【Paramount+又玩每週一新片策略，大片又直上串流】

喺串流大戰嘅世代，Disney+、HBO Max、Netflix都開始愈做愈好，而Amazon、Hulu等等都不斷有新片同話題作品時，剛剛加入呢場遊戲嘅派拉蒙，點都要有啲噱頭先吸引到新用家。據多個外媒報道，Paramount+未來都會學Netflix嘅策略，大玩一星期一套新片嘅方針，都包括埋早前已公佈好似《無聲絕境II》、《壯志凌雲：獨行俠》等縮短空窗期嘅大片，而原本已經延期近一年，由Mark Wahlberg主演嘅大片《Infinite》，就直頭跳過戲院，提早六月Paramount+上架。

其實，無論有冇疫情，派拉蒙喺疫情前已經唔多掂，當其他片廠喺票房上惡鬥時，派拉蒙每每繼續神隱，唔係出爛片就係叫好不叫座，間中先跑上一兩套《無聲絕境》呢類戲，而近年賣座保證除咗《變形金剛》都係《變形金剛》，俾佢有套《超音鼠大電影》「一套救全家」後又遇上咗疫情。當串流呢回事已經事在必行、返唔到轉頭時，依家先加入呢場遊戲嘅Paramount+，又可唔可以憑呢個策略扭轉劣勢？

‼️電影網店全新貨品已上架，低至$5起，快啲嚟搶購啦：https://bit.ly/3qLPkpk

【Patreon加強版】尊享優惠、更多深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【如果007 VS Ethan Hunt：邊個會贏？】

喺《魔比煞》延期之後，外媒都預料四月嘅戲會全部延期（除咗《哥斯拉大戰金剛》提早上映），當中都包括一年前首套帶起「延期潮」嘅大片《007：生死有時》。呢套嘢唔止由開拍到上映都多災多難，喺延完再完後，亦搞到MGM開始唔掂要尋求賣盤，本身係2020年最強大片之一，最終就變成咗孤兒仔咁。依家有傳《007：生死有時》喺冇串流支撐下，又冇串流肯天價買佢，終會延期到11月－－本身屬於007系列最鍾意上映嘅月份，但佢「生死有時」，隨時都搞到Ethan Hunt都生死有時。

雖然Tom Cruise又鬧人又出動到防疫機器人，被譽為最強防疫電影人，形象好似好正面（定負面，我都唔識分了），之但係《職業特工隊7》目前排喺11月上映，業界預料如果《007：生死有時》延到去11月，最終題材相類嘅《職業特工隊7》，應該都要被迫延期。作為影迷，我又好花生如果007遇上Ethan Hunt，唔知邊個會贏？

與此同時，喺串流大戰世界入面，派拉蒙好似已經神隱咗好耐（暑期檔《海綿寶寶：急急腳走佬》已上Netflix），本身連戲都唔多套，串流當然都唔係好關佢事，自然冇曬新聞。如果如業界預期四月嘅戲全部再延期，《無聲絕境II》都會受到影響。不過，《職業特工隊7》如果延期，派拉蒙都唔驚冇曬大片嘅，佢同Tom Cruise都仲有套《壯志凌雲：獨行俠》，如果唔延期，都仲可以頂一頂嘅。都係一年前，冇人睇好嘅《超音鼠大電影》票房狂收，被譽為係派拉蒙一套救全家嘅作品，唔知果筆數捱到幾耐？

🏆2020年我的十大電影名單現已公佈，有咩最愛最差電影，一文盡看：http://bit.ly/3igsQKl

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【MeWe請Follow】：mewe.com/p/travelerwithmovie
【IG請follow】www.instagram.com/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【大家唔好笑，我係認真嘅：其實我好鍾意海綿寶寶...😭】

估唔到戲院開始回歸正常後，都仲有電影宣佈直上VOD，最新嘅係《海綿寶寶：急急腳走佬》。套戲原本5月上映，最後延期到7月，但都一如《狗狗震》，又或者見到《魔髮精靈：唱遊大世界》嘅「歷史性成功」，加上佢唔係迪士尼或Minions咁有票房保證，似乎合家歡電影上戲院都唔多對路，最後決定直接上VOD，而香港暫定亦都唔會戲院上映。

派拉蒙嘅《壯志凌雲：獨行俠》同《無聲絕境II》都延期，最後一套《海綿寶寶：急急腳走佬》都上VOD，正式暑期檔冇曬戲。目前暑期檔仲「健在」嘅荷里活大片得返《TENET天能》、《花木蘭》、《新異變人》，《無聲絕境II》就九月頭，而亞洲嘅就有《屍殺半島》同《打噴嚏》。

小弟其實好鍾意海綿寶寶，當年第一集《海綿寶寶：脫水大冒險》笑到癲咗，可能聽落你覺得好低能，但我覺得就係大人識笑、細路仔未必識笑果種卡通，第二集仲有「奇洛佬」亂入，等我仲好期待添。

希望因疫情問題，呢啲措施只係短期內嘅情況啦。係，你喺Netflix或「自己方法睇」係好方便、攤喺張梳化度睇戲好梳乎，但始終戲院個環境，都係睇一套戲嘅最佳體驗。作為一個影迷，希望無論觀眾還是電影公司，疫情之後，都唔好放棄戲院，令佢變成歷史遺物...

《海綿寶寶：出水大冒險》觀後感，以及受疫情影響延期電影時間表，可看留言連結。

【‼️留意‼️】
「晞。觀影記事」Patreon加強版已經開幕，更多精選深度獨家電影文章，請即訂閱：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie