「已結業」 唔食飽啲，邊有力減肥啫？終於，港島嘅潮友，想食韓式鯛魚燒，近近地，有機會喇！ 同樣地，喺韓國引入、嚟香港島開嘅加盟店，韓國地道風味嘅「阿(아)．鯛(붕)」終於出現港島，而且，仲有沙冰、冰凍果茶賣添，淨係呢間先有。 PND係幾鐘意佢嘅鯛魚燒，柯打後要等上10分鐘，因為都係即叫即製，熱辣辣乳酪雪糕鯛魚燒可配4種口味餡料，分別有$32嘅紅豆、吉士、抹茶紅豆；同埋$35嘅獨家口味：爆漿芝士！ 喺鯛魚燒好一半時，店員就會放入餡料，當鯛魚一條條成形後、再吹成脆魚後，再吱入大量yogurt雪糕，最後淋上朱古力醬。 呢度嘅yogurt ice cream同樣地係果隻好味嘅獨家配方，yogurt硬度有提高到，無軟雪糕咁易溶，食時無咁狼狽，都係清新解渴嘅檸檬味，好開胃。 仲有$18嘅荔枝、熱情果沙冰，同埋荔枝、熱情果紅茶/綠茶，好大杯，夠兩個潮友掃街時開心share！ 優惠： 潮友想平食小鯛魚，新開期間，等食期間可以 1.follow佢地Instagram @cafeaboongfh 或 2.影店內吉祥物再upload上instagram，再tag @cafeaboongfh 即可享以$30享用任何口味乳酪雪糕鯛魚燒，芝士味變相平$5! Cafe Aboong #PND北角 #PND炮台山 #PND甜品 #PND小食 #pnd韓國菜 星期一至日 11:00-22:30 @炮台山電氣道308 號 地下c4b鋪