20210105 黃偉民易經講堂

中大最新的調查顯示，87%的中學生不信任政府，學者警告，這是在累積火藥庫，社會危機一觸即發。

不信任政府的，何止中學生？連政府自己的管治團隊，公務員都不信任政府，何況其他不同領域的民眾？

2021年開始，政府說所有公務員都要宣誓效忠《基本法》和特區政府。這個宣誓，是否有時限？隨著退休便告一段落？還是終身制？今日宣誓，三十年後退休移民美國，再入籍宣誓，是否等同違反今次宣誓？

聶德權最初說，只要求D6以上高級公務員宣誓；
然後改口，不宣誓會影響升遷；
再改口，不宣誓者全部革走；
最新的版本，不宣誓即勒令提早退休。

跟著的日子，還有沒有再新版本？

升遷、革走、提早退休，是分別極大的結果。公務員的年紀、薪級、經濟背景，又影響不同的抉擇。還有誓章的內容、年期，都可得出不同結論。

醫學會會長蔡堅醫生說，身邊八成醫生都準備離開香港。

全香港市民，都在苦惱去留！

亂世問卜，非獨俗夫所為，二千年前戰國時期的屈原，留下《卜居》一篇，連設八問，對黑白顛倒的時代，列出處世原則的困惑！

《卜居》（占卜以問安身立命之道）
屈原既放，三年不得復見。
竭知盡忠而蔽障於讒。
心煩慮亂，不知所從。
乃往見太卜鄭詹尹曰：
余有所疑，願因先生決之。
詹尹乃端策拂龜，曰：
君將何以教之？

背景是戰國時代，強秦崛起於西陲，有席捲天下之意，它主要兩大對手，東有齊國，南有楚國，都是先後稱霸的強國，齊楚聯盟，可擋秦國當時的氣焰。

屈原為楚國的三閭大夫，兼管內政外交，他力主聯齊抗秦。

他的外交對手是張儀。

秦國張儀連橫之術，拆解六國的合縱聯盟。他知道屈原之賢，所以要破壞齊楚聯手，先要將楚懷王身邊的屈原除去。他買通懷王身邊的寵妃鄭袖，連同一眾朝中大夫，中傷屈原，離間兩人關係。這就是所謂的讒言。

屈原放逐，離開朝廷。引出了這篇卜居八問。

屈原被流放，長時間不能再見到楚懷王。

他自問一生，竭盡心智，為國為民，卻被懷王的身邊人讒言遮擋。他心煩意亂，不知何去何從。

於是去見太卜鄭詹尹問卜：
我有疑惑，要請教先生。

詹尹擺正蓍草，拂淨龜殼，說：你有什麼要問呢？

屈原曰：
吾寧悃悃款款，樸以忠乎？將送往勞來，斯無窮乎？

做人應該誠誠實實，質樸忠貞，抑或醒醒目目，迎來送往，努力周旋，以求不陷困境呢？

寧誅鋤草茅，以力耕乎？
將遊大人，以成名乎？

應該勤勞耕作，一粒蜆一粒肉咁埋頭苦幹，抑或去逢迎拍馬，穿梭於土共人大政協間，博取功名呢？

寧正言不諱，以危身乎？
將從俗富貴，以媮生乎？

繼續仗義執言，講良心話，甘冒他們用《國安法》害你，說你煽惑群眾，未審拘留；還是隨波逐流，學時下的問責官員，建制契弟，只謀求富貴，安享餘生呢？

寧超然高舉，以保真乎？
將哫訾栗斯，喔咿嚅兒，以事婦人乎？

應該跳出是非圈，唔同那班契弟玩，保存自己真實面目；還是唯唯諾諾，好似哄女仔一般的含混其辭呢？

寧廉潔正真，以自清乎？
將突梯滑稽，如脂如韋，以潔楹乎？

應該廉潔正真，即使窮死一世，但保持自己一生清白，質本潔來還潔去好吖；還是圓滑處世，求求其其，做個西環契仔，富貴一時好呢？

寧昂昂若千里之駒乎？
將汜汜若水中之鳧乎？與波上下，偷以全吾軀乎？

應該似匹逆風而馳，昂首驕傲的千里馬；還是低低地像隻野鴨隨波，保存小命呢？

寧與騏驥亢軛乎？
將隨駑馬之迹乎？

應該好似千里馬般，極力脫離馬韁橫木束縛，抑或跟住那班騎呢怪搵兩餐安樂茶飯呢？

寧與黃鵠比翼乎？
將與雞騖爭食乎？
此孰吉孰凶？何去何從？

應該同那些大鳥比翼高飛，走肥佬黎那條路？還是跟雞鴨爭食，幫人算算命睇風水，呃得一餐得一餐呢？

所有這些，到底那個是吉？那個是凶？我又應該何去何從？

世溷濁而不清，蟬翼為重，千鈞為輕；黃鐘毀棄，瓦釜雷鳴。讒人高張，賢士無名。籲嗟默默兮，誰知吾之廉貞！

如今世道，混濁不清。一般人竟然以為蟬翼很重，千鈞卻好輕。宏亮的黃鐘毀棄不用，陶煲瓦砵就敲得震天雷鳴。你睇今日的立法會，官員的記者招待會！

唉，還是不要說了，誰了解我的廉潔忠貞？

詹尹乃釋策而謝曰：
夫尺有所短，寸有所長。物有所不足，智有所不明。數有所不逮，神有所不通。用君之心，行君之意。龜策誠不能知此事。

聽完屈原八問，太卜鄭詹尹於是放低蓍草龜殼等問卜工具，抱歉地說：

尺比起寸來當然較長，但有些場合，仍然是太短；
寸比起尺來當然是短，但某些環境仍然太長。

萬物總有不完善的地方，智慧再高，也有不明的時候。蓍草靈龜有它的局限，神靈也有難解之理。

搵返你的初心，根據自己的心意，走自己的路吧！在人生的大問題上，龜殼蓍草，幫不上什麼忙的。

［雖然精神病但沒關係—都要坐的］冇事就喬布斯，有事就邱德根（定林義鈞？Sorry，我一時唔記得）

原文： Theranos’ Holmes May Pursue ‘Mental Disease’ in Her Defense　（https://bityl.co/3SDU）

直入廣告：請支持Ivan Patreon（https://bit.ly/31QmYj7）．係呀，好多廣告呀。免費台係咁架啦。

TLDR：點解佢可以瞞天過海呃咁多人？因為係女，仲要名校，後生，靚女，綴學創業。仲要金髮，藍眼睛，黑衫，把聲又磁性。仲請返教授逆挑廢老，仲請返自己舊男朋友逆挑男權！你要嘅嘢都有齊。所有騙局同陰謀論都係咁，因為你想相信係真嘅。

1. 都唔止香港人鍾意睇人仆街，其實美國人都好鍾意。America. They want someone to love, but they want someone to hate, quickly

2. 萬眾期待，睇呀美女Elizabeth Holmes今次點死。點知佢話，自己有精神病喎，唔係有心犯法的，不知者不罪呀大人。咁都得？人地有專家報告添，聽講美國啲醫生好專業嘛。

3. 精神病嘅嘢，都要臨床診斷嘅，聽講係。但你當大家冇常識都好，一般人聽到條女之前搞場咁精彩嘅大龍鳳出嚟，而家又話你知其實當時佢有病，好難唔笑。直頭令我諗起，嗰時Tiger Woods 話自己有病，「性上癮」，坊間不少人都諷刺佢，鹹濕就鹹濕啦，性上癮my ass．仲有人整條Banner 嚟串佢：（https://bityl.co/3Skt）。「性上癮，噢耶，梗係啦，咁啱呀？我都係喎」（Sex addict? Yeah. Right. Sure. Me too）。舊文有提過（https://fbook.cc/3FNL）

4. 實在條女，真係麻煩多多，精甩邊，之前又試過同人和解，唔止搞得掂啲投資者（可能投資者唔想畀人知道自己咁笨柒），同證監都和解到，當然條款冇講。而早前，呢條女，請律師又唔畀錢（https://bityl.co/3SEV），結果律師都走埋。

5. 講咗咁耐，都未講到底係咩來頭。唔知嘅，睇我舊文，我自己幾鍾意個題：If you can only be good at one thing, be good at lying… Because if you're good at lying, you're good at everything　（https://fbook.cc/3FLZ）

6. 呢條女，真係近幾年最大嘅騙子。個雞棚搭到好大，傳媒爭相吹捧，仲有無數咁多名人同投資者被昆，應該比得上馬多夫，甚至更勝馬多夫。佢嘅事蹟，威到拍紀錄片（The Inventor: Out for Blood in Silicon Valley），出書（Bad Blood），本書又再拍戲。Jennifer Lawrence演佢，分分鐘拎奧斯卡都靠呢套（其實拎過啦）

7. 冇心機睇舊文嘅，簡單講一次：條女嘅故事簡直係勵志過華潤勵致，固然屋企係上級中產，但唔係富豪，唔係靠父幹。考入史丹福，中間綴學創業。原來之前有親人癌症死咗，佢立志要改變世界。讀書呢啲嘢太無聊啦，結果仔都撇埋，開公司（Theranos）請返自己個教授。嘩，可歌可泣。

8. Theranos搞乜嘅呢？西飛利咯，驗血。不過唔係一般咁驗。大家驗過血架可？都知道要抽血，啲手勢唔好嘅姑娘搞一大輪（或者本人肥大啦下，但其實廿年前抽水啲姑娘都搞一大輪），甚至拮幾針（頂丫），基本上你請半日假走唔甩。然後仲要等一兩日咁。

9. Theranos就勁咯，篤手指驗血。唔使抽血！而且仲要係幾蚊美金！仲要好方便，你去七十一驗都得，唔使去化驗所，仲要幾個鐘有結果。勁未？改變世界啦。

10. 史丹福靚女學生喎，梗係引嚟大量媒體吹捧，女版Steve Jobs嘛（因為成日著黑色turtle neck），仲有大量名人加持，勁人入股。掂晒，上晒封面，無數人拎嚟研究，《女版賈伯斯成為人生贏家的20 個秘密》《她都身家40億了，就不能不相親嗎？》，成為start up界嘅郭嘉文，個個都研究佢成功心得

11. 咁，就梗係炒車啦。因為成間公司，係假嘅。個技術不存在，實驗數據係假嘅，財務數據更加假。其實條女好早已經知道唔work，但fake it till you make it，可能有奇蹟呢，況且洗濕咗個頭，咪一個大話冚另一個大話，if you are not cheating, you are not trying

12. 當然最終都係被Wall Street Journal嘅記者踢爆咗，個記者聲名大噪（其實之前已拎兩次普立茲獎），我亦都好似係嗰時開始再訂返Wall Street Journal．個記者當然之後亦都出書，就係上面講嘅Bad Blood，叫好叫座，本書仲拍埋戲（＊）

13. 想講嘅係，點解咁多人受騙？點解冇人質疑？點解個雞棚十年先爆？—係喎，人地2004年廿歲已經搞間公司，2015年被踢爆。咁多勁人咁多投資者，完全冇人發現？

14. 答案就係，葉念琛（！）。下？！係呀，葉念琛。所有嘅嘢都係掩眼法啫，你睇到嘅未必真，真嘅又未必畀你睇到。去到最極致係乜？就係根本你睇到都扮睇唔到，疑中留情，幫佢搵理由。因為人就係只係想睇到自己想睇到嘅嘢！

15. 我是十分認真的，上次講WireCard (https://fbook.cc/3FNP)有講過呢個理論。其實好相似，點解Financial Times一早質疑間公司，但德國當局唔跟進，反而幫公司去對付「外國勢力」，甚至唔畀人沽空隻股票。因為，覺得「外國勢力亡我之心不死」。「你梗係唔抵得德國公司成功想抹黑」。

16. 點解會有咁嘅心理？就係因為德國公司唔爭氣嘛！以前都寫過啦(https://fbook.cc/3FNR)，一間蘋果嘅市值，早早已經多過30間德國DAX指數成份股加埋，德國作為以前嘅科技大國，一間似樣嘅tech公司都冇，點忍？佢地係幾咁期待有一間公司可以爭返口氣！OK，你地話佢假，但如果佢係真呢？

17. 情況就好似個又樣衰又毒嘅肥仔咁，忽然有個美女投懷送抱。咁你地個個都覺得係呃佢錢啦，但，佢一定唔會咁覺得！佢就算覺得，都會說服自己：你班友唔抵得我呀？！因為你唔會明佢有幾渴求。如果萬一，真係真愛呢？「我只覺得　大家得不到才對你紅著眼」

18. Theranos點解呃到人？基本上只係因為條女。換著你整件中國大媽，肯定兩個月畀人踢爆。

19. 條女，滿足晒你地所有嘅想像。你想要女創業家嘛，有！仲要係Anglo Saxon金髮美女（十八廿二時仲靚），仲係後生女！仲要史丹福但drop out！加埋對藍眼睛，磁性嘅聲線，永遠嘅黑色衫。仲要請返自己教授，仲要請返自己之前條仔做COO，完全係新一代挑戰上一代，女權挑戰父親。點會唔信？好多人都話佢講嘢極有說服力，假嘅都講到變真。

20. 真的，如果你問我有乜教訓，就係騙局同埋陰謀論一樣，係為咗填補現實嘅不足。點解陰謀論多人信又傳得快？因為你想佢係真。同樣地，只要你想有美少女創業家，自然就一定有！好彩就有真嘅，唔好彩咪有假嘅。

21. 另一教訓，我都講過了。當匪，當最大的！你見咩Catch me if you can嗰啲，出冊仲可以幫FBI，又周圍分享。等於華爾街狼人（唔係狼爾街華人），又係可以周圍演講呃飯食。

22. 雖然條女冇得分，但話晒單嘢搞到又出書又拍戲，真係坐監都抵啦。你睇，人地個故事拍大片，Jennifer Lawrence喎！你對比之下，香港科學園嗰啲咁嘅濕鳩嘢，咩咖啡兄弟呀，比較匯率app呀（仲要你親身去間舖頭唱！），AI判斷你應該學咩外 語呀（仲流過上次歷史媽媽嗰個），飲食營養app呀（scan啲小朋友膠玩具就當示範！），唔通有人會拍戲？

23. 最後又係廣告時間，你睇到呢度肯定有心。點解你投資贏唔到錢甚至成日輸錢？其實多數係性格缺憾。睇多啲埃汾嘅文，有助提升功力。唔好停留在畀個冧把你，或者教你計乜乜比率咁低層次。日日聽我講嘢，日子有功，唔包你發達，但可以減少失誤，就已經勝過好多人。請訂Patreon（https://bit.ly/31QmYj7）．昨日食白果，開張一個月嚟首次，唔開心。「雖然都收咗五百幾人」

（＊）不過個記者舊年離開咗Wall Street Journal．點解？好簡單，錢。我鍾意佢咁老實，唔會一大輪廢話，就只係錢。咩回事？因為Wall Street Journal唔容許啲記者收錢去演講（應該好多報紙都唔畀），但佢本人講明，我好受歡迎喎，好多人搵我，損失咁好多機會。所以咪唔撈。就係咁簡單。
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7
——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

好好enjoy這個黃智雯雙周

～ 自從《三個女人一個因》後，等足兩年才再見到Mandy做女主角，而未來兩星期更是由八點半到十點半都是她的劇，情況罕見，個人會選擇盡情enjoy，歡迎喜歡的一起enjoy，不喜歡看當然無妨，最好還是互相尊重，香港的自由和互相包容雖然所餘無幾，個人還是會盡力支持。

～ 《降魔的2.0》睇得出大台落了本，攝影機靚左，CG好左，對比上集這方面有大進步，當然仍未比得上美、韓劇，不過睇港劇對我來說和日日食港式茶餐廳一様，喜歡港式口味，懷念那浸情懷，始終是主力，日本菜、韓式燒烤、台灣菜和美式牛扒會偶然去食下。

～ 大台劇始終合家戲為主，一定唔會好似《黑市》咁堅去嚇人，大家當《殭屍先生》式捉鬼笑片加三角戀睇啦。

～ 近年嘟嘟監製同路比編審的成功作品都不是好有預算的大製作，一直都是靠做好劇本，搞好倫理、親情和愛情位感動觀眾，而在搞笑方面，路比明顯看過不少日本動漫，所以很容易惹到我有共鳴。

～ 第一集整體節奏和氣氛收貨嘅，承接上一季結局，大家都想睇豪仔翻生搞乜鬼，豪仔除了出場有得坐下的士，跟住的場口都是堅離地，吊住威也飄浮，辛苦過上集好多，女粉絲應該很懷念他上季露半股。大家想見的人物，芷若醫生、啤啤、莉莉、晶晶、嘟嘟都介紹晒出場，唯一可惜是的士佬群組無左龍貓同Seven，有點弱左，而鍾志光出場件衫真係唔多似的士佬。

～ 兩場動作被電單車鬼追那場較好，著火電單車撞的士一幕特技不錯，樊亦敏客串交通警幾過癮。醫院天台一幕，點解天台有條打好繩結的爬山繩真是有點無厘頭，隻鬼Teddy能力咁強，點可能搞咁耐都推唔到Rocky落水箱，好似停响處幾分鐘等馬季出手咁。馬季係咁出血，點捱到結局呀？

～ 又玩AV碟！不過「左青龍、右滑鼠」加埋啤啤的紙巾，幾抵死㗎，希望無師奶投訴啦！AV女優瑠佩悅子(劉佩玥諧音)由《黃金有罪》飾演莉莉的劉芷希客串。

～ 駿釗記酒家，嘟嘟警長，玩監製名字是大台劇傳統呀！之前另一常出現的名字是「良材縣」，除了做過鎭名也做過醬油名字。

～ 隻主題曲，先入為主，上季好啲。

～ 路比作品常有竉物，之前少帥、同靚寶哥十分經典，《降2》暫時唔覺有，最好有啦！

#降魔的2.0 #馬國明 #黃智雯 #胡鴻鈞 #劉佩玥 #鄧佩儀 #譚凱琪 #C君 #蔣志光 #謝雪心

20191126 黃偉民易經講堂

麥美娟是先知！

早在今年六月，她在林鄭的辦公室，對著這位特首怒吼：

「小你老味！
我地以後仲駛選舉嘅？」

對，她的動物本能對，林鄭政府的施政邏輯和方式，建制派唔駛選了，以後都唔駛選了。

林鄭將共產黨在香港幾十年的統戰經營，完全清袋了。

香港人大勝，親共無著數！

只要七成投票率，三百萬人出來投票，西環那些古零精怪的種票老人掌心雷，就全無作用。

在未來日子，登記的選民會愈來愈多，因為這半年林鄭政府的暴政，教育了全港中小學生，他們未成年，今次不能投票，但他們正在長大，青春，正義，是邪惡政權的剋星。

做了選民，他們不會躲在家中裝睡，只顧旅行供樓自助餐。今日未成年，他們都不怕警棍濫捕催淚煙，他們願走上街頭，被黑警暴打。他們都不怕；做了選民，他們更不惜排隊一小時投票了。

反共反暴政的力量在增長，那些骯髒下三流的做假種票大陸旅遊車的，就是這麼多。

歷史的巨輪在動，世界的反共狂潮已現，不論在那個領域，凡掛著中共旗號的人，選舉都失敗。

你看那個北京政協，魔鬼牧羊人管浩鳴，企圖問鼎聖公會港島區主教寶座，輸了。

禿鷹曾偉雄，被北京推薦，出任聯合國毒品辦公室總幹事，輸了。

這是國際政治外交實力的寒暑表，本來北京推薦，一定手到拿來，好似陳馮富珍那些，誰理你什麼工作能力。禿鷹慘敗，傷的，是中共的國際地位，一葉知秋了。

還有在香港，那批掛著北京招牌，毛主席好學生的政治惡棍，梁美芬、何君堯、周浩鼎、陳振斌、麥美娟、張國鈞、陳家珮、鄭泳舜、李梓敬、田北辰……等等等等，全輸了。單靠西環插喉輸鐵票的，政治死亡了。

林鄭政府最強的催票劑，催動七成選民出來的，是那一萬枚國產催淚彈。

香港的上空毒煙瀰漫，醫學界憂心市民的健康，要求按國際慣例，公佈警方發射催淚彈的成份，好對症下藥；化學專家警告，這些含極高濃度二噁英和山埃等致癌物質的化學成份，會污染環境，食水，和透過衣物，進入人體，留存體內，影響一生。

前線記者，在樓下玩耍的小孩，飽受催淚毒煙的主婦，不同工作而聞到催淚毒煙的市民，在示威集會做後勤支援的義工，都出現不同程度的不適和病徵。但林鄭政府，專責市民食物及衛生的問責局長陳肇始卻說：

不宜公開國產催淚彈成分，免影響警方部署云。

她年薪四百多萬元，本來是專責市民健康的，現卻擔心警方的部署來。

林鄭政府擔心的是什麼？

六個月內，發放了過萬枚催淚彈，吸入這些毒煙的，首批便是那些放彈的前線警員。

醫生和化學專家一再說，警員的豬嘴和制服，隔絕不了二噁英和山埃，前線警員不但會吸入，還會跟衣物帶回家，衣服在家中清洗，毒物會殘留在洗衣機內，全家人都會觸及。

不公開成份，大家博博吓當唔知；公開了，最恐慌的，未必是醫生和市民，應該是前線警員。

陳肇始怕前線警員兵變，影響警方部署，但卻間接實現了坊間“黑警死全家”的詛咒。不如一不做二不休，放風出去，上深圳食「海底撈可解二噁英」好了。反正，警員的夢想生活，也不過是，下班上深圳食海底撈，退休住肇慶七星岩而已。

世界看著香港，香港人憤怒了！

星期日的區議會選舉，全港的大街小巷，都排著人龍，從早上七時，投票站都未開門，到晚上十點半，人龍仍在。

有親戚朋友在多倫多坐十六小時飛機回港，為的，就是投這一票，區議會的一票！

香港人憤怒了！

選前心中忐忑，西環經營選舉幾十年，專業種票鐵票如山，香港人能拿下一半議席否？二百三十席是否痴人說夢？

終於，452個議席中，民主派共取得388席，事前無人敢想過的數字。

以388取卦，得《周易》第三十五卦火地晉卦二爻動，變卦為第六十四卦火水未濟卦。

火地晉卦二爻動，變卦為第六十四卦火水未濟卦。

晉卦，上卦離為火，象徵曰，下卦坤為地，象徵大地，卦象成了一幅日出大地的畫象。太陽從大地升起，為旭日東升之象。

這個月初，十一月五日的節目，才講過這個卦，火地晉卦是屬於政治改革的卦。

當晉卦的錯卦，六爻全變，水天需卦，象徵的基本需要，完全解決後，即經濟改革成熟後，到無可避免的政治改革便會來臨。

一個城市，人民努力的總目標，是依附光明。所以火地晉，內卦的地，即民眾，還追求上卦離火的火明的。

柔進而上行，指晉卦的主爻，第五爻，六五陰爻，君位，無論誰做領袖，他都是從民眾而來的，即使大權在握，都是來自民間，要了解民間疾苦。

任何的領袖，責任只有一個，要做人民喉舌，要替人民謀福利，要改善民生。

晉卦在今日社會而言，就是要發展民主，爭取人民政治參與權的象徵。

柔進而上行，大眾可以「進而上行」不是只能在基層生活，任由權勢擺佈，因為君位六五的陰爻，都是由下卦坤代表的民眾而來。

任何人，都可以晉而上行，健康的社會，一定要保留這樣的空間。

388個議席這組數，得火地晉卦二爻動，所以變卦為火水未濟卦。未濟，未解決。

上卦離為火，下卦坎為水，火性上揚，水性向下，各走極端。

未濟卦六爻統統失位，君不君，臣不臣，父不父，子不子。

這個卦象，沒有一個位置是對的，人人都未能發揮功能。

未濟，未解決，既然是未解決就必須繼續努力，奮鬥前進。因此，火水未濟，就含有生生不息之象。

《周易》六十四卦，將未濟卦列於最後一卦，在既濟卦之後，含義很深，有終而復始之義。搞掂一件事，引發萬件事的開始，宇宙循環，往來無窮無盡，人世間的人和事，發展永無終結。

既濟，只是一個階段，之後，又要開始一個新的循環。所以，《周易》的用心，是說明既濟一事，未濟又起。

既濟，是開始的終結；未濟，是終結之後的開始。

我們拿到了388席，表面上是火地晉卦，日出大地，旭日東升之象；但因二爻動，變為火水未濟的結果。

未濟，每爻都失位，大家都在抱怨。買麵包的抱怨，賣麵包的也在抱怨。每個人都不安其位，完全沒有凝聚力。

六十四卦中，只有火水未濟卦是如此。

但未濟卦的綜卦、錯卦、互卦都是水火既濟卦，即是說，既濟中有未濟，未濟中又有既濟，《周易》要說的，所有事物，都不是死局，一定有活路。

因為有既濟才有未濟，有未濟，便有既濟。你中有我，我中有你。未濟雖然未渡河，未達彼岸，仍在輪迴苦海，但有無窮希望。

就卦的結構看來，既濟未濟之間，隱藏很多可能性，成功失敗，往往只在一念之間。

未濟卦卦辭：

未濟。亨。
小狐汔濟，濡其尾，無攸利。

既然未濟，為十麼卦辭一開始就說亨？

先說亨，再列出具體自然現象。

卦辭強調「小孤」，不是老狐狸。

小孤經驗不足，但始終是狐，有點小聰明。用渡河象徵考驗。

汔濟，差少少，就遇到了。濡其尾，象徵風險。身子重了，不拘氣力游到彼岸。

人生很多無奈，就是這個「汔」字，差少少。差少少就搞掂，就是差少少。

小狐狸差少少就遇到河了，又唔想中途而棄，想著彼岸，但水太深，差少少。

濡其尾，尾已濕了，負擔愈來重，狼狽地返回岸邊。有些唔肯回頭的，「濡其首」，滅頂了。

無論游到那裡，只要未上到彼岸，就是未濟。

從來無想過渡河，根本無遺憾，想渡河，差少少成功，未做到，那種不甘心，就是小狐汔濟。

《周易》用小狐為象，因為狐狸性格狐疑，沒有真正的信心，所以是不容易得到解脫的。

風澤中孚卦教我們，必須要有真正信心，才能利涉大川。

信及豚魚，連最蠢的小豬和魚都受你感動，即靠信仰就可渡過難關。小狐狸有狐疑，沒有真正信心，就是過不了這一關人間考驗的。

小狐狸不經挫折，是不會長智慧的，人生失敗多幾次，見識就自然廣了，未來還有機會成功。要知難而退，不要到「濡其首」的絕境。

濡其尾，當然無攸利，但懂得回頭，未來還是會亨通的。

濡其尾，無攸利，因為小狐狸道行未夠，就想過河。苦海無邊，回頭是岸，此岸還在，還有希望。該回頭的時候回頭，將來才有亨的權利。

林鄭發表聲明，回應今次選舉結果，說政府會虛心聆聽市民意見，並認真反思。

全港市民用選票，說了意見，政府又反思了什麼？五大訴求，最易立即實行的「獨立調查委員會」，都未見起步，你的反思，只是虛應其事。

苦海無邊，回頭是岸。歷史巨輪已起動，林鄭這狐狸只能回到香港人身邊，此岸仍在。