由「想做新一代宇宙天團但仲未係」的「騎呢組合」ERROR主持的ViuTV搞笑節目《ERROR自救TV》，隊中四子（華Dee、肥仔、保錡與193）每集都出盡奶力，務求令觀眾笑到標眼水，不過將於周一晚（15/6）播出的第六集，竟然會一反常態勁嚴肅，事關這集的嘉賓，是綽號「薯片叔叔」的前財政司司長曾俊華。 _ 令不少支持者疑惑的是，縱觀ERROR於市場上的地位和叫座力，與曾俊華之間的距離隨時闊過太平洋，何解「薯片叔叔」會答允亮相？原因非常簡單，自從2017年完成特首選戰後正式退出官場後，曾俊華於2019年4月宣布加入第一間獲發虛擬保險牌照的保險公司（保泰人壽）擔任資深顧問兼廣告代言人，而該品牌正是今次節目的冠名贊助，故所有安排都來得順理成章。 _ 說回節目。叫ERROR搞笑當然沒難度，認真訪問嘛.....經過製作團隊反覆思考之後，決定派出一直被認為沒有內涵及MK的保錡，與曾俊華面對面訪問，旨在提升個人修養。由於這位嘉賓級數實在太勁，保錡不容有失，他透過WhatsApp憶述，「我研究咗份稿幾日呀，因為份稿改咗好多次！另一方面，因為佢哋話個訪問係好嚴肅，但我做節目，其實唔想只係嚴肅，我有認真諗過啲問題，睇下點樣可以做到認真得嚟又有啲綜藝感。」 _ 據了解，拍攝當日，平日嘻嘻哈哈的保錡，在鏡頭前不斷唉聲嘆氣，雙腳不停發抖，緊張到傻：「為咗節目效果，Writer（撰稿員）同導演話曾俊華『嬲嬲哋』，話我唔認真，搞到我有啲緊張，但事實上係我都真係有少少緊張，因為我做每一件事都係用盡力去做。」保錡在節目中指今次錄影前驚到想嘔，但實情是跟衣著有關 ── 平日衫鬆褲鬆，今勻卻以啡色三件頭西裝Look上陣，仲要打埋呔：「點解會想嘔？因為食完Lunch，件衫又好緊。」難怪曾俊華也忍不住揶揄他一句：「好少見你着得咁靚仔！」 _ 訪問中，曾俊華盡顯幽默和寸嘴本色，保錡處於「捱打」狀態，當他問熱愛劍擊的曾俊華：「你玩嘅劍叫咩名？」，「薯片叔叔」秒速回應：「劍咪劍囉！」，令保錡非常尷尬，一同接受訪問的保險品牌創辦人顏耀輝見狀決心解圍，指曾俊華有出書，可以贈一本給保錡，相當抵死的保錡先答「唔使！」，旋即改口話「好啊！」，豈料曾俊華再向保錡「插一刀」說：「你未必睇得明噃！」 _ 曾俊華幕前表現寸嘴，但保錡指對方真人其實相當友善：「我覺得佢好Nice，同埋真係好玩得，我覺得而家好少前高官咁貼地囉，例如同佢傾食蟲，佢真係話想研究下食蟲。之後佢又講下自己耍劍同有夾BAND，我發現佢同我都幾似，佢都係玩音樂，又喺電台開咪（商台《薯片鬚Music》），佢真鍾意做音樂，所以我都幾開心。」 _ （15062020） _ #游大東 #游大東影視筆記 #曾俊華 #error自救tv #ERROR #吳保錡 #何啟華 #梁業 #郭嘉駿 #保泰人壽 #bowtie #15062020 #viutv @k_p0k1 @error.weare @vincitang @bowtiehongkong @johntsangpage @pokipokiland @deegor_hkwa @fatboyip @deniskwok193

【《二月廿九》英文劇名到底點解？】 _ 《二月廿九》不愧為近年難得一見的人氣港劇，雖然上周五（13／3）已播出大結局，但去到今天，差不多一星期了，依然有朋友問我：「其實第10集最後一節我唔係太明，為何Yeesa之後會去了2021年？」我將這個情況告訴「刀片王」羅嘉駿導演，他一貫寸嘴Mode的說：「大把人唔明！我就唔解釋咁多，等觀眾自己諗。」的確，觀眾不斷討論劇情，能夠延續劇集的壽命，反過來吸引更多人追看的意慾，而不是劇完茶涼。 _ 再看看以下一些數字，就會發現此劇一直人氣高企！過去兩星期，我不停為劇組製作限時動態（多謝Salad超美的劇照）、帖文和投票，以往IG限時動態大約有2000人收看，但《二月廿九》的限時動態是至少3000人，結局播出前後那幾天，更一度高見3900人；另一方面，之前在IG發表的兩篇帖文，分別是劇情簡介及神聖幾何學會的成員簡介，兩篇都有620至640個讚，但去到3月6日至3月17日期間發布的7篇IG帖文，按讚數目悉數破千，留意，是連續7篇都破千Likes，打破2019年《教束》和「反修例運動」的帖文回應數字，難怪「刀片王」這麼牙擦。（強調：他本尊是很謙虛的！） _ 身為「非常用力的義務宣傳專員」，我能夠為《二月廿九》做的，大概就只有這麼多了，往後的日子，就要看演員和幕後怎樣把握這次機會，繼續嘗試重振港劇的氣勢了。臨近尾聲，我想想還有甚麼關於這套劇而一直沒提及的呢？答案是英文劇名。早在劇集首播前，「刀片王」史提夫已WhatsApp告之：「英文名《Leap Day》其實幾有意思！」翻查字典，「Leap Day」是2月29日的另一個稱呼，又名「Leap Year Day」，中文解作「閏日」，而「Leap」是動詞，有跳躍之意，所以「Leap Day」亦可理解為「跳躍之日」、「時間跳躍」（Time Leap），正好呼應張麗紗（Yeesa）於2017年2月28日至3月1日的一秒間，一下子跳躍至2020年2月29日。 _ 至於張麗紗這個角色名字又何從得來？編劇「石仔」（石俊傑）在個人IG透露：「呢個名，我改的！」他說，中國人改名很少會用到「紗」字，更不會有「Yeesa」這個英文名。「劇本不嬲最難諗係個名，改得差俾人笑，改得超好不如幫人起名，於是寫大綱就卡住咗喺人名嗰度，後來靈機一觸，一改改咗『Yeesa』呢個英文名先。原因係有一個日本人，佢叫仲里依紗，而呢個日本人，就係動畫電影《穿越時空的少女》（時をかける少女／2010，谷口正晃執導）嘅演員（女主角紺野真琴），就係咁，我借咗依紗，將佢變成《二月廿九》入面嘅女孩Yeesa。」他最後感謝飾演Yeesa的吳海昕，「多謝你將佢由當日嘅虛幻，穿越到今日嘅真實。」《穿越時空的少女》是日本小說家筒井康隆於1965年創作的青少年取向短篇科幻小說，曾多次被改編成電視劇、電影與動畫電影，最近一次改編是2016年由日本電視台開拍的劇集版，黑島結菜飾演女主角芳山未羽。 _ 劇照攝影：李詩卉 @saladd _ （19032020) _ #游大東影視筆記 #游大東 #二月廿九 #港劇 #香港 #徐天佑 #劉俊謙 #吳海昕 #岑珈其 #張松枝 #yautaitung #hkig #hk #李敏 #張凱娸 @kakisham #想見你@krincee @ranyayaya @kikicheungg @esthersogun @tinchakleung @timlui001 @todui9atvshow @viutv @229fans @written.on.the.wind @kit_kit_1989 @yellow_wong_yellow @dino_wongyanchun @talentbbb @deon_cheung