肥妹行得返了！ #多謝天父聽禱告 佢十五歲零三個月了，十幾年前，當佢兩歲幾嘅時候帶佢去游水然後發生胃反轉，送去醫院急救，去到樓下嘅時候已經冇咗心跳，急救之後有返心跳，醫生話要即刻做手術。手術做咗六個鐘頭，由於胃部反轉造成脾臟壞死需要切除，手術完成之後佢一直喺昏迷狀態，醫生同我講咗三個壞消息：1.唔知道佢會唔會醒返。2. 佢哋西貢呢間係診所，冇足夠嘅氧氣俾佢過夜留醫，要諗辦法送去位於旺角嘅醫院，嗰度先至有足夠嘅氧氣同二十四小時看護。3. 香港當時係冇動物救護車，佢哋冇辦法可以保證係運送途中妹仔嘅生命可唔可以得到保障。我當時好無助，第一時間諗到嘅係天使梁祖堯 @pumpkinjojoinstagram ，於是打俾阿祖，然後佢同阿君、阿Dee一齊撲入嚟西貢幫我。 #都係用返語音輸入快啲 當診所裏面氧氣剩餘0.5 L, 醫生說肥妹一定要轉去旺角獸醫院。別無他法，於是我們硬住頭皮，將昏迷中的妹妹抱上我的七人車，前往旺角獸醫院。阿祖幫我抱住妹妹，我和當時的遮遮提著大包細包。誰知道一上車，阿祖大叫「佢冇咗呼吸！」於是我哋又九秒九衝番上去醫院，於是妹妹又經歷咗另一次嘅搶救😞 診所當日最後剩餘的氧氣接近耗盡，好彩的是在此期間，醫院方面幫我們找到另一間動物救援資源中心的、平時用來幫流浪動物做手術的手術車，可以將妹妹由西貢運送至旺角。不過醫生警告，由於路程當中有其他身體狀況發生的可能，妹妹也有可能有危險，我們作為家屬要有心理準備。 凌晨1:30，我們在西貢開車。那短短20多分鐘的路程，彷彿過了一個月那麼久。最後她安全到達醫院並且開始為期兩個多月的康復過程... 基本上，妹妹的心臟停了三次，所以這麼多年以來，我常說她的健康和開心日子都是「賺」的。話雖如此，但我有時還是很怕她會離開我。於是我請了過去這一個多禮拜的假，多陪陪她、調理好自己的身體，也處理好家中的事。 感謝神，妹妹近日仿彿變得更年輕了，我很感恩很感恩！感謝天父聽禱告，感謝在妹妹的治療過程當中遇上的每一個貴人！ 不要失望，雖然奇蹟不常有，不過有盼望的人總會比失望的人多一分機會。無論看着這個post的你正在經歷怎樣的困境，內心有怎樣的難過，都希望妹妹的經歷可以提醒你心內要有盼望常存，低潮中咬緊牙關，待太陽出來的時候，一切 #重頭開始 。 #由衷感謝 @saa_hk Dr. @drpatrickvet @vshhongkong Dr. Josh & Dr. Sofie 城大動物醫療中心 呂大安醫生 🙇🏻

#嚇屎媽媽系列 之 第一次入急症 做手術 住院 🏪 對上一個Post (05 Feb) 分享左阿仔3個月大果陣已經買左保險 同埋我對佢愛的承諾 當晚9個月大寶寶就要試下我會唔會兌現承諾 … 😟 事發經過 ： 𝟳𝗽𝗺 -- 夜晚收工返緊屋企開Cam見到佢鬼鬼鼠鼠咬緊野 （圖2） 返到去見到兩口松板釘係床度已經心知不妙 📌📌 （圖3） 再係板上面發現有7粒missing … 😳😳 仲有果幾粒 … 😰 即刻揸車出去城大睇急症 🚑 On the way同去到果陣佢都好正常 仲好似有得去街街好開心咁 🤦🏻‍♀️ 但係一照X-ray就見到4口釘係個肚仔入面 📌📌📌📌 醫生建議即刻全身麻醉 用內窺鏡拎返出嚟 媽媽呢個Moment已經開始焦慮症發作空肚作嘔 🤢 𝟭𝟭𝗽𝗺 -- 醫生俾第一個bad news … 因為仔仔食左晚餐，太多嘢食係肚肚， 做完手術都淨係搵到兩粒 📌📌 5分鐘內要決定開刀定係留院觀察 同醫生商討完選擇左後者， 希望釘可以唔串腸咁跟💩出黎 如果半夜串腸都要即刻開腸做手術 離開急症室果陣仔仔麻醉藥未過 對眼望住我 但係完全無力企起身 我見到佢咁嘅樣心痛到喊到收唔到聲 😭 仲要同佢講Bye-bye，佢第一晚自己係外面過 我全晚無瞓咁等第二朝醫生打比我 … （繼續全晚焦慮症發作空肚作嘔） 𝟳𝗮𝗺 -- 醫生俾第二個bad news 兩口釘仍然留係肚肚度冇郁過 以免釘material對佢身體唔好， 醫生建議催吐俾佢試下嘔出來 個Risk係有機會傷到食道要做開胸手術 一係就即刻開肚 … 但係唔建議繼續等佢💩出黎 好困難地決定嘗試催肚… （繼續嚴重焦慮症發作空肚作嘔） 𝟵𝗮𝗺 -- 醫生終於俾good news， 當我衝緊出醫院既時候 醫生打黎 … 原來仔仔好有胃口咁食完雞雞， 嘔第一下已經出到第一口釘 📌 再多兩三下第二口釘都出現了 📌 （圖4） 完全無傷及食道或者胃部 … #感恩 𝟭𝟮𝗻𝗻 -- 照晒所有野 安全出院 見到仔仔果陣，佢好似發左場夢咁 佢好開心，根本唔知發生咩事 🙄 可能以為媽媽帶佢去 #staycation 完全係Hangover症狀 (斷片 + 嘔 →清醒無事 返屋企) 我就好似發左場惡夢咁 ☠️ 事發當日6pm分享嘅 @onedegree.hk 保險真係幫左好多 😍 雖然唔係指定診所睇獸醫，但係都保到7成 由$15,000埋單，變左淨係出$4,500 💸 千幾蚊一粒釘 📌📌📌📌 好感恩仔仔到最尾一刀都唔駛開 🙏🏼 除咗手手腳腳剃毛抽血麻醉打針之外 （圖5） 完全無任何傷口 返到屋企我地瞓咗成個下晝， 起身食完晚飯之後繼續一覺瞓天光 ☀️ 呢17個鐘頭我心情真係好似過山車咁 嚇到鼻哥窿都無肉 … 好攰 好擔心 好胃痛 好緊張 好辛苦 好掛住 好心痛 🤧 多謝 #cityuhk 城大動物醫療中心24h急症室專業團隊 ❤️ #bosswong #黃老闆🐶 #黃波士 #bosstheshibainu #bossofmrmrswong #柴柴boss