嘔電傳真機：美式快餐店在香港

早前看到一則新聞關於麥當勞打算北亞洲業務全盤售，這刺激了我腦內深層的生活回憶片段。回想九十年代各大美式連鎖快餐店在香港大展拳腳的十年。正剛好在1991到2000的十年內包括麥當勞、Jack in the box、Wendy’s、哈迪斯和KFC五大美式連鎖快餐店同時在香港營運。而Burger King卻有趣剛好沒有在這十年開業。這些價格低廉的美式快餐店剛好成為了我青春期時代的飯堂！

★先說Wendy’s　他們早於1982年進軍香港，當時取名為「得意妹」，不過於1986年撒出。1991年改以「雲狄斯」名義再度進駐香港，初時甚受港人歡迎，全盛時期有11間分店，可惜最後於 2000年再次敗走全面撤出香港。

★Jack in the box　因走高價路線，導致比較小眾的。他們1991年進駐香港，以煙肉芝士漢堡聞名，分店一度遍及銅鑼灣、尖沙嘴、旺角等市中心旺區，可惜不敵市場，同樣於2000年全線結業。
Hardee’s 哈迪斯　在1991年在由四叔李兆基以特許經營方式在香港開業，全盛時期共有超過25間分店。可是哈迪斯的業務自1990年代末開始受到其他亞洲國家的哈迪斯結業潮影響而開始萎縮，同時因特許經營權到期及租金上漲，哈迪斯於2006年全線結業。灣仔道旗艦店更是亞太地區最後一間哈迪斯。

★KFC 肯德基　其實是香港最早引入的美式快餐店，在1973年以「家鄉雞」名義開始經營，至1974年已經擴展至11家分店，並且更花費製作電視廣告，但因錯估市場情況，於1975年結束所有在香港的分店。1985年，肯德基以特許授權的方式重返香港，由太古集團代理經營至今。截至2016，香港肯德基有超過60家分店。

★Burger King 漢堡王　在香港的路途比較曲折，1980年至1990年在香港曾有數間分店，是亞洲地區最早出現Burger King的地方。初時直譯英文名「堡加敬」作為商標，後才改用「漢堡包王」。由於宣傳失敗及受到麥當勞的競爭打擊，於1990年全面結束。到2003年再以「漢堡王」名義由SSPHK以特許經營方式於機場和山頂再次開業。2007年第二特許經營商健味堡加入，全盛時期有約20間分店。2015年健味堡旗下的分店突然全數結業。現在只餘下SSPHK經營的兩間分店。

★Mcdonald’s 麥當勞　相信不用多介紹，香港麥當勞更是全體最成功的麥當勞之一。由1975年引入首間麥當勞餐廳，至今香港已有230多間麥當勞分店，全港雇用逾15,000名員工。

美式連鎖快餐店在香港發展一半都有一個奇怪現象，他們通常早於七八十年代已打入香港，但幾年內敗走，之後再捲土重來！小時候老麥和KFC 因在學校附近總是成了飯堂。wendy’s 後來在香港仔中心開業，滿以後有多點選擇，但印象中卻非常難食，只去過幾次。以前burger king 就只有搭飛機前才有機會吃到，粗薯條和感受得到的真●牛肉味道，市區再次全線結業實在有點可惜。而我覺得最可惜的就是哈迪斯，當年第一次自己搬出去住就是灣仔，在昂貴的灣仔區，美而廉的哈迪斯成了我首選的飯堂。

------------------------------------------------------------------
記錄九十年代，記錄這新舊交替充滿矛盾的時空，記錄低網絡普及前的最後時光！

/// 如果喜歡，記得click入條link 同埋 share~
//// Line stickers 已經上架 https://goo.gl/1NM9dy

香港出現過唔少連鎖餐廳、酒樓或快餐店，陪伴著唔少人度過愉快時光。幾十年來，各式各樣嘅快餐店陪住香港人成長。有啲仍然風光，有啲只能回味。你腦海閃起嘅有冇哈迪斯、陽光一代同出奇老鼠？香港飲食業一直競爭激烈，好多都風光一時。選出呢十大，你哋又食過未？ Text: Wong Ki

10) 烤雞大王
喺KFC未壟斷快餐雞市場嘅80、90年代，香港出現本土專攻食雞嘅快餐店－烤雞大王，分店多數位於日資百貨公司food court。戴上膠手套手撕全隻燒雞，配埋粟米真係非常美味，令到另一同業大家樂出「燒春雞」系列打對台，可見點樣風靡一時，可惜只得一時。港產片《最佳損友》，劉華同陳百祥等人食雞食到津津有味，就係喺烤雞大王取景。

9) 農場餐廳
農家意粉前身就係農場餐廳。農場餐廳係香港90年代興起嘅連鎖餐廳，主打簡樸西餐，以抵食、真材實料見稱，高峰時全港分店近50間，只可惜老闆陳興濤喺97年金融風暴破產，全線執笠。2000年代尾東山再起，開「農家意粉」，有分店，結果蝕成千萬，今年年初最後一家都執埋。

8) 金龍船
2000年左右狂擴充餅店同酒樓，應該係為咗上市。賣嘅點心同西餅好靚，價錢當然亦有份量，又賣過廣告，主角係蕭正楠。2003年受沙士影響，生意差，最終捱唔住全線結業。

7) 東東雲吞麵
相信好多人大多透過電視廣告認識呢家粉麵連鎖店，「東東麵，非常麵」，又唱歌又急口令，宣傳包裝真係一流，八十年代時期，東東雲吞麵快餐店業務發展蓬勃，可惜食物品質參差不穩，選擇不多，00年後陸續結業。現在喺超市間中見到東東急凍雲吞同水餃。

6) Wendy's
90年代香港出現好多美式連鎖快餐，除咗Hardee's仲有Wendy's，俾香港人多個選擇。Wendy's是第三大漢堡包快餐連鎖店，80年代以「得意妹」為名登陸香港，惜三年後敗走。91年以「雲狄斯」之名再進軍香港，高峯期擁有11間分店，可惜宣傳策略始終不及麥當勞，未受小朋友歡迎，06年撤出香港。

5) 陽光一代
當年在玻璃櫥窗前看着師傅轉動手上的薄餅，是80後小學生每天放學後最愛的節目。最記得當時其中一間舖喺沙田新城市廣場，現在近GAP服裝店果個位置，門面有塊大櫥窗睇到師傅轉Pizza，成為當時小朋友一大娛樂。屬於香港公司嘅陽光一代，由開餐廳轉型其他界別求存，例如中小學飯盒，仲有「波仔飯」，越做越大。

4) 馬里奧餐廳
專攻意大利口味食品嘅香港連鎖餐廳，裡面有咩食冇咩印象，但最記得係首電視廣告歌，有個疑似著名意大利男高音盧奇亞諾·巴伐洛堤唱歌介紹餐廳嘢食，之後有個細路大叫Mamma Mia。仲有《國產凌凌漆》銅鑼灣皇室堡槍戰一幕背後嘅餐廳門面。呢間屬於大快活集團嘅餐廳，似乎不敵同業Pizza Hut，最終逃唔過易手倒閉命運。

3) 雅香園
70年代的香港人，對24小時營業的雅香園不會感到陌生。
對呢間港式快餐店有印象嘅多數都係70後。專賣中式粉麵，80年代風行一時，希望可以殺出條中式快餐血路，當時仲推出24小時營業，創了香港飲食先河，聽前輩說，餐廳不衛生，係執笠其中一個原因。
P.S. 雅香園曾賣過電視廣告，主角係Beyond黃家強

2) 出奇老鼠
呢家80年代風行嘅美資連鎖餐廳好多人都記得，食Pizza又有室內遊樂場，咁樣crossover法真係好獨特，亦令小朋友樂而忘返，但最終都撤資返去美國，歡樂天地取而代之。

1) 哈迪斯
美國連鎖式快餐，90年代進軍香港。80後對於哈迪斯有深厚感情，除了炸薯圈，蘑菇飯最深入民心，可惜不敵肯德基及麥當勞，最終 2006年全線結業，原因係租金同經營權嘅問題。事實止Hardee's風光時期香港、台灣、新加坡、日本等都有分店，而家縮到只可以喺美國及中東地區先食到。

Source of clips:
香港九十年代廣告 ＊ 美心快餐
https://youtu.be/FvwT0a05pDk
[經典廣告] 1990年 - Fairwood 大快活 (大快活早餐 朝朝咁滿意)
https://youtu.be/IO8kU11PU6w
[香港經典廣告](1995)肯德基 KFC 巴辣雞漢堡
https://youtu.be/ljKMygZ2Lus
[經典廣告] 1984年 - Cafe de Coral 大家樂 (為你做足一百分) (張艾嘉)
https://youtu.be/7kv-H09lGPU
[經典廣告] 1987年 - 麥當勞餐廳 (點點滋味餐)
https://youtu.be/YHngo81X2xc

References:
香港十大 十大消失連鎖食店
RoadShow 路訊網
http://www.roadshow.hk/hk-top-10/living/item/21578.html

香港經典電視廣告歌，你記得幾多？Hong Kong Classic Ads Song Medley 香港經典電視廣告歌Medley串燒:
http://youtu.be/QicfiPyKFR0

Help us caption & translate this video!

http://amara.org/v/W8ms/