《 #坐月日與夜》

生完BB，身體元氣大傷，出院後返到屋企，就開始 #坐月， #調理身體。我住院2日就出院，呀仔要住院5日打 #抗生素，疫情之下，媽媽出左院就唔可以返去探BB，咁唯有先返屋企好好休息。

身體方面，係明顯虛弱。出院之後頭幾日，試過朝早堅持起身陪巧兒上zoom，點知第三日，個 #會陰傷口 就好痛，痛到要食返 #止痛藥。原來身體真係應付唔到坐係度咁耐，頭一個星期應該都要訓多啲。要帶BB去健康院簡直係大挑戰，自己企多陣條腰都唔夠力，BB磅重仲要除衫著衫，一個人真係搞唔掂，好在有婆婆出手。調理左一個月，係屋企行得走得，就以為復原得七七八八，要湊住BB去 #健康院 打一個月枝針時，先發現行路原來仲係唔夠氣，條腰又易攰。其實健康院可唔可以唔駛一定要媽媽去架？

照顧小朋友方面，因為我有請 #陪月，所以08:30-16:30 就由 陪月姨姨照顧BB同埋幫BB沖涼。婆婆願意幫手，16:30-22:00就交比婆婆。我負責夜更，22:00-08:30 就係我既。而工人姐姐就全程照顧巧兒，停課期間，姐姐日頭陪佢出去玩，一方面比巧兒放電，另一方面就等屋企靜啲，我同BB可以好好休息。

作息方面，頭一、兩個星期，自己身體未復原，會陰傷口又痛，同個仔又未熟，成日唔知佢要乜，同埋佢個胃仲細要密密食奶，3個鐘一次，所以都真係幾攰。日頭陪月姨姨同婆婆係度既時間，我先可以訓返夠本，其實基本上都係食野、訓覺或者 #泵奶，預備夜晚再作戰。

飲食方面，主要都係食陪月姨姨預備既餸菜同湯，以 #炒米茶 代替清水。頭兩三個星期就戒晒全部凍野、生冷野、未煮過既野包括水果，之後慢慢可以食少少室溫既水果，例如蘋果、車厘子、士多啤梨。

生活習慣方面，用 #薑水 代替清水去洗手同沖涼以免寒氣入侵，頭一個月盡量唔洗頭，就算洗都係用薑水洗，同埋洗完即刻用風筒吹到乾透，刷牙洗面就用熟水代替水喉水。另外，避免拎重野，以免用力過度導致 #子宮下垂，其實我都好少接觸重野，最重就係抱巧兒，所以我都同佢講媽咪會抱佢，但要坐係梳化抱，好在佢都好明白事理。

記得第一胎既頭一個月既生活係晝夜不分，朝朝5-6點就盼望陪月姨姨黎打救我，所以今次都有心理準備。第二胎頭2-3日都係手忙腳亂，不過之後就慢慢捉到個節奏，同埋開始分辨到佢唔同喊聲表達既唔同需要。仲有，呀仔滿月開始，夜晚可以隔5個鐘先食奶，有一覺可以訓返長少少就冇咁辛苦，精神好多。

屋企多左個BB，除左大人要適應，家姐仔更加要，所以係細佬出世之前同之後，我都有做好多功夫。下期預告：《幫助家姐適應新身份 — BB出世前》

————————————
👍🏻讚好Facebook專頁 www.facebook.com/daniellemamaedu 家庭教育、親子活動、有趣玩意、懷孕點滴

💡其他好文回顧💡

《產後48小時》
https://www.facebook.com/111805923718473/posts/274199974145733/?d=n
《疫情下聯合醫院生產記》
https://www.facebook.com/111805923718473/posts/259721718926892/?d=n
《巧生活 — 戒片片》
https://www.facebook.com/111805923718473/posts/192615865637478/?d=n
《巧生活—戒奶咀》bit.ly/byebyedummy
《巧巧成長—Trouble 2 變Lovely 2》bit.ly/trouble2lovely2
《巧巧成長—教出充滿安全感的孩子》bit.ly/nurturesecurity

「醫生, 我隻腳成日都凍呀, 你嚟睇吓啦。」一位身型高大的叔叔走到我面前, 劈頭第一句便這樣說。

這裏是一所私營老人院, 我坐在大廳中央, 準備替面前的老友記診症。

翻查紀錄, 叔叔70多歲, 曾經小腦中風, 幸好復原理想, 他仍然維持不錯的活動能力。

「等我睇吓喎。」我腑身檢查身穿短褲叔叔的雙腳: 「幾好呀, 無發炎又唔似唔夠血喎, 脈搏都摸到。」

一些長者患有腳動脈血管疾病 ( peripheral vascular disease), 雙腳會感到冰冷, 走起路來甚至會感到痛楚。

「血氣唔好呀。」叔叔對我說。傳統智慧, 叔叔自然有自己一套理論。

「呀醫生, 啱啦, 你嚟話吓佢啦。佢呀, 幾個月唔肯沖涼呀。」在我們旁邊的老人院職員突然跟我們說。

「你幾個月無沖涼呀? 」我直接問叔叔。

「係呀, 真係幾個月㗎, 話極都唔聽。」老人院職員繼續說。

「嘩, 叔叔! 幾個月唔沖涼點得㗎? 」我語氣 略帶點責備。

「我隻腳凍呀, 即係有寒氣呀, 咁唔沖得涼㗎, 會攪到成個人都寒㗎。」叔叔嘗試解釋。

寒、熱、陰、陽等等傳統中醫概念, 深深印在我們的腦海中, 更實踐在生活中, 尤其是在自己身體的問題上。

「叔叔, 咁不如用薑水沖涼啦。聽講薑水驅寒㗎, 咁你咪唔怕囉。」 我靈機一觸說。 話說我也上過一個短期中醫課程!

「係喎, 我煲啲薑水你沖涼啦。」在旁的老人院職員也幫一把口。

「好似係。。。薑驅寒。。。唉, 都係唔得㗎, 我腳凍呀。。。寒呀。。。」叔叔支吾以對。

我們最後也說服不了叔叔去洗個操。

「咁堅持嘅佢, 係唔係驚啲乜嘢呀佢。」叔叔走開後, 我對職員說。

「 唉! 佢成日都係咁嘅, 好怕人哋害佢, 整蠱佢。」職員說。

「佢有無其他精神問題呀? 」我開始有點懷疑。

「你咁講好似係呀。佢個女耐唔耐就同佢去睇私家精神科醫生, 攞啲藥番嚟。佢收得好埋, 唔俾人知㗎。你唔講起我都唔醒起。」

我在電腦逐頁搜尋, 原來叔叔真的十幾年前因為妄想問題入院。

有些事情, 人們總希望收藏起來, 不讓人知道。。。

誠言, 在現今香港, 患有精神病, 彷彿仍然會被標籤着。

嘗試去了解, 是我們應該踏出的第一步。

產後好物分享-好夠薑清潔用品

你地生完有冇沖涼洗頭？
第幾日先洗？
作為一個有潔癖既醫護人員
我真係真係真係接受唔到坐月唔沖涼洗頭！生仔嗰10幾個鐘已經全身汗！住院幾日又冇得沖涼！返屋企我係立即衝入廁所沖涼洗頭㗎🚿🛁🛀🏻
喺生仔之前我都準備咗薑皮煲水沖涼，另外亦都買咗台灣牌子好出名嘅薑系列洗頭水沐浴露！不過我相信有買過嘅朋友都知道嗰個牌子係幾咁普通！
有見及此體質偏寒涼嘅關姑娘為咗我同埋佢自己研發左「好夠薑系列」🌶🌶🌶
就係之前大家見到佢嚟我屋企探BB嗰時送俾我哋嗰set
其實我想介紹俾大家好耐
但係奈何製作繁複需時，材料成本費又貴😅😅😅
好怕介紹咗比大家但又係「陳列品」會令到大家好失望😞
因為上次出完post有幾位朋友order左都整到關姑娘得返半條人命🤢🤢🤢

不過提起產後好物真係不得不提呢個系列嘅清潔用品！
因為真係超！級！夠！薑！
我未曾試過用一種沐浴露係有咁大陣薑味！直頭好似食緊薑咁！

執嗎大大話話都用過幾個牌子，都真係冇一個夠關姑娘研發嘅呢種系列咁薑！（偷偷話比大家聽，關姑娘為左研發，返工之餘再加左好多晚班架）
可能我多風，沖完涼之後d皮膚好熱辣辣，仲有少少驅風果種痕痕地既感覺，總括黎講真係好正！

點好呢？介紹完又但大家又係市面上搵唔到黎買😅😅不過真好用，所以我都係要講架喇👻👻

圓。緣係我同關姑娘創立既品牌，本住玩玩下分享好物心態去經營既，對我地既產品有興趣就ig inbox我地喇，如果唔係會miss 左架～
https://instagram.com/yourserendipity00…

#有得睇冇得用🤪🤪
#好夠薑系列
#產後沖涼洗頭
#天寒地凍用都勁正
#身體虛寒人士亦適用
#薑到以為自己係薑汁湯丸
#誠意推薦
關你Nurse事