《狂舞派3》影評
「為咗夢想，你可以妥協到幾盡？」
（含劇透，慎讀！）
—
《狂舞派》續集要成功，
其實唔難，
但黃修平導演偏偏就揀咗，
最難行嘅一條言志之路。
—
「為咗夢想，你可以去到幾盡？」
《狂舞派》嘅呢句對白，
至今仍然如雷貫耳，
但由2013年走到2021年，
香港好似已經變成一個，
唔係我哋可以發夢嘅地方。
—
「為咗夢想，你可以妥協到幾盡？」
只要將句對白改一改，
就可以變成電影最核心最重要嘅命題，
—
　　面對住呢套作品，最多人問嘅一條題目，係《狂舞派2》去咗邊。其實《狂舞派》續集要成功，比起其他比較新晉嘅導演都更為容易，《狂舞派》第一集口碑載道，會有固定客源，電影未上映已經有一定嘅基礎。上集拍「舞林大會」，今集大可以將電影嘅規模玩得更大，玩亞洲賽、國際賽、世界大賽，上集得幾丁友跳舞，今集可以群P，總之跟番實第一集成功嘅方程式，一定無得輸。
—
　　但《狂舞派3》係一套點樣嘅電影呢？據我嘅睇法，佢甚至連係一套「跳舞電影」都稱唔上，改做《狂RAP派》都絕對無違和感。而就算有跳舞場面，一係斬頭斬尾，一係跳中有戲，令觀眾無乜機會可以真正欣賞演員嘅舞技，而最過癮嘅係，戲入面亦有一場跳舞比賽，喺影完對手跳勁舞之後，主角LOKMAN嘅還擊竟然以極短嘅時間就比導演剪走咗。
—
　　正正因為咁，《狂舞派3》比某啲觀眾鬧爆，令部份人大失所望，我絕對可以理解，但個問題係，點解一手好牌，明明有機會可以成為大受歡迎嘅電影系列，點解要「自毀長城」，點解要拍成咁？
—
　　一切一切，從故事嘅中心命題講起。撇除跳舞元素嘅縮減，《狂舞派3》另外一個極端嘅改變，係電影風格由青春熱血嘅，一扭而轉而成為寫實沉鬱嘅調子。戲嘅一開始已經開宗明義，《狂舞派1》只係一套電影，所謂追夢，其實只係一個一戳即爆嘅BUBBLE，現實往往令人抖唔到氣，要交租，會比人由工廈趕走，要比家用，唔比瞓覺，就連要點樣笑，電影入面嘅角色，都無選擇嘅權利。
—
　　如果話《狂舞派》係青少年嘅童話，其實《狂舞派3》仍然係成年人嘅童話。見到電影入面每個角色對現實嘅妥協，有時會睇到我哋咬牙切齒，點解咁樣都肯制？點解咁仆街都做得出？大家都係人，為咗要追更大嘅夢想，每個人都要作一定程度嘅犧牲，例如要為政府財團塗脂抹粉，要放棄拍拖嘅時間，要笠住個大頭佛幫無良地產商RAP。揞住良心嘅背後，其實電影入面無一個主要角色係壞人，做小惡嘅背後，係為咗大善，為咗兼顧生活同追夢，大家都努力咬緊牙關。
—
　　為咗達成虛無縹緲嘅好事而做嘅壞事，同純粹地做壞事，到底有咩分別？答案就係我哋無忘記到自己嘅初心，時時刻刻都可以做「選擇」，可以乘時投袂而起，即使偶有歧見，但兄弟爬山，各自修行。喺電影嘅最後，一眾跳舞主角為城市活化計劃起動禮擔任跳舞嘉賓，大家都為最後一場違心嘅表演而鬆一口氣，但HEYO突然出場搗亂，跳舞主角們積極配合，最後成功破壞成個動土典禮。
—
　　只要人仲有選擇，那怕就剩低一絲嘅空間，就有機會喺妥協嘅狹縫入面種玫瑰，而將電影嘅呢一個MESSAGE放落去分析呢套電影嘅概念，就更有意思。明明電影可以無壓力賣到一定嘅票房，明明電影有潛力可以變成一個長賣長有嘅系列，明明只要符合觀眾期望就可以輕輕鬆鬆，但導演選擇言志，選擇用呢套作品為觀眾去解答咩叫做真正嘅「唔妥協」，咩叫唔走入「建制」，喺創作自由仍存之下拍咗呢套離經叛道，但緊扣香港現況嘅《狂舞派3》。
—
　　曾經睇過導演嘅一個訪問，問點解續集唔係《狂舞派2》嘅問題，導演戲稱話要突破「續集魔咒」，但睇完電影，與話係擺脫魔咒，不如話係全心顛覆，反其道而行，唔要食全球電影都沉淪緊嘅老本。
—
　　電影嘅首映擺喺高先電影院舉行，喺香港建立一間以香港電影為本位嘅戲院，喺崇尚大製作嘅彈丸之地搞革命，配合另外一場電影顛覆《狂舞派3》，縱使作品係有沙石，唔係第一下就令人有好感，但我，又點可能唔支持呢？

《未來戰士-黑暗命運》占士金馬倫在「發爛渣」嗎？緊張但仍欠新意！

1984年《未來戰士》(T1)和1991年的《未來戰士續集》(T2)，都是占士金馬倫負責導演和故事的經典作品，更直接將阿諾舒華辛力加捧上巨星地位，其中以《T2》最經典，由錄影帶、LD、VCD、DVD到BR，不斷出特別版吸影迷的金，可見受歡迎程度。

自從《T2》後，《T3》、《T4》和《T5》已經不再是金馬倫的作品，一直傳他並不喜歡這些續集，簡單地回顧這三集，《T3》講女機械人追殺John Conner，Sarah已經死左，John是個知道使命，但尚未成長的戰士，最後和女友躲在一個舊基地，見證天網滅世降臨，這故事想玩John的成長，預計有續集，點知票房失敗告吹。《T4》由華納負責製作，找來演完《蝙蝠俠》爆紅的Christian Bale做John Conner，講述成年的John帶領反抗軍對付天網，仲救了將會送回過去救Sarah的父親，但那時還是少年，這集重點是個超像真人的機械人混種的Marcus，這集又係票房失敗告終，原本的三部曲計劃被消失。利用John Conner的故事不受歡迎，但仍然有片商鍾情這個品牌，見《Hunger Games》少女戰士主角受歡迎，於是《T5》搵來因《權力遊戲》龍后成名的Emilia Clarke來飾演少女Sarah Conner，這集玩平行時空，講天網在Sarah 9歲時已經追殺她，《T1》的時空在這世界不再存在，而Sarah更非一個弱者，從小已經受訓成女戰士對抗天網殺手，在這個時空中John Conner已經是半人半機械，而Sarah更利用時光機反客為主去到2017年，本來計劃又係三部曲，最終又係一集完。

占士金馬倫《T1》和《T2》的成功，關鍵在於一個弱女，不知為何受到來自未來的殘酷機械人追殺，突然出現來保護她的人，能力仍未足夠消滅殺手機械人，弱女在送走過程中知道真相，最終加入憤起反抗。《T3》到《T5》其實放棄了這條方程式，另謀發展，但都失敗告終。《T6》由占士金馬倫監製兼參與編劇，導演換了《死待》的TIm Miller，其實這才是真正的《T3》，由於過往廿多年了，John Conner和天綱已經被玩殘，所以金馬倫有點發爛味道，索性cut走晒這兩個元素，開場不久便講John被殺，而天網這時空不復存在，只保留Sarah和阿諾兩個角色，未來敵人換成AI世界，然後其他設定其實和《T1》大同小異，一個墨西歌少女Dani無故被未來的液態機械人追殺，未來反抗軍派來改造人類Grace來救她，危急關頭Sarah出現助拳，三個女人之後再加上阿諾，結尾又係在某個大型建築終極大戰。

坦白說故事新意不足，可觀在墨西哥一段的場面拍得十分緊湊，重現了《T1》和《T2》的風格，今集裏會老的機𢬿人阿諾只算大配角，喜歡《T2》的粉絲當集體回憶應該無問題，未看過《T2》的新一代未必啱睇，因為戲中的機械設定在今時今日，已經out out地，所以，就算金馬倫參與，電影的美國開畫票房一樣係麻麻，真係不如在今集terminate左呢個故事，無謂再次玩下去了。

<極限逃生-卡特無雷心得>

剛剛衝去看了 Yoona 最新電影 #極限逃生

超超超超好笑!!!我真的會笑死 哈哈

非常極限的逃生片~爆炸緊張刺激

整部戲百分之80都在逃生

七至八個逃生場景，利用各式不同元素逃生

尤其道具的使用~超精彩好笑 (不能暴雷)

人性脆弱、緊張無助，搭配電影節奏轉而幽默無比

超佩服劇本作家，能夠想到那些梗

不愧是千萬人次預備之神作 (目前900萬)

========

很喜歡的特點有幾個

1. 不描寫災難原因 => 純逃生娛樂片

韓國災難片很多都是描述社會不公

災難來自人性貪婪~希望引人發省

但極限逃生只用幾顆鏡頭，不到幾分鐘就交代完

雖然少了這些人性反思，但最後結尾依然會讓你感動無比

-\-\-\-\-\-\-\-\

2. 韓系熱鬧台詞動作

搞笑台詞 + 極度誇張動作表情 => 韓片經典元素

但這些動作符號，跟著主角經歷一個多小時逃生之後

會轉化成讓你滿滿心暖的感動

標準成功韓影方程式 (搞笑 => 正經主軸 => 感動結尾)

-\-\-\-\-\-\-\-\

3. 耐心鋪陳逃難場景

最最最喜歡的就是曹政奭第一次往上攻頂

細細描寫各細節動作~我真的腳夭壽抖!!!

韓片主角都不會是超級英雄

各種出錯失足，心跳會跟著加速暴衝

-\-\-\-\-\-\-\-\

4. Yoona 好帥啊啊啊!!! (私心)

老公好帥!!! >////< 各種跑各種爬!!!

果然超適合我們女帝出身的少時門面 Yoona 女神

哭泣的樣子也超可愛 <3 <3 <3

好想在電影院揮手燈啊啊啊!!!

============

極限逃生目前韓國已突破900萬人入場觀看

台灣首週也突破千萬票房!!讚讚!!

另外，強烈建議有懼高症的人，要有心理準備

卡特超怕高 QQ 所以我幾乎整部戲腳都很抖 (超剉)

BTW 看完這部戲你一定會記得這個節奏

「噠噠噠 噠~噠~噠 噠噠噠」

太洗腦太北爛啦~哈哈哈

=============

#極限逃生EXIT
#YoonaYoona得第一 #少時少時得第一
感謝 GaragePlay 車庫娛樂 引進好片~鳩喝跨