6/4-12/4 新聞概要📜
.
6/4
-國慶遭警開槍擊中學生被控暴動及襲警，6月再提訊
-區諾軒以揚聲器襲警罪成，法官指其行為有惡意
-17歲女學生衝突現場藏𠝹刀，今獲撤控兼獲批訟費
-「晨光萬事屋」助手足配對搵工：衣食住行都要俾自己人賺
-議員關注特首疫情下仍獲加薪，特首辦：有既定機制處理
-...
6/4-12/4 新聞概要📜
.
6/4
-國慶遭警開槍擊中學生被控暴動及襲警，6月再提訊
-區諾軒以揚聲器襲警罪成，法官指其行為有惡意
-17歲女學生衝突現場藏𠝹刀，今獲撤控兼獲批訟費
-「晨光萬事屋」助手足配對搵工：衣食住行都要俾自己人賺
-議員關注特首疫情下仍獲加薪，特首辦：有既定機制處理
-美眾議員：中國向法國提供10億個口罩，換取華為參與建設 5G
-曾與博愛確診老翁同房病人及員工未有人檢測呈陽性
-派一萬元料七月申請，政府研系統日後可重用
-Yellow factory今登記預售5000盒黃口罩，印「五大訴求缺一不可」英文簡寫
-本港新增左24宗確診個案，其中5人乘專機由秘魯返港，累計914宗，4人死亡
7/4
-黃大仙女子墮樓，飛墮行人路身亡
-申終極上訴被駁回，五警罪成終局裁決，七警案全案審結
-3中學生涉警署外投擲汽油彈其中1人准保釋須守宵禁令
-警方起訴兩名港鐵車長涉去年十月列車撞石躉事故
-東涌延線增兩車站，料2029年竣工
-明起航班抵港人士須即坐專車往世博館留深喉唾液樣本
-特朗普質問是否為中國工作，鳳凰衛視記者否認：我為香港工作
-黃加慶就送錯尼泊爾男子致歉，料因名字叫錯看錯或聽錯
-本港新增左21宗確診個案，累計935宗，4人死亡
8/4
-選舉事務處：立法會換屆選舉暫定9月6日投票
-區諾軒案外判主控官，同名同樣 FB 帳戶政見深藍，罵示威者「黃屍曱甴」、法官「人渣垃圾」
-19人被控理大外參與暴動，控方須檢視逾9千小時影片，再押後3個月
-涉拒捕管汽油彈，消防員遭加控非法集結罪續還柙
-員佐級協會禁公眾查閱選民登記冊司法覆核敗訴
-瑪麗醫院一名病人用圍巾綑縛頸部及病床手拉架後不治
-政府動用210億元支援16個行業
-特首及各主要官員未來12個月減薪一成
-港鐵：7月起持八達通乘客每程車費減兩成，為期六個月
-武漢解封料今日逾2萬人坐火車往珠三角地區
-本港新增左25宗確診個案，包括2個月大嬰兒，累計960宗，4人死亡
9/4
-上訴庭：緊急法合憲，禁蒙面法部分違憲
-港台記者去年北角被揮棍打傷，警方經七個月調查完成無人被捕
-被控藏鎅刀面罩等武器，16歲男生獲撤控，控方：未能從逾百小時片段發現被告
-旺角警察體育遊樂會收信件內附白色粉末
-議員促鄧炳強追究警員大埔棍毆中學生，李家超搶答斥不實指控，應向投訴警察科提證據
-楊岳橋稱公民黨議員傾向捐部分薪酬助黃色經濟圈
-警方：反修例運動用逾1.6萬枚催淚彈，1400樽胡椒噴劑；實彈19發；用警棍僅 104 次
-4.11起檢疫人士入住隔離營十天後可返家繼續檢疫
-當局接獲1200多名在外港人求助分佈62個國家
-本港新增左13宗確診個案，累計973宗，4人死亡
10/4
-向警索取個人資料片段，女事主稱被要求收取五萬至十萬
-區議員反對旺角警署餐廳續酒牌，批工作時間賣酒不合理
-28歲警員涉嫌盜用他人信用卡購買手機被捕
-美容院、按摩院停業14天至4.23
-楊潤雄：如確診續回落，本月24日文憑試開考機會相當大
-眾志將推逾百萬個「自救口罩」，成本價售予黃店推動黃圈，將與渣哥、桔梗等合作
-消息指東區醫院危殆病人使用人工心肺機，危殆男警病情稍好轉
-動物森友會被內地電商平台下架
-本港新增左16宗確診個案，累計989宗，4人死亡
11/4
-兩學生分別管有非法用途工具及攻擊性武器案押後再訊
-葵廣黃店成懲教私家飯供應商，東主：唔想做呢啲嘢，但希望手足有啖好食
-民間集會團隊發言人劉頴匡倡初選，望本土抗爭路線能進議會
-百多名需隔離警員暫未有人初步確診
-袁國勇：新冠病毒較沙士更快在肺部複製，疫情無可能七月前消失
-金額最大一宗網售口罩騙案，診所被騙2千萬元
-本港新增左11宗確診個案，累計1000宗，4人死亡
12/4
-拒服務撐23條市民，民政恐嚇唔出糧，元朗區議員林進：絕不屈服
-新工會成立申請海嘯式上升，勞工處再調人手處理見困難
-黃偉綸：政府重視大嶼山保育，顧問公司3區作生態調查
-屢被指針對黃店巡查，食環署長：食肆若被檢控，或不獲第二輪資助
-陳茂波預計派一萬元計劃6月尾接受申請7月派發
-有旅行社擬下月復辦內地團，陳肇始籲市民非必要勿離港
-日本撥22億美元助企業撤出中國
-本港新增左4宗確診個案，3月中以來首次錄得單位數，累計1004宗，4人死亡
五大訴求缺一不可英文簡寫 在 梁祖堯 Facebook 的最佳解答
免費廣告系列：去旅行嘅味道！鰹烏冬
今日要處理生活雜務，例如去運輸署搞下行車證，出城買生活補給品，冇得耕田，個心囉囉攣。去咗兩間黃店都要等 1.5小時以上，雖然內心覺得非常感恩，因為呢個時期要排隊嘅基本上都只係黃店，但係血糖越嚟越低，見到一間舖頭，冇乜表過態，姑且稱之為綠店，入去食，食完，完全冇feel。食物質素冇心機，價錢又唔平，一肚氣。
之後揸電單車走，漫無目的由深水埗站去長沙灣，平時永遠唔會行果條路，點知行行吓奇蹟就出現，竟然見到一間舖頭外面有天婦羅嘅相，立刻響呔停車，開個app查一查，OMG，黃店！那管30分鐘之前先食飽飯，決定再食一餐！彌補心靈嘅創傷！
偉大嘅天父就係將我帶咗嚟，鰹烏冬!!!!!
我去日本最鍾意食一樣野，天婦羅。平嘅貴嘅都食過，暫時我喺香港冇食過似樣嘅，今晚竟然比我食到！
記得果次喺沖繩食咗一間好精彩嘅天婦羅小店，基本上係超級地道，老闆英文都唔識，好彩而家有科技，用手機努力溝通之下，老闆話俾我聽天婦羅其實係蒸嘅料理。外面脆脆嘅將包住食材，然後喺裏面用水蒸氣將食材蒸熟，所以外脆內Juicy，而且唔可以有油膩感。更加重要嘅係，一定要即炸即食，係日本，基本上係炸一舊，食一舊。鰹烏冬，雖然天賦樂唔係主角，但係絕不馬虎，我入到呢間餐廳第一樣送上嘅天婦羅已經令我喜出望外！簡單啲來講就係我覺得食過全香港最好食嘅天婦羅。喺心裏面大叫，不枉我停車食多餐！
講返主角烏冬。我坐嗰個吧枱位，對正部壓麵機，原來呢間店嘅烏冬係每日手工製作！未食已知唔講得笑。烏冬有冷有熱，我和朋友叫了一冷一熱，務求一網打盡。
熱烏冬，嗰個鰹魚清湯，廚師話每日朝頭早7:00用新鮮食材淆製完全冇加味精，就連豉油都係自家製作!!!!!完全係日本學師，正宗日本嘅稻庭烏冬做法。熱烏冬加埋呢個清湯加埋生雞蛋，真係好好食！
之後凍烏冬。完全感覺到乜嘢叫做自家製嘅烏冬，因為嗰種煙韌，又帶有小麥嘅清香，我呢一刻夜麻麻寫到黎呢一度，都非常之有生理反應，已經好掛住！
完全想像唔到長沙灣會有一間專家級數，味道咁精緻，而且手藝超高嘅烏冬小店。
仲要係良心店。
其實香港有好多好用心嘅良心小店，等緊你去發掘。嘗試吓改變自己貪方便，費事諗食乜就食連鎖店嘅習慣，而良心店亦都唔好等到告急先至去。一齊好好守護呢個黃色經濟圈。
多謝鰹烏冬。喺疫情之下，好似飛咗一轉日本,開心，滿足。
https://www.facebook.com/%E9%B0%B9%E7%83%8F%E5%86%AC-Katsuo-Udon-%E8%AE%83%E5%B2%90%E7%83%8F%E9%BE%8D%E8%A3%BD%E9%BA%BA%E6%89%80-2144717439149887/
#免費廣告系列
#鰹烏冬
#天婦羅
#烏冬
#黃色經濟圈
#良心餐廳
#五大訴求缺一不可
@ 鰹烏冬 Katsuo Udon 讃岐烏龍製麺所
五大訴求缺一不可英文簡寫 在 孔明 Facebook 的最讚貼文
我聽日結婚了
好想將呢個消息同一直跟隨住我嘅讀者講一聲，希望得到讀者嘅祝福，畢竟讀者喺我人生之中都佔咗好大席位。
當然，因為疫情關係，所以已經將婚宴改期，聽日只係做一啲簡單簽紙儀式，不過簡單還簡單，我都係有點兒緊張。
我呢個未來老婆好好的，亦慶幸我可以遇到，佢單純善良，處處會為身邊嘅人著想，各方面都好努力投入。
有一樣嘢係好神奇，喺我寫《宅女》個最終結局時侯，我喺到諗劉啟明嘅老婆應該叫咩名好呢?
諗嚟諗去，唔知點解腦海浮現出一個英文名，於是就用咗呢個英文名作為劉啟明嘅老婆角色
巧合地，呢個名正正就係我老婆個名，劉啟明呢個角色根本就係我嘅人生寫照。
我愛你，Kate
望返日子，我已經有一年時間無寫過任何故仔，唔計新書故事，對上一次個故仔已經係《台中清境夫婦》
亦都係我第一次咁耐無寫故嘅日子，諗起書展時侯每一位讀者都同我講 :「孔明，你要加油，真係要加油!寫多啲故仔比我地睇。」
我完全感受到讀者對我嗰份期望，我亦都有愧於你地。
過去一年，發生太多事情
生活、工作、籌備結婚、電影、出書、買樓、裝修同埋反修例運動
種種事情一直都壓抑住我，身體都出現毛病，大不如前，情緒更係低落
我呢家經常無意識地緊握拳頭同手震，我諗呢啲反應係對我作出一個警號
未來老婆經常好想我重拾以前狀態，攪返好個身體
我唯有言聽繼從，盡量配合，我都希望有個新嘅開始，亦都希望可以寫更多更好嘅故事比大家睇
努力喺嚟緊書展前能夠寫本新書比大家睇
另外，都想借呢度講下對於抗爭嘅感受
唔知大家幾耐無講過「光復香港、時代革命」嘅口號呢，又或者大家社交平台仲有冇見到「五大訴求、缺一不可」嘅字眼呢
最近「鬥黃」嘅自亂局面，令人心痛
當大家知道敵人喺邊到，點樣對抗敵人時，大家就會好團結咁一致對外
但當敵人無行動時，我地就會開始內鬥，互相指責批評
五年前雨傘革命就係咁樣被內鬥而結束
我好早之前都講過一樣嘢
無論黃色經濟圈idea幾好，無論有幾出名嘅KOL或Youtuber支持都好
現實問題係，一涉及利益、名氣同金錢，就會將成件事複雜化起嚟
亦成為立心不良嘅人利用嚟謀利嘅一個手法
希望大家付出金錢前，好好判斷清楚你究竟比緊錢比咩人
認真思考對方出發點係咩，認真諗下係咪得呢種方式去支持
如果你覺得對方係值得支持，咁你就去支持
如果你覺得對方係有私心有陰謀，咁你就可以唔支持
每個人都有自己選擇，鬥黃根本無意思，因為網絡上面，你永遠唔知道對方係一個咩人，個心諗緊咩嘢
敵人從來唔係呢度，敵人一直都係極權嘅軍政府
唔講最近疫情下黑警同軍政府點樣不斷縮減人民自由
就嚟緊立法會選舉，建制派自從區選輸咗之後，知唔知做咗幾多嘢?
佢地幾乎一致對外，為咗立法會選舉而改革
如果我地抱住區選大勝嘅心去看待立法會選舉
我敢講
只會大敗
所以，大家真係唔好再鬥嚟鬥去，一致對外好嗎
上星期搭緊巴士時侯，手機播住藍奕邦首「六月」同梁天琦唱嘅「十八」
一聽之下，眼淚湧現，腦海種種回憶好似回帶咁不斷湧出，情緒變得激動起嚟
我唔知道將來講抗爭、叫口號時侯係咪已經變成少數
但我從來從來從來都唔會忘記付出同犧牲過嘅手足
那怕將來成為少數，我、孔明都會一直堅定抗爭落去，利用我個身份同網絡平台去維持
希望大家同一樣，勿忘初心，唔好放棄
光復香港
時代革命
五大訴求
缺一不可
好了，我準備「上頭」了，聽日仲要勁早起身
預先感謝身邊嘅朋友祝福，感謝家人一直支持，感謝一班兄弟姐妹、感謝阿joe、同幫手籌備嘅朋友
無論聽日點都好，都感謝你們付出
希望聽日結婚順順利利，開開心心
將來再同大家講多啲同老婆生活嘅事
又或者多咗唔少題材可以寫下
不過我之前寫咁多夫婦失蹤...變鬼...冥婚..
希望我之前筆下寫過嘅故仔唔好成真！
祝我結婚順利！新婚快樂！
五大訴求缺一不可英文簡寫 在 可晴 Facebook 的精選貼文
藍黃其實都唔止係政見，係智力、質素、水平嘅分別。 反修例唔單只係表達對中國司法嘅不信任、拒絕移交大陸審訊，其核心價值其實係反共、拒絕大陸化。
講真，都未去到追求民主自由咁高層次嘅嘢，講返基本人民質素，黑心油、毒奶粉，甚至乎講近啲，Costco 喺內地開業一片混亂嘅狀況，都完全反映到中國人係幾咁令人反感同討厭。
世界上冇無緣無故嘅「憎」，望住香港俾劣質嘅內地製造入侵，以住高規格嘅標準逐漸被大陸人拉低，家陣連個路牌都樣衰過人。香港人唔想承認自己係中國人係有原因㗎。
香港人，今日港島見！
#五大訴求 #缺一不可
========================
【劣幣驅逐良幣】香港引入中國劣質路牌
⭐️限速標誌劣質字體：辨識度降低⭐️
前日我地收到讀者報料，話林士街天橋有塊路牌字體有啲怪。我地隨卽派員到塲調査，發現嗰一塊速度限制標誌用咗中國標準，「80」用咗美國嘅 Highway Gothic 字體。
你可能會話：「吓，字體姐。中國同香港標準可以有咩分別？」
香港嘅路牌字體係來自英國嘅 Transport；而中國嘅就係來自美國嘅 Highway Gothic 字體。英國 Transport 嘅特色係係經過多塲科學實驗而設計嘅字體，駕駛者高速駛過嗰陣都可以淸晣睇到。
但係美國 Highway Gothic 字體係沿自民間手工繪製嘅字體，設計輕率粗糙，未有處理細節。更加重要係，Highway Gothic 設計時無經過任何可讀性測試。有唔少實驗結果顯示，呢套 Highway Gothic 字體辨識度好低，夜間閱讀時會令人感到頭暈，更大機會引發交通意外。所以採用啲咩字體，唔單止係視覺美感嘅考量，更加重要係要顧及駕駛者習慣同道路安全。
返返嚟林士街天橋呢塊路牌，你會發現「8」同「0」兩個字；一粗一幼，而且字體被強行壓縮過嚟，從而顯得生產時監工係如此參差。
（註：「8」字用咗 Highway Gothic Series E，「0」字用咗 Series D）
⭐️幼身大陸字體：夜晚睇唔到⭐️
另外，係荃灣西站一帶亦有一批新路牌疑似被中國化。雖然英文仍然係 Transport 字體，但中文轉用中國標準字體（陸標）。除咗佢嘅寫法同香港路牌用嘅「全眞粗黑體」有異，你會發覺呢隻陸標字體比較幼身。
路牌用較幼字體有咩問題？用係白色路牌度就大問題喇。因爲路牌採用反光物料，響強光下，白色路牌嘅底色會蓋過啲黑色文字；簡單一句，夜晚近乎睇唔到啲字。
⭐️點解會用咗中國標準？⭐️
其實運輸署對交通標誌有非常嚴格嘅要求，其中《Transport Planning & Design Manual》有成700幾頁規定交通標誌同道路劃綫嘅標準；無論字體、尺寸、反光物料都有規定。我地相信呢批路牌並非由監獄生產，而係由政府外判出去生產。然而政府部門未有做好把關工作，未有檢査該批字體是否符合香港標準。
我地唔係盲反中國標準。但種種結果顯示，香港比中國路牌標準更爲優良。爲咗保障道路使用者，我地唔應該貿貿然轉標準，劣幣拒絕良幣。
文 Gary Yau
攝 JC Leung
圖片來源：道路研究寫