熱門Ptt文章

[爆卦]基德梗圖是什麼？優點缺點精華區懶人包

雖然這篇基德梗圖鄉民發文沒有被收入到精華區：在基德梗圖這個話題中，我們另外找到其它相關的精選爆讚文章

在 基德梗圖產品中有7篇Facebook貼文，粉絲數超過0的網紅，也在其Facebook貼文中提到， ［身痕文學］係喎，王家衞vs 金基德，比較文學。 TLDR：玻璃杯as a metaphor。借來的空間，借來的時間。 1. 實情睇過好多次，最初戲院上唔肯定有冇睇過，但VCD呀TVB呀有線呀睇咗N次。然後有年電影節都睇過，仲要係在旺角（朗豪）！ 2. 當然又係嗰句，唔同年紀睇有唔同體會。細...

　同時也有3部Youtube影片，追蹤數超過33萬的網紅Daptoper，也在其Youtube影片中提到，這測驗超好玩的！連我童年的沒良心百貨公司也出現了，還有統神端火鍋、國動、杰哥不要、王世堅、基德不要瞎掰好嗎、Ungle Roger、Meme Man等等各種優質迷因，歡迎一起來測驗 (希望會有ver3.0版本) ►訂閱有感筆電 (我會非常感謝你😆)：http://bit.ly/daptoper-su...

「基德梗圖」的推薦目錄

  • 基德梗圖 在 Facebook 的最佳貼文

    2021-09-03 19:24:06
    有 122 人按讚

    ［身痕文學］係喎，王家衞vs 金基德，比較文學。

    TLDR：玻璃杯as a metaphor。借來的空間，借來的時間。

    1. 實情睇過好多次，最初戲院上唔肯定有冇睇過，但VCD呀TVB呀有線呀睇咗N次。然後有年電影節都睇過，仲要係在旺角（朗豪）！

    2. 當然又係嗰句，唔同年紀睇有唔同體會。細個睇可能只係當黑社會片。大個少少，就梗係睇劉華同張曼玉在個電話亭打茄輪。

    3. 再大個啲，睇萬子同張學友雀館。或者係梅窩巴士，大角嘴麗華戲院等等嘅風情。（又，「今日我喺呢度賣魚蛋，聽日我喺中東賣飛彈！」，完全反映返當年中東局勢兩伊戰爭，結果到而家仲係阿富汗）

    4. 再大少少。扮文青睇咗2046 花樣年華 等等後，又睇返 《旺角卡門》，的確見到好多嘢已經有雛型。亦證明王家衞玩「商業」一樣係得。

    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    5. 唔係話「商業 vs 藝術」完全冇界線，但我嘅unpopular opinion係：好多人只係用「藝術」去掩飾自己嘅嘢唔掂。你寫得掂垃圾文識寫標題黨，先有資格講我不屑玩呢種遊戲。

    6. 早排連睇9套金基德，佢當然從來都冇玩到「商業」嘅遊戲，但我有理由相信佢一樣識玩。因為佢嘅電影就係好鍾意刻意誤導你，你以為會咁咁咁，就唔係。呢個亦表明佢知道一般「商業」電影嘅玩法，佢就特登唔玩，吹咩

    7. 你話王家衞唔計算咩？我覺得佢一樣好計算，正如我覺得金基德一樣充滿計算。只係人地計算嘅玩法唔同。佢地知道鬼佬想要乜。
    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    8. 正如最簡單最入門級嘅「xx as a metaphor」，我都寫過，金基德《慾海慈航/援交天使》嘅石頭（代表審判），或者係《漂流慾室/島》嘅魚鈎（代表控制），《情慾穿心箭/情弓》嘅弓箭（代表父權傳統），甚至係《感官樂園/空屋情人》嘅哥爾夫球棍（片名就係3-Iron，投閒置散嘅嘢）

    9. 《旺角卡門》呢？就係「玻璃杯」，玻璃杯代表嘅係「從良」，正常人嘅生活，心中嘅安寧，亦即係《吳清源》嘅棋局，《英雄》寫書法。劉華成日打爛晒啲杯（呢個象徵佢追求寧靜但偏偏人在江湖柏木由紀），張曼玉（表妹！）話唔想佢冇杯用，所以自己收起咗一隻，如果需要嘅可以去搵佢。意思已經講到好明。

    10. 《旺角卡門》仲有一個重點：「借來的時間」。呢個亦係《天若有情》（我知唔係王家衞）嘅主題，A Moment of Romance（英文戲名），歡情太暫，只求望一望，讓愛火永遠的高燒。正係劉華同吳倩蓮著咗草去澳門，先可以好似普通情侶咁安樂一陣，但好快已經有人拉返佢去現實。正如《旺角卡門》一樣，劉華同張曼玉去大嶼山依泣一陣，又係有江湖事拖返佢出嚟。只怨歡情何太暫，轉眼分離緣有限。

    11. 呢個亦係金基德《漂流慾室/島》嘅情節，正係大家朝不保夕先可以扑過不停愛恨纏綿，到真係齊齊幫間愛巢油油（代表安家生活）就冇戲唱了，男嘅孟浪女嘅控制慾，冇得玩的。

    12. 事實啲童話就係 自古美人如明將，不許人間見白頭。只講一句「從此快快樂樂生活落去」。因為冇「借來的時間」，冇外敵，就變咗為啲無聊嘢嘈了。結婚就係極唔浪漫嘅一回事，日日都係嘈塊廁所板放上定放低，或者阿仔讀邊間幼稚園。文藝作品中嘅男女係冇呢啲問題的，所以幾時都話，文藝女青年這種病，生個孩子就好了。冇乜嘢比生個B更加能摧毀一個女文青在你心中嘅印象。如果唔夠，生多個。你見到中學校花叫佢衰仔drink drink water，包你咩幻想都冇晒。
    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    13. 係喎，其實夫子自道，當然我唔係自比王家衞。但你懂的，我亦唔使好多人睇，有2000個true fans撐Patreon已經好夠。我一樣識玩垃圾標題黨遊戲但我就真係 倦也悶 在某天已拒絶再玩。正如我唔會出嚟寫北京交易所，個撚個平時講到大陸嘢政策不能預計唔知佢想點，但忽然又中南海直線上身，又個個變身國師知晒之後幾百步棋想點。

    14. 正如我識玩考試遊戲，但襟芒四十幾歲人啦，仲去讀書咩。正如我都識玩辦公室白領遊戲corporate ladder，唔算好叻但叻過好多人啦，但一樣：

    15. 但我厭倦 倦也悶 在某天已拒絶再玩 （其實鍾意安全地帶版多啲，但唔識日文，而廣東話版填詞真係好）

    16. 當然啦，玩過而又唔太失敗，先可以講呢句。正如我入到港大，咪先可以話你知，「咪又係咁」「不外如是」。正如我出到本書，先可以話你知，「咪又係咁」「不外如是」。但就要試過先知嘛。

    17. 總之，《旺角卡門》好睇的！必睇！

    18. 都話，雅俗共賞，MK仔當黑幫片睇，少女睇劉華，男仔睇萬子，文青可以懷念舊香港。

    19. 我就憑弔我逝去嘅青春。
    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    20. 噢其實，《旺角卡門》講嘅亦都係「拒絶再玩」嘅故事。劉華早已厭倦呢啲仇殺生活，但正如上面講，人在江湖柏木由紀，明明佢想了無牽掛，但偏偏太多情。有個仲係想做大事想證明自己嘅馬仔烏蠅（張學友），有姑媽，有表妹。

    21. （劇透）最後劉華係搵到隻杯，但結局都係死咗。冇錯，就係死咗，先搵到心中嘅寧靜。呢個亦係金基德好多戲嘅主題：捨棄肉身然後得道。有時係死咗（《聖殤》，《春夏秋冬》嘅老憎），有時係魔幻化（《感官樂園/空屋情人》最後個磅變咗零）。

    22. 拿，都話比較文學！金基德vs王家衞。真係拎去寫論文都得。當然兩個導演其實唔太似，王家衞更加係一個「金句」導演，而且好多時都唔係拍現代。金基德粗糙好多，多數都拍現代，但始終都唔係好入到「主流」，你鬼佬都冇幾多個敢講自己好鍾意佢，特別呢幾年人人metoo．

    23. 睇就一定睇，有機會睇完寫多篇。但好多時呢啲「有機會寫」都最後冇寫。邊得閒？始終仲係未去到搵夠上岸唔使做啲錢多到用唔晒（否則使乜搞Patreon？）

    24. 最後大煞風景講多句，麥芽糖餅as a metaphor．張學友在大角嘴賣嘅魚蛋，一蚊串，1988年。你睇下而家一串魚蛋幾錢？呢啲就係尼克遜廢除金本位制嘅後果啦。

    ＝＝＝＝＝＝＝＝＝＝＝＝＝＝
    月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
    ＝＝＝＝＝＝＝＝＝＝＝＝＝＝

  • 基德梗圖 在 Facebook 的最佳解答

    2021-07-05 20:03:34
    有 107 人按讚

    ［分久必合，合久必分］FC咗，唔係fake news．國泰而家又話統一返Asia Miles同埋波羅會喎，變返國泰品牌。嘻

    經濟原文：國泰航空以「國泰」品牌　整合馬可孛羅會及Asia miles儲分（https://bityl.co/7gIA ）

    TLDR：「屌，啲濕鳩高層拎一千幾百萬人工就係諗啲咁嘅戇鳩嘢」。

    ＝＝＝＝＝＝＝＝＝＝＝＝＝＝
    月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
    ＝＝＝＝＝＝＝＝＝＝＝＝＝＝

    1. 對不起，成件事真係so MBA so consultant so BCG so McKinsey。當然你可以質疑我入唔到先萄葡人地，但，我係咪要踢波叻過美斯先可以批評佢？

    2. 真的，雖然呢，三軍易得一將難求，一個好嘅CEO，抵得住N咁多個員工（我講上市公司，唔係球隊）。你睇好多例子都見到，MicroSoft又好，麥當勞又好，產品好似都係嗰啲，一早有第一代打落江山，但唔同CEO之下，股價就係天淵之別。你話同大市有關？錯，已經計埋相對於指數嘅表現。咁你話「嗰期興炒乜乜股」？可能係，但，你個CEO可以做到嗰期興炒乜乜股，當然都係實力。

    3. 咁而量度CEO，當然係講股價（嚴格嚟講係shareholder wealth，可以計埋派息之類）。我地唔係講發明家，Nikola Tesla都唔係 上市公司CEO（不過個名就成就後人整兩間公司，對公司名嘅貢獻，僅次於辛棄疾（＊））。Steve Job一早已經係怪傑，但一樣畀人踢走，因為公司股價唔掂。

    4. 咁以此標準啦喎，國泰嘅CEO，就似乎並唔係十分非常之出色啦。當然亦係航空業本身先天嘅問題。

    5. 講咗咁多，無非想講，真係難怪有時啲網友覺得：「屌，啲濕鳩高層拎一千幾百萬人工就係諗啲咁嘅戇鳩嘢」。

    6. 或者我畀個加強版你：「屌，啲濕鳩高層拎一千幾百萬人工，就係拎埋公司啲錢員工啲錢股東啲錢客啲錢，然後圍埋班以前識讀嘅external consultant，諗啲咁嘅戇鳩嘢」。

    7. 真的，乾收銀嘅嘢，「其實唔難」，narrative之嘛，同埋包裝。冇錯，「你都諗到」。即係小米個logo咁。但，人地著套靚西裝 著條貼身裙 講香港人最鍾意飛機嘅英式美式口音，整個靚靚嘅PowerPoint，左一句ESG，右一句Disruption，就係唔同咯。況且，「其實可能管理層都知戇鳩」，但有乜所謂。

    8. 我教你一樣嘢，企業世界，最美麗嘅三個字。唔係I love you唔係MBA 更加唔係ESG。所有做金融嘅都知嘅三個字：OPM（你唔知？咁努力啲，同埋而家咪知，證明我啲文幾有用）。是甚麼？Other People’s Money．由頭到尾都係principal-agent problem—又多一個buzz word，又可以叫做切夫之痛（＊＊＊＊），Skin in the game．或者我講嘅：Nicole Kidman 昆咗Meg Ryan去剝衫—劇本咁好，你唔自己剝？「哦我要離婚」「用對波離？」

    9. 你睇，其實唔難。正如我成日都講嘅教波必勝法，前鋒入多啲波 後防唔好失波 ，有幾難？

    10. 真的，你間公司只做本業嘅，nonono，紅海呀，消費者已經疲勞，何不leverage up，利用公司嘅品牌再踩入其他嘢，即係霸王賣賣下洗頭水都賣埋涼茶同M巾啦！（是真的！我有飲過！當然係涼茶，唔係飲洗頭水或M巾）

    11. 到你公司多品牌嘅，nonono，消費者好confuse呀，應該集中返資源。

    12. 屌，咪而家國泰做嘅嘢咯。神又係你鬼又係你。不幸地唔少管理層都係咁，冇嗰樣咪搞嗰樣。人地全部做乜乜乜呀？哦，我地又要做。到唔掂啦，新管理層上場？哦，人地個個都乜乜乜，我地冇自己特色，唔好再乜乜乜

    13. And you know the beauty？根本畀人炒咗嗰班管理層，去到另一間公司，又係玩一樣嘅嘢。正如新嚟呢班，又係畀另一間公司踢出嚟嘅。

    14. And you know what’s beatifuler？就係，好可能係同一堆consultant 嘅。所以夫斯基也像你早優生更像你，修夫基也是你史科沙也是你。神又係你鬼又係你。

    15. 最後呢個故事，大家都聽過：

    有一個企管顧問開車到鄉下去休假，路上遇到一位牧羊人正趕著羊群。顧問走下車，對牧羊人說：「你看你這裡有一大群羊，萬一走失了一頭你也不會知道。這樣吧，我在一分鐘內替你計算出羊的數量，這可以幫助你管理羊群，如果我計算正確，你就送我一頭羊當作報酬，如何？」
    牧羊人聳聳肩，表示同意。
    於是顧問從車上取出筆記型電腦，接上GPS，進行一番看起來顯然繁複無比的計算。一分鐘以後，顧問對牧羊人說：「你這裡的羊群一共有1327隻，沒錯吧？」同時，顧問將其中的一隻抱到了自己懷裡，準備帶走。
    牧羊人看了看顧問，說：「你大概是從事企管顧問工作的吧！」
    顧問非常訝異，問他怎麼知道。
    牧羊人解釋說：「理由很簡單。第一、你不請自來；第二、你花一堆力氣告訴了我一個我其實已經知道的事情，但你卻還是想要從中獲利；第三、你既不了解我也不了解我的生意，你看看懷裡抱著的，那是我的牧羊犬！」

    16. 不過啦喎，都係補句，存在即合理。你一定可以話我做唔到BCG McKinsey先葡萄人地，請便，因為我真係入唔到。但，既然可以長玩長有，梗有啲原因嘅。最緊要大家feel good嘛。講到尾，你股價得嘅，股東話知你請成班consultant啦

    （＊）你冇睇錯，係霍去病個friend 辛棄疾．大家都識嘅《青玉案—元夕》（＊＊），勁過陳奕迅《K歌之王》。你可以收下入面有幾多間公司名？「東風」未必係，但「花千樹」（張五常！）肯定係！仲有「寶馬」，當然仲有「眾裡尋他」嘅「百度」。我個人覺得，只講公司名，「百度」就型過串錯字嘅Google（＊＊＊）千百倍，可惜得個名係冇用的，

    （＊＊）又畀你恥笑下，我到好近年先知道《青玉案》個「案」字唔係讀「按」。換著如果公開場合我咁讀，又可以畀人恥笑「學霸都係讀屎片」。即係「垃圾美斯，呢球我去都入」一樣。

    （＊＊＊）知架可？係咯，又可以恥笑我唔識tech，但我識得買Google，亦都知度間公司係串錯字，原本叫Googol．更勁嘅係，我小學（！）已經知道咩係Googol —1後面100個零，10^100，真係多得《讀者文摘》。我仲知道咩係GoogolPlex，「1後面Googol咁多個零，即係10^（10^100）」。而家Google個總部咪叫Googleplex。係咯，我唔識Tech，但我識買Google．

    （＊＊＊＊）當然係特登打錯的，套戲幾好睇。金基德嘛。

    ＝＝＝＝＝＝＝＝＝＝＝＝＝＝
    月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
    ＝＝＝＝＝＝＝＝＝＝＝＝＝＝

  • 非光

    基德梗圖 在 非光 Facebook 的最佳貼文

    2020-06-21 23:30:27
    有 341 人按讚

    #K柯 踩底線!基德生日快樂✨🥰
    一直沒印象自己有畫過基德賀圖........
    原來2011有畫過 為了紀念再畫一次相同的緞帶+禮物梗😂
    2011版本的>https://www.pixiv.net/artworks/19787570

你可能也想看看

搜尋相關網站