#Repost @hongkongad with @make_repost ・・・ 【負面新聞都係新聞? - Attention 這回事】 "If you want positive press, you get no press. If you want press, then you cannot care about whether it's neutral or negative." 呢度好多朋友都做廣告 & Marketing，應該明白 Attention 係幾咁珍貴。 品牌如是，明星/個人品牌更是，因為你就係你自己嘅行走廣告✨✨ 今日趁大家應該都會討論 @jolamchok 時，分享一條我幾鍾意嘅訪問片段，內容係關於林作對香港媒體、Attention、負面宣傳嘅諗法。 「認為自己可以控制媒體的人太天真了。」 林作話當初區議會選舉為佢帶嚟好多負面新聞，而近年娛樂新聞對於佢嘅報道都係負多於正。 佢嘗試過擺脫呢個困境，但無論做咩都好，都不斷被人攻擊 & Keep 住有好多負面報道，因為呢一切都唔係佢控制範圍之內。 "If you cannot beat them, join them." 當 媒體 & Attention 集中係自己到時，你就有權講出任何你想講嘅嘢，推廣任何你想推廣嘅嘢📢 越了解林作，越明白佢係刻意搞大「#林鍾之戰」成件事。為嘅就係將 Attention 集中喺自己到。 經過噚日一戰，全香港無人不識林作 。 有人笑佢輸、外賣仔、周圍跑、冇膽量 ---- Well 你覺得佢會 Care 咩? 或者咁講，佢就係想你將 Attention 擺喺佢到。� 可能你覺得林作係一個 on9 仔，希望你睇完之後多多少少會對佢改觀，畢竟唔係每個人都可以有呢個抗壓力 & Mindset，願意用自己聲譽 & 人生去做呢一場「負面宣傳」實驗。 「好多人以為當我有壞新聞時生意就會好差，事實係相反。」 咦?點解會仲好生意嘅? 其實成條片仲有好多精彩內容，有興趣嘅朋友可以 Click 入 Bio Link 觀看完整片段，了解更多林作嘅思考模式 & 唔同睇法💡 🙌🏻🙌🏻 Thanks @denzity.io 嘅影片拍攝&製作，無論對答 &後期剪接都睇得好舒服😚 佢仲有同唔同界別嘅人做訪問，有興趣嘅朋友可以去佢IG留意更多! 🎥🎥🎥🎥🎥🎥 Follow @HongKongAd 廣告師，一齊睇更多香港廣告👀 . . #港告 #HongKongAd #廣告 #廣告宣傳 #香港廣告 #hkad #個人品牌 #原創 #林作 #媒體 #媒體報導 #負面宣傳 #香港媒體 #HKPR #公關

【 賣文時間／橫睇掂睇第三篇 】 _ 演藝界從來都是一場金錢角力和畀面派對，優劣成敗就看話事人怎樣拿捏。有些經理人願意揼本宣傳，為旗下藝人造勢，此舉無可厚非，只是有些天王巨星，早已升上神壇，地位崇高到一個有錢也未必能夠請得動他的地步，假若堅持跟對方講錢，就真的會失感情兼失面子，最新鮮滾熱辣的案例，當然是梁朝偉與無綫電視。 _ 事緣杜汶澤早前（4/9）在個人facebook帳戶開火炮轟大台，指出素來低調的「香港影帝」梁朝偉，為宣傳他有份主演的MARVEL電影《尚氣與十環幫傳奇》（Shang-Chi and the Legend of the Ten Rings）而罕有接受香港和海外多家媒體專訪 ── 就連「Do姐」鄭裕玲亦說，對上一次跟梁朝偉聊天已是2013年的事 ── 如此機會，按常理思考，有份訪問的記者和播放片段的平台，應該開心到嚟唔切，畢竟此君非別人，而是梁朝偉。 _ 偏偏大台總是喜歡「特立獨行」，專訪在無綫娛樂新聞台播出的時候，幕後竟然將畫面右邊的《尚氣》標誌，以模糊效果的方法遮掉，身為老闆的阿澤實在忍不住，便在facebook大罵：「點解TVB可以做到今日咁嘅成績？完全係來自自信。人哋部戲做宣傳，至俾（畀）個梁朝偉你，你Blur咗人個Logo，呢種風度真係世界級！」阿澤開聲「問候」，加上大台有原罪，所以吸引大批「花生友」鬧埋一份，只是「問題少年」又「病發」：這種打格方式並非甚麼新鮮事，以往我見到這些畫面時都會「藐埋一份」，但究竟何時開始出現這種「方丈好小器」的處理手法？ _ 根據江湖傳聞，原來與已故的「六嬸」方逸華有關。自2000年起，「六嬸」逐步參與無綫日常業務決策，同年10月底獲委任為無綫副主席，及至2006年5月底，再獲委任為署理董事總經理（2009年初坐正成為董事總經理），而無綫娛樂新聞台就在差不多時間開台（2006年6月25日啟播），直接向有線娛樂新聞台宣戰，當時負責開台的話事人，正是從有線過檔的娛樂新聞台創辦人兼節目總監余詠珊。不知道「六嬸」純粹想開源，抑或為日後賣盤「執靚盤數」，有次她與余詠珊談到，到底採訪藝人出席活動時拍下的片段，那些品牌有沒有給廣告費？如果沒有，就要「打格」！ _ 據知，余詠珊並不認同「六嬸」的看法，惟上司的命令不可不從，只好硬著頭皮幹下去，有趣的是，這一招相當有效，的確有品牌高層或者公關公司負責人，願意真金白銀花錢要求「走格」，而且為數不少，更試過因為收了廣告費，會要求採訪的記者在印有商標的活動佈景板前方「做扒」，大台這筆收入相當可觀，在不要與錢作對的情況下，就連開台時全沒「打格」的有線娛樂新聞台亦有樣學樣、維持至今，每晚在香港開電視77台和有線綜合娛樂台播出的《娛樂頭條E-news Headline》亦長期有「遮遮現身」。 _ MARVEL雖是國際電影品牌，但跟奢侈品牌的定位和性質完全不同，當然不會花錢向大台買廣告，而梁朝偉始終是無綫藝員訓練班出身，今次能夠躋身荷李活大製作，對普羅大眾而言，絕對是「香港之光」，大台「一反常態」不趁機叨光，反而死守所謂規則，在梁朝偉與廣告費之間選擇後者，決不開綠燈「走格」，成功示範企業僵化思維下如何將好事變壞事，實在可惜也可笑。 _ 原文刊於《am730》 標題：快問快答二揀一之梁朝偉與廣告費（2021年9月8日刊登） _ （16092021） _ #游大東 #游大東影視筆記 #梁朝偉 #尚氣 #尚氣與十環幫傳奇 #無綫娛樂新聞台 #TVB #shangchi #marvel #am730 @marvel @shangchi @am730hk #杜汶澤 #有線電視 #香港開電視 #余詠珊 #電視史話 @tonyleung_official #16092021 #shangchiandthelegendofthetenrings

【 伍家朗再獲品牌邀請推廣產品 】 _ 還記得七月底東京奧運開幕後不久，我寫了一篇呼籲讀者要關注港隊運動員Instagram帳戶的文章嗎？那時因為爆出羽毛球手伍家朗無辜遇上「波衫事件」的新聞後，感到異常氣憤，覺得與其花時間去責罵、去攻擊那些故意製造事端的無聊人，倒不如集中火力支持本地運動員，以實際行動改變大數據演算，吸引品牌注意，從而帶來更多曝光，提升他們的商業價值，重新緊貼世界潮流 ── 知名運動員的身價和叫座力本應媲美當紅藝人，獲不同品牌青睞。 _ 結果港隊不負眾望，奪得一金、兩銀、三銅，創出歷來最佳成績，令一班默默努力奮鬥堅持，卻寂寂無名的香港運動員，終於迎來港人空前關注，無論「有牌」抑或「冇牌」皆齊齊「彈起」，像羽毛球混雙「左手配」鄧俊文與謝影雪，早前頻頻出席公開活動，包括為ViuTV擔任《力圖打排球》的嘉賓和現身商台節目《口水多過浪花》接受「Do姐」鄭裕玲訪問。而即將在中國內地參加全運會的「花劍隊大師兄」張小倫，亦因為擁有「奇特體質」而獲TVB跟ViuTV邀請上節目講鬼故，其師弟吳諾弘（Lawrence），則獲邀與「馬拉女神」林明禎一同出席DESCENTE新店開張活動。 _ 至於本屬「獎牌希望」的伍家朗，雖然於東京奧運羽毛球男子單打分組賽止步，但人氣有增無減，截至周二（14/9）下午一時，他的Instagram追蹤人數已多達26.5萬，絕不遜於「另一個家朗」（金牌得主張家朗追縱人數為41萬），是香港少數IG粉絲數目能夠突破20萬大關的例子（何詩蓓與江旻憓等亦在此列），故順理成章獲品牌邀論合作，除了跟體育有直接關係的品牌外（如健康食品、健身中心等），餐飲品牌亦對他感興趣。 _ 繼早前與貴花田及王耀祖一同亮相「Holly Brown Channel」拍攝40分鐘訪問長片之後，伍家朗周二（14/9）與「ViuTV一哥」強尼和「滑冰女神」馬曉晴（Maisy Ma），一同出席「譚仔三哥米線」在旺角舉行的傳媒試食活動，擔任全新產品螺酸湯米線配海螺片及麻辣豬皮、椒麻涼拌魚爽肚和鳳梨藍碟花香梳打的推廣大使，事關家朗一向嗜辣，吃辣而爆汗帶來的感覺，跟自己在球場上盡力揮球爭取得分後一樣暢快。 _ 對於首次獲邀擔任餐飲品牌的推廣大使，伍家朗受訪時承認，自己尚要一段時間調整心情。「都會有少少唔慣嘅，因為始終（一直）接觸嘅都係體育範疇，或者喺球場上面出現會多啲，少啲出現喺商業活動，所以剛才（活動）個流程自己都需要啲時間去適應，希望未來如果真係再有呢啲機會嘅話，都相信自己係會愈來愈表現得更加自如。」 _ 伍家朗坦言，因為港隊在東京奧運獲得好成績，讓香港人認真關注本地體壇，令他與整個奧運代表隊都受惠，獲商業品牌洽談合作，這種情況是他成為全職運動以來首次出現，「我覺得係（有幫助）㗎，可能係張家朗喺東京奧運攞到獎牌，接連大家又有好多好成績，大家都愈來愈鍾意睇香港嘅運動員比賽，成個關注度大咗，自然會令到一啲商家，譬如今日譚仔三哥都會留意到呢樣嘢（邀請出席），之後就算有啲關於商業嘅嘢（品牌），可能唔會淨係請藝人，或者請明星，請KOL，都會考慮埋運動員呢一個範疇。」但他強調，只有在不影響訓練和比賽的情況下才會應邀出席活動。 _ 強尼因擔任《全民造星》主持而入屋，年僅21歲的靚女Maisy於2016年在冰島的Reykjavik International Games中得到花樣滑冰女子單人滑銀牌後開始受注目，再加上在羽毛球場上為香港博到盡的伍家朗，這個「三人組合」看似隨意，其實反映活動策劃者的想法：今時今日除了「紅到癲」的MIRROR與ERROR十六子是產品推廣必然之選外，本地運動員亦已漸漸成為商業品牌眼中的「潛力股」，相信日後他們出席這類宣傳活動的情況只會有增無減。 _ （15092021） _ #游大東 #游大東影視筆記 #伍家朗 #強尼 #馬曉晴 #譚仔三哥 #東京奧運 #香港運動員 #yautaitung #15092021