[gfmurmur9556] 疫情關係，原來上年要結婚，推到今年。講返背景資料，我係做牙醫，男朋友係做地盤工人，大家同齡，二十幾歲。 一齊咗五年，我同男朋友從來都無嗌過交，佢好就我，我都好珍惜佢。佢成績好差，一開頭同佢一齊，佢英文可能a至z都唔識，我無要求過都無睇唔起佢，但一齊咗之後佢好比心機學英文，話咁先襯得起一個牙醫女朋友。佢真係好努力學，試想像下一個dse英文攞u嘅人，同佢去英國旅行佢可以同人流利對答，見佢咁努力我真係好感動。 好多人會想知我地人工，佢之前做工盤發生咗啲意外，可能開工一段時間就要休息一兩個星期，除返開佢一個月大約搵兩萬二左右，而我做咗三、四年野，人工大約五萬。有時候見到佢返工返到好辛苦會心痛，返到屋企要用按摩貼又會周身傷，反而我份工較輕鬆但人工就高啲。我哋無為過錢嗌交，佢好慳家，我都唔介意aa，或者有時比大份少少。 係好多人眼中佢哋都覺得我好好，樣順眼，人材唔差，份工人工又好，有啲比較friend嘅朋友同親戚都暗示或者明示問我點解要揀一個地盤工人做男朋友甚至要結婚，但我真係好愛我男朋友，佢都對我好好。但有一個秘密我係無同人講過，就係我曾經做過ptgf。我都唔想美化個原因，係為咗錢。我公屋出身，個陣中六畢業升大學個暑假玩ocamp，好羨慕啲同學個個都好有錢唔洗返工，但個陣我連食一個貴過50蚊嘅飯都好肉赤。接過大約十個客就無再做，變咗返其他兼職。 距離結婚嘅日子愈來愈近，我覺得愈來愈內疚，特別係男朋友對自己好好，當佢話好感激我無嫌棄佢，當佢話佢會努力令到我幸福，當佢父母都好錫我當我係佢地個女咁，我都覺得好對佢哋唔住。有一次同男朋友睇，佢話如果佢知道另一半做過援交一定會同對方分手，無可能過到自己個關，話覺得好污糟。之後我問佢，咁如果你哋要結婚呢？佢答我會離婚。我真係好掙扎，我覺得我同佢嘅幸福好似係呃返嚟。時間過咗咁多年，我諗唔會有人知，但對住佢我好內疚。好對唔住。 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶

去睇牙醫，但係唔刷牙？ 仲記得我上個禮拜因為牙痛去睇牙醫，做咗一個小手術之後就冇咁痛喇。 下個禮拜仲要去複診，好感激牙科醫生專業嘅診斷同埋治療，如果唔係我隻牙都唔知點算好。 當然啦，做完手術之後我都唔可以亂咁食嘢，亦都要注意口腔衛生，勤力同用心機刷牙，如果唔係就白費咗醫生悉心嘅照料。 前幾日去Donki睇嘢嘅時候，見到咁大支波板糖，充滿想像力嘅我內心load左一load，心裡面幻想，可以同醫生講：「醫生，多謝你呀，咁努力幫我治療，請你食丫」 如果醫生話唔食嘅話，我仲可以話：「俾你啲病人食呀！你一定客似雲來啊！」😂😂😂 咁樣做當然好荒謬啦，呢個只係喺我腦海中幻想嘅對話，我現實裏面絕對唔會咁樣講出嚟。 如果我真係咁講出嚟，我諗醫生內心真係暈低咁制。 其實教學同醫療一樣，唔可以淨係當係生意咁做㗎，有啲人會話，你梗係會想啲人英文差啲啦，英文差啲你咪生意好啲囉。 但其實學生英文差，老師就會教得好辛苦，就好似你平時唔刷牙，蛀牙嘅時候搵牙醫，唔通你覺得牙醫真係好鍾意賺你啲錢咩？ 當我有學生，上我嘅課程，但係返到屋企完全唔接觸英文。 我個感覺就係好似牙醫一樣，見到病人平時唔刷牙，搞到啲牙蛀晒先來搵醫生一樣，感覺一啲都唔好受。 所以，如果可以嘅話，我都盡量會鼓勵學生，平時要多練習，多接觸英文，唔可以淨係倚賴老師㗎。 如果上咗堂就乜都唔理，其實同去咗睇醫生唔食藥，或者去咗睇咗牙醫但係唔刷牙係完全冇分別㗎。 老師並唔係神仙，唔可以將你嘅英文水平起死回生，老師嘅角色，只係畀指引你，唔係幫埋你學。 唔好對老師千祈唔好對老師有不切實際嘅期望啊！

上次同大家分享左有關Global Business Studies課程同比較學術相關嘅，今次就分享返課外活動方面。到底GBS課外活動係咪真係好Chur? 課外活動呢啲就豐儉由人，但由於GBS同學一般參加活動會比較proactive，加上本身讀書嘅嘢唔會超級Chur，所以耳濡目染之下都會參加唔少課外活動。我自己就有上Strategic Investment Society（投資學會）嘅莊，感覺會比其他莊專業，而且真係會有人熱愛炒股（不過我就無咩炒哈哈）。另一個比較Chur嘅就係Case Competition Team（商業案例分析比賽小組），頭一年每個禮拜都會有Training。所謂嘅Case Comp，即係主辦方（一般係大公司或者本地/ 海外大學）會比個商業案例你，講述一間公司嘅問題，範圍可以好廣泛，包括商業策略、營運模式、市場擴張、財務問題等等。Case Comp一般係4人一組，跟住喺限時內提出策略，並且砌一個PowerPoint出嚟Present。呢個時限有長有短，有啲短到3個鐘，長嘅就成個禮拜咁。 ⠀⠀⠀⠀⠀⠀⠀⠀⠀ 好記得我第一個正式比賽係開學後一個月左右就參加，限時48個鐘，結果通完頂去到30個鐘左右因為太眼訓，行出宿舍玻璃門嗰陣撞咗埋去，結果有三分二隻門牙斷咗，個口流曬血，鼻都淤埋。結果去學校牙醫求其填咗啲臨時補牙劑同止血，第二日照樣痛住咁比賽，其實係好癲好熱血嘅一件事。Year 1全年加埋校內外應該參加咗超過10個比賽，校內、校外同去外國比賽都有。去外國比賽最正就係學校會資助大部分機票同住宿費，正經比賽完就可以當去免費旅行。Case Comp對於鍛鍊個人能力都幾好，例如點樣喺短時間內規劃好成個見得人嘅project、團隊合作、溝通技巧咁，以後返工都會用得著。而且Year 1/2未必有咁多Internship Experience，Case Comp都係好嘅CV item，至少證明比僱主睇你嘅上進心同埋對Business係有興趣。 ⠀⠀⠀⠀⠀⠀⠀⠀⠀ 其他好多GBS人會玩嘅包括Enactus、Cambridge Consulting Network等等，組織下啲NGO類活動同埋幫公司做諮詢，對於想做Management Consulting嘅同學應該會有幫助。呢啲我無點involve，就不便評論太多。其實呢啲全部都唔係規定要參加嘅，所以唔需要話盲目跟風，選擇返自己鍾意參加嘅活動就可以。 ⠀⠀⠀⠀⠀⠀⠀⠀⠀ 比起課外活動，其實職業規劃同搵實習嘅故事更加心酸... 呢個系列下回同大家分享！ - 全港唯一雙料狀元（DSE 7科5** + IELTS 9分）線上補習平台 – 免費試讀！ www.mteducationhk.com www.mteducationielts.com 1) 5**濃縮精華筆記：狀元Melody Tam親撰濃縮精華筆記，絕對不拖時間，真正去蕪存菁，適合想於短時間內升Grade的你 2) 30年操卷祕技傾囊相授：Melody Tam應考前曾多次操練各科30年的Past Paper，將心得精華、試題備註傾囊相授，伏位、失分位一應俱全 3) 無限次重溫教學：安坐家中便能無限次重溫高質素教學影片，隨時隨地學習狀元考試秘技—— 你還願意到大型補習社上video class嗎？ - 早註冊 = 早享受 一站式平台比過往自動化好多，唯一須人手審批嘅步驟就係註冊（因為我地採用實名登記，所以會喺72小時內處理），之後就可以即買即睇！註冊後更加可以觀看所有免費課程同下載筆記（比免費資源下載頁內容更多！），免費資源不斷更新中，大家早註冊早享受～ - #gbs #gbus #環球商業 #cuhkgbs #globalbusiness #JUPAS #JUPAS選科 #JUPAS改選 #JUPASSLP #hkdse #dse #dse2021 #dse2022 #melodytam #melodytam筆記 #dse中文 #dsechinese #dse英文 #dse英文筆記 #dsenotes #hkdseenglish #hkdseenglishwriting #狀元 #melodytamnotes #DSE通識 #dsels #讀書心得 #補習筆記 #ielts