔同左，唔再係一味追求畫面既靚，反而係想捕捉「一剎」，同埋隨心左 ，都多左街拍，但呢排又忙左少左出動。🤤 🐒 - 第一次幫手做區議會選舉文宣，其實都係同平時做野差唔多，因為個格式都係無乜得點變，樣大字大，同埋都係唔可以話晒事，例如有啲顏色方面，搞到柒柒地，不過無計啦，你知係香港做設計都係畀錢個個話事，最後成功選到，我都覺得好開心！☺ 🐒 - 第一次同幾個朋友一齊係 D2 Place Two Market 到擺檔，賣自己設計既 post card，個感覺幾新鮮，不過擺3日我淨係去到1日，因為去左旅行。😂 🐒 - 繼上年張相被 Discoverhongkong (香港旅遊發展局) share 左，今年都有兩張相被 Discoverhongkong ig share 左 。😆 🐒 - 參加左「2017國家地理會德豐青年攝影大賽」，早幾日知道張相入左圍，好想快啲知道結果呀，希望有得攞下獎啦！到時接 job 要收貴啲！🤑 🐒 - 多謝動物報分享左我張馬嬲相，令更多人關心郊區遊人亂拋垃圾問題。同時，創刊號動物報入面有個專題《忠犬阿旺》既相係我影。😊 🐒 - 100毛有篇新聞講花展有用到我幾張相，多謝毛毛。😘 🐒 - 同 @ky 第一年過既情人節，去高級法國餐廳 Cafe De Coral 享用美餐！見到佢滿足既表情，我都好開心！呢一年感情都幾穩定，因為 keep 住嘈交。👻 🐒 - 由尖東忍屎忍到返天水圍，個感覺真係歷歷在目，破左個人最佳記錄。👽 其實仲有好多好多事，不過時間所限就唔一一列出黎啦，btw 法國好多人成日都睇到我啲 fb post ，係咪 fb 會顯示啲高質既 post 畀大家睇？🤡 2017 年過得算係好順利，亦都開始「識諗左」，踏入 2018 年，我會用返上年回顧時候既同一句：「相信所有事情會變得更好，只要保持一個樂觀既心態，好事自然會埋你身！」 #沉晚去左Camp收唔到網絡而家先出🤡 #ThankYou2017 #Welcome2018