早前收到意大利🇮🇹牌子 @orasi嘅邀請，試左佢地嘅植物奶同植物牛油黎同大家介紹下。其實係接觸OraSi之前，B仔已經成日買植物奶，雖然我超中意飲牛奶🥛，且牛奶營養都非常豐富，但係始終牛奶就係有牛🐮嘅激素，除左容易刺激皮膚生痘痘之外，好似我呢啲有過敏體質嘅人，成日飲始終都會有不良影響。所以近年就開始減少飲牛奶，試下搵下牛奶嘅替代品。奈何搵黎搵佢，都無一隻植物奶令我覺得好中意，可以成日買黎飲，直至試到OraSi 。😆(！！利申：無收錢，純試飲😂）OraSi係B仔暫時試過嘅植物奶入面，最濃郁嘅牌子，佢地有好多種口味，而我今次就試左大豆飲、糙米飲、可可、杏仁同核桃奶。 - #大豆(Soy): 豆味天然濃郁，甜度適中，飲落比市面上起碼9成豆奶都濃厚得多，有種飲緊豆奶版北海道3.6牛奶嘅感覺，由於好濃厚，亦非常飽肚，可以作代餐。 - #糙米(Rice): 質地比起大豆稀薄好多，飲落帶淡淡嘅甜味同強勁嘅穀物味後勁，係比較小清新嘅選擇。 - #杏仁(Almond): 一倒出黎杏仁香亦一齊湧出黎，飲落似濃厚版少糖杏仁茶，如果你鍾意杏仁茶嘅話一定會鍾意到不得了。但係B仔一向都唔鍾意杏仁茶，所以就唔係特別愛呢款。 - #核桃(Walnut): 係咁多款入面，甜度最低，非常順滑，濃厚度屬中間，飲落有淡淡嘅堅果味。 - #可可(Soy Cocoa): 最令B仔有驚喜嘅一款，濃厚度係各款之最，可可味香甜濃郁且不苦澀，老實講好飲過好多朱古力牛奶。 - 另外我仲用咗佢哋嘅植物牛油同豆奶整左拉絲豆乳小餐包🍞，食譜如下，比大家參考下☺️： ✨「材料」✨ - 高筋麵粉 500g - OraSi豆乳 250g - 雞蛋2隻 （留起1/4最尾掃蛋液） - OraSi SOIA 牛油 70g - 砂糖 40g - 煉奶 10g - 酵母 6.5g ✨「步驟」✨ 將所有材料撈埋揉成麵團，等待發酵至2-3倍大，整成你鍾意嘅形狀，分成八份，輕壓排出空氣，蓋上保鮮膜，再發酵至約2.5倍大，最後放入焗爐以180℃焗15分鐘就大功告成㗎啦！😘 ----- 🔍香港邊度可以買到OraSi？ Where to find OraSi in HK? 759: Rice, Walnut, Almond AEON: Soy, Rice USelect: Rice, Walnut Wing On: Soy, Rice 7/11: Soy Cocoa 200ml, Rice 200ml HKTV Mall: Rice, Walnut, Almond, Soy Cocoa Butters: Loving Hut

Hinkifoodie自家製DIY系列: 半熟芝士撻 半熟芝士撻一定係今期最潮呃Like食品！其實半熟呢類食品，我地第一次接觸係台中的光之乳酪。當時港女女朋友簡直好似中咗降頭咁，兩隻眼都變晒心心眼。 直至今年香港終於引入左半熟蛋撻，女朋友緊係想食啦！但基於我地兩個都唔鐘意排隊食野關系，就轉戰自己整啦！呢個半熟芝士撻其實唔難整，只係步驟繁複。建議２個人一齊整就會快好多。 當比人知道左半熟芝士撻製作成功，即時接到Order留唔知幾多個比佢….. ------------------------------------------ 材料: 曲奇撻底 低筋麵粉 85g 高筋麵粉 85g 杏仁粉 30g 無鹽牛油 80g 糖霜 60g 雞蛋 30g 芝士餡 忌廉芝士 100g 巴馬臣芝士 25g 牛奶 75g 無鹽牛油 20g 粟粉 5g 蛋黃 15g 蛋白 25g 砂糖 20g 檸檬汁 少許 ------------------------------------------ 做法: 1. 將麵粉、杏仁粉、糖霜混合，加入牛油用手搓混成粗粒狀。(牛油越碎越易整) 2. 加入雞蛋搓勻成糰，放入雪櫃雪1－2小時。(需要用少少力搓先會成形) 3. 取出麵糰，平均分成8份搓圓，轆平至比撻模的圓周大些少。 4. 整齊砌入撻模後，用叉在餅上拮大約9 - 12個小洞，再以200度焗15分鐘。(唔同牌子的焗爐時間都有少少唔同，一般我見到佢開始變金黃就OK) 5. 置於架上放涼備用，便是二重燒。 6. 將兩種已回軟的芝士輕壓混合，加入牛油拌勻，再10克糖拌勻。 7. 隔水蒸煮，一邊攪拌一邊加牛奶及檸檬汁拌勻，篩入粟粉攪拌勻，煮至糊狀，水唔好太滾，水熱到出煙便夠煮溶芝士，熄火並同時加入蛋黃拌勻即成。 8. 將蛋白打起大泡泡，加入剩下的糖，打至乾性發泡。(呢個會影響個撻識唔識脹起) 9. 將1/3芝士糊倒入蛋白糊，輕手拌勻，將混合物倒回芝士糊，輕輕拌匀完成。(呢個步驟最緊要輕輕手黎做，因為蛋白泡要保持脹脹的) 10. 預熱焗爐220度(上下火，放入水盆在底。 11. 將芝士糊倒入撻皮至九成滿。 12. 再於表面掃上一層薄薄的蛋黃漿。 13. 入焗烤至表面金黃，食得！(同樣因唔同牌子的焗爐溫差都有分別，所以時間就睇你肉眼同經驗啦。) #hinkicook #cookinghinhin #homecooking #hkfoodblog #instafood #foodie #photooftheday #hkig #iger #food #hkfood #instadaily #bestoftheday