【八小時工作制｜#五一勞動節的由來】 有冇計過自己平均每日返工返幾多個鐘？點解會有勞動節呢樣野？背後嘅意義又係咩野？一切要由19世紀開始講起。 - 19世紀中期，歐洲各國無產階級慘受資產階級嘅欺壓，人民意識到需要聯合起嚟反抗。1864年，馬克思與一眾工人成立International Workingmen's Association (國際工人協會/第一國際)，提供「工人階級嘅解放應該由工人階級自己去爭取」，更喺日內瓦會議中提出「八小時工作」嘅概念，並獲得通過。 - 1886年5月1日，美國全國各地舉行大規模罷工同示威，爭取喺美國實行日內瓦會議中通過嘅勞工權益理念，當中以芝加哥嘅示威最為激烈 (乾草市場事件 Haymarket affair)。事件引致7名警察殉職，4名市民喪命。當時警察想借勢打擊工會，要求「嚴正執法」，大肆拘捕工會領導人並以謀殺罪起訴當中嘅八個人，審判後有五人被判死刑，二人被判無期徒刑，一人被判有期徒刑十五年。不過，當中嘅五個人並無到達示威現場。 - 事件令美國工人更為團結，示威風潮更影響至歐洲其他國家及全世界，並不斷鬥爭以爭取八小時工作制。因此，喺1889年嘅第二國際巴黎大會中決定，每年5月1日會定為國際勞動節，紀念美國嘅乾草市場事件，歐美各國等工人亦可以喺每年5月1日名正言順上街爭取利益。 - 你見到法國人返咁少工好妒忌？見奧地利放咁多假期好羨慕？呢啲都係爭取返嚟架。香港作為一個國際都市，相信有唔少人都未達到勞動節嘅標準，如果你係不情願地OT緊睇呢個Post，不如諗諗，返工為乜，你嘅人生又係為乜？可以忙，但唔好失去咗自我，你都有生活﹑你都有屋企人架！ - ------------------------ ◆ 每日分享知識、每月提供課程 ◆ Beginneros網站: https://www.beginneros.com/ ◆ Youtube：https://goo.gl/OEJrGt ◆ Instagram：@beginneros ------------------------ #Beginneros #冷知識 #hk #hkig #51 #holiday #五一勞動節 #由來 #勞動節 #打工仔 #勞工 #最低工資 #最高工時 #返工 #八小時工作