［OEM嘅嘢］非聲討，樓主都冇好惡咁鬧。況且一向我唔鍾意審人。你見我一定打格仔（而家post都刪埋）。所以純學術討論。

不過認真，700蚊有咁嘅早餐畀你，還神啦。仲特登幫你買，我真心覺得應該表揚間酒店！隻蛋我幾想食（得，我知，粟米肉粒飯嘛）

朋友話銀龍好過啲三星酒店嘅油淋淋早餐。我raise ，四星都係！當然好睇你啲星點定。但結論都係700有咁嘅早餐十分超值

（得，我知銀龍粟米肉粒飯）

又，我好細個已經諗呢樣嘢，會唔會啲高級餐廳都係OEM，大排檔買嚟畀你。大個見啲酒吧真係咁，去隔離買豬頸肉畀你咋。

當然講到尾，係鬥個「氛圍」，感性消費。鬥食材鬥廚藝鬧裝修都未夠高，好易抄。

competition is for losers。我個廚八歲由越南🇻🇳偷渡嚟 十歲死老母十四歲落仔 然後自學成才再著到Maggie Q咁出嚟影相，包你冇得抄。

唔係話只講包裝不講實力，咁首先你都要識煮嘅（但，麥玲玲羅庚都未識睇啦，who cares？）。但得罪講句，好多領域，你有幾多人真係blind taste分到 唔同嘢？30蚊同300蚊紅酒分得出。5000同50000呢？其實有冇分別？

呢個亦係好多「技術人」嘅盲點。你講音質好 像素勁，但啲消費者係分唔到阿嬌同阿sa 嘅盲毛。蘋果幾時同你鬥spec？

況且spec有得鬥，叫做有客觀，3T好過2T，9秒8快過9秒。但音樂，寫文，煮嘢，點分高下？

講返OEM，咁啱呢排我老豆生日。一件小事，好似細個去半島定乜，充大頭鬼（佢），嗰時我已經諗，點解幾廿蚊杯汽水都有人叫（當年大家樂食個飯六七蚊）？咪又係一罐嘢。總係有啲嘢。

咁當然細細個已經知食裝修呀溝女呀呢啲。但另外仲有一次，老豆先同我講，實會斟埋畀你呀，加塊檸檬🍋呀，甚至有花生咁。

呢啲，就係「差異化」，未必令你忘記背後都係可口可樂生力啤，但至少令你覺得可以justify 。

即係同一個道理，啲奀星𡃁模KOL，只要求其搵拍過套 《喜愛夜蒲曼谷版》，片尾有名嘅。就已經身價唔同啦。明星喎。明星喎。

所以，我同意有人回（原post已刪），理應該掉走個銀龍袋佢嘅

當然如果係再高級啲嘅，倒出嚟自己再擺盤都仲得，加多塊蕃茄青瓜又收你舊幾水。

同以上酒店可樂同一道理，我細個住酒店，係唔明做乜有人會畀咁貴錢在房食早餐。當然首先貧窮限制我想像，二來嗰時唔知有唔少人可以開公數，三來最重要係春宵一刻直筆甩，那年冬天蕭在吹，有女伴嘅，唔好話落去食早餐，真係落床拎杯水都懶啦

on an unrelated note，關於粟米肉粒飯，再講一次。實不相瞞，有一期，97年夏天，我有一排成日都食銀龍茶餐廳早餐，仲要係西洋菜南街，洪葉書店樓下嗰間

原因？嗰時返暑期工。屯門去九龍塘，my god。就係巴士旺角落，再轉地鐵。就日日食銀龍。然後我就由A level 學霸變成大學second lower 。諗落應該搞個集體訴訟class action （香港係冇的）

暑期工就在浸會大學，冇Q嘢做。我每日最開心就係下午茶（自己）鼠出去睇女。新舊校園我都返過，新校睇李惠利嘅女，舊校咪睇浸會女。心諗有一日到我食。結果後來就食到，其實唔難。

我在浸大嘅日子，就係幫人影印，同埋送文件。最初我拎本書返去睇，後來當然被勸止。結果我拎本書去影印，得閒幾頁咁，拎住疊紙就冇人理我。果時就睇西洋文學，《雙城記》呀《孤星淚》呀咁。

呢啲可歌可泣嘅故事，記住keep多幾個。

牛年比別人知得多。subscribe now.
Patreon.com/ivanliresearch

《中學生窮食午餐亦知足》

「今日出去食定訂飯？」

這可能是中學時代聽得最多也最想聽到的一條問題。一個上課天，不計放學後的時光，最令人振奮的時刻，當屬中午放飯時候。早上聽了四五個小時課，身心都無比疲累，只有等待放飯鐘聲一響，才能抖擻精神。記得一到小息，大家總會問好友們午飯如何解決，留校午膳或外出用膳是莎翁「To be or not to be」等級的問題。

留校午膳原因繁多，可以是為慳錢、為減肥、為練團、為補課、為打波或者為班聚。由於學校飯菜乏善可陳，除非真是想十蚊就解決一餐，不然大多數情況下，我們都會打電話訂飯。中學生飯錢多極有限，加上越高年級越多課外活動或補課，逼不得已要在學校食時，訂飯自然是比在學校買飯優勝的選擇。

那時早上校門外，總會有些伯伯嬸嬸向同學派飯單，我們就是這樣養成訂飯的習慣。訂飯的好處當然是便宜亦較多樣化，二十蚊左右，就能吃飽喝足。而且大家圍在一起選餐，有人數着訂幾多個A，幾多個B，幾多杯檸茶，幾多杯奶茶，這樣喧喧鬧鬧，一個小息就很快過去。之後午膳時間一起到校門外取飯，再在長枱上分餐，有時有人大叫「邊個係豬扒（飯）？」，然後有個女生衝口而出答「我！」，大家說說笑笑，一個早上的疲累就隨着笑聲蒸發。雖然吃的是頽飯，但也許沒有人會有心思去評論這個白汁稀如水，那個炒飯乾巴巴，大家的歡聲笑語就是最好的調味料。

在較空閒的日子，遇上心情靚、天氣好、錢包漲，女生着實比男生更愛出外覓食。三四個女生剛好一枱，校園以外更能大聲聊是非。情侶也喜歡出外午膳，因為不用在學校內被監視住，能愛得大方很多，大不了在快到校門前時就鬆開緊拖的手。亦大概只有午膳時才能貪得那種意猶未盡。但始終閨女不是富家女，出外午膳的選擇也不多。貴價一點的餐廳已經是椰林閣、五十嵐之流，便宜的話，一碗紅薯粉就很滋味。有時多人就會到茶樓飲茶，一大班穿着校服的人圍坐在一起談天說地，熱鬧不輸別桌之餘，言語間也少些銅錢味。

可能回想起會覺得那時的飯菜其實味道真的一般，自己現在能負擔得起吃更好的食物，可無價的當然是一班同學的陪伴。任你明天能到半島酒店吃下午茶，也沒法叫到這麼多人坐在長枱上陪自己寒喧幾句。可能中學生的午餐多是劣食，但其實那時我在意的是誰和我一起吃午飯，而不是吃什麼山珍海味。前一陣子搭巴士經過以前我們很愛叫外賣的一間餐廳，中學生的窮食午餐回憶立刻湧回來，不過我記得的都不是食物的味道，而是飯腳們那一張張青澀稚氣的臉。

即使現在能吃好一點的食物，能有長一點的午膳時間，不用再怕遲到記過而要狂奔回校，但我若傳一個約食飯的訊息，已不會再有以前的一呼百應。約到一個飯腳，已是萬幸。

**********************
Follow my ig: iamoonwheel

—————————————————————
月輪出道力作《古・惑I》小說集，兩個故事讓你體驗「情」的極致。
如欲查詢購買詳情，歡迎inbox 本人或填妥google form:　http://goo.gl/forms/sTqy44cUzX。
現時購書，尚有精美布袋飾物贈品送給大家，事不宜遲！感謝大家支持！！