熱門Ptt文章

[爆卦]台灣移民公司是什麼？優點缺點精華區懶人包

雖然這篇台灣移民公司鄉民發文沒有被收入到精華區：在台灣移民公司這個話題中，我們另外找到其它相關的精選爆讚文章

在 台灣移民公司產品中有4篇Facebook貼文，粉絲數超過2萬的網紅君子馬蘭頭 - Ivan Li 李聲揚，也在其Facebook貼文中提到， 我的移民台灣心路歷程（中）—三大關卡 版務：其實原本想聽日先出，原本呢個時間係有篇收費專欄延播，我覺得延多一日好啲，保障返付費讀者。咁又見第一篇反應不錯，就貼埋呢篇啦下。 1. 上篇在此，自己睇 (https://bit.ly/2XgFLCY)。我強烈建議你睇。因為我好撚怕啲人唔爬文，唔知情況然...

　同時也有86部Youtube影片，追蹤數超過3萬的網紅依糕Eagle，也在其Youtube影片中提到，《 移民台灣 》 能夠 移民台灣 ，依糕真的覺得好開心好幸褔，所以很想很想和大家分享 移民台灣 的生活。 同時，很多觀眾也很想像依糕一樣 移民台灣，所以依糕也一定會分享更多 移民台灣 的資訊！ ::::::♥【贊助依糕】♥::::::: 有你的贊助，依糕更有動力! https://www....

「台灣移民公司」的推薦目錄

台灣移民公司 在 Sun Instagram 的精選貼文

2021-09-16 09:33:59

. 計畫真的趕不上變化 2020年我到雅加達交換，因為疫情提早回台灣，無奈之下還是得接受延畢一年，這一年接觸到移民署成為親善大使，有了想當移民官的想法，沒多久就報了補習班開始讀書，必須說真的佩服國考生們，那種看著大家都在工作賺錢，自己還不知道考不考得上的心情⋯真的非常煎熬⋯就這樣跌跌撞撞的準備國考...

台灣移民公司 在 離島人｜Humans Offshore Podcast Instagram 的精選貼文

2021-09-03 21:27:34

🐏 上週Louis在紐西蘭的分享收到聽眾的直接回饋，覺得Louis的精神非常鼓舞人心。讓也是離島人、一直默默聽節目的L深受感動，決定浮出水面🤩。 第一次訪談在紐西蘭的離島人，決定對這個國家做點調查！不知道有沒有弄錯…？ 大家都在想著要出國留學，希望找到工作。紐西蘭是目前少數幾個有控制住疫情的國家...

台灣移民公司 在 Openbook閱讀誌 Instagram 的最佳貼文

2021-09-10 22:13:15

「在我的理想中，即使人不在香港，但透過一些香港的記憶、香港的意識跟香港的情感……有些經歷、共同知道的東西把他們連在一起，這就是『#離散者的精神』。」 2021年6月，香港《蘋果日報》編輯部遭到突擊搜查、母公司高層被警方依港區國安法拘捕，並遭凍結銀行帳戶與資金而被迫停止營運，於6月24日，以「港人雨...

  • 君子馬蘭頭 - Ivan Li 李聲揚

    台灣移民公司 在 君子馬蘭頭 - Ivan Li 李聲揚 Facebook 的最佳貼文

    2020-05-31 20:17:35
    有 136 人按讚

    我的移民台灣心路歷程（中）—三大關卡

    版務：其實原本想聽日先出，原本呢個時間係有篇收費專欄延播，我覺得延多一日好啲，保障返付費讀者。咁又見第一篇反應不錯，就貼埋呢篇啦下。

    1. 上篇在此，自己睇 (https://bit.ly/2XgFLCY)。我強烈建議你睇。因為我好撚怕啲人唔爬文，唔知情況然後仲嚟鬧。結果上篇寫咗三千字都係前言，同鬧人。今篇真係正題

    2. 再講一次（因為真係好多人唔會爬文），只係心路歷程，同經驗分享。本文冇話你聽點解我搞移民台灣（我唔介意講，但係另一課題），亦幫唔到你做決定（條命你嘅）。只能話你知當年我係點做，而其實家陣例都改咗。

    3. 移民台灣，其實唔難。最難就只係落決定嗰下。真的，呢個句式你見過好多次，我都未必信，但有時真係咁。對上一次我見呢句嘢係睇Lonely Planet講旅行，其實最難就係決定去。你決定咗，打後嘅嘢就易搞。移民台灣（其實第度都係），最難，其實都係決定。你有咗決定，之後嘅嘢真係好簡單。台灣當然有佢相當老味官僚人治嘅部份，但同你最初決定嘅難度相比，濕碎。

    4. 真的，根本唔難，最難係決定嗰下。然後你發現好多人根本口不對心，把口就講聽日陸沉核戰，到叫佢八折放咗層樓就當你撚化佢。喂，聽日陸沉你拎到八折仲想點？又同我講話仲有樓要供喎，喂，核戰仲供樓？我係好怕呢啲inconsistent嘅人

    5. 都係快講少少我嘅歷程。我做決定係2014年。係呀，你估中咗，佔中，但冇好直接嘅關係。以前我有李照興所講嘅「香港不能離開症」（《香港酷酷》真係神書，最諷刺係李照興本人搬咗去.....北京）。我去歐洲會掛住香港，返到香港我打卡會寫「回家的感覺真好」。唔知邊年（有機會搵返）開始，我外遊係樂不思蜀，返香港我會打卡「back to shit hole」。照計同工作壓力無關，亦同我自己嘅收入呀感情狀況都無關。

    6. 總之，就係嗰一年，佔中，又多人開始討論去留。然後又咁啱11月台灣移民公司嚟香港搞講座（證明，真係work的）。我見到，同太太聽完，好似都冇乜討論過，討論嘅時間唔會多過研究生日去邊食飯，就決定咗（定未聽講座已經決定？）。我地嘅共識係，香港人係CLS的。

    7. 打後嘅事，十分順利。2014年尾科水畀移民顧問，搞咗間公司，搞公司戶口，匯錢入去。然後我太太2015年7月台灣居留證，留一兩星期可以拎到。但去到2016年3月佢辭工，7月左右搬咗去台灣長住，大約2017年10月拎到中華民國護照。前後你見到，由見顧問到拎到本護照，3年。但肯定可以再快啲，我只係照講我嘅情況。快手嘅，聽聞1年多啲搞掂。但，預鬆啲啦，趕住投胎咩。又核戰？核戰你仲上Facebook？諗住拎舊磨姑雲打卡？不過，怕會落閘倒係事實，結果亦係落咗閘。

    8. 移民台灣三大關卡，表面最難係錢，但其實唔係。就算唔諗移民台灣嘅都知，600萬台幣嘛。其實冇耐前只係500萬，甚至唔使搞咩公司，只係放錢在台灣銀行，真係送護照畀你咁滯。亦因為佢收緊，我先的起心肝，怕佢越收越緊（你真係信蔡英文郭台銘會大開中門？信佢地不如靠自己）。（按：結果不幸言中，你係咪開始希望我最初有出呢篇文呢？但正係啲網友嘅仆街，令我出任何文前都有啲顧忌，特別係政治有關嘅文）

    9. 600萬台幣，話多唔多話少唔少。但最重要係 — 你係可以拎返大部份嘅。呢點就係好多人誤會咗。你只需要一開始拎到舊錢出嚟，最後你應該可以拎返八九成（之後再解點解唔係十成）（即使而家新例：你搞盤生意三年，請台灣人。600萬台幣，至少你都拎返一半）。咁，中產兩公婆，儲到掛？儲唔到，借都借返嚟（反正之後拎得返，又聽講而家台灣都會防人咁樣忽然借錢，所以唔好臨搞先借），按樓又好，問老母拎又好，咩都好。如果點都拎唔到600萬台幣，咁，「你不如諗下自己係咪真係中產」。當然唔係中產先走到，青年創業呀，專才呀，超級有錢人一樣得，但唔係我篇文討論嘅問題。

    10. 移民台灣第二個關卡，係年紀。有歧視？其實好似冇。但，小朋友，聽過服兵役未？個個講就勇武，聽到服兵役嘅，好似全部退堂鼓，我好似冇聽過有任何一個投資移民係去服兵役嘅，雖則而家啲兵役聽聞幾hea。我不做道德判斷，其實最憎人咁做。但by definition，我投資移民嘛，就梗係肥貓資本家手無叫雞之力啦，你叫我去當兵？撈啦。好消息就係，台灣服兵役只係去到36歲。唔肯定幾時計起，我理解係你拎護照時未夠36就得，但我唔肯定，畀人踢去守金門馬祖唔好寫信畀我。所以，過咗36先申請，就最平安。至於後生嘅，就……一係等，可以拎居留證先（記住，係兩樣嘢，拎居留證冇得免簽證去美國，亦冇得投票選蔡英文，或韓國瑜），一係，就使你老豆老母去。下面再解

    11. 移民台灣第三個關卡，時間。絶大多數人都係聽到呢度就打消念頭。原則上，任何外人（你呀），要拎台灣護照，你點都要去台灣住一年，冇例外，你識整核彈或者有中南海情報可能例外。我呢刻都冇中華民國護照，就係因為我都冇在嗰邊住一年。所以只係我太太係公民，我唔係。佢有得投票選總統，我當然冇。點先有？第時我所謂依親過去，即係好似啲北姑嚟香港團聚咁。但一樣都要坐一年監，爭在唔使搞多次公司。呢個係十分十分重要的。好多人聽到呢度就縮。

    11.5 單身嘅，就梗係要自己去住一年。咁你自己安排停薪留職或返去同老細講 「X你老母我唔撚撈啦」。兩公婆嘅，基本上一定要有一個過嗰邊。如果有一個冇返工嘅，就多數係嗰個。兩個都有嘅，就多數係人工低啲，份工受氣啲，冇咁有前途，或者返嚟都好易搵返嗰個。至於點說服你老婆你老公辭工，就不在本文討論之列。亦都聽好多人在呢度搞唔掂。

    12. 咁你話，住一年？咪冇得去幾次日本？放心，台灣作為重視人權嘅國家／地區（唔好檢舉），會保障你一年去日本嘅基本人權。你一年可以出境30日，我太太當時照樣一年去幾次日本，過時過節有返香港。至於你咩23:59落機點計之類就唔好問我了。或者你選擇住兩年嘅，每年可以出境60日，但唔好夜場夢多啦我諗，當然，你嘅選擇。

    13. 呀仲有，呢個好多人都漏咗。如果閣下係大陸出世身份證冇三粒星嘅，就會複雜好多。唔係我歧視，係台灣政府唔多信你，我就幫唔到你，可以慳返我餐米芝蓮三星。仲有，如果係拎外國護照嘅，即係本身美藉加藉英藉之類嘅，出奇地，都係會相當麻煩的。以上以下我講嘅，只係適用於拎BNO／特區護照香港出世嘅人。外國出世又冇外國護照嘅，唔知，研究下。澳門都跟以上規則，但萄國護照點計，唔知。而你見到，台灣提防大陸出世嘅人好正常，但真係優待港澳同胞，甚至對你好過啲洋腸。當然係有統戰理由，但，真係唔用就笨。

    14. 仲仲仲仲有。仲有樣嘢，叫做良民證，要問警察（aka慈母）拎的。所以十分現實地，就唔該唔好有案底了。冇話有案底實唔得，但的確有人有案底被拒，無謂節外生滋，畢竟你真係想做義士都唔係睇呢篇文啦。同埋，要過體檢，檢乜都都唔係太肯定，因為我冇做（按：而家已做），太太有做，但我唔會拎嚟睇。聽聞都係hea hea地，但我強烈建議你去台灣做。反正平，亦都快。你在香港做，揀漏一樣又要做過又要畀針拮過，或者又要譯返做英文，唔好煩啦。我真係發現好多人係慳少少錢搞到自己麻煩的，並唔係我有錢，而係比我有錢嘅人都可以係咁。最後咪因少失大。叫你去台灣做就去台灣做啦。居然有人問我可唔可以在香港政府醫院做，我就畀張禾拉嘅相佢。大佬，你係咪戇鳩架？

    15. 上文講過啲問題。國藉係冇得搞嘅，本身係大陸出世冇三粒星或者有英美澳紐護照嘅，另搵方法，可以同你研究但唔係呢度講。良民證都係冇得搞，你有案底嘅，都只能上天保祐，睇下人地受唔受你申請，但唔好問我咩案得咩案唔得了。體檢，一樣，愛莫能助，亦同我無關。叫做你唔好生梅毒架啦（係要驗呢樣，但愛滋唔使，恭喜）。

    16. 三個關卡，錢，年紀，時間。年紀其實都冇得搞，一係等，一係選老母老豆過去（但其實都係要等）。錢就你自己諗，我幫唔到你討論，頂多教你按層樓或者問人借。

    17. 所以講到尾，時間，亦係最多人撞牆嘅地方。就係要留低一年。個個都有唔同情況，真係不能一概而論，其實正係傾咗幾個朋友，幾個都在呢度卡住，先啟發我寫文。

    18. 聽日出下一篇，最終回，其實一早寫咗。
    ________________________________________
    19. 另外，最新情況（呢段同上一篇一樣的，睇過唔使再睇，但唔貼又有人問）：講咗了，台灣改例，梗係收緊啦，等你班友趙完唱咁過癮。另一方面，又好似話「收容」香港人。隨你信唔信，我就當然唔鍾意蔡英文，但你選擇信嘅，咁你可以唔睇呢篇文。不過我認為，幾時都係自己掌握自己命運好，做乜要等佢發落？而家搞投資移民，就煩咗了。我亦都預移民顧問加價。但我仲識有朋友照樣去。都係嗰句，嫌煩嘅，唔好去咯。真係冇人迫你。而另一方面，亦有可能台灣會取消對香港嘅特別優待。咁如果當你係大陸人咁玩嘅，就煩好多了，我都可能被影響，變成「陸配」（台灣公民的大陸配偶）。唔好問我台灣會唔會，我唔知，你都唔知。所以最好都係主動出擊。

    20. 另外，本人情況。結果我去咗拎良民證，成功。去咗台北做體檢，好似三百蚊港紙，又成功，冇梅毒。另外講返，要你有德國麻疹抗體的！如果我年代呢，細個只有女仔打，男仔冇打，所以要去到打多次，好似一舊水港紙。但打埋針你就可能預多一日了。

    21. 驗完身後，我仲搞埋居留證。原本係要去台灣留七個工作天（佢會收咗你本護照，出唔到境的）。咁我原本係想復活節過去，但因為肺炎就冇得去了。所以而家都係未有居留證。而留意返，要拎護照，就點都要坐一年。但我個情況係叫做「依親」，因為我老婆已經係台灣公民（拎護照的），咁我個情況好似香港啲阿伯申請件北姑嚟團聚咁咯。所以我唔使又再搞一次投資移民之類。

    ———————
    版務：收費專欄已減價。支持埃汾高質文章。
    一星期三篇，$175睇到6月22號，加埋過去兩個幾月所有文章。

    請去呢度訂：bit.ly/2wVXndj
    課程編號填: CC01
    報完會有email通知，繳費後有Login及Password
    逢一三五入去 homebloggerhk.com （入到去就睇到《事先張揚》）
    亦睇得返以前嘅文。一般我都係會黃昏出文嘅。

  • 渾水財經Channel

    台灣移民公司 在 渾水財經Channel Facebook 的精選貼文

    2020-05-23 20:27:32
    有 391 人按讚


    【摸魚手札】台灣怎樣看今日香港？（渾水）

    台灣移民公司hotline被打爆了、VPN下載率是平日的120倍、股市跌了1,300點、睇樓客彈弓手、港元兌美元曾短線急跌，連外媒朋友也找我訪問，台灣朋友送上問候……如果外星人突然到此一遊，會以為香港末日。請大家放心，今日還未夠糟，明天大後天還會更糟。如果今日都撐不了，那如何活下去？

    旁觀者清，當局者迷。台灣的時政評論雖然不乏垃圾陰謀論，但有時局外人有他們的冷靜觀察和洞見。台灣對二會後的兩岸局勢比較樂觀，本來台灣比較擔心ECFA貿易協議的事，但兩會後看似沒有大變化，焦點都集中了在香港身上。我們成了箭靶，他們鬆半口氣。早一年，我在《蘋果日報》提出了「中國-香港-台灣-美國」的特殊張力關係和新機會窗口，提過把香港的核心優勢（金融）搬去台灣，最近類似的討論又重提出來。

    台灣《今週刊》的專欄作家說香港有很多金融人才，要吸納過來，已在網上廣傳。《立場新聞》的田中小百合寫了類似的想法，要在台灣建新香港，不只在網上廣傳，甚至被引用，搬了上時政節目討論。我抓不準時機，太早寫了台港的經濟藍圖，馬英九也如是。

    早在馬英九執政年代已曾提出過「自由經濟示範區」，但被民進黨在反中的意識形態下推倒了，當時時機未成熟，開放經濟等於放中入台。現在時機對了，幾個月前韓國瑜念念不忘提建「香港村」，現在他自身難保是後話，有趣在綠營也有意吸納一些香港資金和金融技術，現在吸納香港資金和經濟實力看來已不分藍綠。通過了《反滲透法》加上美國罩住，即使在台灣，新成立的美國在台協會也慢慢跟較親中的美國商會平分秋色，做生意的前提下，大家也摸索到兩岸和國際關係的平衡點。香港的金融地位未被改變，瑞幸被美打擊，百度及無數中概股想回港上市，還有網易、京東排隊上市。不是香港特別好，而是環球有水準的融資地本來就不多。資金外逃是意料中事，金融圈不會忘記肖建華，更不會忘記突然消失的仰智慧，仰智慧令很多香港有錢人虧大本。

    今年1月22日，林鄭於達沃斯接受彭博新聞電視訪問說習近平不會收緊管治，後來經歷了武漢肺炎後，中央最討厭的暴徒勇武抗爭已經停止了。何以抗爭熱度減卻後，反而又刻意搞國安法？當中內部一定產生了不關香港事的質性變化，可能是內部管治問題也可能是國際要求武肺賠償，我們永不知道內情。

    活在暴風浪潮最緊要莊敬自強，以前讀屈原《九歌》不明所以，只覺是一個愛國的傻瓜，重讀「身既死兮神以靈，魂魄毅兮爲鬼雄」這句時，不知為什有點感覺。

    渾水

    https://s.nextmedia.com/realtime/a.php…

    ———

    逢一、三、四出刊登文章，另設特別環節：每週解答觀眾問題、100萬模擬倉投資部署

    訂閱《金融經濟精神食糧》：https://prime.fortuneinsight.com/web/muddydirtywater

    Patreon: https://www.patreon.com/muddywaterfinance

  • 香港人心在日本

    台灣移民公司 在 香港人心在日本 Facebook 的精選貼文

    2020-05-22 23:34:23
    有 10 人按讚

    我見大家對台灣移民好有興趣

    以下段片會解釋香港移民台灣方法，如果有去台灣移民想法，就要睇睇

    戴定頭盔，唔好話我賣廣告🤡

    日希移民係小弟朋友開的台灣移民公司，有問題可以直接聯絡佢地，佢地好nice

你可能也想看看

搜尋相關網站