【美國的前身｜#北美十三殖民地】 美國經常被人話係世界一哥，不過一哥原來曾經係人地嘅殖民地！ . 十三殖民地，係指英國喺1607至1733年喺北美洲大西洋沿岸建立的一系列殖民地，呢十三個殖民地只係英屬美洲殖民地嘅一部分。而每個殖民地本身都有自己嘅自治體制，大多數居民亦喺殖民地中擁有自己嘅土地，十三殖民地最後成為美國獨立時嘅立國基礎，並喺1776年美國獨立戰爭後建立美國。 . 經過多年嘅英國統治，加上當時北美地區無戰爭出現，令北美洲殖民者認為唔再需要英國軍隊保護。加上英國為咗維護本土利益，向殖民地分別喺1764同1765年頒布《食糖條例》《印花稅法》，要求殖民地大量購買英國嘅食糖、咖啡、酒等商品以及對所有印刷品直接徵稅，加重北美洲殖民者負擔。但因為殖民地區係英國議會無代表席位，於是北美歐裔殖民們中斷同英國商人嘅貿易往來。雖然英國一度廢除印花稅法，但隨後又用其他方式提高關稅，令北美各地歐裔殖民對英國統治地位展開激烈討論，英國為咗保障國家利益，於是向波士頓調兵。 . 1770年，一名英軍軍官購買假髮後回營，假髮店的店員Edward Garrick誤會軍官無比錢，於是向軍官喊叫，軍官解釋之後就打算離去，但佢嘅下屬Hugh White為軍官抱不平，於是同Edward Garrick發生口角，最後英兵打傷店員。圍觀嘅民眾十分憤怒，立刻包圍Hugh White，英軍率領士兵解救懷特，民眾向佢地丟擲石頭，英軍情急之下向羣眾開火，事件引致五名平民死亡，令殖民地開始抵制英國進口。 . 1774年，英國政府針對麻薩諸塞省（現今美國麻省），通過一系列旨在加強對美國控制的「強制法案」，激化起雙方矛盾，十二個地區嘅殖民會議選派代表喺費城召開大陸會議(第十三個加入者為喬治亞省，於第二次會議加入)，通過宣言，建立大陸議會，決定必須要改變英國宗主國同佢地殖民地嘅關係，引致起美國革命出現，當時嘅十三殖民地包括： - 特拉華殖民地 (Delaware Colony) - 賓夕法尼亞省 (Province of Pennsylvania) - 新澤西省 (Province of New Jersey) - 喬治亞省 (Province of Georgia) - 康涅狄格殖民地 (Connecticut Colony) - 麻薩諸塞省 (Province of Massachusetts Bay) - 馬里蘭省 (Province of Maryland) - 南卡羅來納省 (Province of South Carolina) - 新罕布什爾省 (Province of New Hampshire) - 弗吉尼亞殖民地(Colony and Dominion of Virginia) - 紐約省 (Province of New York) - 北卡羅來納省 (Province of North Carolina) - 羅得島與普洛威頓斯莊園 (Colony of Rhode Island and Providence Plantations) . 美國國旗旗面係由13道紅白相間嘅寬條所組成，亦正正係代表十三殖民地！ #Beginneros #冷知識 #independent #US #colony #USA #Britain #獨立 . ------------------ ◆ 每日分享知識、每月提供課程 ◆ Beginneros網站：https://www.beginneros.com/ ◆ Youtube：https://goo.gl/OEJrGt ◆ 冷知識投稿：http://goo.gl/zEYS3q

【Animal Kingdom︱國家代表考考你】 唔少國家都會用動物做代表，大家知道幾多呢？背後嘅意思又係咩？等我地介紹幾個特別啲嘅比大家了解下啦！ - 美洲： 美國(白頭海鵰)：北美洲原住民的文化中，白頭海鵰是一種神聖的鳥，係神和人之間傳遞信息嘅使者 格陵蘭（北極熊）：象徵著格陵蘭廣闊嘅苔原。 - 歐洲： 法國(高盧雄雞)：源於古羅馬帝國時代，法國被稱為高盧（Gallia），而Gallus在拉丁語另一意思是雄雞，所以就被稱為高盧雄雞。 德國(聯邦之鷹)：黑鷹象徵著力量和勇氣，並與國旗的三種顏色相互輝映。 英國(獅子﹑獨角獸)：金獅象徵英格蘭，獨角獸/紅獅象徵蘇格蘭，豎琴象徵北愛爾蘭。 俄羅斯(雙頭鷹）：雙頭鷹源於拜占庭帝國的國徽，拜占庭君主身兼東西兩方之王者，需要同時看管兩方的領土。 冰島(牛、白隼、龍和巨人)：龍（東）﹑巨人（南）﹑牛（西）、白隼（北）代表保護冰島四角的四個守護神。 - 亞洲： 英屬印度洋領地(海龜)：國徽兩旁嘅海龜象徵著海島特色。 馬來西亞(馬來亞虎)：作為國徽兩側嘅護盾獸，亦象徵人民的勇敢與堅強。 新加坡(獅子﹑老虎)：獅子像徵新加坡，老虎象徵馬來西亞，共同象徵著新、馬兩國之間嘅歷史淵源（新加坡由馬來西亞中獨立）。 斯里蘭卡(獅子)：斯里蘭卡梵語古名Simhalauipa（馴狮人），所以亦稱獅子國，獅子象征人民嘅剛强同勇敢 印尼(金翅大鵬鳥)：印度神話中嘅一種巨鳥，鳥翅左右各有十七根羽毛，尾部有八根，代表印尼脫離荷蘭獨立嘅日子（1945年8月17日）。 - 非洲： 埃及(薩拉丁之鷹)：鷹係指老鷹，薩拉丁則係代表古老騎士精神。 蘇丹(蛇鷲)：非洲的特有物種，身體像鷹，腳像鶴，由於蛇鷲處理害蟲同蛇嘅能力十分高，所以喺非洲一直受到尊重。 厄利垂亞(單峰駱駝)：駱駝喺獨立運動時，負責運輸和運送貨物、軍備、糧食等重要物資，代表人民向獨立奮鬥嘅愛國心。 毛里求斯(渡渡鳥﹑帝汶鹿)：渡渡鳥係毛里求斯島上一種唔識飛嘅鳥，已經絕種，帝汶鹿則係水鹿。 大家仲知唔知有冇其他動物代表？歡迎提供下去分享知識呀！ ------------------ ◆ 每日分享知識、每月提供課程 ◆ Beginneros網站：https://www.beginneros.com/ ◆ Youtube：https://goo.gl/OEJrGt ◆ 冷知識投稿：http://goo.gl/zEYS3q