勁過3個月嘅奮鬥,包括同公司班藝人去泰國旅行、舞台劇彩排空檔時間,我終於完成呢本500幾版嘅人稱「治史者必讀」嘅錢穆先生嘅國史大綱上冊。
13歲開始冇接受過正統中文教育嘅我,自認自己中文根底唔差。不過呢本書,至少有3成我睇唔明。1940出版嘅文字,除咗本身引用嘅古文我好多睇唔明外,就連錢先生嘅註解...
勁過3個月嘅奮鬥,包括同公司班藝人去泰國旅行、舞台劇彩排空檔時間,我終於完成呢本500幾版嘅人稱「治史者必讀」嘅錢穆先生嘅國史大綱上冊。
13歲開始冇接受過正統中文教育嘅我,自認自己中文根底唔差。不過呢本書,至少有3成我睇唔明。1940出版嘅文字,除咗本身引用嘅古文我好多睇唔明外,就連錢先生嘅註解我都唔係全部理解。Still,我有必須睇完任何一本我開始咗睇嘅書嘅強迫症,所以硬著頭皮頂硬上咗。進度極慢,呢本應該係我繼 the Philosophy of Philosophy, 以及之前 post 過嘅 an Introduction to the Bible 後人生睇過最唔明嘅書。
一直覺得自己比起好多才子最弱嘅就係對自己祖國嘅了解,所以奮起直追,不過呢本書我真心唔推薦。以自己大律師訓練黎講,成本書更似係份 Skeleton - 一份俾法官睇你將會喺法庭講啲咩嘅簡略。太多嘅列舉、註解同埋人物地名嘅引述但又assume你已經知道係邊度同埋係咩人,令我亂到一個點。幾乎必須飲醉酒先會進入境界。承然,作者當年就係用佢喺北大教書嘅講義編冊成書,冇佢自己講解睇怕佢同一本秘笈都唔係差太遠。
不過,作為宏觀走馬看花式地理解中國古今歷史,佢有一種十分科學全面又深刻嘅魅力。為此我會繼續讓我嘅OCD發作,睇埋短少少嘅下冊 。
#作哥哥閱讀報告 #錢穆 #國史大綱