不好意思深夜出Post, 本身諗住休息到初五,不過今日收到情人節分手的心事投稿,急急腳就趕了出來
各位怎樣看?會鼓勵女主找男主講清楚嗎?
【Void心事台R006】
情人節突然失戀
我真係好心碎
我同宜家個男朋友係舊年四月係交友 app 識既,嗰陣我同上一個男朋友啱啱分手,分手原因係因為我睇...
不好意思深夜出Post, 本身諗住休息到初五,不過今日收到情人節分手的心事投稿,急急腳就趕了出來
各位怎樣看?會鼓勵女主找男主講清楚嗎?
【Void心事台R006】
情人節突然失戀
我真係好心碎
我同宜家個男朋友係舊年四月係交友 app 識既,嗰陣我同上一個男朋友啱啱分手,分手原因係因為我睇佢手機message 發現左佢出面有另一個女人,仲發生埋性關係,我好崩潰所以分左手,當時我好唔相信愛情,本身打算玩下交友app報復個 ex ,同埋想令佢覺得我過得好好,但估唔到就咁係app識左宜家個男朋友,我地一開始成日傾電話,佢同我分享左佢好多人生觀同愛情觀,又應承我一定會對我好好,令我慢慢放下心房信任佢,開始越黎越多同佢出街,一齊睇戲食飯參加唔同既 workshop,我一開始成日同佢講我未準備開始新一段戀情,佢話唔緊要,話無論要等幾耐都會陪著我,同我一齊療傷,陪我重新開始一段甜蜜健康既愛情。
當時我覺得好感動,佢係第一個會陪我傾電話傾到夜晚三四點既人、去戲院睇劇會買好爆谷同準備好紙巾、天氣凍既時候會記得睇我著衫同埋帶暖包俾我......我唔知呢啲舉動係大家眼中係唔係好普通,但我真係覺得好warm ,因為前幾個 ex 都唔會對我咁好,成日都係我照顧佢地多。後來我決定勇敢同佢一齊,因為我好怕再猶豫會錯過左佢同辜負左佢對我既好,所以係七月佢再認真表白既時候我應承左佢,嗰刻佢真係好開心,好用力地攬著我,佢開心既表情我到宜家都好記得。
拍拖呢幾個月佢都對我幾好,會關心我做野辛苦,又會煮好野俾我食,但佢今日突然之間就係 whatsapp 打左篇千字文同我講分手,我從來都無諗過,佢話佢好攰,覺得段感情一直由佢做主導,而我太被動,好似佢唔搵我我就唔會搵佢咁,話今個情人節佢無約我其實想等我約佢,但只有收到簡單既 “Happy Valentine’s Day bb ❤️” message ,不過佢話呢個只係導火線,拍拖7個幾月之後發現我地唔係好夾,嫌我份工工時太長令我地好少機會見面,同埋見面有時我都掛著覆公司 message 唔係好專注係佢身上,當佢想要做愛既時候我又有唔同藉口推托......種種原因令佢覺得我地好難可以繼續一齊,佢會好好祝福我搵到下一個男朋友。
我唔知道可以點做好,個心好痛好痛,我打電話俾佢又打唔通,whatsapp 佢就一個剔,想去佢屋企搵佢又唔敢,因為以前只係去過佢屋企一次,佢同屋企關係唔好,屋企人唔鍾意有人黎,我先突然發現,兩個相愛既人,原來聯繫可以話斷就斷,原來一個人唔想俾你搵到,你地可以完全變成陌生人。我唔知道自己係唔係做錯左咩其他野,如果俾我再黎一次,我會主動去計畫第一次情人節,我會多啲同佢溝通了解佢既諗法,我會更加熱情咁回應佢既需要,但我唔知道,我係唔係已經無機會再同佢一齊經歷番我地有個既溫馨時光。我對自己越黎越無信心,我唔明點解佢要咁狠心離開我,點解我個ex當時係出面要有第二個女人,係唔係我真係太差所以根本唔值得被愛?我諗,情人節會係我永遠既傷痛。
小編的話:
情人節/聖誕節突然”被通知”分手,估唔到會咁戲劇化,但有時人生真係會TVB過TVB 的老土劇情。 我唔知道你地真正的分手原因係咩,我相信連你都未必好清楚,但好肯定你好著重呢段感情,但宜家就唔知點算;自己一個諗做錯啲咩有時未必係最好,如果係安全理性情況下,既然你都知道你男朋友住邊,會唔會考慮直接去搵佢傾傾?應該沒有可以輸的事情了對嗎?唔係話要挽回,要的係一個清楚明白的對話;如果之後會後悔的話是一件好痛苦的事;一句對不起,一句多謝,會比放在心裏的千語萬語更好。
#Void心事台 #香港情侶 #香港愛情故事 #情侶 #couple #愛情故事 #愛情 #lovestory #情人節 #情人節分手
小編的話為小編個人回應;
回應不涉及任何治療、診斷;如有不同想法,一切以你為準。
***投稿者有留下驗證碼,可能會有續集和投稿回應
***小編查證網上無重覆內容
--------------------------------------
每一個心聲也值得被重視;
你會想分享你的心事給大家嗎?
歡迎大家LinkIn Bio投稿【Void心事台】
期待收到大家的故事 ☺️
***投稿內容不代表本台立場
***切勿重覆投稿
***暫時每天出稿有限,投稿後請耐心等待🙏🏻
交友app傾咩好 在 Facebook 的最佳解答
《緣份》
♂:喂,你信唔信緣份?
♀:所以今日我地傾既主題就係緣份?唔信,一切都係巧合
♂:我地可以傾計都係巧合?
♀:係,可以係你,可以係其他人,可以係任何人
♂:我唔同意,我因為你既名所以搵你,而你因為我既名,所以接受我邀請
♀:繼續
♂:我係芸芸人中,揀左你,而你亦係芸芸人中,揀左我,一切都係經過選擇,唔係巧合
♀:的確我係排除左好多人,但唔代表有緣份,所謂緣份,只係男人欺騙無知少女既藉口
♂:六合彩要中晒六個字,係巧合,係隨機既抽取入面,即使再細,都有一個機率係度,但人與人之間,每個都唔同,你會因為時間、地點、心情無數因素影響你決定,所以唔可以用機率同巧合去解釋兩個人既相遇,只要你尋日心情有少少唔好,或者你有推銷電話打黎,都可能會錯過,不過,無發生到,而你亦禁左我
♀:好,你呢個解釋幾有說服力,我嘗試接受有緣份既存在,不過我都係唔信緣份
♂:存在同信,有咩分別?
♀:我唔信緣份,亦唔會因為你所講既緣份而對人有多一種感覺,呢度我閒閒地都禁過成百人,以你所講,全部都係緣份,但仲留低到既,一個都無
♂:緣來緣去,或者係緣盡
♀:如果緣有盡時,咁你又知唔知我地幾時緣盡啊大師?
♂:唔知,但到緣盡時,我地就會知
♀:咁人可唔可以改變緣份
♂:呢個係命運同埋自由意志既問題喇
♀:ok,咁講返緣份,我唔信緣份,只信自己,我想同呢個人有緣就有緣,想同佢無緣就無緣
♂:緣份既野講唔埋,或者你平時一定唔會喜歡呢種人,但係特定時間地點,你就會違背自己一貫作風喜歡一個唔應該喜歡既人;又或者一個你好喜歡既人,環境令你地無辦法同對方一齊
♀:其實……我想問一個問題先,你依家係唔係溝緊我?
♂:唔係,我連你係咩人咩名都唔知,如果咁就要溝你,咁都幾奇怪
♀:玩得交友App,大把呢種九唔搭八既人
♂:交友App,應該係交友,而唔係搵男女朋友掛
♀:男同女,都幾難有純友誼
♂:離題喇,純友誼存唔存在,有排講
♀:好,我知道你唔係溝緊我就得
♂:不見,溝到仲慘過異地戀
♀:係好慘,所以唔該你唔好有呢個打算
♂:暫時無
♀:暫時?
♂:你可以肯定到將來既事?
♀:我強烈建議你連暫時都唔好諗
♂:呢個可能性,重點唔係我身上,而係你身上
♀:我會記得你講過呢句,同時杜絕呢個可能性出現,多謝你提醒
♂:緣份既野,我勸你唔好太肯定,話唔定你黎緊當黑,然後做錯既決定
♀:有心,我做人大部份時間都好清醒
♂:做人有時太清醒都幾辛苦
♀:呢點我認同你
♂:多謝
♀:訓先,再唔訓就真係唔清醒
♂:聽日到你講題目,筆友,晚安
————————
長傾·不見@筆友
https://bit.ly/LongchatEP1
交友app傾咩好 在 贏馬Wymma分身 Facebook 的最讚貼文
我斷斷續續都玩左五年市面上既交友Apps
而家既交友apps純交友,真心玩唔過
玩到我都想搵人合作研發一款交友apps出嚟🤦♀️
等真正交友既人有個好平台識下朋友🤧
。
呃女方個個男5年都見到佢張相
佢個件綠色衫同埋仲有一張著和服既相
我真係打左格都認到😂😂😂
男方同apps都有幾個AC
而家所有交友apps 都充斥住各類Sell
就算 普通傾偈 都要好好過瀘
交友Apps中 過份熱情 極快問whatsapp
都係sell味濃
其實只要唔換whatsapp
再睇下佢講嘢會唔會前文不對後語
好快睇到
又或者叫對方比電話你
你上網check下佢個電話
我試過check 8成都係比人標左係Sales😇
。
題外話:某sweetxxxx 真係我見過最多marketing 玩既地方😂😂😂
可能因為唔洗配對就同對方講野
佢地個profile通通都係 marketing同經商😏
。
最近最常聽到開場白
不論我講咩
第2句都係旺角好多野食😂
。
最後強烈建議:
入世未深既人,千祈唔好玩交友app😇
#騙徒既手法係真係層出不窮架❤️
交友app傾咩好 在 PrideLab Facebook 的最佳解答
【性事傳紙仔】除左趁新年去廟宇拜月老求姻緣,想出Pool想拍拖嘅你仲需要知道6件事:
1️⃣唔好咁多「以為」
無論你係點樣識到對方,第一次同對方單獨dating,你就當係正常出去食餐飯、傾過偈,先唔好用對方嘅性/別氣質判斷一切,又或者一路驚人哋唔鍾意你,心大心細諗完一輪搞到自己緊張埋。😖
香港嘅朋友,而家約夜晚出嚟就難啲,咁咪約晏晝囉。即使你傾到中途覺得好似冇咩好傾,氣氛撠撠地,個vibe唔係好啱嘅話,仲有機會話自己有其他活動要走先。你舒服得嚟,對方都好落台。👌🏻
-
2️⃣“Face-to-face time” 省卻誤會
而家有好多交友app可以畀你睇樣先決定要唔要傾偈,但畢竟嗰啲平台都係強調外協,你係想交心,唔係交媾嘅話,最終都係講求雙方價值觀同生活態度。試吓畀個機會自己,唔好再秒回人地text,直情約出嚟,或者開個虛擬meeting。見到對方即時嘅表情同反應,好過你估人哋message裡面啲表情符號啦。😎
-
3️⃣第一次約出街應該去邊?
好多人會諗到去睇戲,因為可以坐得埋啲。但話明第一次,應該係盡可攻退可守。如果對方係網友,擔心自己人身安全嘅話,咁咪約日頭去一個公眾地方,唔想掃描QR code嘅話,香港仲有好多露天地方,行吓、坐吓都得架啫。🌞
唔好忘記上面提過,真人互動最特別之處,就係你可以睇到佢當刻嘅反應。成個互動過程,包括說話同身體語言,雙方都不停摸索同埋彈性判斷,好似跳tango噉。
-
4️⃣每個人都有第一次...同陌生人傾計
好多人都驚唔知點開口,其實每個人都有第一次,專家都係透過累積經驗先做到專家啦。所以唔使擔心自己講嘢唔夠charm,或者奇奇怪怪。如果你怕出事,可以先多觀察對方反應。從你有興趣嘅題目開始講,睇吓對方回應。如果雙方係傾得埋嘅,咁咪繼續傾囉。但係如果佢冇興趣,或者聽唔明,就睇吓對方仲有冇野想延伸或者問返你。
一個對話一定會有give and take,亦即係話,唔會得其中一方講晒。如果你好鍾意講嘢嘅話,就唔該留意吓對方會唔會因為你熱情嘅反應而冇機會回應,至少計下對方回應你嘅次數。咁如果你係相反,比較慢熱嘅朋友仔,就試吓用眼神、笑容,或者用停頓(即係唔出聲,淨係點頭)去表示你需要一個停頓去回應。
-
5️⃣做最舒服嘅自己
如果你想舒舒服服同對方一齊嘅話,咁就唔好一開始做啲根本唔屬於你風格嘅打扮啦。你可能會覺得:大家都睇樣食飯㗎喎。我唔係叫你着到好似落街買飯噉,而係你唔需要夾硬做一個根本唔屬於你嘅角色出嚟。性格同立場都係,如果你同對方係有分歧,譬如你食開肉,對方係食齋嘅話,咁咪揀個兩個都可以舒服做自己嘅地方,唔使一下就迫自己180度改變。性向同浪漫傾向都係,每個人需求都唔同,真係要表達出嚟,對方真係get到,先係磨合嘅開始。你可能覺得為對方改變自己好偉大,對方覺唔覺得係咁,其實係另一件事。你一時迎合到對方鍾意嘅風格,都無辦法迎合到一世。因為你係你,佢係佢。
-
6️⃣人揀你,你揀人,相信自己直覺
最後都要講返老生常談,就係唔使太擔心對方點樣睇自己,自己都要撫心自問,究竟真心有幾鍾意對方。通常佳節前後,就會單身朋友好恨(為拍拖而)拍拖嘅時候,覺得拍拖就可以好開心 ➡️ 可以買好多嘢氹對方開心 ➡️ 放閃好多人羨慕etc。撇除一堆送禮物洗錢嘅嘢,一段交心嘅關係當中,使錢嘅部份只係佔一部份。咁當然會有人覺得自己有錢,送嘢、請客自己happy,但係呢個方法唔係永恆道理,至少錢綁唔得曬人心。
穩定嘅關係需要時間同對方磨合同溝通(而溝通唔係口不對心仲要人估嘅嗰一款)。唔好忘記,你有自己嘅價值觀,如果今次遇到嘅對象你係覺得麻麻地,咁咪做住朋友先囉。關係嘅嘢冇咁快一步登天😘
—————
#情人節 #出pool #性事傳紙仔 #感情 #關係