我個仔去咗祭河神（下）
　　
上集：https://bit.ly/3mg9APm
　　
我只在乎一件事，佢哋鍾意搞咩咪搞咩，點解要殺我嘅小利？

原來，阿龍識咗一個靚女，動咗色心，又用雞蛋嗰套，想呃靚女性交驅魔。

點知靚女冇上當，阿龍實在心痕，就落藥迷姦咗靚女。

靚女梗係報警啦，警察拉咗阿龍，阿龍保釋之後，案件繼續調查。

阿龍搵唔到方法脫罪，居然諗咗一個奇怪嘅招數。
　　

阿龍決定用更嚴重嘅案件，轉移警方嘅注意力。

同時，阿龍睇咗一啲民間傳說，佢相信，只要將小朋友獻祭畀河神，河神就會保佑佢，唔再被警方調查。

兩個「聖妻」對阿龍千依百順，即刻執行佢嘅命令。

於是，「聖妻」捉咗小秀，佢哋三個一齊殺人、放血，將血抹喺河神神像上，再棄屍。
　　

下一個受害者，就係我嘅小利。

佢哋雖然對小利落咗鎮靜劑，但小利突然醒咗，不斷掙扎。

三個人好驚慌咁制伏小利，所以小利受咗好多折磨。

處理屍體嘅時候，佢哋因為疏忽，冇將血跡處理乾淨，所以好容易就俾警方追蹤到。
　　

我可以想像到，小利臨死前嘅恐懼同痛苦。

但喺阿龍口中，講起殺小利嘅過程，就好似殺咗一隻豬、一隻羊咁。

「你真係痴線嘅。」我嘅語氣仇恨又絕望。
　　

我以為，呢單案證據確鑿，案情令人髮指，阿龍三個人一定會被判死刑。

但估唔到，辯方就係話，阿龍係痴線嘅，當事人精神失常，唔應該承擔殺人嘅全部責任。

一個正常人，點會相信只要殺兩個小朋友，就會被神靈保佑，唔會再被官司纏身？

一個正常人，點會用殺人罪嚟逃避強姦罪？

而兩個女人相信自己係「聖妻」，聽晒阿龍話，更加係痴線㗎啦。
　　

好彩，三個被告罪名成立，被判處絞刑。

最令人心寒嘅係，阿龍行去絞刑台嗰陣，係笑住嘅。

佢話，佢唔係去死，係去成為新一任嘅神，應該開心至係。
　　

我諗，小利在天之靈，應該可以安息。

不過，我忍唔住諗，阿龍到底係咪癲㗎呢？佢嘅迷信同行事方式，好明顯同正常人唔同。

但就算佢係癲，因為痴線而做咗咁殘忍嘅事，就可以唔洗死？

究竟一個人有幾衰，係睇佢做咗啲咩，定睇佢行事嘅動機？
　　
—完—
　　
真人真事改編自新加坡「大巴窯殺童案」。

自稱靈媒的林寶龍誘騙女性，提供金錢和性服務，以換取治癒、美容及財運。

後來，其中一名被害人控告林寶龍強姦，他決定殺害兒童，阻擾警方再查下去。

在兩名「聖妻」的協助下，他們殺了一男一女兩個兒童，以祭祀神明。
　　

辯方律師求情時說，被告精神失常，無需承擔全部責任。

心理學家作證，斷定被告有精神分裂症、精神病性抑鬱症及輕度狂躁的症狀。

但法官同意控方的說辭，結果，三人被處以絞刑。

林寶龍沒有尋求赦免，面帶微笑地登上絞刑台。

不少記者認為，此案是80年代最轟動的案件。
　　
新書《真實虛擬一鏡過》已經出版了，現正發售中，
詳情可點擊這裡：https://bit.ly/3eTPuHL
你的支持是我最大的動力！
　　
#短故 #短篇 #小說 #陳美濤 #廣東話 #粵語 #tomatochan #我個仔去咗祭河神

冇寫新嘢，又Po舊嘢～
————————————
【你的鼻環是如此的難以忘記～】

兩個問題：1.梁朝偉唱歌好唔好聽？2.梁朝偉戴鼻環好唔好睇？

1.瀟瀟灑灑的給我瀟灑的相機——吓？相機？相機點瀟灑法？
2.Oh I’m so sorry，不是「相機」是「上機」。這一句來自梁朝偉名曲《一生一心》。
3.唔知點解地，梁朝偉唱歌總是令我感到怪怪哋。像他第一首名曲《朦朧夜雨裡》，每逢唱Live，硬係覺得他入慢了半拍或四分一拍——總之就慢咗啲啦，但聽得多，又覺得，入慢咗又點啫？好大問題咩？冇計，因為唱的是偉仔。我自細就鍾意偉仔——全因《新紮師兄》的杰仔。我不知怎樣形容當年《新紮師兄》給我的震撼，而我萬料不到，梁朝偉唱歌給我的震撼，竟然是《新紮師兄》的十二萬倍。
4.嗱嗱嗱我唔似其他人咁，覺得梁朝偉唱歌難聽，我只是覺得怪，一種好難形容的怪，一種愈聽下去會慢慢習慣甚至迷上的怪。
5.怎樣才算唱歌好聽？曾幾何時，有人把喉核好似有靈性咁識得郁上郁落，視為唱歌好聽的附帶表象；也有人認為，唱歌稱得上好聽的歌手，就是無論聽錄音帶 / 黑膠 / CD抑或現場，佢把聲都要一樣。以上，一概被統稱為唱功。
6.那麼梁朝偉肯定冇乜唱功。我好似從未見過他唱歌時喉核會生性地郁上郁落。而聽他唱現場，又同錄音室版本唔多同（例如唱《朦朧夜雨裡》硬係好似入慢咗）。
7.離奇是他在上世紀90年代出過多張專輯。不計1993年的粵語精選《難以忘記的你》，同年就先有張國語大碟《一天一點愛戀》（係呀，一個被認為唱廣東歌都唱不好的人竟然挑戰國語歌）；跟住，1994年，《重慶森林》上映那一年，直情出夠三隻你歎，《一生一心》、《為情所困》、《日與夜》（《一生一心》是EP）。而自小就鍾意偉仔的我，自然三隻買晒！尤其愛《一生一心》和《為情所困》——歌暫且不說，單是封套已經無可抗拒！《一生一心》上的朝偉大頭，幾執頭髮在有點偏色的情況下，有意無意間垂在他雙眼之間，心心眼！《為情所困》，不玩大頭，玩一格格電影菲林，格內除了他，還有周嘉玲——兩位就像在重演《重慶》中的激情，心心心心眼！我可以好大膽咁講：即使以今時今日目光去看，這兩個封套依然經典，依然贏晒市面上九成廣東專輯封套（嗰九成簡直完全喪失美學觀念的核突嘔心示範）。
8.咁，啲歌呢？Well，歌曲本身，其實都是很典型的中慢板情歌套路，但全仗朝偉的深情和深情及深情，每一首，都被Add了無盡的深情Value，明明再直白再冇嘢的一句歌詞，由他去唱，定必化成情深的一句：《為情所困》的「這一生為情所困 / 只為當初妳的心太真」（你睇，強如朝偉都會為情所困！）；《一天一點愛戀》的「一天一點愛戀 / 一夜一點思念 / 給我一句真的誓言 / 讓我可以期待永遠」——把聲已夠深情，睇埋個MV，全程就咁影住朝偉獨坐木凳，Keep住把不羈的髮Fing來Fing去，有時又含吓條頸鏈……最後，望住你，甜笑，完。連性好AV的我也被打動。
9.要唱Live時，朝偉就以一身當年的我難以名狀的時裝風格示人（後來才知道源自Grunge），而最最最最最最最最最最最最勁的是：他．戴．鼻．環。今天回看，你或者會笑，但在當年，是多麼的出類拔萃驚世駭俗——連四大天王都冇個敢戴。可以說，90年代的朝偉以歌聲和衣著（別忘記他還有著裙！），創造了一個只有他自己才Carry到Handle到的歌手形象。前無古人，也應該後無來者。
10.回到一開頭兩個問題。1.好聽。好聽不基於喉核識唔識郁呢啲門面嘢，而在於看不見的感情，我們是聽人唱歌而不是聽Machine唱歌。2.好睇——肯定比你同我以及大部分男歌手戴得好睇。

（戴鼻環相在留言。）

我個仔去咗祭河神（上）
　　
我係一個普通嘅女人，嫁咗個普通嘅老公，搵咗份普通嘅清潔工作。

我生咗個仔叫小利，小利同我一樣咁普通，成績唔特別好，唔係特別乖，亦唔係特別曳。

我好滿意我嘅生活㗎，平淡是福嘛。
　　

直到小利十歲嗰年，佢失蹤咗。

呢個城市治安好好，加上我要返工，冇咁多時間睇住佢，所以小利八歲之後，我就畀佢自己出街同朋友玩。

然後有一日，小利失蹤咗，好夜都冇返屋企。

我即刻報警，警察睇cam，見到小利同一個陌生女人上咗的士，就咁消失咗。
　　

個女人係邊個？點解要捉走小利？小利依加喺邊？

我個腦有無數個問號，但呢個時候我睇到一單新聞，上個禮拜有個九歲嘅女仔小秀失蹤咗，依加已經搵番……搵番佢嘅屍體。

佢身上有被強姦過嘅痕跡，但仲未搵到凶手。
　　

一個咁平靜嘅城市，同一個地區，接連發生兩單兒童失蹤案，我好難唔將兩件事聯想埋一齊。

我唯有安慰自己，可能殺小秀嘅，係一個凶殘嘅淫賊，佢鍾意細路女，唔會向小利落手嘅。

我知道咁樣諗好衰，但作為一個母親，呢一刻我除咗亂諗同祈禱之外，咩都做唔到。
　　

我亂諗嘅時間好短，因為三日後，警察就發現咗小利嘅屍體。

佢冇被性侵犯過，但受過折磨，背上有灼傷，連血都被放埋。

小利身上嘅致命傷同小秀一樣，似係同一個凶手所為。
　　

我十月懷胎生出嚟嘅仔，好似隻豬一樣，俾人殺死放血。

我唔需要描述我有幾傷心，我亦冇畀自己沉浸喺傷心之中。

作為一個母親，我必須報仇，必須睇住凶手被繩之於法。
　　

捉凶手嘅過程唔算好難，喺小利嘅屍體附近，警方發現一道隱隱約約嘅血跡，滴到隔離大廈嘅七樓。

警察敲門調查，屋內有一男兩女，係一個叫阿龍嘅男人，加佢嘅老婆同女朋友。

警察搜屋後，發現咗血跡，仲有一張寫咗小利同小秀個人資料嘅紙條。
　　

警察拘捕咗佢哋，叫我去認人。

去警局嘅路上，我一直喺度諗，到底我有咩仇人，有幾深嘅仇恨，先會令佢哋殺咗小利。

出乎意料地，無論係我定我老公，都完全唔識呢三個人。
　　

我忍唔住對為首嘅阿龍大叫：「小利先十歲咋，你哋係咪癲㗎？」

其中一個女人即刻反駁：「唔准咁話龍哥，龍哥係神嘅代表，有神力㗎！你個仔係去咗祭河神，你應該覺得光榮至啱。」

河神？我聽過古代有人祭河神，祈求河水唔會泛濫，但我哋住市區，附近得幾條就嚟乾涸嘅小河，邊度仲有人講河神。

「總之，龍哥法力無邊，唔係你呢啲凡人會明白嘅。」另一個女人冷笑。
　　

我難以置信：「佢哋三個都癲㗎？」

警察落完口供之後，證實到我嘅說話。

阿龍本來係一個普通職員，結婚生仔後，開始學做靈媒。

佢學咗幾招魔術，例如將針燻黑，插入個生雞蛋度，再用粉末封番住個針孔。

做法事嗰陣，阿龍就叫個客敲開隻蛋，蛋裡面係黑色，令客戶以為自己真係中咗邪，對阿龍千依百順。
　　

阿龍用呢一招，呃咗四十幾個女人。

騙財騙色之餘，佢仲呃埋自己嘅老婆，話自己要同後生女人發生關係，先可以保持自己嘅法力。

然後，阿龍又呃咗一個結咗婚嘅女人，同屋企人疏遠，搬嚟成為「聖妻」，從此佢哋就開始咗三個人嘅生活。
　　
下集：https://bit.ly/3upAfNk
　　
Patreon訂閱即時睇下集，快人一步：https://www.patreon.com/tomato28
　　
#短故 #短篇 #小說 #陳美濤 #廣東話 #粵語 #tomatochan #我個仔去咗祭河神

【一個專為香港人而設的廣東話課程】
➜更多內容: https://www.cantonesecollege.com/course
讓廣東話發揚光大！

粵語文字用普通話唸出來竟然如此爆笑！！【粵語字/香港字/廣州話字】(Feat.ChunTV/小駿)
-------------
廣東話裏面有很多獨特的文字，被稱為粵語字/香港字/廣州話字，由古代流傳至今。
這些獨特的廣東話文字其實有些也能用普通話讀出，但是用普通話念出來你還能夠辨認出來嗎！？
1️⃣唔
粵語發音：m4
注音：ㄨˊ
普通話拼音：wú
2️⃣冇
粵語發音：mou5
注音：ㄇㄠˇ／ㄇㄡˇ
普通話拼音：mǎo／mǒu
3️⃣咁
粵語發音：gam2
注音： ㄒㄧㄢˊ／ㄍㄢ
普通話拼音：xián／gān
4️⃣啲
粵語發音：di1
注音：ㄉ一
普通話拼音：dī
5️⃣哋
粵語發音：dei6
注音：ㄉ一ㄝˋ ／ㄉ一ˋ
普通話拼音：diè／dì
6️⃣佢
粵語發音：keoi5
注音：ㄑㄩˊ
普通話拼音：qú
7️⃣嗰
粵語發音：go2
注音：ㄍㄜˇ
普通話拼音：gě
8️⃣衫
粵語發音：saam1
注音：ㄕㄢ
普通話拼音：shān
9️⃣檯櫈
粵語發音：toi5 dang3
注音：ㄊㄞˊㄉㄥˋ
普通話拼音： tái dèng
?靚仔
粵語發音：leng3 zai2
注音：ㄐㄧㄥˋㄗㄞˇ ／ㄌㄧㄤˋㄗㄞˇ
普通話拼音：jìng zǎi／liàng zǎi
1️⃣1️⃣係
粵語發音：hai6
注音：ㄒ一ˋ
普通話拼音：xì
1️⃣2️⃣喺
粵語發音：hai2
注音：ㄒ一
普通話拼音：xī
1️⃣3️⃣嘢
粵語發音：je5
注音：ㄧㄝˇ
普通話拼音：yě
1️⃣4️⃣乜
粵語發音：mat1
注音：ㄇㄧㄝ／ㄋㄧㄝˋ
普通話拼音： miē／niè
1️⃣5️⃣咩
粵語發音：me1
注音：ㄇㄧㄝ
普通話拼音：miē
1️⃣6️⃣咗
粵語發音：zo2
注音：ㄗㄨㄛ
普通話拼音： zuo
1️⃣7️⃣嘅
粵語發音：ge3
注音：ㄎㄞˇ
普通話拼音：kǎi
1️⃣8️⃣係咪
粵語發音：hai6 mai6
注音：ㄒ一ˋㄇ一
普通話拼音：xì mī

特別請來一位有特別研究廣東話文字的台灣朋友：他就是ChunTV/小駿https://www.youtube.com/channel/UC4OgqCzC3IedAgBRF0e0DIg

謝謝Chun TV的小駿一起跟我完成這個影片，可以讓大家認識到廣東話不一樣的地方。
在影片的最後環節，觀眾們也可以一同參與，猜一下一些以普通話讀出的廣東話句子是什麼意思囉在留言的地方告訴我你的答案吧！一星期後會在Facebook專頁公布答案：
-------------
劉殿下のFacebook：
https://www.facebook.com/RyuDenka/
-------------
我們還有一個下集是關於「台灣中文vs香港普通話」
雖然大家可以說著相同的語言，但是有時文化上面的差異而帶來一些笑話。
完整影片在這裡：
https://youtu.be/X6LHikeaQl8
-------------
關於廣東話的影片：
https://www.youtube.com/watch?v=47JSBJd-RCM
https://www.youtube.com/watch?v=wRfx8ugaz3Y
https://www.youtube.com/watch?v=c7YbA2dYJRg
-------------
殿下推薦的廣東話Youtuber!!：
HuhuuuTV /廣東話教學
點點dimdim
HenHen TV
香格拉 Shangrilayt

也感謝有份推廣香港的各位：
蔡阿嘎
聖結石Saint
Mira's Garden 미라
MaoMao TV
Ryuuu TV / 學日文看日本
JASON(大J)
Halo Mackey
我は何しに香港へ？ Why did I come to HK ?
-------------
關鍵詞：
學廣東話,粵語用字,粵字,粵語漢字,廣東字,廣州話字,香港字,廣東外字,香港外字,廣東話,广东话,香港,教學,道地,粵語,口語,白話,教室,廣東話教學,广东话教学,打招呼,中英夾雜,港式英文,九聲六調,翻譯,字幕.廣東話髒話,廣東話 黃明志,楊民翠,點點,香港女生,廣東話歌,廣東話卡通,廣東話口音,廣東話 罵人,廣東話 詩歌,廣東話 數字,廣東話粗口,廣東話,廣東話兒歌,廣東話髒話,廣東話 你好,廣東話 謝謝,廣東話 普通話,廣東話打招呼,廣東話旁白,廣東話 翻譯,廣東話 英文,廣東話拜年,廣東話 拼音,廣東話學習,廣東話 發音,廣東話 客家話,廣東話 app,廣東話 母語,廣東話輸入法,廣東話故事廣東話俗語,廣東話歇後語,廣東話 澳門,Cantonese,Hong Kong,Cantonese lesson,広東語,広東語 会話,広東語 挨拶,広東語 発音,広東語 こんにちは,広東語 中国語