Super delay post🐶 2018/1/21-24 一連四日校際舞蹈節 自殺式一條友排六隻舞🤪 因為搭着考試，最後果幾日的士來回香港九龍新界18區 飯都冇時間食🤢 排中學生之難處😅 1，好難齊人，補課補習留堂冇番學，而家中學生忙到你吾信，所以我會逼大家出席，都係為你地好既😎 2，吾可以太夜，高年班同學多數要補課五點幾先完，但係又有中一二同學吾可以放太夜🧐 3，冇地方，排位鏡房吾夠大，又未必book到禮堂，有時要係操場跳，係操場跳經常食波餅💁🏿‍♀️ 4，啲位好難記，因為吾齊人啲位次次吾一樣，每次都要花好多時間重新執過啲位🤦🏾‍♀️ 5，冇時間練基本功，由第一堂都比賽得三個月，中一二既同學一入到黎就要學動作，冇時間練基本體能、協調、節奏、控制身體能力🤨 6，中途有人quit，不過係我既威逼之下呢個情況已經好少發生🤓 7，跳左幾年終於有返啲水平，不過中六已經唔俾跳舞😢 感到安慰嘅地方 1，一定有一個非常錫學生對教育充滿熱誠嘅嘅老師帶隊，準備好多文件、行政嘅工作💓 2，一定有幾個好有責任心好抵錫嘅學生幫手訂衫整道具👯‍♀️ 3，覺得自己跳得唔好所以喊👼🏻 4，俾我鬧完之後練習同準時😎 5，好想進步自己練習或者出去上堂👍🏾👍🏾 6，睇住佢哋由中一跳到中六👼🏻👯‍♀️ 7，識得自己mark舞，仲要mark得好齊👏🏼 8，見到大家超flat out上氣唔接下氣滴晒汗咁既樣🙌🏿 9，外援總會幫你手，無論整歌、化妝、英文翻譯、道具、一個WhatsApp朋友們就會二話不說咁幫你 10，仲有就係師兄師姐舊生返嚟支持師弟妹 溫馨提示： 1，天生我才必有用，不過冇辦法喺香港都要讀好啲書，未必一定要好叻不過基本嘅都要識，所以跳舞同讀書一定要並行。✊🏿 2，青春只會有一次，唔好放棄自己喜歡嘅事情，就算將來有幾富有都唔會買得返青春嘅時光，岩岩過左果一分鐘，盡情享受仲可以不顧一切投入嘅時刻😊 3，獎項唔代表啲乜嘢亦袋唔到落袋拎番屋企，袋到落袋嘅係你嘅進步，有否盡力💪🏿 - 成日唔明點解日本啲中學可以做得咁好，我知道中學生跳舞有好多制肘，亦吾係學校睇重既項目💀，不過我唔希望因為咁而放棄大家，好希望逼大家做到我既要求，希望學校知道跳舞吾比校隊弱，而且比運動係美學層面上更勝一籌🤗 成日都話全人教育，跳舞唔只係一個興趣，溝通技巧、受壓能力、專注力、責任心、領導能力、策劃能力、審美能力、堅持到底既精神，未必可以係書本裏面學到，必須經歷呢啲過程，才能成為全人教育，愉快學習☝️ 又一年中五既同學升中六喇，dse要加油！得閒請我食糖💗 中六既同學，仲有個幾月，咬緊牙關捱埋佢💪🏿 其他同學下學期見，吾好吾出席呀，我會追殺你地😏😎 多謝所有努力付出過嘅同學仔，要繼續一齊努力💪🏿💪🏿💪🏿💪🏿💪🏿 #千字文 完 #偽老師 #馮堯敬紀念中學 #善德英文中學 #五育中學 #播道書院 #校際舞蹈節 #香港中學生 #中學生