John Meadows於2021年8月8日係睡夢中逝世，享年 49 歲。 John Meadows又名Mountain Dog係前晚即2021 年 8 月 8 日星期日毫無預警的於睡夢中安詳地逝世。Brooke Nappo隨即代John Meadows嘅妻子Mary於facebook公布死訊、感謝大家嘅愛護、關心以及禱告。 John Meadows係IFBB 職業健美運動員、知名教練、健身界youtuber亦創辦咗自家品牌Granted Supplements以及Mountain Dig Diet。早係1997年參與健美比賽、並於2015年取得職業卡。喺佢嘅健美生涯當中，參與過多達31場比賽。其後佢將職業重點轉向執教，成功協助多名健美運動員贏得冠軍並且成功獲得職業卡。就如佢喺佢2021年8月7日最後一個ig post恭喜佢嘅客户Brooke Walker拿下2021 Tampa Pro冠軍。佢對於健美嘅熱愛不單止限於舞台，係Youtube更有多達一千二百段分享有關健身知識、飲食、操練嘅短片。 熱愛健美嘅John Meadows喺投身呢行運動嘅初期，早被證實患上一種罕見嘅克隆氏症。導致佢結腸破裂，需要入院治理。康復後佢重投健美運動，亦更關注自己嘅身體健康。於2020 年 5 月 11 日，John Meadows由於血管凝血障礙而心臟病發作，需要住院，但好快就成功康復並穩定咗自己嘅身體狀態。由於妻子Mary Meadows未有公開宣布John Meadows嘅死因，所以未能確定係咪同之前嘅病因有關。 “由KOFGYM成立至今, John Meadows aka “Mountain Dog”, 係其中一位響學習科學健身理論與實踐上影響我好多嘅人, 佢嘅Podcast,youtube,同唔同嘅健美運動員合作交流, IG打嘅文章, 由藥物至健身理論都同我地無私咁分享, 先令到我了解得更加多經驗同科學理論嘅重要性, 而佢帶住殘缺(疾病)嘅身體, 一直堅持訓練嘅果一種意志都非常之值得我地去學習, 今日佢嘅離去係健身界一個重大嘅損失, RIP.” By Burger 圖文：Henice 影片：KW #kofgym #kofgymnews #legendleft # #健身快訊 #johnmeadows #mountaindog #restinpeace #健美