【龔成問答信箱】（Q21741-Q21760）

Q21741：

老師，如一個新手剛入股市卻遇上跌市, 剛買的股票即買即跌可以點做?

因為新手, 心理質素不夠強大, 好容易驚唔知發生咩事, 以為股災, 請問你會有甚麼建議？

龔成老師：

第一，你要了解自己所買入企業的業務，只要清楚，就不用擔心。

第二，了解股價下跌原因，是短期因素，還是企業核心有問題。

第三，將焦點集中翻企業，而不是價格。

第四，如果你每次股價上落好大心理壓力，就不宜投資高風險股，可轉到一些股價較穩定及收息類的股。

------------------------------------------------

Q21742：

你好 ,龔Sir, 我日日睇你個 page, 多謝你教嘅理財之道! 知道好多人問你投資問題, 但都希望你可以抽空回答我, 感激不盡!

本人33歲, 有家庭(兩位小朋友), 以下係現有嘅組合, 想龔Sir幫忙睇下有咩野要改善 (太散?太亂? 有冇野唔應該keep要賣走?),

同埋有一筆定期 (10萬港元黎緊到期), 想睇下龔Sir會建議點樣運用 (可唔可以再入少少房託 / 6823作收息用? 入幾手3067? 買資源股如龍源電力, 信義能源??

定領展 / 小米??), 十分謝謝!

收息股 約佔組合51%
陽光房地產基金 5手 @4.12
越秀房产信托基金 4手 @4
置富产业信托 4手 @7.18
富豪產業信託 5手 @1.51
郵儲銀行 2手 @5.96
香港电讯 2手 @10.86
越秀交通基建 1手 @5.32
深圳高速公路股份 1手 @7.55
新創建集團 1手 @8.9


其他 約佔組合19%
長城汽車 3手 @21.85
南方Ａ５０ 5手 @19.99


新經濟股 約佔組合31%
京東集團－Ｓ 1手 @292
美團－Ｗ 1手 @285.8
快手－Ｗ 1手 @257.8
舜宇光學科技 1手 @165

龔成老師︰

你現時組合數量太多，長線維持10隻左右好了，會較易管理。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

你現時持股，質素上係有，但有2個較大問題存在。

首先，以你現時33歲去計，應先集中做好財富增值部份。策略上，你應投資「平穏增長股」和「潛力股」這類有增長力股票。

但你現時組合，郤一半是「收息股」。佢地係有質素，但增長力好弱，會拖慢你財富增長速度。除非你個承受風險能力好低，否則唔建議持有太多。

第二，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

你現時房地產類別，有少少集中，要注意。

現有收息股，建議你最好沽出部份，換至有增長力股票，長線會對你較有利。

至於其餘持有股票，包括你計劃投資的龍源電力(0916)、信義能源(3868)都有投資價值。

但信義能源（3868）不能投資太多，因為佢業務都有風險的，要注意股價波動，如分注長線都可以投資。現價合理區頂位，之前略貴。

將來投資，你可以集中「平穏增長股」和「潛力股」。如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，可視乎你當時投資經驗多寡和了解這些股票程度而定。

現時大市只在合理水平﹐唔算好平。你定期的10萬，我地就等機會，當大市出現較大回調，就加大力度掃貨，然後作長線投資。

另外，定期這類定息產品，增長力好低，同樣唔適合你年紀，暫時唔好再用。

------------------------------------------------

Q21743：

龔成老師你好，想問下
泡泡瑪特，79.35蚊入
聽日公布業績，依家係咪一個適合嘅時候去溝貨？

另外京東健康，120蚊入
幾時可以溝下貨？

龔成老師︰

首先，我想你確認自已是否理解"溝貨"與"分注"的分別。溝貨是愈跌愈入，同時不理企業質素，不理自己的設定金額，盲目去入。分注則是「一早定好買入策略，一早定好本金總數，並以有策略的模式進行」。

如果你係"分注"的話，你可因應平貴和質素，去進行。若是"溝貨"，就不是再入貨，因為再平，都只會令你增加風險。

Pop Mart泡泡瑪特（9992）是一家覆蓋潮流玩具全產業鏈的一體化平台，當中包括藝術家發掘、IP運營、消費者觸達及潮流玩具文化的推廣。

根據弗若斯特沙利文報告，分別以2019年的零售價值（市場份額為8.5%）及2017年至2019年的收益增長計，集團是中國最大且增長最快的潮流玩具公司。

合作伙伴中不乏知名品牌，好似迪士尼、HELLO KITTY等等。而產品中，最為人所認識就是"盲盒"，此銷售模式為集團貢獻不少。

雖然中央規管會有負面影響，但長線質素和發展前景依然係度。2019年純利為4.5億，但現時市值郤超過700億。現貨若佔組合比重唔，可持有。但在這個水平加注，風險太高。

由京東（9618）分折出來京東健康（6618）其業務主要提供線上線下的醫藥出售和健康管理服務，業務布局包括醫藥電商、互聯網醫療、智慧醫療解決方案、健康服務等4個大板塊。

京東健康旗下京東大藥房，更是內地線上線下收入規模最大的零售藥房。其互聯網醫院，日接診量超過10萬次。

質素上，京東健康是有的。但要做估值好困難，佢未有盈利之餘，不確定性都大，但市值郤去到3500億以上。

只能說，而價計依然唔平。若你只是小注，可以守。

------------------------------------------------

Q21744：

sir,又想問問你，你說現時恆指23000左右是便宜區，那麼我大概也是在這範圍開始分注入市。我打算動用50萬買下面既股票：

1. 1810 （用50%的資金）
2. 1585 (?%)
3. 136 (?%)
4. 558 (?%)
5. 3738 (?%)
6. 8606 (?%)

因為小米較穩健我有信心所以用50%的資金投入，sir其他你會建議我點樣分配資金？邊隻高比例d，邊隻細比例d？可以比個數據我參考嗎？謝謝成哥！

龔成老師︰

你好年青，只係20出頭，投資選項上可以較進取。

但你要留意，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

你持股中有主要係潛力股，佢地雖然有增長潛力，但同時波動風險都唔細，故不宜持有太多。以你年紀，最多佔5成好了。若你投資經驗較弱，要再調低至3成以下。

而你所講潛力股，除了小米(1810)係較優質外，其他都係風險較高類型，只宜小注(佔組合5%左右)。

倢冠控股(8606)是一間香港資訊科技服務供應商，佢規模唔大，每年營業額和盈利好細，而且股價都幾波動。

以佢2020年1000萬盈利計，現價欲去到過10億，此刻投資，風險好高，唔係咁建議。

力勁科技（0558）無研究。

如果從過往業務情況分析，這企業投資價值，質素只是中等，唔算好值得投資。不過唔知近期股價上升的原因，除非你確定佢上升背後的因素，是由於一些對企業長期利好的因素，否則，不宜投資。

除了潛力股外，餘下資金你可以集中係平穏增長股，令組合更平衡。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、領展(0823)、希慎(0014)、太古地產(1972)

大市現處於合理水平，那50萬資金，你可以先用一半，以"分注"形式慢慢入貨。餘下一半就等大跌市機會出現，才大力度掃貨，並長線投資。

------------------------------------------------

Q21745：

老師！你好！我一直有看老師的問答同定期勵志既post! 真心多謝你！我已經睇完你本80後百萬富翁同買左5年買樓4部曲！但我有些問題想指點迷津⋯⋯

我想問有關置業問題！我係90後但就快29+1、希望5年內甚至更早可以買第一層樓自住！因為都想結婚同組織家庭

我之前睇過兩個樓盤「2-3年樓齡既單幢樓房，係深水埗/慈雲山，均是190尺-245尺既納米單位

我睇完老師本書4部曲講到先買細屋再換dream house,就開始迷茫，因為有朋友教路不好買納米樓、無升值潛力，換不到大單位！但舊樓不是一樣沒升值能力嗎？

又要支付大廈維修費，但我目標第一層樓只能付出450萬樓下既樓價同借9成按揭攤分30年供還款，這樣說在市區好難找到、除非樓齡已經超過30年、但又引申出不會批到9成按揭。

老師，請問我應該點做法？買舊樓大單位？買新樓細單位？我想住市區、不想考慮新界區。。因為家人住所同工作地方均是市區。。

不知道去向，感謝你。耐心等待回覆

龔成老師︰

想借買細屋再換dream house，你細屋必需有一定投資價值，至少跟樓市同步，否則就沒有意義。

納米樓尺寸太細，連一個基本家庭生活所需的300尺寸都無，投資價值相對較弱，唔建議你投資。

至於過30年的樓，唔代表一定無投資價值，但就要小心選擇。而且正如你所講，較大問題係銀行未必會批出9成按揭。

所以，其實你此刻問題重點，會係你置業資金不足，令你變相找不到合適選擇。

我建議你先用優質股，去累積更多置業資金，才去考慮物業部份，咁會較理想。

你可以用「平穏增長股」 + 「潛力股」的組合，去進行增值。你每月先用5成儲蓄，其餘先儲起，用一邊月供一邊儲蓄的策略。

現時大市只是合理區，你現有資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨。

------------------------------------------------

Q21746：

你好！我從來沒有接觸過任何股票，沒有任何投資，我只有五萬多元港幣積蓄，長期放在銀行做定期存款，可惜利率很低！我只是想短期（半年）賺一些。

請問，00968「信義光能」好，還是00135「崑崙能源」好呢？

龔成老師︰

首先，你要明白一個正確的財富增值方法。其實係長線去持有一些優質股，等佢地自然增值，以達至財富增長架效果。

半年只係一個好短架時間，唔係咁理想。一隻優質股，最少要持有3-5年，甚至更長，個財富增值效果才會明顯。

信義光能（0968）本質不差，業務保持有一定的增長力，股本回報率處高水平，加上現金流強勁，是有一定質素，可長線投資的股票。

現價合理區頂，如果想入，要慢慢分注，但仍不是大注投資的時候。這股股價上落都大，要注意金額。現價算合理區頂，如果想入，要慢慢分注。

昆侖能源（0135）雖然質素都算有，但不是最高質類別，佢對油價較為敏感。佢的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態。沒有價格自主的能力，這令佢地的獨特性有限。

這類商品企業，都可投資，但就要明白不是最高質的企業。由於質素中等，唔建議大注投資。

整體質素而言，信義光能（0968）會較高。但波動性風險，同樣都係較高。若你投資取態係較保守，我唔建議你持有太多。

------------------------------------------------

Q21747：

擔心好快出6G。而我對6G的技術上疑問是6G是否在5G的基建基礎？即是6G要發展，在現在的鐵塔上換6G的設備？還是要推返哂所有5G的硬件？

我相信是前者，就像港鐵一樣，港鐵舊列車就是5G比喻，新列車就是6G，其他硬件（車站、電纜、路軌是不變）

另外，鐵塔會否有一帶一路商機，他們大可以去中國以外地方起鐵塔幫其他發展5G?純粹代入管理層去諗，當然，電訊涉及國家安全，又是政治層面，又另一回事。

現代學習提升思考層次，代入如何我是鐵塔高層如何思考經營鐵塔

從你的千萬富翁本書學習到的，請師傅你不要介意，純粹是向師傅你交流來提升自己層次。向師傅你學習

而且單打獨鬥永遠睇唔到自己盲點，有互動交流是最好的

龔成老師︰

未來6G發展，相信訊息傳輸速度和精準度，會比現時5G有倍，甚至更多的增長。

至於將來6G技術，對相關硬件需求，集團要作什麼樣變動，去配合這種新技術學，現時都無一個切實的定案。

但由於3大電訊商為主要客戶，內地需求得到保障。在內地極高市佔率，有壟斷優勢。加上，本身已多行內累積一定技術和經驗。

將來要發展6G業務，相信集團很大機會成為當中重要的一員。所以，集團長線發展係正面。

至於向外發展，一帶一路係一個機遇，但當中都有不少不確定性，故估值上，只宜作一個參考。

你預佢潛力度無以前咁高，算係平穏增長，至潛力股之間的股票。此股有投資價值，但不宜過份大注。

------------------------------------------------

Q21748：

龔成老師你好！自2018年跟隨你的指引月供股票，歷經數年時間，都有穩定的現金流收入，謝謝你！

現有三條問題，希望老師解答一下，謝謝！

1. 早前第一次買科技股，選了阿里巴巴（9988），$246.8入，現在很波動，捱價中，請問公司前景如何？又可在甚麼價位溝貨？

2. 海螺水泥（914），大約$46@水平入了少許，請問公司前景如何？及

3）現有資金300k，如何逐步建立一個攻守兼組合？（已有兩電、置富產業、港鐵）

謝謝
攻守兼備組合

龔成老師︰

1) 阿里（9988）佢出左最新的季度業績，經營虧損76億元，主要由於國家市場監督管理總局就中國反壟斷法處以罰款182億元。

如果扣左這資罰款因素，經營利潤105億元，同比增長48%。經調整EBITDA同比增長18%，去到近300億。

業績略比市場預期差，因此會令股價短期較波動。

現價合理區中間，長遠價值仍在，不過短期會弱。如果你現有持貨，佔組合比重唔多，現價可再加1注。之後，每回10-15%左右，再加注就可以。

但緊記，個別企業唔好佔組合15%以上，以免出現過度集中風險。

2) 安徽海螺（0914）有質素，有增長力。

佢主要從事生產和銷售熟料和水泥製品，業務地區包括中國東部、南部、西部、中部及海外。而安徽海螺是水泥行業中，全球最大的單一品牌供應商。

水泥屬於基礎原材料行業，對建築行業有很高的依賴性，同時亦會與經濟增長速度有較高的相關性，特別與固定資產投資相關。即是說，當中國基建及房產市場不景，水泥行業會比一般行業處較大的不利狀態。

另外，水泥企業在生產過程中，燃料成本佔總生產成本中約佔了超過一半。若能源價格出現較大變動，就會對企業成本造成較大影響。因此，當能源價格出現較大上升時，將引致安徽海螺的成本增加，影響其中毛利。

綜合來講，佢擁有相當規模、生產能力，有一定的質素及賺錢能力，而水泥行業長期將因中國城鎮化以及一帶一路的建設，仍然會增長，但不會像過往般快速，而是進入較平穩的時期，在本質上此企業不差，你現貨可持有。

3) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你現時35歲，應以增值為主。2電(0002, 2638)、置富(0778)主要係收息，增長力較弱，故不要再加注。至於港鐵(0066)，係可以。

建議你用「平穏增長股」 + 「潛力股」，去創造一個攻守兼備的組合。

若以你年紀計，2種股票比重，可各佔一半。潛力股始終有一定風險，如果你投資知識不高，或者想保守D，可較集中在平穩增長類股。而潛力股，可較小注。

現時大市只係合理水平，現金和股票最好各佔一半。若你持股佔組合不到一半，你可以多用一些資金，以分注模式入市。餘下資金，就等大跌市出現，才加大力度掃貨。

------------------------------------------------

Q21749：

老師中國平安依家值博率高嗎! 最近回到80樓下! 同埋 依家全球通脹升溫, 但係經濟又未 復甦 呢啲係咪叫惡性通脹!

係咪會有一輪大調整! 股票同現金嘅比例應該 佔幾多比較好 謝謝老師!

龔成老師︰

係全球大印銀紙下，而整體經濟未見明顯復甦，的確有機會造成滯脹。

但我地分析一隻股票時，宏觀因素係要考慮，但只係作輔助，主要都係睇翻企業自己本身。

中國平安（2318）有質素的，佢有規模，有品牌，近年的發展都不差，不過，股價有時會有少少波動，這主要受投資市場表現影響。

這股有長線投資價值，是平穩增長型。現價算係合理區中間位置，分注投資就可以。

至於會唔會大調整，我唔知。我地投資唔好去估個走勢，你應用平貴，去為自己制定投資策略。

現時大市只係合理水平，現金可以佔3-5成。

餘下資金，就等大跌市出現，才加大力度掃貨。

------------------------------------------------

Q21750：

你好老師，本人40，已婚，暫時沒有子女，我和老公收入合共大約5萬一個月，有一個已買了不用供的公屋。

現金大約有150 萬，另股票23萬，之前有月供股票，但因為升了就沒有再供款。

尤於唔識投資，想問點可以財富增值，買樓又沒有經驗，買債卷債基會隱陣嗎，謝謝你

龔成老師︰

若你係投資經驗不多，月供股票會係一個唔錯架選擇。因為佢用長線供款，去減少左買貴貨架風險。

所以，你以往月供架做法係正確。月供可以拉平均個買入成本，除非你對定平貴極有信心，否則你應長線一直供，不理平貴。因為咁樣，反而會對你更有利和安全。

以你40歲，可以選擇一些「平穩增值股」+「潛力股」作投資目標。

以現時大市合理區狀況，月供最好用一半每月儲蓄，另一半就先儲起架策略。

由於你投資知識不高，因此可較集中在平穩增長類股，至於潛力股，只宜小小注，最好是你提高投資知識，等你有一定知識，先慢慢增加翻潛力股比例。

現時大市處合理區，150萬資金，可再用多20-40萬，分注咁慢慢盈富及其他平穩增長股。到你有較多經驗，才加大投入金額和增加一些潛力股。

你可以先用股票做增值，到有一定財富，才加入物業類。如果你對買樓無乜概念，你可以睇我本<<5年買樓4步曲>>，都會講述一些買樓相關知識。

而債券，這其實只是「產品」，物業、優質股是「資產」，所以從財富本質上，我地應較集中持有「資產」，才對我地最有利(你可以睇睇《財務自由行》一書，我從財富本質上，講述了當中原理)。同時，現時息口低，但未來有機會重回加息週期，債券未必是最好的投資工具。

至於債券基金，坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品，有機會出現了「賺息蝕價」的情況。

第一，有些基券基金，會投資「高收益債券」，即是「垃圾債券」，你一定要睇睇佢所佔的比率。

第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。

第三，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。

我不是說債券基金有問題，只是說明當中的風險，因為市面上的基券基金好多，你要仔細分析。

------------------------------------------------

Q21751：

你好，想問下基金風險較優質股票 及債券高
穩健為主 投資後者為上？

現在 港股，美股及人民幣又如何投資部署？以下3因素？

1）疫情控制
2）股市表現
3）政治穩定性

龔成老師：

基金有好多種的，因此好難話基金的風險較股票/債券高定低，因為有些基金是投資穩陣股票，有些是高風險股票，有些的投資策略較進取，有的則較保守。

你一定要清楚翻該基金的投資策略，投資目標等因素，先得。

至於股票，同樣有好多種，有穩健，有不穩。

債券都是一樣，有些債券好穩健，但有些則可能連本金都會虧損。

建議你增加知識先投資，不要急。

至於你上述提出的3個因素，主要都是一些中短期因素，而我地買股票就是買企業，因此，著眼點應集中在「企業的長遠發展」，佢的業務情況、前景等。

我地最重要是建立一個長期的「財富組合」，要優質，要平衡，要適合你的年齡與風險承受程度，不是著眼於短期市況及因素。同時不是買賣賺差價，而是成為你財富組合一部分。

------------------------------------------------

Q21752：

老師，想問下保險，2013年，我無啦啦在朋友講解下，用仔名義買了一份AIA保險基金，有人寿每月供hk$2000, 要供30年，期間可以提錢走,但要罰錢，或停止供款，直至30年期屆滿才提錢

現從你身上學了一點投資知識，於是計計回報，才發現每年得1%回報，現大約有hk$15萬。

我在宏利的基金回報都不止1%

我諗緊
1.停止供款, 讓它滾存，直到年期屆滿才提錢
2.停止供款，立即提取全部錢
3.停止供款，把每月的hk$2000用來買股票

老師，有何建議?

另外，講返261 。我去銀行放，銀行只幫我排隊放一星期，之後沽唔出，我繼續沽左幾星期都係沽唔出，怎麼辦?

謝謝你

龔成老師︰

我地保險，只要做好防守部份，買足夠保障，咁就可以。用來投資增值，效果未必如優質股理想。

你現時保險基金，按年只有1%回報，係好低。從長線投資角度考慮，你將佢資金提走和停止供款，將資金轉至其他優質資產，相信長線回報會較理想。

但由於當中會有提早贖回收費，你要問清楚你保險代理，這個罸款係如何計算，才決定基金內資金，如何處理，咁會較好。

ＧＢＡ集團（0261）生意持續下跌，年年虧損，投資價值很低。

由於佢股價只有1仙，用一般架方法較難放。你可以直接打電話去銀行，只佢幫你人手掛一個少於1個仙的價位，出到貨的機會，會較大。

------------------------------------------------

Q21753：

老師，我最近計劃買約900萬的樓，但發覺 撇除家人的一百萬外，我倆還需要取大概一百五十萬左右(包括稅, 裝修, 律師費等)，

所以如果要買樓，就要套現持有的大部分股票和銀行大部分存款。並且每個月還給父母錢和供款後，可能就只剩低二萬左右。

#1 在我的角度來看，我覺得呢個情況會變成了一個每個月收入償還貸款的死胡同，資產可能無法再增值，因為可能再無多餘錢投資股票。

但我男朋友認為收入償還房地產的貸款是增值資產的一種，前提是樓價最遠必升。老師，請問這種說法對嗎？

#2 如果三年後才買樓的話，我哋應繼續投資股票嗎？而且現金和股票持有的比例應該是多少？(我個人現時比例是 現金4 : 股票6)

#3 現時樓價暢旺，樓價長遠只升不跌，如果我們真的取得足夠的首期，而銀行又借足8成，但每月可能還款後只剩約兩萬收入的話，你認為我們應該買入嗎？

謝謝老師。

龔成老師︰

1) 正確，因為我地還款當中，係包括利息和本金部份，本金部份等同買入物業資產。

我地長線財富增值，唔係單單利用優質股，我地都要講求成個組合平衡性。所以，長遠我地都要將物業，包含埋係我地組合之內。

當然，大前題係個物業要優質，才算得上係資產。

2) 你都可以維持用股票增值，以大市水平計，你現金和股票比例，係合適。除非出現大跌市，否則你資金唔好動用。

而且，這些股票當中，應以「收息股」+「平穩增長股」為主，唔好持有太多波動性偏高的股票，以減低最終回報的波動性風險。

3) 你可以睇翻你本身置業有無迫切性，如果有，而你又"供得起"，你都可以入市。因為置業後，你每月都尚有一定資金，可投入股市作增值。所以，問題不大。

若你無置業迫切性，你可以睇翻你個物業架質素，和租金回報率，去決定而一刻是否投資。

記住，就算樓價暢旺，長線港樓會升，但都唔代表你值得係而一刻，去"買貴貨"。我地都要從長線投資角度，去考慮而件事。

------------------------------------------------

Q21754：

龔成老師,想請教你，今年我43歲,堅持有十五隻股票,打算將組合改回十隻股票,你會建議我持有哪十隻令到組合會較平衡？

現在股票組合︰

潛力股
美團 300股
阿里巴巴 200股
平安好醫生100股
中國生物製藥2000股
楓葉教育12000股

平穩增長股︰
新鴻基地產 500股
領展500股
中興通訊 1600股
中國鐵塔 20000股
金沙中國800股
中國民航信息2000股
惠理集團 4000股

收息股︰
中移動1000股
中國電信 10000股
深圳高速公路 4000股

我打算賣出惠理,將資金換入金沙.尚餘約$70萬現金等機會.

如果跌10至15個percent加一注,會用第二次嘅買入價計算,還是用平均買入價計算？

Eg:第一注$30、第二注$38，平均:$34

另外想同你分享，20年前,出來創業,跌得好痛.

今年,我再次出來創業，開一個自己運動嘅studio.佢最差嘅情況去做呢件事，我反而係覺得係一個機會。

龔成老師︰

以你43歲計，這個組合比例係合適。

而當中股票，都係有質素，雖然有少少多，但唔需要刻意去沽出持股。你未來資金，較集中翻係當中較有質素的10隻，咁就可以了。

惠理集團（0806）是一家獨立的價值型資產管理集團，業務集中於大中華地區及亞太地區。集團透過惠理品牌管理多隻認可基金。

質素算是不差，但又不能稱為好好。

過往賺錢能力中等，但增長力就不強。你持有係無問題，不過就唔好對股價增長有太大期望。是平穩增長類。

整體質素上，金沙(1928)會較優勝，你可以沽少少，換去金沙，都係可以的。

另外，中興通訊（0763）、美團(3690)、平安好醫生(1833)是潛力股類，而且係不確定性較高的企業。投資係可以，但要控制注碼，不可佔組合太多。

大市現處於合理水平，你可以多用20-30萬，以"分注"形式慢慢入貨。餘下資金就等大跌市機會出現，才大力度掃貨，並長線投資。

至於加注計算方面，每跌10-15%個基數，會係用你對上一注的買入價。

其實做任何事，我地都會經歷失敗，這是在所難免。重點係，你有沒有在這個失敗當中，上了寶貴的一堂課。

創業好少一開始就好成功，成功都係透過無數失敗經驗，去慢慢累積出來。

現時大環境雖然尚是十分不穏定，此刻創業都有一定風險。但同時間，現時很多方面(如租金)，都會比一般情況平，所以都有一定值博率。

最重要係你了解這門生意大方向，明白自己有什麼獨特優勢，將佢盡力發揮出來，咁就可以。

------------------------------------------------

Q21755：

成老師，多謝你一直以來的分享，呢2年鼓勵咗我哋好多好多。因為你分享對樓市的睇法，上年3月我低位買咗元朗溱柏單位自住，今日已經升左50萬，男朋友都升左做老公。

後來我有買你本《五年買樓四步曲》知道元朗南升值潛力有限，不過已經買咗自住，亦都完美解決咗我哋本金小但有自住需要的問題，真係好多謝你！

但前兩日收到個壞消息，政府收咗屋企前面塊地，係2023年起公營房屋，我哋打算努力啲賺錢買第二層，想請教一下老師意見。

目標係升值潛力大嘅天水圍濕地、白石角、馬鞍山等。元朗層樓係我名，買入價410萬，按咗8成7，老公（當時男朋友）做按揭人，當時銀行話我至少月入$30000先甩到老公名走，

我做老師嘅，目前26歲月入$24000，預計4年後先有$30000人工。

老公30歲，多謝你鼓勵年輕時要更上進，佢好努力寫文章分享、上電台直播增加知名度，成功月入4萬變6萬，亦都打算一至兩年短期內開自己店做自己品牌，預計開業成本50萬。

我計過扣除日常開支，月儲4萬唔係問題，呢家有20萬現金同投資咗6萬股票，各三萬

[email protected]
[email protected]

問題一：我唔知應唔應該繼續買股票？

問題二：3067同1798算優質股嗎？可以持有？

問題三：預計4年後買樓要點理財好？買以上三區可以嗎？

麻煩老師指點下我

龔成老師︰

恭喜你，完成左人生中2件大事。

其實，你則買的溱柏係自住樓，升值潛力唔係重點。最重要，係適合你們生活所需，而且做到"供得起"，咁就可以。

而且你物業位置，都算接近港鐵站，質素會睇高少少。

1) 由於你1,2年就要動用這筆資金，去開診所。你動用這些資金增值都可以，但就要相對保守。

目標係一些「平穩增值股」+「收息股」，比例可以50:50。若你相保守些，可以「收息股」佔多D，甚至100%。再保守D，就係加入埋定期儲蓄這個選項。

到你老公要開診所前半年，就開始慢慢沽貨套現，唔好要用先一次過沽，以減低股價波動風險。

2) 安碩恒生科技（3067），有長線投資價值。若你打算將佢套現，去開診所的話。由於佢有一定波動性，暫時唔建議加注，等開完舖先再算。

大唐新能源（1798）主要在中國專注於風電項目的開發、管理及營運。

佢要從事風電等新能源的開發、投資、建設與管理，低碳技術的研發、應用與推廣，新能源相關設備的研製、銷售、檢測與維修等，與新能源業務相關的培訓、諮詢服務，以及房屋出租。

過往的業務發展不差，長遠都有投資價值，不過規模較細，唔建議投資太大注。

3) 到你老公新舖開張，一切穏定，可以再開始每月儲錢時。你就可以月供「平穏增長股」 + 「潛力股」，去做增值，累積置業資金。

你每月先用5成儲蓄月供，其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨。

3個你所講的置業地點，會以馬鞍山為最好。

白石角，是一個自成一隅的新社區，但這社區的設計，密集程度太高，同時配套不足，物業價值不算高。

天水圍始終同市區有一段距離，投資價值會較弱。

另外，我地做財富增值，除左講增值潛力外，都講組合平穏性。

由於你已經有一間物業，未來再買新物業時，會成個組合偏晒去物業類，會出現過度集中單一資產的風險。

因此，你唔需要急去買第二間屋。再投資第二個物業時，必需確保係買樓同時，都可以保有一定股票係手，作增值之用，才好考慮出手。

------------------------------------------------

Q21756：

你好，請問知唔知道比亞迪在智能汽車例如自動駕駛方面有咩進展？謝謝你

龔成老師︰

比亞迪(1211)係智能車聯網上，一直都在發展，2020年8月，比亞迪DiLink3.0系统上線，進一步為AI、語音識別、車聯網、大數據等技術升級。

2020年，集團同時入股深圳華大北斗科技，相信係為令智能駕駛部份，佈局變得更完善。

以集團規模和經驗，相信長線智能汽車發展，會係正面的。

------------------------------------------------

Q21757：

老師：唔好意思，又打攪你

請問現時持有幾隻科技股最近都跌左好多，我唔知應該跌左咁多再加注，定止蝕轉其他優質股

以下是持股資料：

9988 200股 買入價243.5
9618 100股 買入價329
981 500股 買入價27

謝謝！

龔成老師︰

你唔好將個重點，放錯左係買入價，或者帳面賺蝕上。

我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

你現時持有股票，都係有質素，可照持有。

至於是否加注，就要睇翻你成個組合配置，同股價處於什麼水平。

你上述的都是潛力股，佢地有一定風險。若你係較年青，這類股票佔你組合，可以5成。但若你較年長，或者投資經驗較淺，就要向下調整。

以股價計，現時阿里巴巴(9988)和京東(9618)都合理區中上位置，若你資金足夠，現價可以加1注。

中芯國際（0981）業務有增長力，質素係有，但未到最高質素。

加上之前熱炒過，股價大上大落，投資要注意風險，這股唔建議大注。

------------------------------------------------

Q21758：

依家上緊你既堂，真心覺得你教緊既野同坊間既炒炒賣賣好唔同，我想賺多D錢！麻煩你幫我睇睇有咩可以改善（其實我有個目標...就係好想將來係澳洲買樓！）

我今年29歲，男友33歲，打算2/3年後結婚。

我2018年開始買股票，現有大概10萬月供股票。（其實係咪keep住月供會好d?因為依家係不定期咁買...）

388～34股（＄253.36）
66～310股（＄43.45）
1928～1手（＄34.57）
823～134股（＄66.98）
1177～136股（＄7.33）
2800～724股（＄29.7）
1448～2手（＄7.13）
6823～2手（＄9.96）
2638～2手（＄7.49）

1. 我自覺賺既幅度較細，係咪時候要審視投資上既配置？因為太保守變左增長/潛力唔夠？如果真係潛力唔夠，請問有冇邊D股票係有機會做到3年後有30－40萬？

2. 黎緊就畢業，要還學債。我有諗過襯審視配置既同時，將66賣左還左部分學費先？

3. 我覺得係儲現金方面做得冇咁好，其實咁既年紀，儲現金比例應該大約佔資產幾多成？

4. 如果我想達成係澳洲買樓既目標，應該可以點做？

我會視老師為我理財上既榜樣...希望有一日我地都可以好似你咁做到財務自由。

感謝和辛苦老師你花時間詳細解答我地既問題，祝老師身體健康，大家一齊努力

我仲有1手 8473，＄0.34買入

龔成老師：

1）潛力度的確唔算強，以你地的年齡及投資目標，其實收息股如港燈（2638）、香港電訊（6823）其實未必適合，你可以考慮轉換部分潛力股。

當然，平衡組合都好重要，你太過進取都唔得。

安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、中生製藥（1177），其實都可考慮。

但就要明白波動性比上述會高左，同時風險大左，你要自己平衡。部分要等回少少先入。

現時你月供的，都是有質素，但可以轉多少少在潛力股類別。

2）如果利息唔高，其實唔需要太急（當然，我唔清楚你當中的條款），至於港鐵（0066）其實有質素及基本增長力，在配置上，可留，如果真的要賣股票還學費，就賣收息股。

3）我地會考慮你年齡及現時的市況平貴度，你可以留3成現金左右。

4）你現時應該著重「增值」層面，目標是利用儲蓄及股票，去追到的目標樓價的數。如果你打算在1、2年內買樓，就未必適合放太多錢去投資，但如果你3年後先會買樓，就要好好利用這段時間去進行增值。

因此，你的方向應該是投資「平穩增長股」+「潛力股」。

至於彌明生活百貨（8473）業務不過不失，發展能力中等，不是高增長的類別。

以佢現時的經營情況，算是合理價，但這股始終規模不大，加上近年的盈利有下跌情況，存有風險，因此不建議太大注。

另外，政治相關因素，都會令這股波動，要明白股價風險，政治因素是好難預測的。

這股唔建議持有太多。

------------------------------------------------

Q21759：

龔老師：本人手持以下股票，可否繼續持有？還是就算損失也要減持？

我之前買了些股票，買入大跌，但一直不捨得減持，到後來忍痛減持，它又回升，當然仍未回家鄉，但起碼損失少点，所以眼見以下股票近來股價不濟，怕又重蹈覆轍，請老師指点一下！

9988 ：1500手均價$249
388 ：800股均價$441
1288 ： 2000股均價$3.2
1339 ：1000股均價$3.48
1398 ：1000股均價$5.11
003 ：2000股均價$12
3690 ：200股均價$266
6618：200股均價$133
1810：200股均價$31.85
1024 ：200股均價$235

另外，後想問：其实買股票心態應是怎樣？我想買股票心態是：增值財富。假設快手當日我$115有一手，去到$370(或者應说去到自己心中的底線那刻）是否應 take profit 先？

還是放在床底讓它滾下去(假設我不急需那資金)？像這快手，當時我沒有放，之後見回落，我就入多一手，結果現在繼續下滑！請龔老師指導下本人心態！

盼望老師回覆！！謝謝！

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

你持有的股票，並不是無質素的，基本上都可以持有，但有兩點你要注意，第一，你要做好配置，例如你不少是銀行股，就會有行業集中風險，你要持有優質、平衡的組合。

另外，你有不少股，都是近一年熱炒的股，反映你在選股時，只懂跟市場去買，而這動作是危險的，因為當市場熱炒過後，股價一般都會大幅回落。不過，你上述持有基本上都有質素的，只是你日後要注意翻這點。

第二，你要留意平貴度，如果一隻優質股過貴買入，你都有可能出現損失，如果未有企業價值概念，就多用月供或分注投資模式進行。

至於你問快手（1024）的問題，我地會見到，有時股價上到某個價位，賣出等跌再買入，會有較高回報。而有時又會見到，一直持有會有較好回報，例如港交所（0388）、騰訊（0700）都是升值100倍。

而根據統計，後者的方法，能令投資者有較大的總回報。

當然，有時股價真的貴，都可以考慮賣少少，但點都建議有基本的貨在手，因為長線持有的贏面始終較大。

------------------------------------------------

Q21760：

龔sir您好, 上緊您既堂, 有d問題想請教下您:

我今年31，同我先生月入約40k

-有40萬股票(水桶1-3都有)
-有20萬存款同埋
-有兩份重有10年要供既儲蓄保險(每月大約供$3000)。

1.我地本身同緊屋企人住(層樓有我名), 但都想換樓, 而家住個到始終都舊, 您會建議樓換樓還是過多5-10年等有返d錢先再買多層樓再將而家呢到收租? (而家層樓值450萬, 睇過現時租金大約可以放到11k一個月)

2. 未來一兩年想試下開間餐廳(我先生係廚師)，我同我先生想選址係將軍澳, 因為人口密度較高人流較多, 想請教您有咩睇法。十分感謝!

龔成老師：

1）以累積財富的角度，遲少少先換樓會較好。

首先利用這刻的資金投資股票，先將財富增值，到5年後先換樓，這樣可以有更大的總財富。因為現時股票的增長力，好過香港樓，因此先投資股票會較好。

當然，你自己要考慮自住因素，因此可以在兩個方向取平衡。

2）其實都可以的，有人的地方就有這個需要，而將軍澳是住宅區，你地的方向應較為街坊。另外，要記住做生意技巧，食物是其中一環，但生意會更重要，想想麥當勞你就明。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

6/17 的廢文，簡單說一下我一路走來的投資歷程。

我最初是被家裡長輩強迫買股票的，走的是存股路線。10 多年前買了第一張股票，中華電信，然後在過了很多年以後才想起它，發現它每年炒 5G 題材都有一個高點，除息後有一個低點，我就 5 張 8 張的每年買賣。

讀了《漫步華爾街》後，我想找點成長型公司來買，可是不懂選股，就開始存 ETF，像是 0050、0056。後來發現 0056 比較適合做價差，所以就存股和做價差混著進行。30 歲出頭有了點積蓄，我買過幾張 20 幾萬的台積電，但買了之後它一直跌，嚇得我認賠出場。

2018 年，朋友借了我兩本書，是黃國華的《財務自由的講堂》和《財務自由的世界》，從這裡開始，我認識了長線投資，學習看公司的財報和判讀新聞。

但是我還是不太懂數字，台股的財報真的很難懂。

偶然看到綠角的財經部落格，他說定期定額買美股的 VTI 或 VOO 十年績效比買台灣 0050 好，我決定開美股券商戶頭，定期定額買 FAANG 和 VTI、VOO。

2019 年10月，我因為台幣現金緊缺，賣掉所有的存股，運用資金短期操作了一些電子股和營建股，每個月大概可以賺十幾萬。那時候我做了影片「不要買這些金融商品」，暗示大家快開始學習買股票。

2020 年 1 月底，我在臉書上發文跟大家說股災快到了，是時候開戶了。2 月，借過我書的朋友私訊來說，出事了，快立刻拋售手中所有股票。我馬上賣了手頭的所有股票和 ETF。

3 月 16 日，美股股災發生，托了朋友的福，我幸運的完全空手避開，否則可能有 30% 的資金被套住。

從 2020 年 4 月開始，台股方面，我慢慢屯了一些 ETF，中途短期的買賣過資產股和防疫概念股；美股方面，我把 FAANG、VOO、VTI 慢慢的買回，在巴菲特入場達美航空又跌 15% 之後我買了一些，另外在 $200 多元的價位時屯了一些特斯拉股票，也陸續買了一些自己看好的公司，像是 Nvdia、CCL、Disney；在石油危機發生時還買了一些石油概念 ETF，OXY 等等。

我在 $800 多元接近 $900 的時候把特斯拉出清，石油 ETF 獲利超過 50% 時出清。FAANG 在轉換平台的時候賣光了只留 Apple，資金用來買 Shopify 等成長型中小型公司，還有 ARK 系列的基金。台股方面，2020 年 5 月累積到今年 5 月的 ETF，我在股災發生第二天賣掉，大盤止跌後再重新買回來。

我把 80% 的資金放在美股帳戶，15% 的資金放在台股帳戶，只留一兩年的生活費。從去年 10 月左右開始，我做了大量的短期交易和當沖換取現金流，每月交易量大約為 2 千萬。

綜觀我的投資史，長期、中期、短期、隔日沖、當沖，我都做。以前我認為做空、當沖是邪門歪道，可是後來發現我在台股做多的勝率很低，做空的勝率比較高。可能有地獄倒霉鬼的體質吧，我不計算籌碼、不盯法人進出，就是知道什麼時候股價會掉下來。操作台股至今的錢，很多都是靠短期和當沖賺的。

偶爾我還會在美股賺點投機錢，像是 GME、BB、AMC 之類的，也會注意剛 IPO 不久的股票，比如 PLTR、SNOW。

但我仍堅信做多、長線操作才是正道，投資應該是不用盯盤、很愜意的，只是我還年輕，沒有足夠的經驗跟你們分享真正的長線投資成果。

除了內文提到的書，以下這些書也幫助了我，推薦給你們：

-

【台】《我的職業是股東》 早安財經（舊版為遠流出版）
新手必讀，介紹了各投資流派和投資必懂的理論

【台】《看準位置，只賺不賠》 遠流粉絲團
台股價值理論、循環理論、位置理論、時間理論、籌碼理論、棄取理論、順勢理論、停損理論、抱股理論、主力理論、選股理論的介紹

【韓】《社畜的財務自由計畫》 樂金文化．富者樂金
每天30分鐘，3年賺30億，你相信嗎？
「如果巴菲特在韓國，他一定也會做短線交易！」

【美】《投資金律》 臉譜出版
幫助你了解美國股債的歷史，和風險控管的重要性

【美】《投資最重要的事》《掌握市場週期》 商周出版
兩本巴菲特必讀備忘錄作者-霍華馬克思的經典

【美】《反脆弱》 大塊文化
這本不盡然關於投資，闡述了不確定性、機率和知識的問題

---
再說一次，我沒有收書的業配喔！

【龔成問答信箱】（Q18001-Q18020）

Q18001：

龔Sir,上堂教關於股票配置既理念我覺得好有用，想實踐所以想問下操作上既意見。

我依家策略大方向系想將股票組合中銀行，長和系，香港電訊同大快活減持或者沽出而換賭業股，地產股，同潛力股。

問題系我依家擁有既股票都處於低位，究竟我應該等佢股票稍為回升再做轉換操作，定系就算依家低位都應該放然後等待時機等合理或者平價入返想入既公司？

龔成老師：

面對這類情況，我地會考慮現時的平貴度，以及你原本持貨的優質度。

如果你原有的貨無質素，當然要立刻賣，而你上述的貨是有質素的，因此，可以暫時持有，到適當時機先賣。

下一步，就是考慮佢地的平貴，如果現時已貴，再上升的可能性就相對較低。而睇翻你持有的幾隻，現時都在合理區中間，至到合理區中下部。

所以，你可以等這些股上翻少少先轉。

另一項要考慮的，就是機會成本的問題，如果你想轉的股，現價到了平的水平，好大值博率，這樣，你就更值得現時賣出原本的股轉這些，個如果兩邊的平貴度接近，就不一定要心急賣，而是睇機會先賣。

------------------------------------------------

Q18002：

老師！其實一直以來我都有關注你講既野！好想知點解你咁無私咁幫咁多人分析 其實咁樣你唔會攰架咩？同時你有乜得著？

我係一個好想係投資到學野既人 好多野都唔太識同好淺？

有冇一d班可以報黎上或者聽下！因為你講既野同分析都好有道理！同時非常欣賞你既無私！ 謝謝你

龔成老師：

因為知識的特點，就是我愈分享，我得到的反而愈多，就好似我寫書，我寫完後，我自己的所有資料都會變得更有條理，對我有幫助。

另外，我20年前，初學股票，行錯好多路，當時想有人教，但坊間都是教錯的方法，後來我認識價值投資法，發現這方法真正賺錢，而我自己都因這方法賺左好多錢。

所以，我好想多D人知道正確的知識，於是不斷幫身分析比意見。

有時都會攰的，但，盡力啦！

【投資倍升股課程】適合初學者的，因為整個課程的設計都是針對初中階投資者的，課堂頭3堂都是初階的內容，只要你課後好好溫習，能跟到之後的內容。

每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

另外，你上課之前，多睇理財、股票類的書，留意一下財經新聞，到時就較易跟到。

------------------------------------------------

Q18003：

你好，龔sir,本來投資經驗唔長，有些問題希望請教一下你，我現在手持512，9988，241，可長持嗎？

因見512和241一直下跌，至於9988我記得你講過可長持。謝謝萬分感激

龔成老師：

阿里（9988）有質素，可長線。

阿里健康（0241）炒味太重，現價唔平，估值太虛，唔建議持有太多，要注意風險。

遠大醫藥（0512）質素中等，但估值唔平，唔建議持有太多，股價上落會較大。

------------------------------------------------

Q18004：

近排買左老師幾本書 有年報勝經 選股勝經同埋50優質潛力股 我自己簡左幾隻股 覺得會有d潛力 想問下老師

1558 東陽光藥
1745 LVJI TECH
2005 石四藥集團
3918 金界控股
9983 建業新生活
9999 網易

老師覺得依幾隻股有冇特別大問題 如果可以少注投資 合理價大約係幾多? 唔該老師

今次比較多野問 老師可以有時間再慢慢覆

龔成老師：

東陽光藥（1558）盈利有下跌情況，最好觀察下先。

驢跡科技（1745）雖然業務有增長，但規模細，獨特性唔算強，唔建議投資太多。

石四藥集團（2005）都有質素的，但增長力唔算強。現價合理。

金界控股（3918）正面。現價合理區中下部。

建業新生活（9983），但現價唔平。

網易（9999）有潛力，不過股價上落會較大，有潛力有風險類別。

------------------------------------------------

Q18005：

老師你好我今年37歲
收入大慨20000左右
一個月儲到10000蚊

有供基金每個月大約1200蚊
之前輸左大約40%

好彩2月轉晒做港股
追返晒之前仲賺左10%左右

手上股票
0006 @44.5 1500股
0315 @4.04 5000股
0778 @7.08 4000股
2840 @1317.7 20股
6823 @11.61 2000股
現金約15萬

已經盡量分散投資
可惜26000點時候入市

今日13/08/2020剛好打個和(包括手續費)
請問你有無咩意見比到我

龔成老師：

你上述持有的股票，不是無質素，不過大部分都是收息股，以你的年齡來說，並不適合。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

你可以調整翻上述組合（部分收息都是可以，但不應成為你組合的核心）。

你可以考慮加入平穩增長股，如盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡（最好等回落先考慮）。

記住，投資不是炒賣，是「建立一個組合」，長線持有。

------------------------------------------------

Q18006：

龔成老師，本人股票初哥，有問題發問，本人由上月購入並持有#788 中國鐵塔 [email protected] ，但前日上午發佈業績後，明明有盈利增長，何解一個下午馬上下跌了幾個%？

發覺有數隻股都一樣 業績報好，反而股價下跌，請問是甚麼原因？

另外國家宣佈免中芯國際十年稅，本人覺得此利好消息，膽粗粗入左[email protected] ，現在見低位應即蝕還是繼續持有？因身邊朋友都話此隻股好怪

謝謝解答！

龔成老師：

你太過直線思維，而股市並不是這樣的。

第一，股市以預期模式運作，往往會預測之後發生甚麼事，如果公布出現的業績是「好」，而原本市場預期是「十分好」，股價就會下跌。

第二，短期股價只建基於市場情緒及資金流向，好多時都是無原因的上落，因此，唔好做太多分析。

第三，長遠股價則會回歸企業價值。而中短期可以同企業價值無關。

中國鐵塔（0788）有質素的，可長線，你唔好太著重中短期股價。

中芯（0981）不是無發展，而是貴，即是已經一早過度反映左你見到你消息或市場預期的消息。現價仍貴，自己衡量風險。

------------------------------------------------

Q18007：

龔成老師: 1. 本人持有以下股票, 想請教一下 #390, #728, #6881 是否應還繼續持有, 待打平才放售? 還是現在應沽出?

#0005 – 1200股 – 買入價 HK$66.00
#0390 – 1000 股 – 買入價 HK$9.00
#0728 – 2000 股 – 買入價 HK$5.58
#6881 – 3000 股 – 買入價 HK$7.10

#0939 – 10000 股 – 買入價 HK$6.35
#1398 – 16000 股 – 買入價 HK$5.45 及 5.74
#1299 – 1000 股 – 買入價 HK$41.10
#2020 – 1000 股 – 買入價 HK$8.41

2. HSBC 還有機會升回 HK$66 以上嗎?

3. 現有約 七十萬港元, 打算用一半用來買儲蓄保, 餘下一半應要怎分配股票投資?

4. 每月可用 HK$6000 作月供股票, 應要怎樣分配? 全數放 2800 ?謝謝.

龔成老師：

1）持有的股票，部分有質素部分則只是中等。

中國中鐵（0390）長遠的增長力，只是中等，如果想組合增長力較多，就可以賣出轉其他。

中國電信（0728）會偏向收息的，要上翻去不易，你預最多只是平穩增長。

中國銀河（6881）質素中等，你可考慮轉其他。

2）匯控（0005）賺錢能力與增長力的確弱左，但又未去到完全無質素，近期股價受壓，除左佢經營環境影響，佢派息問題都是因素，因為市場一向理解這股是「收息股」。

我從股息角度分析這股。

相信長遠是收息股，但股價增長就有限。可以先從佢近年唔派息及財務情況分析。

首先睇翻佢財務數據唔算話特別差，今次要停派息，主要原因係接獲英倫銀行透過審慎監管局發出的書面通知，要求匯豐取消派息。

所以，佢並不是自己好唔得，而去到要唔派息，而是因應翻英國監管局要求，才這樣做，所以，雖然是不好的利息，但不是核心性不利。

停派息對收息股從來都不是好事，但在這全球經濟咁差時候，為集團預留一筆資金備用，對集團和股東都是有利的。

在全球經濟環境影響下，集團中短情況相信都會維持波動，未來再停派息也說不定。但我地投資應該要集中考慮翻佢長線因素，雖然預期匯豐中短期表現會受壓，但長線質素依然存在。

作為收息股係可以，概念上，就是放棄中短期股息，而預期將來慢慢回到正常狀態，只要你投資組合唔好太偏重單一隻匯豐或銀行業就無問題。

但記得，唔好佔比太重就得。同時明白這只是收息股，唔好對股價有太大期望。同時不能持有太多。

3）都可以。儲蓄保險是防守型的項目，股票就是進攻，你各半可以的，不過，防守型項目就唔應該佔組合比例太多。

4）你可以考慮盈富（2800）$3000。

另外再加2隻（每隻$1500）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18008：

你好龔sir, 我想問其實好多既生物公司(like 1801 1877), 和醫療器械公司，佢地都係好初起步，佢地股價都偏向波幅同貴，如果我買左長線睇佢地你覺得如何呢？ 謝謝！

龔成老師：

這類股是「有風險，有潛力」的類別。

不少的行業及大環境，的確是利好的，但最大問題是盈利與估值。我地見到佢有發展，但這刻未有具體及理想的財務數據，這在分析時，會十分困難。

而市場往往只集中在「前景」，就會熱炒該股，可能這股真的有潛力，但可能在估值上已大幅高估，這就是風險。

因此，我地投資這類股時，會較小心，就算做好分析，也不能盡信，明白背後有較大的不確定性，同時如投資，在注碼上控制。

------------------------------------------------

Q18009：

請問老師 我對股票0認識可以從邊方面入手

之前吾識入左D群組買左隻1936蝕了很多...想賺番D錢
感謝

龔成老師：

RITAMIX（1936）我見都有唔少人中招，你當上了一課，之後要做好功課，只投資「優質股」，不要再聽群組所講。

另外，唔好心急想好快賺翻D錢，你愈急愈危險，你如果想建高樓大廈，這刻就要打好地基。

第一，你要增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

第二，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

慢慢認真學下股票，了解下那些股票適合你自己。上述只同你簡單供盈富，當你過一段時間後，有知識及少少經驗後，就可以利用你手上的資金，其中一部分，去投資股票。

------------------------------------------------

Q18010：

你好 現在26歲 從沒投資經驗 看了你的q&a 發現你長推2800 現在想用約3萬去做投資試試 現在2800 25.9蚊叫高位?

我是否應該等24蚊才入? 另外還有沒有其他股值得注意? 謝謝

龔成老師：

盈富（2800）現價合理，你可以買。最好是分注投資，唔好一次過入。

盈富這是一個「平衡組合的工具」，當中有50隻成份股，對股票組合有平衡作用。

盈富當然不是高增長的項目，但就我過往做了10年銀行及證券行的經驗，比起散戶自行選股（輸錢），投資盈富有基本的增值，反而是更好。

------------------------------------------------

Q18011：

龔成老師你好，剛開始學習投資，找到你的專頁。想請教，我現時36歲，希望可以做到財務自由。之前不懂投資幾天就輸了幾十萬，很心痛。現在都吾敢再亂來。

現時手上現金大約30% 股票70% 月儲蓄可以2萬
股票有：

700 100股 $530
9988 500股 平均價$196
1347 1000股 $28.55
1810 2000股 $16.64
1813 2000股 $14

1928 800股 $30
2318 1000股 $86.75
3380 2000股 $13.6
3988 40000股 平均價$3.25 （有20000股是很多年了，但賺息蝕價）

6823 5000股 $10.3
可口可樂 50股 $45美金

想問長遠這個組合可以嗎？有蝕的需要先離場？還有那些潛力股值得留意？

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。所以，中行（3988）、香港電訊（6823）只是收息股，未必最適合你。

你這個年齡，可以投資「平穩增值股」+「潛力股」，不過，由於潛力股比例就不能太多。現時你現金30%，已差不多，大市不是特別平，暫時唔好太心急入市，現金要慢慢運用。

上述組合不算差，基本上都可持有，而我地繼續持有一隻股票與否，最重要是「企業的業務與前景」，買入價、賺錢只是心理因素。

龍光集團（3380）合景泰富（1813）負債較多，有風險，唔建議佔你組合比例太多。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

------------------------------------------------

Q18012：

龔sir, 我keep住有睇你俾大家既意見, 真心多謝你既無私分享, 我都想請教一下~

我打算用15萬買股票,
請問對以下組合有咩意見?

會否太多隻股 (平均每隻投資2-4萬)?
現價進行可以嗎? 還是可以再等更好時機?

0066港鐵 1000股
1928金沙 800股
0778置富 3000股
0003煤氣 2000股
1211比亞迪 500股

另外計劃每月儲蓄15k,
用10k月供+5k現金等機會。

目標4年儲到100-110萬, 希望可以俾啲意見我~ 感謝！！

打算月供：
2800盈富$4000
1928金沙$2000
0778置富$2000
1211比亞迪$1000
1448福壽園$1000

補充少少, 就黎39歲了~ (遲起步的80後)

龔成老師：

上述都是有質素的股票，方向是正確的，如果能加入盈富（2800），組合的平衡力會較好。除了比亞迪（1211）宜等回落少少外，其他已可以投資，平均每隻2-4萬)，可以。但要留意，現時大市只是處合理區，可以一邊投資一邊留現金（點都要留些現金）。

而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

至於月供股票部分，可以進行。不過以你的年齡，加多少少潛力股去月供，都可以的：阿里（9988）、騰訊（0700）、舜宇光學（2382）、小米（1810）、中生製藥（1177），但就要明白波動性比上述會高左，同時風險大左，你要自己平衡。

------------------------------------------------

Q18013：

老師。我今年25歲，有30萬資金可以投資，接觸股票1個月，都是睇你的書。

盈富 40%
太古地產20%
深圳高速20%
中國鐵塔10%
小米10%

都是在你推薦的股票選出來，這個組合及比例可以嗎？同想請問上面的股價便宜區-合理中下區大約是幾多。

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。

因此，深圳高速（0548），只是收息股，未必最適合你。

由於你投資經驗不多，我只建議你動用$10萬去投資，餘下的就等你過半年後，有更多經驗與知識先投資，唔好太心急用盡資金。

上述股票都在合理區，小米（1810）則在合理區中上部。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18014：

老師你好，小弟我做左幾年野，而加做緊份穩陣醫療行業
月入約$35K，可以每個月儲到$15K

啱啱開始學投資，有啲無從入手，又有啲心大心細
因為本身儲蓄唔算多，大約$200K

本身行業好需要自己拎錢出黎讀書，黎緊屋企又有大事要洗錢

都想可以滾大嚿錢，日後屋企大事洗費、儲錢買樓同持續進修

啱啱入左手
國際家居零售(1373)：$2.27, 1手
SPDR黃金(2840)：$1478.5, 2手
價值黃金(2081)：$48.64., 2手
FL二南方黃金(7299)：$10.45, 5手

其實現時Budget諗住買
一手 友邦保險
一手盈富基金
四手國際家居零售

暫時研究緊
中電、港燈、中華媒氣、維他奶
海吉亞醫療、盛諾、康基醫療、方達控投、中手遊、GX中國生科

小弟喺投資仲係一個初哥，希望可以比啲意見我

小弟返輪班
好難定時黎上堂
請問有冇啲方法可以教教小弟

龔成老師：

首先你要想清楚，資金的需要情況如何，如果資金是中短期有用，就唔應該投資，所以你要先考慮$20萬裡，有多少是要預留，餘下的就可長線投資。

簡單來講，投資股票，就是買入一間企業，長線進行，如果資金短期有用，就唔會投資。

國際家居零售（1373）有質素的，可長線。

至於黃金相關投資，你投資少少是可以的，但就唔好買得太多。

而我發現你太集中投資近期熱門的類別，這是危險的。

你投資經驗不多，反而建議你投資較穩健的股：你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

新經濟股就再遲少少，等你有較多經驗與知識先投資。

你要記住，投資不是炒賣，是買入優質股長線，要建立一個組合，這是一個「長期的財富分配過程」。

你暫時可以睇多D書，去增加知識先，你可首先睇：

《80後百萬富翁》
《股票勝經》
《財務自由行》

之後再睇其他。

書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

以下是我的12本書：

《80後百萬富翁》（第8版）
《80後2百萬富翁》（第4版）
《80後3百萬富翁》（第2版）
《財務自由行》（第6版）
《大富翁致富藍圖》（第4版）
《50優質潛力股》（第3版）
《50穩健收息股》（第3版）
《50值博倍升股》（第1版）
《股票勝經》（第3版）
《選股勝經》（第2版）
《年報勝經》（第2版）
《5年買樓4部曲》（第1版）

------------------------------------------------

Q18015：

Hello 龔成，我係22歲嘅投資新手，投資方面只有基本概念，例如PE，息率，何謂優質股等等。

但未有實際操作經驗。啱啱開始番fulltime，每個月可以儲到$8000左右。請問點樣嘅投資組合會比較適合自己？投資户口應該點揀？點睇幾時係入市好時機？

投資目標方面，想先定10年內儲到100萬
多謝解答

龔成老師：

第一，你要大量增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

投資無知識，十分危險。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。做月供股票，每月$5000。

你可以考慮盈富（2800）$2000。

另外再加2隻（每隻$1500）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

餘下$3000就儲現金。

只要你不斷增加知識，保持每月儲$8000以上，10年後，你財富應該有$150萬-$200萬。

------------------------------------------------

Q18016：

老師，想問問

1. 我買左係東涌海天海岸 $565萬 388呎
買完先睇到老師新書講話東涌啲樓會跑輸大市 突然又有種心理壓力 不過買左就由佢啦

因為東涌最近因機場冇咩人 所以價錢相對平啲，同埋政府黎緊打算發長東涌，諗住長遠可能都有潛力...
如果已經上左車 係樓方面既部署有冇咩建議？

2. 入左1手 1810@$15.18
如果跌多1成左右會再入一手
打算下月開始月供（因今個月過左月供個cut off time)
月供組合：
1810 $1000
1928 $1000
1177 $500
1448 $500
2800 $2000

應因股價再調節銀碼嗎？例如1177/1448跌左可加大多少少比例

補充番，按揭供30年，每月供款大約$18000 連雜費管理費

月入$23400

租金最近有些下調 大約$12000左右 但因為未成交所以未知最後放幾錢租

因為首期當中有約$40萬是問親戚借 所以到物業出租 要將收到的租金先還俾親戚 我自己份人工就用黎供樓
大約要2.7年先還完親戚既錢

咁我哩個情況係咪者係老師所講出現左負現金流？咁我買樓既決定又是否正確？謝謝

另外報左星期六班 10月可以上堂見到老師啦

希望係供樓期間可以將有限既現金再滾存落去 我希望3-5年後又可以向住搵多100萬既目標進發 雖然有啲難 但只要相信自己 都會盡力去達成目標

最後多謝老師經常回答我地啲問題

龔成老師：

1）東涌的投資價值，未必及市區，不過，香港樓整體在長遠仍會向上，加上如果你能以較平的價位買入，就無問題。只是這類物業，唔值得太高追。你持有就得，都無問題的。

反而較大的問題，是你供款部分較大，要盡快出租產生現金流，減少你的壓力。

同時，要留一定的現金在手，作防守之用。

因為你的投資動作較進取，你應該選擇一些金額較細的物業，你的風險會較少。

不過你已經買左，唔緊要，因為香港買賣物業成本高，所以唔好轉來轉去，你只要這刻做好風險管理就得。

2）小米（1810）可長線的，你的策略可以。

至於月供股票，都是有質素的，可以進行，如果大跌先考慮加金額，小跌都唔會加。

你現時應該留多一點現金，做備用。

------------------------------------------------

Q18017：

我仲想問下，我睇過你既書同fb既問答，潛力股要一定既投資經驗同知識先投資，但我過往投資經驗只係收息股，投資知識極少，咁適唔適合月供潛力股，例如1211？

我可以每月有6000投資股票，應該$6000月供2800定係$3000月供2800及$3000月供1211？

龔成老師：

如果你經驗不多，就唔好投資太多潛力股，佔組合的比例要較少，同時，唔太建議用一手手模式買入，月供就得。

你可以月供盈富（2800）$4000，比亞迪（1211）$2000，如果日後有更多收入，就加大盈富，及增加其他優質股去月供。

------------------------------------------------

Q18018：

老師你好,本人今年30歲頭,月入25000左右,每月儲11000,另有15萬現金儲蓄左右,想係3年內將15萬變成100萬,請問有什麼好見議呢?

老師 有3萬元投資額 請問可買入邊隻股票中長線持有呢？

龔成老師：

要3年將$15萬變成$100萬，這是一個好高的回報，如果要強行追求，你要面對好高風險，唔太建議。

你可以投資較多潛力股，同時要自行選股，比市場早一步去找到，都能令財富有效增大，但你要努力學投資及不斷研究企業先得。

如果你考慮埋每月投資的資金，而不是單計$15萬，就有機會累積到$70萬-$100萬。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

你可以考慮月供股票，或自行分注投資，你預每月$8000。而你手上的現金，動用一半投資都可以。

盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18019：

老師 如果我媽媽 有5萬蚊多餘錢
我應該幫佢投資平穩增長型還是高息股票
我媽媽今年53歲 有工作的

龔成老師：

你可幫佢投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。

你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）都可以。

但要留意，現時股價只是合理，未到平宜，因此買入時宜分注，同時不能用盡現金。

------------------------------------------------

Q18020：

你好龔老師，想請教你以下問題：

1）本人擁有滙豐，平均買入價在$65左右，但呢加跌到咁，我想沽2手滙豐，買入其他有增值潛力股票，你贊成嗎？

2）如果真係買潛力股，想問9988 / 2318 ok 嗎，或者老師有冇其他有潛力增值股票可以推介一下嗎，非常感謝

龔成老師：

1）匯豐（0005）的質素，的確比過往年代已減，現時只是收息股，唔好對增長有太大期望。

如果你想組合有更強的增長力，的確可以賣出匯豐轉其他。

2）阿里（9988）、平保（2318）都是有質素的股票，長遠仍有增長力，阿里潛力度會大少少。

另外，你可以考慮比亞迪（1211）、小米（1810），都是有潛力的股票。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。