【龔成問答信箱】（Q22241-22260）

Q22241：

請問阿Sir，如果我打算以etf作為投資股票的核心，應該如何決定可以佔的比例？心水的etf有2812,2814,2845

另外，過往一直是打工仔，我想開始一盤生意，有一個意念，請問我可以怎樣在心態、能力、知識等各方面預備/裝備自己？

另外一問，有學做生意的書嗎？

龔成老師︰

你主要可因應自己年紀、風險承受能力和組合平衡性，這3點去做考量。

你所講的3隻都係潛力股，若你係年青人，又有一定投資經驗，可以佔你組合5成。若你係較中年，或投資經驗較淺，就要調低至2-3成。

三星中國龍網（2812）之投資目標為追蹤中證全球中國互聯網指數之表現，基金有長線投資價值。

三星FANG ETF（2814）的投資目標，係追蹤NYSE FANG+指數的表現。是一個美股潛力股基金。

2隻ETF都在偏貴水平，最好月供去儲貨。雖然2隻市場不同，但行業都有關連性，最好加起佔組合3成以內，會較安全。

GX中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

此股現價合理區頂至略貴。無貨可以現時入少少，到有明顯回調才再慢慢加注。

潛力度是有的，但會比較波動，如投資宜慢慢分注，可長線。

如果你本身有其他汽車股，跟ETF加起佔組合比重，同樣要保持3成以內，以免有過度集中性風險。

由一個打工仔，變成生意人，係十分不同。好多工作、管理和風險，現在都要一力承擔。因此，你要有這放面心理準備。

另外，你除了要掌握生意的相關知識。你都要去市場，睇下相關同業，特別係做得出色的同業，佢地係點樣做。

至於創業書本，可以到坊間找找「XXX創業」之類的字眼就得，另外可睇有關猶太人生意經之類的書。但你要緊記，創業係唔易，好多事都係摸石過河，慢慢從經驗中修正。

而且，成功與否，最大關鍵位唔係你能力，而係你能否堅持。加油!

------------------------------------------------

Q22242：

龔成老師，直銷是否一套有效系統，幫助賺錢？

龔成老師︰

「直銷」係一個銷售模式，我地唔可以話佢一定係好，定壞。其實要視乎行業特性，和企業操作能力。

直銷因為不需要中間渠道和有特定銷售場所，從而節省銷貨成本。

但是否一定係有效，我都要睇埋企業、銷售者、產品等因素，唔可以一概而論，說某種銷售模式，就一定係較賺錢。

------------------------------------------------

Q22243：

8603 有必瘦站的影子嗎？
見佢最近做好多大型收購

龔成老師：

亮晴控股（8603）於香港提供醫學美容服務，以「ｐｅｒ　Ｆａｃｅ」品牌在銅鑼灣及尖沙咀經營兩間提供非手術醫學美容服務的醫學美容中心。

並在各醫學美容中心的同一商業綜合體內擁有護膚產品零售店舖，及於中環一百貨商場內擁有銷售護膚產品及提供美甲美睫服務的兩個零售及美容專櫃。

佢透過非手術醫學美容服務、傳統美容服務及銷售護膚產品，向客戶提供全方位療程解決方案。

非手術醫學美容服務分為能量儀器療程及微創療程；傳統美容服務包括面部、美甲及美睫服務。

表面上行業不差，但佢過往業務卻一般，第一規模唔算大，第二，生意增長力不強，第三，獨特性不強，第四，盈利波動，近年都有虧損情況。雖然近年有收購發展等因素，但在近年處虧損狀態下，風險較高，投資價值不算高。

------------------------------------------------

Q22244：

龔sir, 我再有問題想請教，現在大陸政府實行反壟斷法，但我們投資者偏向投資壟㫁企業或寡頭壟斷，例如福壽園，我們日後有什麽注意既地方，謝謝🙏

龔成老師：

的確會有一些不確定的風險。

但我地最重要分析，是政府背後所想，是甚麼原因要監管相關行業，是擔心企業太過大間，勢力太大？擔心對消費者不利？擔心有好多中國訊息？擔心影響金融體系？

其實現時較針對的，是科網類公司，原因是這是較新的行業，之前的監管跟本進不上行業的發展，因此，當中企業能夠在較少監管情況下快速發展，而政府這刻會收緊翻監管。

至於一些較傳統的行業，就算是龍頭，例如褔壽園（1448），只要佢的龍頭不會對消費者或一些體系造成影響，中央相對會無咁擔心。

當然，我地無可能完全知道中央點定之後的監管，但我地可以從佢背後的目的著手。

------------------------------------------------

Q22245：

老師，我想請教，45歲沒有子女，有自住屋及一間收租，收入剛到好夠生活開支，壓力不算很太大，手上沒有股票，現在手上沒有股票，見最近股市有回調，想建立一個平衡組合！

醫療 1833或1177
房托 823、778或435
銀行 939、1398或2388
公用 2638、270或02
運輸66或548
汽車 175或1585
（1211想要等回落180蚊左右）

這些都是老師推介過的，因剛開始入市，想先從每個板塊中各選一隻，之後再慢慢入市分散風險，請老師幫忙各選一隻，感謝！

科技股買3067及285可以嗎

龔成老師︰

以你45歲年紀，都有增長的需要，但就要保守少少，以較平穏增長股票為主。

你列出的股票，都係有質素，我會建議你用1177, 0823, 2388, 0270, 0066作為目標。

這些股票，現價都合理，可以分注。但中生(1177)只算合理區頂，入貨時不要太大注。

至於汽車股方面，其實3隻當中，比亞迪(1211)一定係最好，但現價太貴，要回到$180才可小注月供，回到$135才可開始直接入貨。

你可以先投資雅迪控股（1585）或者吉利(0175)，但2隻都仲係貴，要等佢回多少少，才好入市。

如果你係睇好新能車，其實我較建議先用GX中國電車（2845）作目標。

這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

由於近期不少車股被炒起，此股現價略貴。無貨可以現時入少少，到有明顯回調才再慢慢加注。

潛力度是有的，但會比較波動，如投資宜慢慢分注，可長線。

至於科技股，安碩恒生科技(3067)和比亞迪電子(0285)都可以，前者係合理區頂，可小注。後者偏貴，回多1,2成才好考慮。

質素上，2隻都係有，但安碩恒生科技(3067)係一籃子科技股(當中包含0285)，較有分散風險能力。

------------------------------------------------

Q22246：

1. 你好，最近有不少財經類專欄 有分享不少人公開表示美股即將迎來大跌市 連富爸爸窮爸爸作者都有。

雖然我冇玩美股 但美股大跌都會影響港股 本來想分注入場 係未應該睇下情況先？

但另一方面 我又覺得他們說的都只係將來有機會 沒有人知道是幾時出現 一直空等 都可能是時間成本

2. 早晨，最近睇緊你既書，有少少不明的地方想問。初階者 可以用市盈率作比較，其中提到行業市盈率 以及預估市盈率

行業市盈率 係要自己計出來的嗎？ 要計行業中全部公司的市盈率嗎?

預估未來市盈率 係如何去預估將來的盈利 或者應該問睇咩資料去預估 睇年報中的關於將來的資料 企業應該會盡量寫好的方面吧？

龔成老師︰

1) 我地投資唔應該用"估走勢"架方法去投資，正確方法應該係去理解企業長線質素和前景，再了解佢處於平定貴，之後去進行資金配置。

無人會知聽日或者幾時會大跌市，現時恆指在合理區，你應因應目標企業現時平貴，去定投資策略，而唔係去估。

2) 其實市盈率係其中一個估值方法，這個方法較易和大多數企業都適用。但更理想，係利用不同估值方法，去為企業計出一個較立體的估值，咁就最穏當。

市盈率，就係市價/每股盈利。當市盈率較高，我地一般會應為個股價就係較貴。但至於多少市盈率為之高，無一個標準答案，不同企業和行業，都會有所不同。

你要懂得如何分析一間企業優勢，一個行業發展、特性、財務狀況等，才會有一個較明確的答案。我在股票班都要用數小時解釋，因為這部份係有點複雜。

而預測市盈率，係對一個未來估算。去估計企業未來盈利，來得出一個市盈率數字。由於只係估算，故作參考好了。

------------------------------------------------

Q22247：

龔老師，本人目前23歲，我想分享我人生第一次較大的虧損（雖然只是短期波動），請教老師這決定是否正確，我賣出了部分阿里巴巴。

未賣出它佔我組合約20%，平均買入價為228，是合理頂區。 賣出後佔組合約10%。我賣出我理由是想減少單一科網股 比重，

而且 我對它的質素不了解，帳面虧損上（每手蝕3000左右），因此狠心做此決定，希望老師指點。

龔成老師︰

首先，我地投資一隻股票，必需對佢本身質素、行業、財務狀況等，要有一定程度了解。否則，你係唔應該去投資。

至於我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

阿里巴巴(9988)係有質素，任何股票中短期都會有機會出現波動，只要長線質素不變，你係應該持有。

但你所講，佔組合較多，所以沽少少，這一點係正確。個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

但阿里(9988)其實唔算超標好多，其實你唔沽都可以，等新資金去令組合慢慢平衡翻，都係可以。

------------------------------------------------

Q22248：

老師你好，謝謝你耐心回答，想問下 我既組合有冇問題。

我現時29歲 有30萬現金，股票有約51萬

我持有︰
9988@500股 235買入
6618 @500股 149.6買入
6993 @2000股 15.1買入
1177@10000股 7.28買入
1833@300股 98買入

平穩增值方面
1038 @ 1500股 46買入
270 @10000股 12.1買入
823 @500 股 43買入

新經濟股一沉不起，每逢買入都跌，持續半年都冇起色，我都幾擔心，雖然要用時間等待，但我開始冇咩信心，成哥我既組合請你詳細比D意見及30萬現金如何安排好？

龔成老師︰

你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

近期中央不少政策出台，都係針對大型科技企業，令股價受壓係正常。雖然對佢地未來收入，可能有影響，但唔算好嚴重。

你現時持股，都係有質素，你照長線持有就可以。

但係組合配置上，你要留意一點。任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

你現時阿里(9988)和粵海(0270)都有超標情況，但由於佢地都高質，你可以照持有。但未來新資金，就暫時不要投資這2個企業，令佢比重慢慢回復平衡。

------------------------------------------------

Q22249：

龔sir你好，留意了你的page已有一段時間了，發覺你在分析理論上很中肯和有道理。我也買了你的書80萬富翁 和 股票勝經睇。

發覺當中好多活知識在，實在物超所值。當中引述一些名人金句更令我雄心壯志。所以最近都想去實踐財富增值的道路上。

現時我今年生日後30歲，沒有接觸過任何理財知識和方法。之前儲蓄好一筆資金和留意了市場一段時間，最近決定入市股票市場上。

現時我組合如下, 想請教下我這個配搭可以嗎？

如之後仍想增持，應投放資源去那這股份比例上較好？ 6626係我研究應為是未來3年內裏俱有爆發潛力的心水股！

TOD概念+大灣區發展， 物管服務業我相信係未來一個不錯的版塊之一，加上這間公司本身這三年的盈利也不差，有持續性增長。我打算長期持有先觀察3年，

這時間內會睇時機再增持。 另外阿sir,我發覺只從入市後，好似對短期股價的波動會神經化敏感左……想問應該如何對抗這種心態上的變化？

另外我本來睇好9868的發展，但始終認為佢現時股價太貴了和波動上落太大了，未來相信會出現市場回調到一個合理水平。

即管我在$166.1時曾入手一手，但也在10%止蝕位上放售了，從而把這筆資金再+一點入手了現價的9988。 望指教一下， thanks you sir。 祝身體健康。

6626@$5.028 x10000
1810@$26.01 x1000
6830@$1.8387 x16000
9988@$195.7 x100

龔成老師︰

只要你唔好停留係散戶思維，覺得投資就係賺差價。明白到投資目的係將只會貶值現金，轉化成資產的過程。

而資產只要有質素，佢係會長線不斷幫你財富升值，所以你其實係無必要因為短線升少少，就去沽出。

你現時持有股票，都係有質素，可長線持有。

除了華眾車載(6830)要留意，佢唔係無質素。但見佢盈利和股價都幾波動，加上佢負債都唔少，質素只算一般，不宜太大注。

另外，你唔好用價格升跌，去決定是否持有一隻股票，咁係好錯。我地買入後，只會視乎佢質素，去決定是否持有。

如果企業有質素，但股價短期下跌，就不用擔心，照持有就可以。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

至於小鵬汽車（9868）有質素。

佢係中國領先的智能電動汽車公司，以領先的軟件、數據及硬件技術為核心，為自動駕駛、智能互連和核心汽車系統帶來創新。

佢於2015年成立，根據數據顯示，可以話係中國唯一一家自主開發包含定位和高精地圖融合、感知算法和傳感器融合及行為規劃、運動規劃和控制的全棧式自動駕駛技術，並在量產汽車上應用該軟件的汽車公司。

佢最新自主研發的自動駕駛系統XPILOT 3.0是目前市場上所售汽車中已採用的最先進的自動駕駛技術之一。

佢於2020年係廣東肇慶工廠開始生產 P7。通過與海馬的承包生產合作在其位於河南省鄭州市的工廠生產G3。肇慶工廠和海馬工廠的年產能分別高達10萬輛及15萬輛。

佢的實體銷售和服務網絡包括約200間門店及數十個服務中心，覆蓋中國幾十個城市。全國共有約200個小鵬品牌超級充電站，覆蓋多個城市。

近年業務增長快述，加上前景正面，這股有長線投資的價值，但現價就唔算平，小注投資都可以的，但預佢股價上落會大少少。

------------------------------------------------

Q22250：

你好龔sir,有以下幾個問題希望你可以指點一下：

我42歲，先生43歲，有兩11 和8歳小朋友，有$1200萬現金，年尾想用BNO Visa 移民英國,有以下幾個問題：

1）係香港買$500樓定英國買樓好？如果係香港買樓，我哋英國就會租樓$16000

2）有冇啲$500萬穩健投資年回報10%介紹？例如收股息，基金，滙率掛鉤…..

萬感謝你的回覆

龔成老師︰

1) 從租金回報率計，香港整體租金回報，係會較英國為弱，即係英國樓一般會係相對較平。

而且，你會係移居當地，在香港留下物業收租，可能會較難打理。因此，我比較建議你係英國置業。

2) 你長線，可以投資以下平穏增長股，拉長計會有年均10%增長，但當然不是保證。

而且，係要長線去拉平均計。你年尾就移民，只有不到半年，由於時間太短，不宜作任何投資，最多做定期好了。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

------------------------------------------------

Q22251：

龔sir, 你好! 小弟今年四十四，未有家室， 近半年開始留意你專欄，覺得你的投資慨念好好，幾個月前開始接觸股票，年青時係月光族無咩儲蓄，

近幾年才積極儲錢，幾個月前開始月供小量股票和直接買入股票，組合有以下幾隻，希望龔sir可以給于一下意見，小弟萬分感激！

股票組合

月供 ：0823($1000)、 0939($1000)、0968($2000)
股票： 1686、3067、0293、1310、3339

以上組合是否平均？我希望幾年可以有比較明顯的財務增長，可以五十歲左右有些少資產，最後我想講我報讀左你九月開的投資倍升股課程，到時可以和你見面!

謝謝你!

龔成老師︰

以你44歲年紀，投資上都可以用增值，作為目標。

你現時月供和持股，大致上無問題。但你相增長力高D，你可以將建行(0939)，換成指數基金。因為建行係有質素，但只係收息股，增長力唔會明顯。

持股當中，國泰（0293）的質素只是一般。

其中一個風險，是油價，睇翻佢過往多年，油價對佢成本影響好大，令佢盈利十分波動，就算佢利用對沖，都唔係好成功，反而試過因對沖而蝕大錢。

另外，航空業對經濟週期較敏感，收入不穩，同時唔算係一個好賺錢的行業，因此這股的質素只是一般。

就算比佢「捱過這疫情這一關」，你都唔好預佢賺錢能力方面有好大改善。

中國龍工（3339）以企業的質素來計只屬中等，業務波動是風險，因此投資不能大注。但長線基本上可以的。

現時大市只在合理區，每月資金唔好盡用。最好留有部份，等大跌市出現時，可以用來掃貨。

股票班見!

------------------------------------------------

Q22252：

老師，有一理財問題想請教您，我對股票投資一點心得都沒有，但年近退休了，更加唔敢投資。

想請教您對政俯年金睇法，我初步了解，對長者資金唔多，將100萬投資落去，每月取回5千幾，約16年用晒本金，之後每年都有5千幾發放，再申請長者津貼有3千幾，合共8千幾，

直至身故，應該夠每月生活基本開支。請問有另一個投資途徑投資效益更高嗎？

謝謝妳的指導。

龔成老師︰

你計算大致正確，以100萬安老年金加長者津貼，每月大約有8千多現金流，直至身故。

但你要明白，貨幣由於可以無限發行，因此貶值係必然的事。你用今日的物價指數去計，8千多可能足夠你生活，但到若干年後，就未必再足夠。

因此，你要在年金以外，你最好自行累積一筆財富，到退休時換成收息資產，去增高退休後現金流收入。

假設你現時尚在年青至中年階段，你可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

由於潛力股有一定風險，若你年紀較大或投資經驗較淺。這部份，就不要佔太高比重。

餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q22253：

午安龔老師, 我今年已经56歲, 時間飛逝, 好快10年到退休, 冇樓的我只有租, 只希望能增值為退休多增點錢, 想請教:

1. 儲蓄只有50萬, 可以點增值？

2. 每月只能儲8仟, 我知道可以供股, 但银行每月供股不用手續費嗎？

3. 持有股票有#939 (10000), #1398 (5000), #2388 (2000), #1086 (3000), #3988 (5000), #270 (2000), 组合可以嗎？需要調整嗎？

先謝龔老師！

龔成老師︰

1) 以你的年齡，其實已開始為退休做準備，但同時，財富仍有增長力（但不是進取），因此，你可以投資「平穩增值股」+「收息股」。

現時的50萬，暫時只能動用$20-30萬，因為大市唔算平，你要分注投資，同時約留下一半資金。長線投資。

同時，你可以做月供股票，供「平穩增值股」+「收息股」。每月供$4000，餘下$4000就連同其他餘下資金，等大跌市機會。

但就隨著年齡增加，慢慢增加收息股的比例。到退休時，收息股應佔100%。

平穩增值股，例如指數基金、金沙（1928）、長建（1038）、中銀（2388）、港鐵（0066）、恆基（0012）、粵海（0270）、領展(0823)。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

2) 有手續費，但若你投資經驗較淺，我建議用月供儲貨，去減少價格波動的風險。

3) 你現時持有股票，大體上都有質素。

當中好孩子（1086）係中國的國際兒童耐用品公司，主要從事嬰兒推車、兒童汽車安全座、嬰兒床、自行車、三輪車及其他兒童耐用品的設計、研發、生產、營銷及銷售業務。

過往業務不過不失，雖然都有生意，但增長力唔強，到近期的業績有轉弱情況，相信對經濟較為敏感，中短期都會較弱。

現價合理的，但就唔好睇得太好，整體投資價值中等，不宜持有太多。

但你持股組合，有個較大問題，就係太集中係銀行股。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

但盈富(2800)係不受此限，因為它是一個包含58間優質企業的基金，這些企業來自不同行業。因此，盈富(2800)就算在組合中佔較大比重，都唔會造成過度集中性風險。

因此，你要沽出部份銀行股，換至其他優質股上，去平衡這個風險。

------------------------------------------------

Q22254：

你好，龔成老師。我40歲, 太太33歲，跟太太月入5萬，有270萬的樓宇貸款，每月供樓, 儲蓄後預留1萬投資，另有現金50多萬。現持有以下股票：

2, 500股 @ 77.25
3, 2152股 @ 12.58
5, 400股 @ 49.33
12, 1000股 @ 34.22
66, 500股 @ 43.51

388, 100股 @ 466.57
823, 200股 @ 73.74
1810, 400股 @ 24.81
2800, 1000股 @ 28.47
2845, 100股 @ 122.01

3067, 1300股 @ 16.50
3690, 100股 @ 293.63
3988, 20000股 @ 3.30
6666, 2500股 @ 10.74

以下問題想向你請教：

1)打算每隔3,4月個買入幾隻潛力股 (2800, 3067, 6666),做到月供嘅效果, 咁樣可以嗎？

2)以上組合是否太分散？如果再買入晤同潛力股(1211, 1448, 9988)可以嗎？

3)你對於這個組合有意見可再給我嗎？ 謝謝你解答。

龔成老師︰

1) 只要你係不理當時價格，定時定額咁去儲貨，都可以做到月供的效果。

你現時想買入股票，都係可以。盈富(2800)和恒大物業(6666)係平穏增長型，而安碩恒生科技(3067)係潛力股，都適合你。

2) 你組合明顯係太散，長線最好集中係10隻左右，會較易打理。潛力股(1211, 1448, 9988)都有投資價值。

但比亞迪(1211)現價偏貴，最好回到$180才考慮小注月供，直接買要等到$135左右。

另外，潛力股雖然有增長潛力，同時風險都較高，不宜持有過多。

以你40歲年紀，潛力股可佔約4成，餘下應用以下平穏增長股。若你投資經驗較淺，潛力股比重，要再調至2成以下。到你學到一定投資知識，才慢慢調高。

其餘部份，你應集中係一些平穏增長股部份，組合才算得上平衡。

平穏增長股：指數基金、金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)

3) 美團(3690)波動性較大，不宜佔比重過高。

------------------------------------------------

Q22255：

老師，請問如果我想3年後買樓，呢3年我預計每月最少儲2萬，其實呢3年時間係咪唔應該攞錢去投資，而係儲現金呢？

龔成老師︰

其實3年唔算長，但用投資優質股增值，都係可以，但選股上要保守少少，集中翻係波動性無咁大的"平穏增長股"類，會較合適。

你每月先用5成儲蓄，即$10000做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨。

雖然平穏增長股，波動性係無咁大，但畢竟3年都稱唔上長時間，始終會有D波動性風險，你要明白這一點。

------------------------------------------------

Q22256：

Hello龔成老師你好，本人現50歲，和太太兩人在去年都放棄朝九晚五，現金大約有$500萬，準備預留其中$100做一點小生意。每月供樓年花費大約$5萬。現在持有的股票有：

1. 粵海投資 270，2000股，$11.3入
2. 騰訊控股 700，500股，$580入
3. 中國鐵塔788，20000股，$1.07入
4. 中升控股881，1000股，$61.6入
5. 安徽海螺914，1000毆，$42.77入

6. 中國移動941，500股, $48.4入
7. 信義光能968，2000股，$10.22入
8. 香港寬頻1310，2000股，$10.2入
9. 山東黃金1787，1000股，$16.22入
10. 金界控股3918，2000股，$7.97入

11. 中國海洋石油883，4000股，$8.97入
12. 中國平安2318，8000股，平均$78入
13. 安碩 3067，2600股，平均$16.7入
14. 港鐵66，500股，$43.45入

我想請教老師：

1./ 以上組合潛力股比例是否太少？組合是否夠平均？我希望投入更多資源在增長力高的股票如平穩增長股，老師你有什麼提議？

2./ 我見大市在這段時間上上落落，以上的股票大約由上年年尾開始，已經逐少買入，在這種情況底下，你建議我應該在這段時間買入什麼類型的股票比較穩陣？預留大約多少再進一步買入？

3. 我也開始留意美股，老師你認為例如TSM, AMD或TSLA在這段時間入貨可行嗎？

謝謝老師你能解答。

龔成老師︰

1) 你們年紀，應該係是時候為退休作準備，投資不可以太進取。潛力股可持有(0700, 0788, 0968, 3918, 3067)，但由於佢風險較高，只宜佔組合最多2成。

另外，個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

你現時騰訊(0700)和平安(2318)佔比較重，同埋潛力股都有少少多。但這些股票都有質素，你可以照持有。

但新資金就暫時避開這些股票，先集中在一些平穏增長股，令組合平衡翻先。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

山東黃金（1787）主要於中國從事黃金採礦及加工，以及銷售黃金產品。

資源本身有一定的價值，但盈利始終受國際黃金價格影響，本質上會較為被動，無乜價格自主能力，同時產品無差異性，是典型的商品企業。這類企業都有一定的投資價值，但就不會太高。

2) 以你現時情況，你應集中加入一些平穏增長股。

但由於你現時係做生意，收入開頭未必會太穏定。那500萬除了扣起100萬營運資金外，都要再額外留起半年生活費，以備不時之需。

現時大市在合理區，你現有資金，可以多投資50-100萬，去分注慢慢買入平穏增長股。餘下資金，我地就等大跌市機會，才出手入貨。

3) 台積電(TSM)、Advanced Micro Devices，Inc.(AMD)、Tesla現價都唔平，最多只宜小注，或月供儲貨。

而且，這些都係潛力股類，股價上落會較大。緊記這類股票，只宜佔你組合2成。

------------------------------------------------

Q22257：

呀sir 你好 請教一下。如有我有$6M 應該點樣部署？對股票唔太識，有睇開你Page.

6M要還，一年還1.2M

會唔會放曬去 收息股比較好？

龔成老師︰

由於你這些資金，係惜貸得來，而且借用年期都唔算長。我會建議將資金分成3部份，去作增值。

第一部份，係做定期，因為就算再優質股票，中短期都難保會有波動。因為1年內要還款部份，最多只可宜作定期。

其餘部份，你可以投資一些「平穩增值股」+「收息股」。

若你投資經驗較多，或者風險承受能力較強，可以較集中係「平穩增值股」。相反，你應較集中「收息股」，甚至100%用「收息股」，咁會較好。

現時大市只在合理區，你可以分注買入以下股票。但由於大市未算平，資金唔好盡用。最好留有部份，等大跌市出現時，可以用來掃貨。

同時，可以除投資平穩增長股外，同時可建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

------------------------------------------------

Q22258：

老師您好，想問下1919如果睇法。我7/7當日16.86入左3手，今日下跌到13.82，請問應否繼續持有？

或是止蝕離場？請老師指教

龔成老師︰

首先，一定要了解股價下跌的原因，基本上，股價中短期上落好正常，但如果上落太大，就要了解翻當中的事情，有無一些影響企業核心的因素。

中遠海控（1919）主要從事提供集裝箱航運、集裝箱碼頭管理與經營服務。

整體的質素算是不過不失，雖然在行業有一定的規模與優勢，但行業整體的賺錢能力無過往咁強。

經濟好轉會對佢有利，因為始終是對經濟較敏感的行業，現時的股價已反映相關利好因素。股價大升後，其後之後較難有高增長，因為已反映了利好因素，反而預佢之後轉為平穩增長。

此股都算有投資價值，但會較波動。你出現帳面虧損，主要係因為買得貴，現時回調，都只係回到較合理水平。但現價計，依然係略貴，回1、2成會合理翻d。

若你持貨不多，可以守。但若持貨較多，建議沽少少，去平衡下個風險。

另外，如果你不懂估值，去分析股票平貴。未來再投資時，建議用分注或月供策略，去減低買貴貨風險。

------------------------------------------------

Q22259：

你好 老師。我今年26歲女 ，想你幫忙審視股票組合!

背景 total本金 :$138000 現值 : $164000
買入價
285 500股 15.86
1177 6000股 7.45
1810 2400股 22.60
3601 2000股 8.7
3067 1300股 16.3

問題1 想問下持有股票有無太大問題 ，3601還可以持有嗎？我想等佢反彈先買出，可行嗎？

問題2 3067算係潛力股嗎，因為見佢都有多不同組合 風險係咪無相對其他潛力股大？

問題3 心水想入價 有1830，2845，1448,2318 知道自己現時潛力股較多 想儲多d現金入翻平穩增長股 現時組合照持有定係需賣出？

最後好想多謝你教識我長期持有，令到我現時有少少少回報，雖然我唔叻但係已經好開心 會繼續長期持有 等待更多的回報 多謝你!辛苦了!

龔成老師︰

1) 你現有持股，大致上都大質素。

魯大師（3601）係中國的個人電腦及智能手機硬件和系統評測及監控解決方案供應商。

睇翻佢業務，佢主要為用戶免費提供檢測及優化個人電腦及移動設備性能的工具軟件。集團的產品包括魯大師軟件個人電腦版、魯大師軟件移動設備版、手機模擬大
師、Ｄｕａｌ　Ｓｐａｃｅ、ＡＩｍａｒｋ、Ｅａｓｙ　Ｃｌｅａｎ及３６０省電王。

佢透過免費提供工具軟件累積用戶基礎，並自線上流量變現（包括線上廣告服務及線上遊戲業務）及電子設備銷售賺取收入。

業務發展不差的，但規模不大，獨特性未算好強，要注意相關風險，要控制注碼。現貨可持有，但不要再加注。

另外，你而家組合全部都係潛力股，佢地雖然有增長潛力，同時風險都較高，不宜持有過多。

你算年青，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

未來時間，你就要加大翻平穏增長股部份，令組合更平衡。這些股票現價合理，可以分注。

平穏增長股：指數基金、金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)

2) 安碩恒生科技（3067）係潛力股，有長線投資價值。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。

所以有長線持有價值。由於基金有30隻股票，比起單一股票，風險能減低。這基金上落較大，現價大約在合理區頂，因此，這刻不能大注投資。

最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

3) 4隻股票中，除了平安(2318)係平穏增長股外，其餘都係潛力股。建議你先加大平穏增長(但現有持貨不用沽)，令組合較平衡，才再加入其他潛力股。

若你真係好想入D福壽園(1448)和GX中國電車(2845)，佢地現價只在合理區頂至略貴，只宜好小注。

而完美醫療（1830）係貴，你要等佢有明顯回調，才好考慮。

我的資訊可以幫到你就好，但緊記相做好投資，係要保持學習。你還很年輕，要努力增進知識，和把握年輕優勢做好財富增值，去令自己早日財務自由。

------------------------------------------------

Q22260：

阿sir, 早晨. 有些問題請教下代建行業是否有前景, 其性質是否係幫地產商或政府起樓. 在港股中就只有兩隻代建股.

其中9979綠城管理控股的質素如何. PE18左右合理嗎? 謝謝

龔成老師︰

代建行業都有投資價值，背後若有較大型母企支持，會較具優勢。但整個房地產業，我自已會較睇好物管部份，好似雅生活服務（3319）這類大型物管企業。

綠城管理控股（9979）在2020年7月由綠成中國（3900）分拆上市，在內地透過與業務夥伴合作為商業項目及政府項目提供代建服務。

此股都有質素，但規模不大會略扣分。但整體而言，有投資價值。現價都算合理的。

PE18的話，算係合理區頂部至略貴。在這水平，若無貨都可以小注。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

💛午市同樣人氣爆燈🔥
.
💛良心小店 🌟何蘭正🌟 搬咗去新舖之後，已經光顧過一次晚市，覺得真係好正！🥰今次午市同樣坐無虛席，建議大家必須book枱！😆
.
🐷24小時慢烤伊比利亞叉燒 $178
🌟何蘭正🌟版本嘅黯然銷魂飯，幾乎係必點item! 🤩叉燒肉質鬆化，肉味香濃，再加上豬油撈飯、🍳煎蛋及韓國紫菜，好美味！🥰
.
💛慢煮香煎五花腩 $108
五花腩油香四溢，加上烤至微微香脆嘅意大利軟包🍞、三杯風味糖醋汁 、煎杏鮑菇及🍳香濃嘅太陽蛋，好滋味！😍
.
🍨Affogato ☕️$65
☕️Esspreso嘅微苦帶酸，與雲尼拿雪糕🍨嘅綿密甘甜相融合！冷暖交融，既係甜品，亦都係飲品！💕
.
🍹Cold Brew $55
低溫下萃取咖啡，酸度與苦澀味大為降低，但風味更甘甜醇厚！😚
.
📍何蘭正
中環雲咸街29號東方有色大廈2樓
.
#何蘭正 #holjeng_ #fusion #fusion菜 #高質 #性價比高 #抵食 #西餐 #黃店 #西餐黃店 #黃店西餐 #中環美食 #中環黃店 #高質黃店 #黃色經濟圈 #黃店地圖 #美食 #良心小店 #良心食店 #打卡美食 #打卡熱點 #打卡餐廳 #foodstagram #hkfoodie #hkfoodblogger #香港美食 #foodieyvonne黃店 #foodieyvonne中環 #foodieyvonne西餐

•
📍 Life?🎗
🗺 中環伊利近街2-4號1樓
-
真•隱世咖啡店🤣唔係講笑 呢間應該係我真係去過最最最隱世最難搵嘅咖啡店🤭兜咗幾個圈 都完全唔知個入口喺邊 好迷失😂不過搵到個入口嘅時候 就有種玩遊戲尋到寶 關卡unlocked嘅感覺🤣好正😌

上樓感覺完全唔似一間商業咖啡店 似係去咗朋友屋企多啲😆店內嘅座位就唔多 但坐得好舒服 而且環境寧靜 靜靜地想同朋友嚟傾偈依度絕對係一個好選擇😌
-
🍵Matcha Burnt Cheesecake

表面烤得剛好 不過茶味冇我想像中嘅濃郁 身為濃茶控嘅我就覺得未係好滿足😗但味道嚟講都係好食嘅~質感尚算軟滑 但未係勁creamy嗰隻😆如果中間嘅流心可以再加強少少 效果會更好！
-
🍵Genmaicha Mochi Roll Cake

相反呢個卷蛋味道幾驚喜！本身玄米茶已經係比較特別嘅選擇😋而且佢做到茶香好突出😍cream食落係好輕盈 一啲都唔會膩😌中間有粒蕨餅 冰涼q彈 甜度適中 味道好夾😆唯一美中不足 係佢嘅卷板蛋糕睇唔夠濕潤 幹咗少少 但係整體味道真係好唔錯
-
☕️Blackaccino

非常推薦嘅咖啡😚佢係cappucino嘅齋啡version😆用打奶泡嘅方式咁去打黑咖啡 有層厚厚豐盈嘅泡沫喺面 入口好順滑😋但係齋啡嘅版本就令到整體非常之清爽😍好啱夏天飲😌咖啡味道偏酸少少 但係我接受得到 認真唔錯😌
/
㩒以下分類hashtag睇更多🔍
💡#followmyfoodstep_甜品黑洞
💡#followmyfoodstep_matchaholic
💡#followmyfoodstep_飲番杯
💡#followmyfoodstep_光復香港黃店地圖

#hkfoodie #hkfood #hkfoodblogger #foodie #foodporn #foodstagram #foodiehk #foodiesofinstagram #hongkongfood #instafood #foodphotography #相機食先 #香港美食 #美食 #hkinstagram #matcha #desserts #hkinfluencer #topcitybiteshk #explorehongkong #discoverhongkong #foodblogger #hkcafe #hkcafehopping #hkcafes #cafehk

【最強小籠包】日賣300籠！元朗皮薄爆汁小籠包是如何煉成的
https://bit.ly/34nmXFu

香港人愛吃小籠包。元朗這家叫「家上海」的上海菜館，剛過去的星期日，賣出了接近300籠小籠包，就是超過1,500個，受歡迎程度不容置疑。

家上海
地址：元朗元龍街9號形點一期1058
營業時間：11:30am-3:30pm，6pm-10:30pm
電話：2602 2218
詳情： http://bit.ly/2T7yz7c

【最強蟹粉小籠包】月賣1,000隻！真正生拆大閘蟹黃蟹肉 皮薄透餡爆汁小籠包是如何煉成的？
https://bit.ly/3rl2zyn

大閘蟹季又至，想吃又懶得拆蟹，「蟹粉」系列的食物是懶人恩物，不費一絲氣力，就可以啖啖蟹黃放入口。當中以蟹粉小籠包最叫座，蟹黃油與肉汁糅合，鮮上加鮮，一口一隻，豐郁鮮味瞬間在口中爆發。

霞飛會館
地址：中環德己立街1-13號世紀廣場4樓
營業時間：星期一至日11:30am-3:30pm，6pm-10:30pm
電話：2522 7611
詳情： http://bit.ly/2lTUnIg

【$10/4隻最強生煎包】日賣500個！底脆多汁生煎包是如何煉成的？
https://bit.ly/3nHNR2c

生煎包，皮薄底脆，咬下肉汁爆開，小小的包子包含無盡的美味。

小老板
地址：北角電氣道254號華凱大廈地下A5號鋪
營業時間：11am -10pm
電話：6157 5996
詳情： http://bit.ly/2BVfnUR

美食的誕生｜北角名店葱油餅 老麵天然發酵 酥脆軟韌 葱香四溢 日限賣40件 一小時掃清
https://bit.ly/34C5Xv9

葱油餅是中式傳統小食，酥脆軟韌，葱香四溢，油而不膩。既可解饞，亦可充飢。北角的麥記美食不單生煎包出名，葱油餅亦出色。

麥記美食
地址：北角堡壘街21-23號美嘉洋樓地下
營業時間：星期二至六 11am-10pm，星期日11am-8pm
電話：2887 7851
詳情︰https://bit.ly/30L6oS8

【最強蘿蔔絲酥餅】日賣100件！人手叠酥 清甜微辣 輕薄酥脆化蘿蔔絲酥餅是如何煉成的？
https://bit.ly/38G6uxB

雪白的蘿蔔切絲、調味、炒熟，裹上細緻緊密的酥皮外層，落鑊炸至金黃，好的蘿蔔絲酥餅，外形要飽滿挺身，酥皮要均勻細緻，餡料要濃而不膩，小小一個點心包含無盡功夫，中環這家「霞飛會館」做的蘿蔔絲酥餅，則把細膩和酥脆，發揮到極致。

===================================

? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

推薦影片:
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) (https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Apple Daily) (https://youtu.be/svAF8pKszw0)
【假如沒有天價租】「福食」三老　唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台　變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)

#上海點心 #小籠包 #生煎包 #葱油餅 #蘿蔔絲酥餅
#飲食男女 #StayHome #WithMe #跟我一樣 #宅在家

飲食男女 打卡大街小巷搵食地圖
https://hk.adai.ly/e/gPF0DIjsB9

《蘋果》每日為你增值 立即訂閱
https://hk.adai.ly/e/kbo0wDsxB9

「懲罰Mee」App於5月1日正式推出後曾登香港區排行榜首位、KKBOX推出無損音質串流服務，包括16bit和24bit、LG推紫外線殺菌耳機TONE Free FN7、Sony新BRAVIA XR電視玩AI、Arlo Essential美國IP Cam、Xencelabs Pen Tablet Medium開箱及Facebook要求iOS用戶容許追蹤以協助維持免費服務，果籽《科技新G》繼續與大家回顧這個星期的重點科技新聞。
「懲罰Mee」App上架登香港區排行榜首位
「懲罰Mee」流動應用程式於5月1日正式推出，形式有點像已下架的「和你Eat」，上架初期於iOS香港地區免費App排行榜，排行更超越政府的「安心出行」，不過記者於5月7日發現「懲罰Mee」已變成第二位。據說「懲罰Mee」希望挑戰yuu及OpenRice的地位，App主要是以地圖形式，顯示參與商戶的位置及資料，亦可以商戶種類篩選。
用戶只要成為Mee會員，便可享特定優惠，App中也有「Mee分」項目，不過這個「Mee分」並不會與消費掛勾，而是用於鼓勵用戶上載相片或評語儲分，協助豐富應用程式內的資訊，儲滿指定分數便可以換領獎賞。

KKBOX推出無損音質串流服務
KKBOX終於在香港推出無損音質串流服務，同步推出16bit和24bit取樣率的無損音質音樂。KKBOX更表示它們是全港唯一，涵蓋全球三大唱片公司無損曲庫的音樂串流平台，目前KKBOX有超過7,000萬首廣東話、國語、歐美、日韓歌曲，當中超過4,000萬首16bit無損歌曲，超過300萬首24bit無損歌曲。
無損音質計劃已開放訂閱，每月收費$116，KKBOX白金會員在6月4日前有30日免費體驗，亦可以$105訂閱無損計劃；新app用戶也有14日免費試用。不過要留意無損音樂也要有硬件配合，耳機狂人Cato表示，最簡單就是使用支援Hi-Res的耳機，高階玩法就可以外接DAC甚至使用DAP。不過最重要是要留意數據用量，畢竟一首24bit音樂約100多MB。

LG推紫外線殺菌耳機TONE Free FN7
雖然LG上月宣佈退出智能電話市場，不過最新於香港還有推出無線藍牙耳機 LG TONE Free FN7，具備主動降噪（ANC）功能，內建3個高性能收音咪，偵測外界聲波消噪，而且耳膠也經特別設計，提升舒適度及阻隔外部噪音。
與其他LG無線耳機一樣，採用Meridian的數位訊號處理（DSP）音效技術，聽覺體驗逼真；比較特別的是其耳機充電盒，加入了UVnano紫外線殺菌功能，接線充電時透過紫外線殺死耳塞高達99.9%的大腸桿菌和金黃葡萄球菌。充電盒上也有LED燈，讓用家觀察其充電和消毒狀態，官方指耳機於關閉主動降噪情況下可用7小時，亦設快速充電功能，充電5分鐘，最長可使用1小時，建議零售價$1,599。

Sony新BRAVIA XR電視玩AI
Sony推出旗下BRAVIA XR電視系列，包括8K LED、4K OLED和4K LED電視。今年最主要的升級就是改用Cognitive Processor XR處理器，使用AI人工智能提高電視的畫質和音質表現。處理器會模擬人類的視聽方式，獨立偵測和分析色彩、對比度和細節，聲音方面能將任何聲音轉換為3D環繞聲音效。全新BRAVIA XR電視將改用Google TV系統以及兼容HDMI 2.1。
A90J為MASTER Series，使用OLED面板，有65吋和55吋型號。現場觀看A90J播放HDR影片時，對比度表現非常好，高光位置亮度極高，同時黑位保持深邃，色彩表現也很好，升級後的音響表現也非常震撼。65吋的X95J採用X-Wide Angle技術，令螢幕的可視角度極高，極側角度觀看時也能維持色彩和亮度。X90J系列售價$14,990起，X80J系列售價$7,490起。

Arlo Essential美國IP Cam
美國Arlo最近推出了新款Essential室內攝影機（IP Cam），想隨時監察家中狀況，又不想買中國牌子的話就很適合。早前我們測試過Arlo的4K IP Cam以及智能門鈴，這次的Essential系列定價較便宜。
Arlo Essential室內攝影機定位是室內使用，功能上和高階機種相似，支援1080P串流監控以及錄影、雙向語音對話、警報器、夜視功能，以及Arlo出色的動作偵測警示功能，搭配Arlo Smart訂閱就有自定偵測範圍功能。

家中有寵物或者需要照顧嬰兒就非常適合，隨時可以查看家中狀況。新機也加入隱私保護盾功能，用家回到家後可關閉鏡頭以及麥克風，保護自己的私隱。新機安裝方法非常簡單，連接電源線後開啟app配對後即可使用，所有影片會上傳至Arlo雲端儲存。

Xencelabs Pen Tablet Medium開箱
美國品牌Xencelabs推出中型數碼繪圖筆與繪圖板Pen Tablet Medium，這款繪圖板設計簡潔 8毫米厚，繪圖區大小約32 x 23厘米，有效面積縱橫比16:9。除了接線使用，官方指充電2.5小時，可無線使用最長16小時。
Pen Tablet Medium的特別之處是配有兩支不同直徑的繪圖筆，細筆有2個可自訂按鈕和頂端橡皮擦功能，另一支3按鍵筆更可代替滑鼠按鍵的功能，方便無縫切換專案。兩支筆都支持8192級的壓力敏感度及傾斜功能，沒有明顯的延時情況。
標準版包括數位畫板、一支細筆和一支3按鍵筆、6個標準筆尖及4個毛氈筆尖等，售價HK$2,180；，套裝版本更包括Quick Keys遙控器，提供5組8鍵，共40個可自訂的快速鍵組合，上面是個OLED螢幕，顯示每個按鍵的快捷功能設置，售價HK$2,980。

Facebook要求iOS用戶容許追蹤以協助維持免費服務
蘋果最近推出iOS 14.5系統更新，新增應用程式追蹤透明度功能，讓用戶自行選擇，是否容許應用程式追蹤資料作廣告用途，不過Facebook非常反對措施，認為會影響其廣告業務。不少用戶在升級iOS 14.5後，也接收到Facebook的通知，指允許Facebook追蹤資料能協助它們維持免費服務。有網上分析指Facebook是暗示日後或會收費，事態發展如何也無從得知，不過記者按下要求應用程式不要追縱，暫時不見有任何異樣。

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#Mee #Sony #KKBOX #BraviaXR #無損音質
#果籽 #StayHome #WithMe #跟我一樣 #宅在家

香香麵包，前身香香餅家，1966年由姜勝和於西環爹核士街創立。他大半生佇立面對熊熊爐火，手搓着麵糰，焗出一磚磚實而不華的方包條，讓香香麵包，由小小生意，蛻變成香港第二大麵包生產批發商，堅持香港製造，恪守良心食品。如今姜老先生九十有八，已將香香付託第二代——兒子姜智深和其太太手中。兩人也勤奮半世，今生無悔，只盼努力盡今夕。「麵包，是有生命的。」姜智深學着父親的口吻。念茲在茲，非金錢，非舊事，非前程也，卻是那磚煥發生命力的麵包。

香香麵包
地址：香港仔黃竹坑道18號瑞琪工業大廈3樓B座
電話：2818 7334

勝香園
地址：中環美輪街2號
電話：2544 8368
營業時間：星期一至六8am-5pm；星期日及公眾假期休息

瑞士咖啡室
地址：中環利源西街12號號地下
電話：2111 0841
營業時間：星期一至六7am-7pm；星期日及公眾假期8am-6pm


足本訪問： https://bit.ly/3dG2a56




===================================

? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

推薦影片:
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) (https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Apple Daily) (https://youtu.be/svAF8pKszw0)
【假如沒有天價租】「福食」三老　唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台　變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)

#香港製造 #麵包批發商 #香香麵包 #勝香園 #瑞士咖啡室
#飲食男女 #StayHome #WithMe #跟我一樣 #宅在家

飲食男女 打卡大街小巷搵食地圖
https://hk.adai.ly/e/gPF0DIjsB9

《蘋果》每日為你增值 立即訂閱
https://hk.adai.ly/e/kbo0wDsxB9